CHAPITRE XXVII. [i.e., xxv.]
[227] NOSTRE PRINSE PAR LES ANGLOIS.
[274] LA Virginie est le continent de terre, que les anciens appelloyent, Mocosa, entre la Floride, & la nouuelle France sur les 36. 37. & 38. degrez d'eleuation. Ce païs auoit premierement esté descouuert, & saisi par Iean Verazan au nom de François premier (ainsi que nous auons dit cy deuant) mais les Anglois l'ayants recognu despuis, sçauoir est l'an 1593. & 1594. en fin l'a sõt venus habiter, despuis seulement sept, ou huict ans. Leur demeure principale, qu'ils appellent Ieutom, est distante de S. Sauueur où nous nous estions logez d'enuiron 250. lieües par droictes routes. Regardez [228] s'ils ont bien dequoy nous quereller.