De 130. Psalm.
1. En Leed up de Reis’ na Jerusalem.
Ut de Deepe, HErr, rop ik to Di.
2. HErr, hör min Stimm, lat Din Ohren marken up de Stimm vun min Flehn! Ps. [5, 2.] [102, 2.]
3. So Du wullt, HErr, Sünn toreken, HErr, wokeen ward bestahn?
4. Denn bi Di is de Vergebung, dat man Di fürchten schall. Jes. 55, 7.
5. Ik töv up den HErrn, min Seel tövt, un ik höp up Sin Wort. Ps. [27, 14.]
6. Min Seel tövt up den HErrn vun een Morgenwach bet to de anner.
7. Lat Israel up den HErrn höpen, denn bi den HErrn is de Gnad un veel Erlösung bi Em,
8. Un He ward Israel erlösen ut all sin Sünd. Jer. 31, 11.