À COMPLIES.
V. Converte nos, Deus, salutaris noster;
R. Et averte iram tuam à nobis.
V. Deus in adjutorium, etc.
PSAUME 4.
Cùm invocarem exaudivit me, Deus justitiæ meæ: * in tribulatione dilatasti mihi.
Misereri mei, * et exaudi orationem meam.
Filii hominum, usquequò gravi corde? * ut quid diligitis vanitatem, et quæritis mendacium?
Et scitote quoniam mirificavit Dominus Sanctum tuum: * Dominus exaudiet me, cùm clamavero ad eum.
Irascimini, et nolite peccare; * quæ dicitis in cordibus vestris, in cubilibus vestris compungimini.
Sacrificate sacrificium justitiæ, et sperate in Domino; * multi dicunt: Quis ostendit nobis bona?
Signatum est super nos lumen vultûs tui, Domine; * dedisti lætitiam in corde meo.
A fructu frumenti, vini et olei sui * multiplicati sunt.
In pace in idipsum dormiam, * et requiescam;
Quoniam tu, Domine, * singulariter in spe constituisti me.
PSAUME 30.
In te, Domine, speravi, non confundar in æternum; * in justitiâ tuâ libera me.
Inclina ad me aurem tuam, * accelera ut eruas me.
Esto mihi in Deum protectorem et in domum refugi, * ut salvum me facias.
Quoniam fortitudo mea et refugium meum es tu, * et propter nomen tuum deduces me et enutries me.
Educes me de laqueo hoc quem absconderunt mihi: * quoniam tu es protector meus.
In manus tuas commendo spiritum meum: * redemisti me, Domine, Deus veritatis.
PSAUME 90.
Qui habitat in adjutorio Altissimi, * in protectione Dei cœli commorabitur.
Dicet Domino: Susceptor meus es tu, et refugium meum; * Deus meus, sperabo in eum.
Quoniam ipse liberavit me de laqueo venantium, * et à verbo aspero.
Scapulis suis obumbrabit tibi, * et sub pennis ejus sperabis.
Scuto circumdabit te veritas ejus, * non timebis à timore nocturno.
A sagittâ volante in die, à negotio perambulante in tenebris, * ab incursu et dæmonio meridiano.
Cadent à latero tuo mille et decem millia à dextris tuis: * ad te autem non appropinquabit.
Verùmtamen oculis tuis considerabis, * et retributionem peccatorum videbis.
Quoniam tu es, Domine, spes mea: * Altissimum posuisti refugium tuum.
Non accedet ad te malum, * et flagellum non appropinquabit tabernaculo tuo.
Quoniam Angelis suis mandavit de te, * ut custodiant te omnibus viis tuis.
In manibus portabunt te, * ne fortè offendas ad lapidem pedem tuum.
Super aspidem et basiliscum ambulabis, * et conculcabis leonem et draconem.
Quoniam in me speravit, liberabo eum: * protegam eum, quoniam cognovit nomen meum.
Clamavit ad me, * et ego exaudiam eum:
Cum ipso sum in tribulatione; * eripiam eum et glorificabo eum.
Longitudine dierum replebo eum, * ostendam illi salutare meum.
PSAUME 133.
Ecce nunc benedicite Dominum, * omnes servi Domini.
Qui statis in domo Domini, * in atriis domûs Dei nostri.
In noctibus extollite manus vestras in sancta; * et benedicite Dominum.
Benedicat te Dominus ex Sion: * qui fecit cœlum et terram.
HYMNE.
De lucis ante terminum,
Rerum Creator, poscimus,
Ut pro tuâ clementiâ
Sis præsul et custodia.
Procul recedant somnia,
Et noctium phantasmata;
Hostemque nostrum comprime,
Ne polluantur corpora.
Præsta, Pater omnipotens,
Per Jesum Christum Dominum,
Qui tecum in perpetuum
Regnat cum Sancto Spiritu.
Amen.
CAPITULE.
Tu autem in nobis es, Domine, et nomen sanctum tuum invocatum est super nos; ne derelinquas nos, Domine Deus noster.
Deo gratias.
R. br. In manus tuas, Domine, commendo spiritum meum. In. V. Redemisti me, Domine, Deus veritatis. Commendo. Gloria. In.
V. Custodi nos, Domine, ut pupillam oculi. R. Sub umbrâ alarum tuarum protege nos.
CANTIQUE DE SAINT SIMÉON.
Nunc dimittis servum tuum, Domine, * secundùm verbum tuum, in pace.
Quia viderunt oculi mei * salutare tuum
Quod parasti, * ante faciem, omnium populorum,
Lumen ad revelationem gentium, * et gloriam plebis tuæ Israel.
Gloria, etc.
Ant. Salva nos, Domine, vigilantes; custodi nos dormientes, ut vigilemus cum Christo et requiescamus in pace.
ORAISON.
Nous vous supplions, Seigneur, de visiter cette demeure, et d'éloigner d'elle toutes les embûches de notre ennemi; que vos saints Anges y habitent, pour nous conserver en paix, et que votre bénédiction soit toujours sur nous. Par notre Seigneur.
Que le Seigneur soit avec vous.
Rendons grâces à Dieu.
Les Complies étant finies, on dit à voix basse:
Gratia Domini nostri Jesu Christi, et caritas Dei, et communicatio Sancti Spiritûs sit cum omnibus vobis.
R. Amen.
Après l'office, on dit tout bas:
Pater, Ave, Credo.