CHAPITRE XXIX. [i.e., xxvii.]
LES EXPEDIENTS TROUUEZ POUR REUENIR EN FRANCE, & COMME TRENTE DE NOS GENS Y ARRIUERENT APRES PLUSIEURS TRAUAUX.
LE Capitaine Anglois appellé Samuel Argal, & son Lieutenant, dit Guillaume Turnel, commencerent à traicter de nostre retour selon leur promesse auec nostre Capitaine la Saussaye. Les Anglois offroyent des conditions bien iniques, mais pour le faire court, la conclusion fut qu'vne [249] chaloupe nous restant de deux, q̃ nous en auions, ils nous en l'aisseroyent vne, & qu'auec icelle nous allassions où Dieu nous conduiroit. Le Capitaine Anglois, cauteleux qu'il est; voulut auoir vn escrit, signé de la main de la Saussaye, par lequel il tesmoignast, que c'estoit de son choix, que ce parti auoit esté prins.