L'Orateur Françoys.
- La grammaire.
- L'orthographe.
- Les accents.
- La punctuation.
- La prononciation.
- L'origine d'aulcunes dictions.
- La maniere de bien traduire d'une langue en aultre.
- L'art oratoire.
- L'art poëtique.
Mais pour ce, que le dict Oeuvre est de grande importance, & qu'il y eschet ung grand labeur, sçavoir, & extreme jugement, j'en differeray la publication (pour ne le precipiter) jusques à deux, ou troys ans. Ce pendant tu t'ayderas des instructions, qui sont en ce present Livre. Lequel si je cognois t'estre aggreable, je seray plus enclin à te bien polir, & parfaire le demeurant de mon entreprinse.