LIVRE PREMIER.
§ [560] Tant fu demenés li temps, en faisant les
pourveances dou prince et en attendant la venue dou
duch de Lancastre, que madame la princesse travilla
d’enfant et en delivra par le grasce de Dieu. Ce fu
5uns biaus filz qui fu nés le jour de l’Apparition des
trois Rois, que on eut adonc en ceste anée par un
merkedi. Et vint cilz enfes sus terre, environ heure
de tierce, de quoi li princes et tous li hosteulz furent
grandement resjoy, et fu baptiziés le venredi
10ensiewant, à heure de haute nonne, ens ès saints-fons
de l’eglise Saint Andrieu, en le cité de Bourdiaus.
Et le baptisa li archevesques dou dit lieu, et le
tinrent sus fons li evesques d’Agen en Aginois et li
rois de Mayogres. Et eut à nom cilz enfes Richars,
15et fu depuis rois d’Engleterre, si com vous orés
compter avant en l’ystore.
[2] Le dimence apriès, à heure de prime, se parti de
Bourdiaus en très grant arroi li dis princes, et toutes
manières de gens d’armes qui là sejournoient ossi;
mès la grigneur partie de ses hos estoient ja passet
5et logiet environ la cité de Dasc en Gascongne. Si
vint li princes ce dimence au soir en celle ditte cité,
et là se loga et y sejourna trois jours, car on li dist
que ses frères li dus de Lancastre venoit. Voirement
approçoit il durement et estoit, passet avoit quinze
10jours, arivés en Bretagne, à Saint Mahieu de Fine
Poterne, et venus à Nantes où li dus de Bretagne
l’avoit grandement festiié et conjoy. Depuis esploita
tant li dus de Lancastre qu’il chevauça parmi Poito
et Saintonge et vint à Blaves, et là passa il le rivière
15de Geronde, et ariva sus le kay à Bourdiaus. Si vint
en l’abbeye de Saint Andrieu où la princesse gisoit,
qui le conjoy et reçut doucement, et toutes les dames
et damoiselles qui là estoient à ce jour. Li dus de
Lancastre ne volt gaires sejourner à Bourdiaus, mès
20prist congiet à sa suer la princesse et se parti o toute
se compagnie, et chevauça tant qu’il vint en le cité
de Dasc, où ses frères l’attendoit encores. Si se conjoïrent
grandement, quant il se trouvèrent, car moult
s’amoient, et là eut grans approcemens d’amour et
25entre leurs gens.
Assés tost apriès que li dus de Lancastre fu là venus,
vint li contes de Fois à Dasc pardevers yaus,
qui fist grant chière et grant reverense de bras et de
samblant au dit prince et à son frère, et se offri dou
30tout en leur commandement. Li princes, qui bien
savoit honnourer tous signeurs, cescun selonc ce qu’il
estoit, le honnoura grandement et le remercia moult
[3] de ce que il les estoit là venus veoir. En apriès, il li
recarga son pays et li pria que il en volsist songnier
dou garder jusques à son retour. Li contes de Fois li
acorda liement et volentiers. Sur ce s’en retourna li
5dis contes, quant il eut pris congiet, en son pays. Et
li princes et li dus de Lancastre demorèrent encores
à Dasc, et toutes leurs gens espars environ et sus le
pays et à l’entrée des pors et dou passage de Navare;
car point ne savoient encores de verité se il passeroient
10ou non, ne se li rois de Navare ouveroit le
passage, quoique il leur ewist en couvent, car fames
couroit communement parmi l’ost que de nouviel il
s’estoit composés et acordés au roy Henri, dont li
princes et ses consaulz estoient durement esmervilliet,
15et li rois dan Pietres moult merancolieus.
Or avint, entrues qu’il sejournoient là et que ces
parolles couroient, que messires Hues de Cavrelée et
les routes s’avancièrent à l’entrée de Navare et prisent
le cité de Mirande et le ville dou Pont le Royne,
20dont tous li pays fu durement effraés, et en vinrent
les nouvelles au dit roy de Navare. Quant il entendi
ce que les Compagnes voloient par force entrer en
son pays, si fu durement courouciés et escrisi errant
tout le fait au prince. Li princes s’en passa assés
25briefment pour tant que li rois de Navare, ce li sambloit
et au roy dan Piètre, ne tenoit mies bien tous
leurs couvens. Et li escrisi et manda li dis princes
qu’il se venist escuser, ou envoiast, des parolles que
on li amettoit; car ses gens disoient notorement que
30il s’estoit tournés devers le roy Henri. Quant li rois
de Navare entendi ce que on l’amettoit de trahison,
si fu plus courouciés que devant, et envoia un sien
[4] especial chevalier devers le prince, lequel chevalier
on nommoit monsigneur Martin de le Kare. Cilz vint
en le cité de Dasc escuser le dit roy de Navare, et
parlementa tant et si bellement au dit prince que li
5princes se apaisa, parmi tant que il devoit retourner
en Navare devers son signeur le roy, et le devoit
faire venir à Saint Jehan dou Piet des Pors, et, lui
là venut, li princes aroit conseil se il iroit parler à
lui ou il y envoieroit. Sus cel estat se parti li dis messires
10Martins de le Kare, dou dit prince, et retourna
en Navare devers le roy et li recorda tout son trettiet,
et en quel estat il avoit trouvé le prince et son conseil,
et ossi comment il s’estoit partis d’yaus. Cilz
messires Martins fist tant qu’il amena le dit roy son
15signeur à Saint Jehan dou Piet des Pors, et puis se
restraist en le cité de Dasc, devers le prince.
Quant li princes sceut que li rois de Navare estoit approciés,
il eut conseil d’envoiier devers lui son frère le
duch de Lancastre et monsigneur Jehan Chandos. Cil
20doi, à privée mesnie, se misent au chemin avoec le dit
monsigneur Martin qui les amena en le ditte ville de
Saint Jehan dou Piet des Pors devers le roy de Navare,
liquels les rechut liement, et eurent là longement
parlement ensamble. Finablement, il fu acordé
25que li rois de Navare approceroit encores le dit prince
et venroit en un certain lieu, que on dist ou pays
Pierre Ferade, et là venroient li princes et li rois
dan Piètres parler à lui, et là de recief il renouveleroient
leurs couvens, et saroit cescuns quel cose il
30devoit tenir et avoir. Li rois de Navare se dissimuloit
ensi, pour tant qu’il voloit encores estre plus segurs
de ses couvenences qu’il n’estoit; car il doubtoit que,
[5] se les Compagnes fuissent entré en son pays, et on
ne li euist en devant plainnement seelé ce qu’il devoit
ou voloit avoir, qu’il n’i venroit jamès bien à
temps.
5§ [561]. Sus ce trettié retournèrent li dus de Lancastre
et messires Jehans Chandos, et comptèrent au
dit prince comment il avoient esploitié, et ossi au
roy dan Piètre. Cilz trettiés li plaisi assés bien, et
tinrent leur journée, et vinrent ou dit liu où elle
10estoit assignée, et d’autre part, li rois de Navare et
ses plus especiaus consaulz. Là furent à Pierre Ferade
cil troi signeur, li rois dan Piètres, li princes de Galles
et li dus de Lancastre d’un costé, et li rois de Navare
d’autre, longement ensamble en parlement. Et
15fu là devisé, ordonné et acordé quel cose cescuns devoit
faire et avoir, et là furent renouvelées les couvenences
qui tretties avoient estet entre ces parties en
le cité de Bayone. Et là sceut de verité li dis rois de
Navare quel cose il devoit avoir et tenir sus le royaume
20de Castille, et jurèrent bonne pais, amour et
confederation ensamble, li rois dans Piètres et lui.
Et se departirent de ce parlement amiablement ensamble,
sus ordenance que li princes et ses hos pooient
passer, quant il leur plaisoit, et trouveroient le passage
25et les destrois ouvers, et tous vivres appareilliés
parmi le royaume de Navare, voires prendant et
paiant. Adonc se retrest li dis rois de Navare en se
cité de Pampelune, et li princes et ses frères et li rois
dans Piètres en leurs logeis, en Dasc. Encores estoient
30à venir pluiseur grant signeur de Poito, de
Bretagne et de Gascongne, en l’ost dou prince, qui
[6] se tenoient derrière; car, si com il est dit ci dessus,
on ne sceut clerement jusques en le fin de ce parlement,
se li princes aroit par là passage ou non. Et
meismement on supposoit en France que il ne passeroit
5point et que li rois de Navare li briseroit son
voiage, et on en vei tout le contraire. Dont, quant
li chevalier et li escuier, tant d’un costé comme de
l’autre, en sceurent le verité, et que li passages estoit
ouvers, si avancièrent leurs besongnes et se hastèrent
10dou plus qu’il peurent; car il sentirent tantost, puisque
li princes passeroit, que on ne retourroit point
sans bataille. Si vint li sires de Cliçon à belle route
de gens d’armes, et ossi tout darrainnier et moult
envis li sires de Labreth, à tout deux cens lances, et
15s’acompagna en ce voiage avoech le captal de Beus.
Tout cil trettiet, cil parlement et cil detriement
estoient sceu en France, car toutdis y avoit messagiers
alans et venans sus les chemins, qui portoient
et raportoient les nouvelles. De quoi, quant messires
20Bertrans de Claiekin, qui se tenoit dalés le duch
d’Ango, sceut que li princes passeroit, et que li passage
de Navare li estoient ouvert, si avança ses besongnes,
et renforça ses semonses et ses mandemens,
et cogneut tantost que ceste cose ne se departiroit
25jamais sans bataille. Si se mist au chemin par devers
Arragon, pour venir devers le roy Henri et se avança
dou plus qu’il peut. Et ossi le sievirent toutes manières
de gens d’armes, qui en estoient mandé ou
priiet, et pluiseur ossi dou royaume de France et
30d’ailleurs, qui en avoient affection et qui se voloient
avancier. Or parlerons nous dou passage dou prince,
et com ordeneement il passa et toute se route.
[7] § [562]. Entre Saint Jehan dou Piet des Pors et le
cité de Pampelune sont li destroit des montagnes et
li fors passage de Navare, qui sont moult perilleus
et très felenes à passer, car il y a telz cent lieus sus
5ce passage que trente homme les garderoient à non
passer contre tout le monde. Et adonc faisoit il moult
froit et très destroit sus ce passage, car ce fu en le
moiiené de fevrier ou environ qu’il passèrent. Ançois
qu’il se mesissent à voie ne ahatesissent de passer,
10li signeur regardèrent et consillièrent comment il
passeroient ne par quele ordenance. Si veirent bien, et
leur fu dit de ceulz qui cognissoient le passage, qu’il
ne pooient passer tout ensamble, et pour tant se ordenèrent
il à passer en trois batailles et par trois
15jours, le lundi, le mardi et le merkedi. Le lundi, passèrent
cil de l’avantgarde, desquelz li dus de Lancastre
estoit chapitainne. Si passèrent en se compagnie
li connestables d’Aquitainne, messires Jehans
Chandos, qui bien avoit douze cens pennons desous
20lui, tous parés de ses armes, d’argent à un pel aguisiet
de geules. Ce estoit moult belle cose à regarder.
Et là estoient li doi marescal d’Acquitainne ossi,
messires Guichars d’Angle et messires Estievenes de
Cousentonne, et avoient cil le pennon saint Jorge en
25leur compagnie. Là estoient en l’avantgarde, avoech
le dit duch, messires Guillaumes de Biaucamp, filz au
conte de Warvich, messires Huges de Hastinges, li
sires de Nuefville, li sires de Rais, bretons, qui servoit
monsigneur Jehan Chandos à trente lances, en
30ce voiage, et à ses frès, pour le prise de le bataille
d’Auroy. Là estoient li sires d’Aubeterre, messires
Garsis dou Chastiel, messires Richars Tanton,
[8] messires Robers Ceni, messires Robers Brikés, Jehans
Cresuelle, Aymeris de Rocewart, Gaillars de le Motte,
Guillaumes de Cliceton, Willekok, le Boutillier et
Penneriel. Tout cil estoient pennon dessous monsigneur
5Jehan Chandos, et pooient estre environ dix
mil chevaus, et passèrent tout le lundi.
§ [563]. Ce mardi, passèrent li princes de Galles et
li rois dans Piètres et ossi li rois de Navare, qui estoit
revenus devers le dit prince pour lui acompagnier
10et ensengnier le passage. En le route dou dit prince
estoient messires Loeis de Harcourt, viscontes de
Chastieleraut, li viscontes de Rocewart, li sires de
Pons, li sires de Partenay, li sires de Puiane, li sires
de Tannai Bouton, li sires d’Argenton et tout li Poitevin,
15messires Thumas de Felleton, grans seneschaus
d’Aquitainne, messires Guillaumes ses frères,
messires Eustasses d’Aubrecicourt, li seneschaus de
Saintonge, li seneschaus de le Rocelle, li seneschaus de
Quersin, li seneschaus de Limosin, li seneschaus de
20Roerge, li seneschaus d’Aginois, li seneschaus de Bigorre,
messires Richars de Pontchardon, messires
Neel Lorinch, messires d’Aghorises, messires Thumas
de Wettevale, messires Thumas Balastre, messires
Loeis de Merval, messires Raimons de Morueil, li
25sires de Pierebufiere, et bien quatre mil tous hommes
d’armes, et estoient environ douze mil chevaus. Si
eurent ce mardi moult dur passage et moult destroit de
vent et de nege. Toutesfois, il passèrent oultre, et se
logèrent toutes ces gens d’armes en le comble de Pampelune.
30Mès li dis rois de Navare amena le prince
de Galles et le roy dan Piètre en se cité de Pampelune
[9] au souper, et là les tint tout aise, il avoit bien
de quoi.
§ [564]. Ce merkedi passèrent li rois James de
Mayogres, li contes d’Ermignach, li sires de Labreth,
5ses neveus messires Bernars de Labreth, sires de Geronde,
li contes de Pieregorch, li viscontes de Quarmain,
li contes de Commignes, li captaus de Beus, li
sires de Cliçon, li troi frère de Pumiers, messires Jehans,
messires Helyes et messires Aymenions, li sires
10de Chaumont, li sires de Muchident, messires Robers
Canolles, li sires de Lespare, li sires de Rosem, li
sires de Condom, li sires de Labarde, li soudis de
Lestrade, messires Petiton de Courton, messires Aymeris
de Tarse, messires Bertrans de Taride, li sires
15de Pincornet, messires Perducas de Labreth, li bours
de Bretueil, li bours Camus, Naudon de Bagherant,
Bernart de la Salle, Hortingo, Lamit et tous li remanans
des Compagnes. Si estoient bien dix mil chevaus,
et eurent un peu plus courtois passage ce merkedi
20que n’euissent cil qui passèrent le mardi. Et se logièrent
toutes ces gens d’armes, premier, moiien, et secont,
et li tierch, en le comble de Pampelune, en attendant
l’un l’autre, et en rafreskissant yaus et leurs
chevaus. Et se tinrent là environ Pampelune, pour
25tant qu’il i trouvèrent largement à vivre, pain, char
et vin et toutes aultres pourveances pour yaus et pour
leurs chevaus, jusques au dimence ensiewant. Si
vous di que ces Compagnes ne paioient mies tout ce
que on leur demandoit, et ne se pooient abstenir de
30pillier et de prendre là où il le trouvoient, et fisent,
environ Pampelune et ossi sus leur chemin, moult
[10] de destourbiers. De quoi li rois de Navare estoit
moult courouciés, mès amender ne le pooit, et se repenti,
par trop de fois, de ce qu’il avoit au prince
et à ses gens ouvert ne aministré le passage; car
5plus i avoit de damage que de pourfit.
§ [565]. Bien estoit enfourmés li rois Henris dou
passage le prince, car il avoit ses messages et ses espies
toutdis alant et venant. Si s’estoit pourveus et
pourveoit encores tous les jours moult grossement
10de gens d’armes et de communautés de Castille, dont
il s’appelloit rois, pour resister encontre le prince, et
attendoit de jour en jour monsigneur Bertran de
Claiekin et grant secours de France. Et avoit fait un
especial mandement et commandement par tout son
15royaume à tous ses feauls et ses subgès que, sus à
perdre le teste, cescuns, selonch son estat, à piet ou
à cheval, venist dalés lui pour aidier à garder et deffendre
son hiretage. Chilz rois Henris estoit durement
amés, et ossi tout cil de Castille avoient rendu
20painne à lui couronner: si estoient tenu de li aidier,
et pour tant obeirent il plus legierement à son commandement.
Si estoient venu et venoient encores
efforciement tous les jours dalés lui où ses mandemens
estoit. Et avoit li dis rois Henris à Saint Dominike,
25où il estoit logiés, plus de soissante mil hommes,
c’à piet, c’à cheval, liquel estoient tout apparilliet
de faire sa volenté, de vivre et de morir, se il
couvenoit.
§ [566]. Quant li rois Henris eut oy les certainnes
30nouvelles que li princes de Galles o son effort estoit
[11] ens ou royaume de Navare et avoit passé les destrois
de Raincevaus et approçoit durement, si eut bien
cognissance que combatre le couvenroit au prince.
Et de ce par samblance estoit il tous joians; si dist
5si haut que tout cil d’environ l’oïrent: «Ou prince
de Galles a vaillant et preu chevalier, et pour ce
qu’il sente que c’est sus mon droit que je l’atens, je
li voeil escrire une partie de men entente.» Adonc
demanda il un clerch; il vint avant. «Escrips,» dist
10li rois Henris; cils escrisi. Là devisa de soi meismes
li rois Henris unes lettres qui parloient ensi:
«A très poissant et très honneré le prince de
Galles et d’Aquitainnes. Chiers sires, comme nous
avons entendu que vous et vos gens soiiés passet
15pardeça les pors et que vous aiiés fais acors et alliances
à nostre ennemi et que vous nous volés grever et
guerriier, dont nous avons grant merveille, car onques
nous ne vous fourfesimes cose ne vorrions faire,
pourquoi ensi à main armée vous doiiés venir sur
20nous pour nous tollir tant petit d’iretage que Diex
nous a donné, mès vous avés le grasce, l’eur et le
fortune d’armes plus que nulz princes aujourd’ui,
pour quoi nous esperons que vous vos glorefiiés en
vo poissance. Et pour ce que nous savons de verité
25que vous nous querés pour avoir bataille, voeilliés
nous laissier savoir par lequel lés vous enterés en
Castille, et nous vous serons au devant pour deffendre
et garder nostre signourie. Escript, etc.»
Quant ceste lettre fu escripte, li rois Henris le fist
30seeler, et puis appella un sien hiraut et li dist:
«Va-t-ent au plus droit que tu poes par devers le
prince de Galles et li baille ceste lettre de par mi.»
[12] Li hiraus respondi: «Monsigneur, volentiers.» Adonc
se parti il dou roy Henri et s’adreça parmi Navare,
et fist tant qu’il trouva le prince; si se agenoulla
devant lui et li bailla la lettre de par le roy Henri.
5Li princes fist lever le hiraut, et prist les lettres
et les ouvri et les lisi par deux fois pour mieulz entendre.
Quant il les eut leutes et bien imaginées, il
manda une partie de son conseil et fist partir le hiraut.
Quant ses consaulz fu venus, se lisi de recief
10la lettre et leur exposa de mot à mot, et puis en demanda
à avoir conseil. Et dist li princes, entrues que
on conseilloit la response: «Vraiement, cilz bastars
Henris est uns vaillans chevaliers et plains de grant
proèce, et le muet grandement hardemens à ce qu’il
15nous a escript maintenant.»
Là furent longement ensamble li princes et ses
consaulz. Finablement, il ne peurent estre d’acort
de rescrire, et fu dit au hiraut: «Mon ami, vous ne
vous poés encore partir de ci. Quant il plaira à monsigneur
20le prince, il rescrira par vous, non par autrui.
Si vous tenés dalés nous tant que vous arés
response, car monsigneur le voet ensi.» Li hiraus
respondi: «Diex i ait part!» Ensi demora il dalés le
prince et les compagnons qui le tinrent tout aise.
25§ [567]. Che propre jour, au soir, que li hiraus eut
aporté ces lettres au prince, s’avança messires Thumas
de Felleton et demanda un don au prince. Li princes,
qui mies ne savoit quel cose il voloit, li demanda:
«Et quel don volés vous avoir?»—«Monsigneur,
30dist messires Thumas, je vous prie que vous m’acordés
que je me puisse partir de vostre host et chevaucier
[13] devant. J’ay pluiseurs chevaliers et escuiers
de ma sorte, qui se desirent à avancier, et je vous
prommech que nous chevaucerons si avant que nous
sarons le couvine des ennemis ne quel part il se tiennent
5ne se logent.» Li princes li acorda liement et
volentiers celle requeste, et l’en sceut encores grant
gré.
Adonc se departi de l’ost et dou prince li dis messires
Thumas de Felleton, qui se fist chiés de ceste
10chevaucie. En se compagnie se misent chil que je
vous nommerai: premierement messires Guillaumes
de Felleton ses frères, messires Thumas du Fort,
messires Robers Canolles, messires Gaillars Vighier,
messires Raoulz de Hastinghes, messires d’Aghorises et
15pluiseur aultre chevalier et escuier, et estoient huit
vint lances et trois cens arciers, tous bien montés et
bonnes gens d’armes. Et encores y estoient messires
Hues de Stanfort, messires Symons de Burlé et messires
Richars Tanton, qui ne font mies à oublier. Et
20chevaucièrent ces gens d’armes et cil arcier parmi le
royaume de Navare, et avoient ghides qui les menoient.
Et passèrent le rivière d’Emer, qui est moult
forte et moult rade, au Groing, et alèrent logier
oultre en un village que on dist Navaret, et là se
25tinrent pour mieulz oïr et entendre où li rois Henris
se tenoit, et aprendre son couvenant.
Endementrues que ce se faisoit et que cil chevalier
d’Engleterre se logoient au Navaret, et encores se tenoit
li princes en le marce de Pampelune, fu li rois
30de Navare pris en chevauçant de ville à aultre, dou
costé des François, de monsigneur Olivier de Mauni,
dont li princes et tout li Englès et cil de leur lés furent
[14] trop durement esmervilliet. Et supposoient li
aucun en l’ost dou prince que tout par cautele il s’estoit
fais prendre, pour tant qu’il ne voloit point le
prince convoiier plus avant ne aler avoecques lui en
5se compagnie, pour tant que il ne savoit encores
comment la besongne se porteroit dou roy Henri et
dou roy dan Piètre: il n’estoit nuls qui en seuist à
deviner le certain. Mais toutesfois madame sa femme,
la royne de Navare, en fu moult esbahie et desconfortée
10et s’en vint agenoullier devant le prince, en
disant: «Chiers sires, pour Dieu merci, voeilliés entendre
au roy mon signeur qui est pris fraudeleusement
et ne savons comment, et tant faire, chiers
sires, par pité et pour l’amour de Dieu, que nous le
15raions.» Adonc en respondi li princes moult doucement
et dist: «Certes, dame et belle cousine, sa
prise nous desplaist grandement, et y pourverons de
remède temprement. Si vous prions que vous vos
voeilliés reconforter; car, se nous pourfitons en ce
20voiage, sachiés veritablement qu’il y partira, et
n’entenderons à aultre cose, nous revenu, si le rarés.»
La dame de ceste parolle remercia grandement le
prince.
Or fu gouvreneres et baus de tout le royaume de
25Navarre, messires Martins de le Kare, uns moult sages
chevaliers. Chils emprist le prince à mener et à
conduire parmi le royaume de Navare, et li fist avoir
gides pour ses gens, car aultrement il ne seuissent
ne peuissent avoir tenu les destours ne les divers
30chemins. Si se departi li princes de là où il estoit logiés,
et passèrent il et ses gens parmi un pas que
on appelle de Sarris, qui moult leur fu divers à passer,
[15] car il estoit petis et garnis de mauvais chemin.
Et puis passèrent parmi Epuske; si y eurent moult
de disetes, car il y trouvèrent peu de vivres, et tout
sus ce passage, jusques adonc qu’il vinrent à
5Sauveterre.
§ [568]. Sauveterre est une moult bonne ville, et
gist auques en bon pays et cras, selonch les marces
voisines. Et est ceste ville de Sauveterre à l’issue de
Navare et à l’entrée d’Espagne; si se tenoit pour le
10roy Henri. Si s’espardirent toutes les hos en celui
pays, et les Compagnes s’avancièrent, qui cuidièrent
aler assallir Sauveterre et prendre de force et toute
pillier. De ce estoient il en grant volenté, pour le
grant avoir qu’il sentoient dedens, que cil dou pays
15d’environ y avoient mis et aporté, sus le fiance de le
forterèce; mais cil de Sauveterre ne veurent mies
attendre ce peril, car il cogneurent et sentirent tantost
que il ne pooient nullement durer contre si grant
host que li princes menoit, se on les assalloit. Si s’en
20vinrent rendre tantost au roy dan Piètre et li crièrent
merci, et li presentèrent les clés de la ditte ville. Li
rois dan Piètres, par le conseil dou prince, les reçut
à merci; aultrement n’euist ce mies esté, car il les
voloit tous destruire. Toutesfois il furent pris à merci,
25et entrèrent li princes, li rois dan Piètres, li rois de
Mayogres et li dus de Lancastre par dedens, et li contes
d’Ermignach et tous li demorans de l’ost se logièrent
par les villages. Nous nos soufferons un petit
à parler dou prince et parlerons de ses gens qui estoient
30à Navaret.
Cil chevalier dessus nommet, qui là se tenoient,
[16] desiroient moult leurs corps à avanchier; car il estoient
cinq journées en sus de leurs gens, quant il se partirent
premierement d’yaus. Et issoient souvent hors
de Navaret et chevauçoient sus le marce des ennemis,
5pour aprendre le couvenant d’yaus ne quel part il
se tenoient. Et ja estoient ossi logiés li rois Henris
sus les camps et toutes ses hos, qui moult desiroient
à oïr et savoir nouvelles dou prince. Et se esmervilloit
moult li dis rois Henris de ce que ses hiraus ne
10revenoit. Si couroient ossi ses gens tous les jours,
pour aprendre nouvelles des Englès jusques à bien
priès de Navaret; et sceut li contes dan Tilles, frères
au roy Henri, qu’il y avoit gens d’armes de leurs ennemis
en garnison en le ville de Navaret. Dont il
15pensa que il les iroit temprement viseter et veoir de
plus priès; mais, ançois qu’il le fesist, il avint que
cil chevalier d’Engleterre chevaucièrent un soir si
avant qu’il s’embatirent ou logeis dou roy Henri. Et
fisent une grant escarmuce, et resvillièrent mervilleusement
20l’ost et en occirent aucuns et prisent; et
par especial li chevaliers dou get fu pris, et s’en
retournèrent au Navaret sans damage. A l’endemain,
il envoiièrent un hiraut au prince qui se tenoit à
Sauveterre, et li segnefiièrent par celi tout ce qu’il
25avoient veu et trouvé, et en quel estat si ennemi
gisoient, et quel poissance il avoient, car il en furent
tout enfourmé par les prisonniers qu’il tenoient. De
ces nouvelles fu li princes tous joians et de ce ossi
que ses gens se portoient si bien sus le frontière.
30Li rois Henris, qui estoit moult courouciés de ce
que cil Englès qui se tenoient à Navaret l’avoient
ensi resvilliet, dist qu’il les voloit approcier. Si se
[17] desloga, et toutes ses gens, de là où il estoient loget,
et avoit en pourpos que de venir logier ens ès plains
devant Victore. Si passèrent la ditte rivière qui keurt
à Nazres, et se traisent tout devant pour venir devers
5Victore. Quant messires Thumas de Felleton et li chevalier
dessus nommet qui au Navaret se tenoient, entendirent
ces nouvelles que li rois Henris avoit rapassé
l’aigue et traioit toutdis avant pour trouver le
prince et ses gens, si eurent conseil et volenté de
10yaus deslogier de Navaret et de prendre les camps,
pour mieus savoir encores le parfaite verité des Espagnos.
Si se deslogièrent de Navaret et se misent as
camps, et envoiièrent les certainnes nouvelles au
prince comment li rois Henris approçoit durement
15et le desiroit par samblant à trouver.
Quant li princes, qui se tenoit encores à Sauveterre,
entendi ce que li rois Henris avoit passet l’aigue et
prendoit son chemin et ses adrèces pour venir vers
lui, si en fu moult resjoïs, et dist si haut que tout
20l’oïrent cil qui estoient autour de lui: «Par ma foy,
cils bastars Henris est uns vaillans et hardis chevaliers,
et li vient de grant proèce et de grant hardement de
nous querre ensi. Et puisqu’il nous quiert et nous le
querons par droit, nous nos devenons temprement
25trouver et combatre. Se est bon que nous nos partons
de ci et alons devant Victore premierement
prendre le lieu et le place, ançois que nostre ennemi
y viennent.» Dont se departirent il à l’endemain
bien matin de Sauveterre, premierement li princes et
30toutes ses gens, et cheminèrent tant qu’il vinrent devant
Victore. Si trouva là li princes ses chevaliers,
monsigneur Thumas de Felleton et les aultres dessus
[18] nommés, asquelz il fist grant feste, et lor demanda
d’unes coses et d’autres. Entrues qu’il se devisoient,
leur coureur raportèrent qu’il avoient veu les coureurs
de leurs ennemis, et tenoient de certain que li
5rois Henris et ses gens n’estoient point lonch de là,
par les assens qu’il avoient veus et le couvenant des
Espagnolz.
§ [569]. Quant li princes de Galles entendi ces nouvelles,
si fist sonner ses trompetes et criier à l’arme,
10de cief en cor, toute son host. Quant il oïrent ces
nouvelles, il se remisent et recueillièrent tout ensamble:
si se ordonnèrent et rengièrent moult couvegnablement
sus les camps, par batailles, ensi que il
devoient estre; car cescuns savoit, très au partir de
15Sauveterre, quel cose il devoit faire, ne où il se devoit
traire. Si se ordonnèrent tantost, et se traist cascuns
là où il devoit aler. Là veist on grant noblèce de banières
et de pennons et de toute armoierie. Si vous
di que c’estoit une grant biauté à regarder.
20Là estoit li avantgarde si bien rengie et si bien ordonnée
qu’à parer, de laquele li dus de Lancastre estoit
chiés et gouvreneres, et avoecques lui messires
Jehans Chandos, connestables d’Aquitainnes, liquelz
y estoit moult estoffeement et en grant arroi. Là y eut
25fait par les batailles pluiseurs chevaliers. Si fist li dus de
Lancastre, en l’avantgarde, chevaliers, monsigneur
Raoul Camois, monsigneur Gautier Oursvich, monsigneur
Thumas de Daimeri, monsigneur Jehan de
Grandson, et en fist li dis dus jusques à douze. Et
30messires Jehans Chandos en fist ossi aucuns de bons
escuiers d’Engleterre et de son hostel, c’est à savoir:
[19] Cliton, Courton, Prieur, Guillaumes de Ferinton,
Aymeri de Rocewart, Gaillart de le Motte et monsigneur
Robert Briket. Et li prinches fist chevaliers,
tout premierement dan Piètre le roy d’Espagne,
5monsigneur Thumas de Hollandes, filz à sa femme la
princesse, monsigneur Hue de Courtenay, monsigneur
Phelippe et monsigneur Pierre de Courtenay,
monsigneur Jehan Trivet, monsigneur Nicolas Bonde
et des aultres pluiseurs.
10Et ensi faisoient li aultre signeur, par leurs batailles.
Si en y eut fait ce jour bien trois cens et
plus, et furent là rengié tout ce jour, ensi que
vous oés, pour attendre bataille et leurs ennemis,
se il fuissent trait avant; mais il ne vinrent point ne
15approcièrent de plus priès que li coureur avoient
esté, car li rois Henris attendoit encore grant secours
d’Arragon, et par especial monsigneur Bertran de
Claiekin qui devoit venir à plus de trois mil combatans,
et sans ces gens il ne se fust nient volentiers
20combatus. De tout ce fu li dis princes moult ewireus,
car ossi toute se arrieregarde, où plus avoit de six mil
combatans, estoit en derrière plus de sept liewes
dou pays: de quoi li princes eut, ce jour qu’il furent
rengiet devant Victore, tamainte angousse au coer,
25pour ce que se arrieregarde detrioit tant à venir.
Nequedent, se li Espagnol fuissent trait avant pour
combatre, li princes sans nulle faute les euist recueilliés
et combatus.
§ [570]. Quant ce vint au soir et qu’il estoit heure
30de retraire, li doi mareschal, messires Guichars d’Angle
et messires Estievenes de Gousenton, ordonnèrent
[20] et commandèrent de retraire et de tout homme
logier, et que à l’endemain, au son des trompetes,
cescuns se retraisist sus les camps, en ce propre couvenant
où il avoient esté. Tout obeirent à ceste ordenance,
5excepté messire Thumas de Felleton et
se route dont j’ay parlé chi dessus; car il se partirent
ce propre soir dou prince, et chevaucièrent plus
avant pour mieulz aprendre de l’estat des ennemis,
et s’en alèrent logier en sus de l’ost dou prince bien
10deux grans liewes dou pays.
Avint ce soir que li contes dan Tilles, frères germains
au roy Henri, estoit ens ou logeis le dit roy
son frère, et parloient d’armes et d’unes coses et d’autres;
si dist ensi au roy Henri: «Sire, vous savés que
15nostre ennemi sont logiet moult priès de ci, et n’est
nulz qui les resveille. Je vous pri que vous me donnés
congiet que le matin je puisse chevaucier pardevers
yaus, à tout une route de vostres gens qui en sont en
grant volenté, et je vous ay en couvent que nous
20irons si avant que nous vous raporterons vraies ensengnes
et certainnes nouvelles des ennemis.» Li
rois Henris, qui vei son frère en grant volenté, ne li
volt mies oster ne brisier son bon desir, mès li acorda
legierement.
25En celle propre heure, descendi en l’ost li dis messires
Bertrans de Claiekin à plus de trois mil combatans
de France et d’Arragon, dont li rois Henris et
cil d’Arragon furent grandement resjoy; et fu festiés,
honnourés et recueilliés si grandement comme à lui
30apertenoit.
Li contes dan Tilles ne veult mies sejourner sus
son pourpos, mès quist et pria tous les compagnons
[21] qu’il pensoit de grant volenté et à avoir. Et en euist
volentiers priiet monsigneur Bertran de Claiekin,
monsigneur Ernoul d’Audrehen et monsigneur le
Beghe de Velainne et le visconte de Rokebertin, d’Arragon,
5se il euist enduré; mais, pour tant que il estoient
tantost venu, il les laissa, et ossi li rois Henris
li deffendi que point ne leur en parlast. Li contes
dan Tilles s’en passa ossi assés briefment, et en eut
aucuns de France et d’Arragon qui avoient là sejourné
10toute le saison; et fist tant qu’il eut bien six mil
chevaux et les hommes montés sus, tous appareilliés
et bien abilliés, et estoit ses frères Sanses en se
compagnie.
§ [571]. Quant ce vint au matin, à l’aube dou jour,
15il furent tout armé et monté à cheval; si se partirent
de l’ost et chevaucièrent en bon couvenant par devers
le logeis des Englès. Environ soleil levant, il encontrèrent
en une valée une partie des gens monsigneur
Huon de Cavrelée et son harnas, qui avoient jeu le
20nuit une grande liewe en sus de l’host dou prince,
et li dis messires Hues meismes. Sitos que cil Espagnol
et François d’un costé les perchurent, il brochièrent
sus yaus et tantost les desconfirent, car il
n’i avoit que mesnies et garçons. Si furent tout tuet
25ou en partie, et li dis harnas conquis.
Messires Hues de Cavrelée, qui venoit par derrière,
fu enfourmés de cest affaire: si tourna un aultre
chemin; mès toutesfois il fu perceus et caciés, et le
couvint fuir, et le demorant de ses gens, jusques en
30l’ost dou duch de Lancastre. Li Espagnol, qui estoient
plus de six mil en une route, chevaucièrent
[22] adonc caudement avant, et se boutèrent de celle empainte
sus l’un des corons de l’avantgarde ens ès logeis
dou dit duch de Lancastre. Si commencièrent à
escriier Castille et à faire un grant esparsin et à ruer
5par terre loges et foellies, et à abattre, ochire et mehagnier
gens, tout ce qu’il en pooient trouver devant
yaus. Li avantgarde se commença à estourmir, et
gens et signeur à resvillier et yaus armer et traire
devant la loge dou duch de Lancastre qui ja estoit
10armés et mis avant, se banière devant soy. Si se traisent
Englès et Gascon moult hasteement sus les camps,
cescuns sires desous se banière ou son pennon, ensi
que ordonné estoit très au partir de Sauveterre, et
cuidièrent adonc moult bien estre combatu.
15Si se traist tantost li dus de Lancastre et se banière
sus une montagne qui estoit assés priès de là, pour
avoir l’avantage. Là vinrent messires Jehans Chandos
et li doi mareschal et pluiseur bon chevalier, qui se
misent tout en ordenance dalés le dit duc. En apriès,
20vinrent li princes et li rois dan Piètres et, tout ensi
comme il venoient, il s’ordonnoient. Et sachiés que
li contes dan Tilles et ses frères avoient avisé à venir
sus ceste montagne et prendre l’avantage, mais il
fallirent à leur avis, ensi que vous oés recorder. Et
25quant il veirent ce qu’il n’i pooient revenir et que li
hos englesce estoit priesque toute estourmie, si se
partirent et recueillièrent ensamble, et chevaucièrent
oultre en bon couvenant, en espoir que de trouver
aucune aventure. Mais, ains leur departement, il y
30eut fait aucunes apertises d’armes, car aucun chevalier
englès et gascon se partirent de leur arroi, et vinrent
ferir en ces Espagnols et en portèrent par terre;
[23] mès toutdis se tenoient les batailles sus la ditte montagne,
car il cuidoient bien estre combatu.
Au retour que cil Espagnol fisent, en eslongant le
prince et en rapprochant leur host, il encontrèrent
5chiaus de l’avantgarde, les chevaliers dou prince,
monsigneur Thumas de Felleton et ses frères, monsigneur
Richart Tanton, monsigneur d’Agorises, monsigneur
Hue de Hastinges, monsigneur Gaillart Vighier
et les autres, qui bien estoient deux cens chevaliers
10et escuiers, Englès et Gascon. Si brochièrent tantos
vers yaus parmi une valée, en escriant: «Castille au
roy Henri!» Li chevalier dessus nommet, qui veirent
devant yaus en leur encontre celle grosse route d’Espagnols,
lesquels il ne pooient eschiewer, se confortèrent
15au mieulz qu’il peurent, et se traisent sus les
camps, et prisent l’avantage d’une petite montagne,
et là se misent tout ensamble. Evous les Espagnols
venus, qui s’arrestèrent devant yaus, en considerant
comment il les poroient avoir et combatre.
20Là fist messires Guillaumes de Felleton une grant
apertise d’armes et un grant oultrage; car il descendi
de la montagne, la lance abaissie, en esporonnant le
coursier, et s’en vint ferir entre les Espagnols, et
consievi un Casteloing de son glave si roidement qu’il
25li perça toutes ses armeures, et li passa la lance parmi
le corps, et l’abati tout mort entre yaus. Là fu li
dis messires Guillaumes environnés et enclos de toutes
pars, et là se combati si vaillamment que nulz chevaliers
mieulz de lui, et leur porta grant damage, et
30moult leur cousta ançois que il le peuissent atierer.
Si frère et li aultre chevalier, qui sus le montagne
estoient, le veoient bien combatre, et les grans apertises
[24] d’armes qu’il faisoit, et le peril où il estoit; mès
conforter ne le pooient, se il ne se voloient perdre.
Si se tinrent tout quoi sus la ditte montagne en leur
ordenance, et li chevaliers se combati tant qu’il peut
5durer. Là fu occis li dis messires Guillaumes de
Felleton.
Depuis entendirent li Espagnol et li François d’un
costet, à requerre et à envaïr les Englès, qui sus le
montagne se tenoient, liquel, ce saciés, y fisent ce
10jour pluiseurs grans apertises d’armes; et à le fois,
d’une empainte, il descendoient et venoient combattre
leurs ennemis, et puis, en yaus reboutant trop
sagement, il se venoient remettre en leur montagne,
et se tinrent en cel estat jusques à haute nonne. Bien
15les euist li dis princes de Galles envoiiet conforter,
se il le seuist, et les euist delivré de ce peril; mès
riens n’en savoit: si leur couvint attendre l’aventure.
Quant il se furent là tenu et combatu jusques à l’eure
que je di, li contes dan Tilles, qui trop anoiiés
20estoit de ce que tant se tenoient, dist ensi tout hault,
et par grant mautalent: «Signeur, par la poitrine de
nous, tenront meshui ci ces gens? Nous les deuissions
ores avoir tous devorés. Avant! Avant! Combatons
les de milleur ordenance que nous n’aions fait. On
25n’a riens, se on ne le compère.»
A ces mos, s’avancièrent François et Espagnol de
grant volenté, et s’en vinrent en yaus tenant par les
bras, dru et espès, bouter de lances et de glaves sus
les Englès, et montèrent de force la montagne, et
30entrèrent ens ès Englès et Gascons, vosissent ou
non, car il estoient si grant fuison que il ne les peurent
rompre ne ouvrir. Là eut fait sus la montagne
[25] moult de belles apertises d’armes, et se combatirent
et deffendirent à leur pooir li Englès et li Gascon
très vaillamment; mès, depuis que li Espagnol furent
entré en yaus, il ne se peurent longement tenir: si
5furent tout pris et conquis par force d’armes, et en
y eut aucuns occis. Onques nulz des chevaliers et
escuiers qui là estoient, n’en escapa, fors aucuns varlès
et garçons, qui se sauvèrent par leurs chevaus et
revinrent au soir en l’ost dou prince et dou duc de
10Lancastre, qui tout le jour s’estoient tenu rengié,
armé et ordonné sus la montagne, car il cuidoient
estre combatu.
§ [572]. Apriès le prise et le conquès des dessus dis
chevaliers, li contes dan Tilles et Sanses ses frères et
15leurs gens retournèrent devers leur host, tout liet et
tout joiant, et vinrent au soir ens ès logeis le roy
Henri. Si fisent li doi frère, qui ceste chevaucie
avoient mis sus, present au roy Henri de leurs prisonniers,
et recordèrent là au dit roy, present monsigneur
20Bertran de Claiekin, monsigneur Ernoul d’Audrehen
et aultres, comment le journée il s’estoient
combatu, et quel chemin il avoient fait, et des gens
monsigneur Hue de Cavrelée, qu’il avoient rué jus,
et lui caciet jusques en l’ost le duc de Lancastre, et
25resvilliet moult durement l’ost dou dit duc, et porté
grant damage, et comment il s’en estoient parti, et à
leur retour il avoient encontré ces chevaliers qui pris
estoient. Li rois Henris, qui ces parolles ooit et retenoit
en grant glore, respondi adonc joieusement au
30conte dan Tille son frère, et dist: «Biaus frères,
vous avés grandement bien esploitié, et vous en sçai
[26] bon gré, et le vous guerredonnerai temprement, et
bien saciés que tout li aultre venront par ce pas.»
Adonc s’avança de parler messires Ernoulz d’Audrehen,
et dist: «Sire, sire, salve soit vostre grasce, je
5ne vous voeil pas reprendre de vostre parolle, mès je
le voeil un petit amender, et vous di que, quant vous
assamblerés par bataille au prince, vous trouverés là
droites gens d’armes; car là est la fleur de toute la
chevalerie dou monde, et les trouverés durs, sages
10et bien combatans, ne ja, pour morir, plain piet ne
fuiront. Si avés bien mestier que vous aiiés avis et
conseil sus ce point; mès, se vous volés croire mon
conseil, vous les desconfiriés tous sans ja cop ferir;
car, se vous faisiés tant seulement garder les destrois
15et les passages, par quoi pourveances ne leur puissent
venir, vous les affameriés et desconfiriés par ce
point, et retourroient en leur pays, sans arroy et
sans ordenance, et lors les ariés vous à vostre
volenté.»
20Dont respondi li rois Henris, et dist: «Mareschaus,
par l’ame à mon père, je desire tant à
veoir le prince et de esprouver ma poissance à le
sienne, que ja nous ne nos partirons sans bataille.
Et, Dieu merci, j’ay et arai bien de quoi; car tout
25premierement ja sont en nostre host sept mil hommes
d’armes, montés cescuns sus bon coursier ou
destrier, et tous couvers de fier, qui ne ressongneront
trait ne arcier. Et en apriès, j’en ay bien dix mil
d’autres gens d’armes, montés sus genès et armés de
30piet en cap. Dou sourplus, j’ay bien soissante mil
hommes de communautés, à lances, à archigaies, à
dars et à pavais, qui feront un grant fait, et tout ont
[27] juret que point ne me faurront jusques au morir,
siques, dan mareschaus, je ne me doi mies esbahir,
mès conforter grandement en le poissance de Dieu
et de mes gens.»
5En cel estat finèrent il leur parlement, et aportèrent
chevalier et escuier vin et espisses; si en prisent
li rois et li signeur d’environ, et puis retournèrent
cescuns en lor logeis. Si furent serementé comme
prisonniers, et departi li un de l’autre, li chevalier et
10escuier englès et gascon, qui pris avoient esté le journée.
Or retourrons nous un petit au prince, et parlerons
de sen ordenance.
§ [573]. Li princes de Galles et li dus de Lancastre
se tinrent tout ce jour sus la montagne. Au vespre, il
15furent enfourmé de leurs gens qu’il estoient tout
mort et pris. Si en furent durement courouciet, mès
amender ne le peurent. Si se retraisent à leurs logeis
et se tinrent là tout le soir. Quant ce vint au matin,
il eurent conseil de partir de là et de traire plus
20avant et se deslogièrent et s’en vinrent logier devant
Victore. Et furent là tout armé ensi que pour tantos
combatre, car il estoient enfourmé que li rois Henris
et li bastars ses frères et leurs gens n’estoient mies
trop loing, mais il ne traioient point avant. Et sachiés
25que li princes de Galles et leurs gens estoient
en grant defaute de vivres et de pourveances pour
yaus et pour leurs chevaus, car il logoient en moult
mauvais pays et magre, et li rois Henris et ses gens
en bon pays et cras. Si vendoit on en l’ost dou prince
30un pain un florin, encores tout ewireus qui avoir le
povoit, et faisoit moult destroit temps de froit, de
[28] vent, de plueve et de nege: en celle mesaise et dangier
furent il six jours.
Quant li princes et li signeur veirent que li Espagnol
ne trairoient point avant pour yaus combatre
5et que là estoient en grant destrèce, si eurent conseil
que il iroient querre passage ailleurs. Si se deslogièrent
et se misent au chemin, en retournant viers Navare,
et passèrent un pays et uns destrois que on appelle
le pas de la Garde; et quant il l’eurent passet,
10il s’en vinrent à une ville que on appelle Viane. Là
se rafreschirent li princes, li dus de Lancastre, li
contes d’Ermignach, et li signeur deux jours, et puis
s’en vinrent passer la rivière qui depart Navare et
Castille au pont dou Groing. Et s’en vinrent logier
ce jour devant le Groing ens ès vregiés desous les oliviers, 15
et trouvèrent milleur pays que il n’euissent
fait en devant, mès trop avoient grant deffaute de
vivres.
Quant li rois Henris sceut que li princes et ses gens
20avoient passet le rivière au pont au Groing, si se
desloga de Saint Vinchant, où il s’estoit tenus moult
longement, et s’en vint logier devant le ville de Nazres,
sus ceste meisme rivière. Les nouvelles vinrent
au dit prince comment li rois Henris estoit approciés.
25Si en fu durement liés et dist tout en hault: «Par
saint Jorge, en ce bastart a un vaillant homme, et à
ce qu’il moustre, il nous desire à trouver et à combatre.
Si nous trouvera temprement, et nous combaterons,
ce ne poet remanoir nullement.» Adonc appella
30li princes le duc de Lancastre son frère et
aucuns des barons de son conseil qui là estoient, et
rescrisi par leur avis as lettres que li rois Henris leur
[29] avoit envoiies, laquelle fourme des lettres devisoient
ensi.
§ [574]. «Edouwars, par le grasce de Dieu, princes
de Galles et dus d’Aquitainnes, à honnouré et renommé
5Henri, conte de Tristemare, qui pour le present
s’appelle rois de Castille. Comme ensi soit que
vous nous avés envoiiet unes lettres par vostre hiraut,
ès queles sont contenu pluiseur article faisant
mention que vous sariés volentiers pourquoi nous
10tenons à ami vostre ennemit nostre cousin le roy dan
Piètre, et à quel title nous vous faisons guerre et
sommes entré à main armée en Castille, respondons
à cestes: saciés que c’est pour soustenir droiture et
garder raison, ensi qu’il apartient à tous rois et enfans
15de roys, et pour enteriner grans alliances, que
nostre signeur de père le roy d’Engleterre et li rois
dans Piètres ont eu de jadis ensamble. Et pour ce
que vous estes renommés aujourd’ui de bonne chevalerie,
nous vous acorderions volentiers à lui, se
20nous poions, et ferions tant par priière envers nostre
cousin le roy dan Piètre, que vous ariés grant part
au royaume de Castille; mès de le couronne et hiretage
vous faut deporter. Si aiiés avis et brief conseil
sur ce, et sachiés encores que nous enterons ou dit
25royaume de Castille, par lequel lés que il nous plaira
le mieus. Escript dalés le Groing, le trentime jour
de march.»
§ [575]. Quant ceste lettre fu escripte, on le cloy et
seela, et fu baillie au hiraut qui avoit l’autre aportée
30et qui le response avoit attendu plus de trois sepmainnes.
[30] Si se parti dou prince et des signeurs à tout
grant pourfit, et chevauça tant qu’il vint devant
Nazres, ens ès bruières où li dis rois estoit logiés. Si
vint jusques au logeis dou roy Henri, et là se traisent
5li plus grant baron de l’ost, pour oïr nouvelles, quant
il sentirent leur hiraut revenu. Li dis hiraus s’engenilla
devant le roy Henri et li bailla la lettre que li
princes li envoioit. Li rois le prist et ouvri et appella
au lire monsigneur Bertran de Claiekin et aucuns
10chevaliers de son conseil. Là fu la ditte lettre leute
et bien considerée.
Adonc parla messires Bertrans de Claiekin, et dist
au roy Henri: «Sire, sachiés que temprement vous
vos combaterés: de tant congnoi je bien le prince.
15Si aiiés avis sur ce; car vous avés bien mestier que
vous regardés à vos besongnes, et entendés à vos
gens et à ordener vos batailles.»—«Dan Bertran,
respondi li rois Henris, ce soit ou nom de Dieu!
Le poissance dou prince ne prise jou noient, car
20j’ai bien trois mil chevaus armés qui seront sus les
deux èles de mes batailles. Et arai bien six mil geniteurs
et bien vingt mil hommes d’armes des milleurs
que on puist trouver en toute Castille, Galisse,
Portingal, Cordewan, Toulete et Seville, et dix mil
25de bons arbalestriers et bien soissante mil de piet à
tout lances et archigaies. Et ont tout juret qu’il ne
me faurront pour morir, siques, dan Bertran, j’en
arai le milleur par le grasce de Dieu en qui je me
confie, et le bon droit ossi que j’ay à la querielle et
30à la besongne.»
§ [576]. Ensi se devisoient li rois Henris et messires
[31] Bertrans de Claiekin ensamble d’unes coses et d’autres,
et laissièrent à parler des lettres que li princes
avoit envoiies, car c’estoit bien li intention dou roy
Henri et de monsigneur Bertran qu’il se combateroient,
5et entendirent à ordener leurs gens et leurs
besongnes. A ce donc estoient moult renommé et
honnouré en l’ost li contes dan Tilles et li contes
Sanses, pour le chevaucie que il avoit mis sus, et dont
il estoient venu à bon coron.
10Or vous parlerons dou prince comment il persevera.
Quant ce vint au venredi, le second jour dou
mois d’avril, il se desloga de devant le Groing où il
estoit logiés, et toute son host ossi. Et chevaucièrent
ses gens tout armet et rengiet par bataille, ensi que
15pour tantost combatre, car bien savoient que li rois
Henris n’estoit mies loing. Et cheminèrent ce jour
deux liewes et s’en vinrent à heure de tierce droit à
Navaret et là se logièrent. Sitos qu’il eurent pris
terre, li princes envoia ses coureurs devant pour savoir
20le couvenant des ennemis et là où il estoient
logiet. Cil coureur, tantost montés sus fleur de coursiers,
se departirent de l’ost dou prince et chevaucièrent
si avant que il veirent l’ost entierement des
Espagnolz, qui estoient logiet ens ès bruières devant
25Nazres; et ce raportèrent il au prince qui volentiers
en oy parler, et sur ce eut il avis. Quant ce vint au
soir, il fist secretement segnefiier par toute son host,
que, au premier son de le trompète, on s’apparillast;
au secont son, on s’armast, et au tierch, on montast
30à cheval et partesist, en sievant les banières des mareschaus
et le pennon de saint Jorge, et que nulz, sus le
tieste, ne s’avançast d’aler devant, s’il n’i estoit envoiiés.
[32] § [577]. Tout en tel manière que li princes de
Galles avoit, ce venredi, sus le soir, envoiiet ses coureurs
devant, pour aviser le couvenant des Espagnolz,
li rois Henris avoit ossi envoiiet les siens, pour aprendre
5de l’estat dou prince et où il estoit logiés et comment.
Si en raportèrent cil qui envoiiet y furent, le
verité, et sur ce eurent li dis rois Henris et messires
Bertrans avis et conseil. Si fisent ce venredi, de haute
heure, toutes leurs gens souper, et puis aler reposer,
10pour estre plus fresc et plus nouviel à heure de mienuit
que ordené estoit de yaulz armer et appareillier
et traire sus les camps et ordener leurs batailles; car
bien supposoient que à l’endemain il se combateroient.
Si se tinrent li Espagnol ce soir tout aise, et
15bien avoient de quoi, de tous vivres très largement;
et li Englès en avoient très grant defaute: pour ce
desiroient il moult à combatre, ou tout perdre ou tout
gaagnier.
Apriès mienuit, sonnèrent les trompètes en l’ost
20dou roy Henri. A ce son, se resvillièrent toutes
gens, et s’armèrent et appareillièrent; au secont son
apriès, environ l’aube dou jour, se traisent il tout
hors de leurs logeis, et se misent sus les camps et
ordonnèrent trois batailles. La première eurent messires
25Bertrans de Claiekin, messires Ernoulz d’Audrehen,
li viscontes de Rokebertin et li contes de
Dune, d’Arragon. Et là furent tout li estragnier, tant
de France comme d’autre pays, et y furent doi baron
de Haynau, li sires d’Antoing et messires Alars, sires
30de Brifueil. Là furent messires li Bèghes de Vellainnes,
li Bèghes de Villers, messires Jehans de Berghètes,
messires Gauwains de Bailluel, li Alemans de Saint
[33] Venant, qui fu là fais chevaliers, et pluiseur aultre
bon chevalier de France, d’Arragon, de Prouvence et
des marces voisines. Si estoient bien en ceste bataille
yaus quatre mil chevalier et escuier, moult frichement
5armé et ordené à l’usage de France. La seconde bataille
eurent li contes dan Tilles et ses frères, li
contes Sanses, et estoient bien en celle ordenance
yaus seize mil, parmi les geniteurs et chiaus à cheval,
et se traisent un petit en sus de le bataille monsigneur
10Bertran, à le senestre main. La tierce bataille
et la plus grosse sans comparison gouvrenoit li rois
Henris, et estoient en son arroi yaus bien sept mil à
cheval et quarante mil de piet, parmi les arbalestriers.
Quant il furent tout ordené, li rois Henris, montés
15sus une mule fort et rade à l’usage dou pays, se
parti de son arroi et s’en ala viseter les signeurs, de
rench en rench, en yaus priant moult doucement
que il vosissent ce jour entendre à garder sen honneur,
et leur remoustroit sa besongne de si bonne
20chière que tout en avoient joie. Et quant il eut ensi
alé de l’un à l’autre, il s’en revint en sa bataille,
dont il s’estoit partis, et tantost fu jours, environ
soleil levant. Si se misent à voie par devers Navaret,
pour trouver leurs ennemis, tout rengiet, serré et ordonné
25par batailles, ensi que pour tantost combatre,
sans fourpasser l’un l’autre.
§ [578]. Li princes de Galles, en tel manière, sus
l’aube dou jour, fu trais, et toutes ses gens, sus les
camps, et se misent en leurs batailles, ensi que il devoient
30aler et estre, et se partirent ensi ordonné; car
bien savoient que il enconteroient et trouveroient
[34] leurs ennemis; et ne chevauçoit nuls devant le bataille
des mareschaus, se il n’estoit ordenés pour
courir. Et bien savoient li signeur ens ès deux hos, par
le raport de leurs coureurs, que il se devoient trouver.
5Si chevaucièrent ensi et cheminèrent tout le pas,
li un contre l’autre. Quant li solaus fu levés, c’estoit
grant biautés de veoir ces banières venteler et ces
armeures resplendir contre le soleil. En cel estat
chevaucièrent et cheminèrent tout souef, tant que il
10approcièrent durement l’un l’autre. Et puièrent li dis
princes et ses gens une petite montagne, et au descendre,
il perchurent tout clerement leurs ennemis
qui venoient le chemin droitement vers yaus. Quant
il eurent tout avalé cette ditte montagne, il se traisent
15en leurs batailles sus les camps, et se tinrent tout
quoi. Ossi, si tretost que li Espagnol les veirent, il
fisent ensi et se arrestèrent en leurs batailles. Si
restraindi cescuns ses armeures et mist en point, ensi
que pour tantost combatre.
20Là aporta messires Jehans Chandos sa banière entre
ses mains, que encores n’avoit nulle part boutée
hors, au prince, et li dist ensi: «Monsigneur, vechi
ma banière: je vous le baille par tel manière que il
le vous plaise à desvoleper et que aujourd’ui je le
25puisse lever; car, Dieu merci, j’ai bien de quoi,
terre et hyretage, pour tenir estat, ensi qu’il apartient
à ce.» Adonc prisent li princes et li rois dans Piètres
qui là estoit, la banière entre leurs mains, et le
desvolepèrent, qui estoit d’argent à un peu aguisiet de
30geules, et li rendirent par le hanste, en disant ensi:
«Tenés, messire Jehan, veci vostre banière: Diex
vous en laist vostre preu faire!» Lors se parti messires
[35] Jehans Chandos, et raporta sa banière entre ses
gens, et le mist en mi yaus, et si dist: «Signeur,
veci ma banière et la vostre; or le gardés ensi que
la nostre.» Adonc le prisent li compagnon qui en
5furent tout resjoy, et disent que, s’il plaisoit à Dieu
et à monsigneur saint Gorge, il le garderoient bien
et s’en acquitteroient à leur pooir. Si demora la banière
ens ès mains d’un bon escuier englès que on
appeloit Guillaume Aleri, qui le porta ce jour et qui
10bien et loyaument s’en acquitta en tous estas.
§ [579]. Assés tost apriès, descendirent de leurs
chevaus sus le sabelon li Englès et li Gascon et se
recueillièrent et misent moult ordonneement ensamble,
cescuns sires desous se banière et son pennon, en
15arroy de bataille, ensi que ordonné estoient très donc
qu’il passèrent les montagnes. Si estoit ce grans solas
à veoir et considerer les banières, les pennons et le
noble armoierie qui là estoit. Adonc se commencièrent,
et tout de piet, les batailles à esmouvoir.
20Un petit devant l’approcement, et que on venist
ensamble, li princes de Galles ouvri ses yex, en regardant
vers le ciel et joindi ses mains et dist ensi:
«Vrais pères Jhesu Cris, qui m’avés fourmé, consentés
par vostre benigne grasce que la journée d’ui soit
25pour mi et pour mes gens, si com vous savés que,
pour raison et droiture aidier à garder et à soustenir,
et ce roi escaciet et deshireté remettre en son hiretage
et royaume, je me sui ensonniiés et me avance
de combatre.»
30Apriès ces parolles, il tendi le main droite au roy
dan Piètre qui estoit dalés lui et le prist par le main,
[36] en disant ensi: «Sire rois, au jour d’ui sarés vous se
jamais vous auerés riens au royaume de Castille.»
Et puis dist: «Avant, banière, ou nom de Dieu et
de saint Gorge!» A ces mos, li dus de Lancastre et
5messires Jehans Chandos, qui menoient l’avantgarde,
approcièrent. Dont il avint que li dus de Lancastre
dist à monsigneur Guillaume de Biaucamp: «Veslà
nos ennemis, mès vous me verés au jour d’ui bon
chevalier, ou je morrai en le painne.»
10En ces parolles, il approcièrent et li Espagnol ossi
et assamblèrent de premiers li bataille dou duch de
Lancastre et de monsigneur Jehan Chandos à le bataille
monsigneur Bertran de Claiekin et dou mareschal
d’Audrehen, où bien avoit quatre mil hommes
15d’armes.
§ [580]. A l’assambler de ceste bataille dont je vous
parolle, eut de premier encontre grant bouteis de
lances et grant estekeis, et furent grant temps en un
estat, ançois que il peuissent entrer li un dedens l’autre.
20Là eut fait tamainte grant apertise d’armes, et
maint homme reversé et jetté par terre, qui onques
puis ne se relevèrent. Quant ces deux premières batailles
furent assamblées, les aultres ne veurent mies
sejourner, mès s’approcièrent et boutèrent ensamble
25vistement. Et s’en vint li dis princes de Galles assambler
à le bataille dou conte dan Tille et dou conte
Sanse, et là estoit li rois dans Piètres de Castille et
messires Martins de le Kare qui representoit le roi
de Navare. Dont il avint ensi que, quant li princes et
30ses gens approcièrent sus le bataille dou conte dan
Tille, li dis contes dan Tilles ressongna et se parti
[37] sans arroi ne riens combatre, on ne scet qu’il li falli,
et bien deux mil hommes à cheval de se route. Si
fu ceste seconde bataille tantost ouverte et desconfite;
car li captaus de Beus et li sires de Cliçon et leurs
5gens vinrent sus chiaus de piet de le bataille dou
conte dan Tille, et les occirent et mehagnièrent et
abatirent et en fisent grant esparsin.
Adonc se radreça li bataille dou prince et dou roy dan
Piètre sus le bataille dou roy Henri, où plus avoit de
10quarante mil hommes, c’à piet, c’à cheval, et là commença
la bataille, et li estours grans et fors de tous
costés; car cil Espagnol et Cateloing avoient fondes,
dont il jettoient pierres et effondroient hyaumes et
bachinés, de quoi il mehagnièrent et occirent tamaint
15homme. Là fu grans li bouteis entre les batailles des
lances et des glaves, et y eut maint homme occis et
mehagnié et mis par terre. Là traioient archier d’Engleterre,
qui de ce sont coustumier, moult aigrement,
et bersoient ces Espagnolz et mettoient en grant
20meschief. Là crioit on d’un lés: «Castille au roy
Henri!» et d’autre part: «Saint Gorge! Giane!»
Et encores se combatoient les premières batailles,
cestes dou duch de Lancastre et de monsigneur Jehan
Chandos, et des deus mareschaus, monsigneur Guichart
25d’Angle et monsigneur Estievene de Cousenton,
à monsigneur Bertran de Claiekin et les chevaliers
de France et d’Arragon. Là y eut fait tamainte grant
apertise d’armes, et furent li un et li aultre moult
fort à ouvrir et à entamer. Et tenoient li pluiseur
30leurs lances à deus mains, et les boutoient en pressant
l’un contre l’autre, et li aucun se combatoient
de courtes espées et de dages. A ce commencement,
[38] se tinrent trop bien et se combatirent moult vaillamment
François et Arragonnois, et y couvint les bons
chevaliers d’Engleterre souffrir moult de painne.
Là fu, je vous di, messires Jehans Chandos très bons
5chevaliers, et y fist, desous sa bannière, pluiseurs
grandes apertises d’armes, et tout en combatant et
reculant ses ennemis, il s’encloy si avant entre yaus,
que il fu pressés et boutés et abatus à terre; et chei
sus lui uns grans homs casteloing, qui s’appelloit
10Martins Ferrans, qui moult estoit, entre les Espagnolz,
renommés d’outrage et de hardement. Cils
mist grant entente à occire monsigneur Jehan Chandos,
et le tint desous lui en grant meschief. Adonc
s’avisa li dis chevaliers d’un coutiel de plates qu’il
15portoit à son chaint: si le trait et feri tant ce dit
Martin ou dos et ens ès costes, que il li embara ou
corps, et le navra à mort, estant sur lui, et puis le
reversa d’autre part. Si se leva li dis messires Jehans
Chandos au plus tost qu’il peut, et ses gens furent
20tout appareilliet autour de lui, qui à grant painne
avoient rompu la presse là où il estoit cheus.
§ [581]. Che samedi au matin, entre Nazres et Navaret,
fu la bataille durement grande, felenesce et
horrible, et moult y eut de gens mis en grant meschief.
25Là fu li princes de Galles bons chevaliers, et
li dus de Lancastre ses frères, et messires Jehans
Chandos, messires Guichars d’Angle, li captaus de
Beus, li sires de Cliçon, li sires de Rays, messires
Hues de Cavrelée, messires Eustasses d’Aubrecicourt,
30messires Gautiers Huet, messires Mahieus de Gournay,
messires Loeis de Harcourt, li sires de Pons, li
[39] sires de Partenay. D’autre part, se combatoient li
Gascon, li contes d’Ermignach, li sires de Labreth,
li sires de Pumiers et si frère, li sires de Moucident,
li sires de Rosem, li contes de Pieregorth, li contes
5de Commignes, li viscontes de Karmain, li sires de
Condon, li sires de Lespare, li sires de Chaumont,
messires Bietremiex de Taride, li sires de Pincornet,
messires Bernardet de Labreth, sires de Geronde,
messires Aymeris de Tarste, li soudis de Lestrade,
10messires Petiton de Courton et pluiseur aultre chevalier
et escuier, qui s’acquittoient en armes à leur
loyal pooir.
Desous le pennon saint Jorge et le banière de
monsigneur Jehan Chandos, estoient les Compagnes,
15où bien avoit douze cens pennonchiaus. Là y
avoit des bons chevaliers et escuiers, durs, hardis et
appers, telz que monsigneur Perducas de Labreth,
monsigneur Robert Ceni, monsigneur Robert Briket,
monsigneur Garsis dou Chastiel, monsigneur Gaillart
20Vighier, Jehan Cressuelle, Naudon de Bagherant,
Aymenion d’Ortige, Perrot de Savoie, le bourch
Camus, le bourch de Lespare, le bourc de Bretuel,
Espiote et Lamit et pluiseur aultre. Si vous di que
messires Bertrans de Claiekin et messires Ernouls
25d’Audrehen et li contes Sanses et messires Gommes
Garils, et li chevalier de France et d’Arragon, qui se
combatoient à ces routes, ne l’avoient mies d’avantage,
car ces Compagnes estoient et sont gens durement
fait et usé d’armes.
30Et encores estoient là grant fuison de bons chevaliers
et escuiers d’Engleterre desous le banière
dou duch de Lancastre et ceste de monsigneur Jehan
[40] Chandos. Car là estoient messires Guillaumes de
Biaucamp, filz au conte de Warvich, messires Raoulz
Camois, messires Gautiers Oursvich, messires Thumas
de Daimeri, messires Thumas de Graindson,
5messires Jehans d’Ippre, messires Aymeris de Rochewart,
monsigneur Gaillart de le Motte et plus de
deus cens, tous chevaliers, que je ne puis mies tous
deviser.
Ossi, à parler justement d’armes, li dis messires
10Bertrans de Claiekin et li mareschaus d’Audrehen
et messires li Bèghes de Vellainnes, li sires d’Antoing,
li sires de Brifueil, messires Gauwains de Bailluel,
messires Jehans de Berghètes, li Bèghes de
Villers, li Alemans de Saint Venant et li bon chevalier
15et escuier de France qui là estoient, s’acquittèrent
très loyaument. Et sachiés de verité que, se li
Espagnol en euissent ossi bien fait leur devoir que
cil fisent, li Englès et li Gascon euissent eu plus à
souffrir que il n’eurent.
20Se ne demora il mies au roy Henri que il n’en
fesist bien son devoir de combatre vaillamment et
hardiement, et de reconforter et amonnester ses
gens, et d’aler au devant de chiaus qui branloient
et qui fuioient, en disant ensi: «Signeur, je sui vos
25rois. Vous m’avés fait roy de toute Castille, et juré
et voé que, pour à morir, vous ne me faurrés.
Gardés pour Dieu vostre sierement et ce que vous
m’avés juré et prommis, et vous acquittés envers
moy: je m’acquitterai envers vous, car ja plain piet
30je ne fuirai, tant que je vous voie combatre.» Par
ces parolles et pluiseurs aultres plainnes de confort
remist li rois Henris trois fois ce jour ses gens
[41] ensamble, et il meismes de sa main se combati si
vaillamment, que on l’en doit bien honnerer et
recommender.
§ [582]. Moult fu ceste bataille grande et perilleuse,
5et moult y eut de gens mors, navrés, estains et mehagniés.
Si portoient ces communautés d’Espagne à
leur usage fondes, dont il jettoient pierres, et ce
greva au commencement moult les Englès. Mais
quant cilz jès fu passés, et il sentirent ces saiettes, il
10ne tinrent puis nul conroy. Si y avoit il en le bataille
dou roy Henri grant fuison de bonnes gens d’armes,
tant d’Espagne, de Lusebonne, d’Arragon, que de
Portingal, qui s’acquittèrent loyaument et qui ne se
desconfirent mies si tost, mès se combatirent très
15vaillamment de lances, de gisarmes, d’arcigaies,
d’espois et d’espées. Et y avoit encores sus èle, en le
bataille dou dit roy Henri, pluiseurs geniteurs montés
sus chevaus tous armés, qui tenoient leurs batailles
en vertu; car, quant elles branloient ou se voloient
20ouvrir par aucun costé, cil geniteur qui estoient sus
èle, les reboutoient avant et les resviguroient. Si
n’eurent mies li Englès ne li Gascon le journée d’avantage;
mès le comparèrent et achatèrent moult
grandement par bonne chevalerie et par grant proèce
25et vaillandise d’armes; car, au voir dire, avoech le
prince estoit là toute la fleur de la chevalerie dou
monde et li milleur combatant.
Un petit en sus de le bataille dou prince, estoit li
rois James de Mayogres et se route, qui se combatoit
30vaillamment et s’acquittoit à son loyal pooir. D’autre
part, estoit messires Martins de le Kare, qui representoit
[42] le roy de Navare, qui ossi en faisoit bien son devoir.
Je ne puis mies de tous les bons parler; mès, là
dalés le prince et en sa bataille, avoit pluiseurs bons
chevaliers, tant d’Engleterre comme de Gascongne,
5monsigneur Richart de Pontchardon, monsigneur
Thumas le Despensier, monsigneur Thumas de Hollandes,
monsigneur Neel Lorinch, monsigneur Hue et
monsigneur Phelippe de Courtenay, monsigneur Jehan
Trivet, monsigneur Nicolas Bonde et monsigneur
10Thumas Trivet et pluiseurs aultres, telz que le seneschal
de Saintonge, monsigneur Bauduin de Fraiville,
le seneschal de Bourdiaus, le seneschal de le
Rocelle, le seneschal d’Aginois, le seneschal de Poito,
le seneschal d’Angoulesmois, le seneschal de Roerge,
15le seneschal de Limosin, le seneschal de Bigorre,
monsigneur Loeis de Melval, monsigneur Raymon
de Marueil et pluiseurs aultres.
Et saciés que nulz ne s’i faindoit de bien combatre,
et ossi il trouvoient bien à qui; car Espagnol et Catellain
20estoient priès de cent mil testes armées, siques
la grant quantité de peuple les tenoit en vertu, et ne
pooit estre qu’il n’en euist des bien combatans et bien
faisans à leur pooir. Là estoit li rois dan Piètres moult
escaufés, et qui durement desiroit à trouver et à encontrer
25son frère le bastart Henri, et disoit: «Où est
cilz filz de putain, qui s’appelle rois de Castille?» Li rois
Henris se combatoit d’autre part moult vaillamment,
et tenoit ce qu’il pooit ses gens en vertu, et leur
disoit: «Bonnes gens, vous m’avés fait roy et couronné
30roy. Aidiés moy à deffendre et garder l’iretage
dont vous m’avés ahireté.» Telz parolles et aultres,
que ce jour il leur dist, en fisent pluiseurs hardis et
[43] vaillans, et demorer sus les camps, qui pour leur
honneur ne daignoient fuir.
§ [583]. La bataille et la route, qui fu le mieulz
combatue et plus entettement, ce fu ceste de monsigneur
5Bertran de Claiekin; car là estoient droites
gens d’armes qui se combatoient et vendoient à leur
loyal pooir, et là furent faites pluiseurs grans apertises
d’armes. Et par especial, messires Jehans Chandos y
fu très bons chevaliers, et consilla et gouvrena ce
10jour le duch de Lancastre en tel manière comme il
fist jadis son frère le prince de Galles, à le bataille de
Poitiers, de quoi il fu moult honnourés et recommendés,
ce fu bien raisons, car un vaillant homme
et bon chevalier, qui ensi s’acquitte envers ses signeurs,
15on le doit moult recommender. Et n’entendi
ce jour onques à prendre prisonnier de sa main, fors
au combatre et toutdis aler avant. Si furent pris de
ses gens et desous sa banière pluiseur bon chevalier
et escuier de France et d’Arragon, et par especial
20messires Bertrans de Claiekin, messires Ernoulz d’Audrehen
et messires li Bèghes de Vellainnes et plus
de soissante bons prisonniers. Finablement, la bataille
à monsigneur Bertran de Claiekin fu desconfite,
et furent tout mort et pris sans recouvrier chil qui y
25estoient, tant de France comme d’Arragon. Et là fu
mors li Bèghes de Villers, et pris li sires d’Antoing
en Haynau, et li sires de Brifueil et messires Gauwains
de Bailluel, messires Jehans de Berghètes, messires
li Alemans de Saint Venant et moult d’aultres.
30Adonc s’en revinrent ces banières et cil pennon, la
banière dou duch de Lancastre, la banière monsigneur
[44] Jehan Chandos et le banière des mareschaus et le pennon
saint Jorge, sus la bataille dou roy Henri, en escriant
à haute vois: «Saint Jorge! Giane!» Lors furent
Espagnol et cil de leur costé moult fort rebouté.
5Là veist on monsigneur le captal de Beus et le signeur
de Cliçon bien combatre; et, d’autre part, monsigneur
Eustasse d’Aubrecicourt, monsigneur Hue de Cavrelée,
monsigneur le soudich, monsigneur Jehan d’Evrues,
furent là bons chevaliers. Là estoit li princes
10en bon couvenant, qui se moustroit bien estre uns
sires et uns bons chevaliers, et requeroit et combatoit
ses ennemis de grant volenté.
D’autre part, li rois Henris, en tous estas, se acquitta
très vaillamment, et recouvra et retourna ses gens par
15trois fois. Car, très donc que li contes dan Tilles et bien
troi mil à cheval se partirent, se commencièrent li
aultre moult à desconfire, et s’en voloient li plus partir
et fuir. Mès li dis rois Henris leur avoit alé au devant,
en disant: «Biau signeur, que faites vous? Pourquoi
20me volés vous ensi guerpir et trahir, qui m’avés fait
roy et mis le couronne ou chief et l’iretage de Castille
en le main? Retournés vous et le m’aidiés à
calengier et deffendre, et demorés dalés moy: la
journée, par la grasce de Dieu, sera à nous.» Siques
25par telz parolles et telz reconfors, encoraga les pluiseurs
et fist combatre longement et là demorer, qui
n’osoient de honte fuir, quant il veoient leur roy et
leur signeur devant yaus. Et moururent plus de mil
et cinq cens, qui se fuissent bien sauvet autrement et
30eussent pris le temps bien à point et à leur avantage.
§ [584]. Quant la bataille des mareschaus de France
[45] fu outrée et desconfite, et toutes les trois grosses
batailles des Englès remises ensamble, li Espagnol ne
peurent ce fais souffrir ne porter; mès se commencièrent
à ouvrir, à fuir et yaus desconfire, et retraire
5moult effraeement et sans arroi devers la cité de
Nazres et le grosse rivière qui là couroit; ne, pour
cose que li rois Henris desist ne criast à yaus, il ne
veurent retourner. Quant li dis rois Henris vei le pestilense
et le desconfiture sus ses gens, et que point
10de recouvrier n’i avoit, si demanda sen cheval, et
monta apertement et se bouta entre les fuians, et ne
prist mies le chemin de le rivière ne de le cité de
Nazres, car pas ne s’i voloit enclore, mès une aultre
voie, en eslongant tous perilz: de tant fu il bien
15avisés, car assés sentoit et cognissoit que, se il estoit
pris, il seroit mors sans merci.
Adonc montèrent Englès et Gascon as chevaus, et
commencièrent à cachier et à encauchier Espagnolz
et Cateloins, qui s’en fuioient tout desconfi jusques à
20la grosse rivière et à l’entrée dou pont de la cité de
Nazres. Là eut grant hisdeur et grant effusion de sanc
et moult de gens occis et noiiés; car li plus saloient
en l’aigue, qui estoit rade, noire et hideuse, et s’avoient
plus chier li aucun à noiier que ce qu’il fuissent
25occis d’espée. En celle fuite et cace, avoit entre les
aultres deux vaillans hommes d’Espagne, chevalier
d’armes et portant abit religieus, dont li uns s’appelloit
li grans prieus de Saint Jame, et li aultres, li
grans mestres de Caltrave.
30Cil et une partie de leurs gens se traisent, pour
estre à sauveté, devers le cité de Nazres, et furent
de si priès poursivi, que Englès et Gascon à leur
[46] dos conquisent le dit pont. Et là eut grant occision,
et entrèrent en la cité avoecques les dessus dis,
qui estoient bouté en une forte maison ouvrée et
machonnée de pierre, mais tantos fu conquise, et li
5dessus dit chevaliers pris, et moult de leurs gens
mors, et toute la ditte cité courute, où pillart fisent
grandement leur pourfit. Et ossi fisent il ou logeis le
dit roy Henri et des Espagnolz. Et moult y trouvèrent
cil qui premierement se traisent celle part, moult de
10vaisselle d’argent et de bons jeuiaus; car li dis rois
Henris et ses gens y estoient venu très efforceement et
en très grant arroi. Et quant ce vint à le desconfiture,
il n’eurent mies loisir de retourner celle part
et de mettre à sauveté ce que au matin laissiet y
15avoient.
Si fu ceste desconfiture moult grande et moult horrible,
et par especial saciés que, sus le rivage, il y eut
moult de gens mors. Et disent adonc li aucun, si com
je l’oy depuis recorder chiaus qui y furent, que on
20vei l’aigue au quai desous Nazres, rouge dou sanch
des hommes et des chevaus, qui là furent mors et
occis. Ceste bataille fu entre Nazres et Navaret, en
Espagne, en l’an de l’incarnation Nostre Signeur
mil trois cens soissante et six, le tierch jour dou mois
25d’avril, et ce jour fu samedis.
§ [585]. Apriès le desconfiture de le bataille de
Nazres, qui fu toute passée entre nonne et remontière,
li princes de Galles fist mettre sa banière en
un buisson tout hault sus une petite montagne pour
ralloiier ses gens, et là se recueilloient et rassambloient 30
tout chil qui de le cache revenoient. Là vinrent
[47] li dus de Lancastre, messires Jehans Chandos,
li sires de Cliçon, li captaus de Beus, et puis li contes
d’Ermignach, li sires de Labreth et tout li baron,
et levoient en hault leurs banières pour recuellier
5leurs gens, et se rengoient sus les camps à le mesure
qu’il venoient. Là estoit ossi messires James, rois de
Maiogres, se banière devant lui, où ses gens se recueilloient,
et un petit plus en sus messires Martins
de le Kare, le banière son signeur le roy de Navare
10qu’il representoit, devant lui, et ensi tout li conte et
tout li baron: laquele cose estoit belle à regarder et
considerer.
Adonc vint li rois dan Piètres tous escaufés, qui
revenoit de le cace, montés sus un noir coursier,
15se banière armoiie de Castille devant lui, et descendi
à terre si tretost que il perçut le banière dou
prince, et se traist celle part. Li dis princes, quant
il le vei venant, s’avança, pour lui honnourer,
contre li. Là se volt li rois dans Piètres agenoullier,
20en remerchiant le dit prince; mès li princes se hasta
moult de le prendre par le main, et ne le volt mies
consentir. Là dist li rois dan Piètres: «Chiers sires
et biaus cousins, je vous doi moult de grasces et de
loenges donner pour la belle journée que j’ai hui eu
25et par vous.» Dont respondi li princes moult aviseement:
«Rendés ent grasces à Dieu et toute loenge,
car la victore vient de li et non de moy.»
Lors se traisent ensamble là endroit li signeur dou
conseil dou prince, et parlèrent d’autres besongnes.
30Et fu là tant li dis princes, que toutes leurs gens furent
revenu de le cace, et qu’il eut ordonné quatre chevaliers
et quatre hiraus à aler par les camps, pour aviser
[48] quel gent de pris et quel quantité y estoient mort et
demoré, et ossi pour savoir le verité dou roy Henri,
qu’il appelloient entre yaus le bastart, se il estoit
mors ou non; car encores n’en savoient il noient.
5Apriès ceste ordenance, li princes et ses gens se avalèrent
ens ès logeis le dit roy Henri et des Espagnolz.
Si s’espardirent par ordenance tout partout, et se logièrent
bien et aisiement; car li dit logeis estoient
grant et estendut, et moult i trouvèrent largement de
10bonnes pourveances, dont il avoient eu grant souffreté.
Si soupèrent et se tinrent ce soir, ce poés vous
bien savoir, en grant reviel.
Apriès souper, revinrent li chevalier et li hiraut,
qui avoient cerchié les camps et viseté les mors. Si
15raportèrent, par compte, que cinq mil et soissante
hommes d’armes, Espagnolz et François, y estoient
demoret, mais point n’i estoit trouvés li rois Henris:
de quoi li rois dans Piètres n’estoit mies plus liés. Et
entre ces hommes d’armes, il n’avoient trouvé que
20quatre de leurs chevaliers mors, dont li doi estoient
Gascon, li tiers Alemans et li quars Englès, messires
Raoulz de Ferrières; et encores mors, de communautés,
environ sept mil et cinq cens, sans chiaus qui
furent noiiet, dont on ne poet savoir le nombre, et
25des leurs environ vingt arciers et quarante aultres
hommes. Si se tinrent là, ce samedi, dou soir, tout
aise. Bien trouvèrent de quoi, vins et viandes, bien
et plentiveusement, et s’i rafreschirent, et le dimence
tout le jour, qui fu li Paske florie.
30§ [586]. Le dimence au matin, à heure de prime,
quant li princes fu levés et appareilliés, si issi devant
[49] son pavillon. Adonc vinrent devers lui li dus de Lancastre,
ses frères, li contes d’Ermignach, li sires de
Labret, messires Jehans Chandos, li captaus de
Beus, li sires de Pumiers, messires Guichars d’Angle,
5li rois de Maiogres, ses compères, et grant fuison de
barons et de chevaliers. Assés tost apriès, vint devers
le prince li rois dans Piètres de Castille, auquel li dis
princes faisoit toute honneur et reverense. Si se
avança de parler li rois dans Piètres, et dist ensi:
10«Chiers et biaus cousins, je vous pri et requier en
amisté, que vous me voelliés delivrer les mauvais
traïtteurs de mon pays, mon frère Sanse le bastart et
les aultres; si les ferai decoler, car bien l’ont
desservi.»
15Adonc s’avisa li princes, et dist ensi au roy dan
Piètre, qui ceste requeste avoit fait: «Sire rois, je
vous pri et requier, en nom d’amour et par linage,
que vous me donnés et acordés un don.» Li rois
dan Piètres, qui nullement ne li euist refusé, li acorda
20et dist ensi: «Mon cousin, tout ce que jou ay,
est vostre.» Lors dist li princes: «Sire rois, je vous
pri que vous pardonnés à toutes vos gens, qui vous ont
estet rebelle, vos mautalens. Si ferés bien et courtoisie,
et si en demorrés plus à pais en vostre dit
25royaume, excepté Gomme Garilz: de cesti voeil jou
bien que vous faciés vo volenté.» Li rois dans Piètres
li acorda ceste requeste; mès fu moult à envis.
Nonpourquant, il ne l’i osa escondire, tant se sentoit il
tenus à lui, et dist: «Biaus cousins, je le vous acorde
30bonnement.»
Là furent mandé tout li prisonnier d’Espagne,
qui estoient en l’ost, devant le prince, et là les acorda
[50] li dis princes au roy dan Piètre leur signeur, et
baisa le conte Sanse son frère, et li pardonna son
mautalent, et ensi tous les aultres. Et parmi tant,
il li eurent en couvent et jurèrent feaulté, hommage
5et service à tenir bien et loyaument à tousjours
mès, et devinrent si homme, et le recogneurent à
roy et à signeur. Ceste courtoisie, avoech pluiseurs
aultres, li fist li princes, lesqueles depuis il recogneut
et desservi assés petitement, si com vous orés avant
10en l’istore. Et ossi li dis princes fist grant courtoisie
as barons d’Espagne, qui prisonnier estoient; car, se
li rois dans Piètres les euist tenus en son aïr, il les
euist tous fait morir sans merci. Là li fu delivrés
messires Gomme Garilz, douquel il n’euist pris
15nulle raençon, tant fort le haioit: si le fist decoler
devant ses yex au dehors des logeis.
Tantost apriès messe et boire, li rois dan Piètres
monta à cheval, et li contes Sanses ses frères et li
mestres de Caletrave et tout cil qui si homme estoient
20devenu, et li doi mareschal messires Guiçars
d’Angle et messire Estievenes de Cousentonne et bien
cinq cens hommes d’armes, et se partirent de l’ost
et dou prince et chevaucièrent viers Burghes. Si y
vinrent le lundi au matin. Cil de le ville de Burghes,
25qui enfourmé estoient de toute la besongne comment
elle avoit alé et de le desconfiture dou roy Henri,
n’eurent mies conseil ne volenté d’yaus clore contre
le roy dan Piètre; mès vinrent pluiseur riche homme
et li plus notable au dehors de le ville, et li presentèrent
30les clés et le rechurent à signeur, et le menèrent
et toutes ses gens en le ditte ville de Burges à
grant joie et solennité.
[51] Ce dimence, tout le jour, se tint li princes ens ès
logeis que il avoit trouvés et conquis, et le lundi apriès
boire il se desloga, et toutes ses gens, et s’en vinrent
ce jour logier à Barbesque. Si y furent jusques au
5merkedi que il s’en vinrent tout devant Burghes, et
entra li dis princes en le ville à grant reverense, et
ossi li dus de Lancastre, li contes d’Ermignach et
aucun grant signeur; et leurs gens tinrent leurs logeis
sus les camps au dehors de Burghes, car tout ne
10peuissent mies estre entré en le ville ne bien aisiet.
Et proprement li dis princes venoit tous les jours en
son logeis et là rendoit et faisoit jugemens d’armes
et de toutes coses à ce apartenans, et y tint gage et
camp de bataille, par quoi on poet bien dire que
15toute Espagne fu un jour à lui et à son obeissance.
§ [587]. Li princes de Galles et li rois dan Piètres
tinrent leurs Paskes en le ville de Burghes, et y
sejournèrent, que là environ, plus de trois sepmainnes.
En ce sejour, vinrent cil d’Esturges, de Toulette, de
20Luzebonne, de Cordewan, de Galisse, de Seville et
de toutes les marces et limitations dou royaume de
Castille, faire hommage au roy dan Piètre. Et le vint
veoir et le dit prince cilz loyaus chevaliers de Castille,
dan Ferrans de Castres, liquels fu des dessus dis
25festés et honnourés et veus moult volentiers.
Quant li rois dan Piètres eut là sejourné ce terme que
je vous di et plus, et qu’il eut veu et entendu que nuls
n’estoit mais rebelles à lui, mais en se obeissance, li
princes de Galles, par le information de ses gens et
30pour faire ce qu’il apertenoit, li dist: «Sire rois,
Dieu merci, vous estes sires et rois de vostre pays, et
[52] n’i sentons mès nul rebelle, que tout n’obeissent à
vous, et nous sejournons chi à grant fret. Si vous disons
que vous querés argent pour paiier chiaus qui
vous ont remis en vostre royaume, et nous tenés vos
5couvens, ensi que juré et seelé l’avés: si vos en sarons
gré. Et com plus briefment le ferés, tant y
arés plus de pourfit; car vous savés que gens d’armes
voelent vivre et estre paiiet de leurs gages, où
que il soit pris.»
10A ces parolles respondi li rois dan Piètres, et
dist: «Sire cousins, nous tenrons et acomplirons
à nostre loyal pooir volentiers ce que juré et seelé
avons, mais tant qu’en present, nous n’avons point
d’argent; si nous trairons en le marce de Seville:
15là en procurrons nous tant que pour bien satisfaire
partout. Si vous tenrés chi ou ou Val d’Olif, où
il y a encores plus grasse marce, et nous retourrons
devers vous, au plus tost que nous porons, et au plus
tart dedens le Pentecouste.» Ceste response plaisi
20adonc moult bien au prince et à son conseil.
Si se parti depuis assés briefment li rois dans Piètres
dou dit prince, et chevauça devers le cité de Seville,
sur le intention de ce que pour procurer et impetrer
argent, ensi que couvens se portoit. Et li princes s’en
25vint logier en le ville dou Val d’Olif, et tout li signeur
et ses gens s’espardirent sus le pays, pour trouver
et avoir vivres et pourveances pour yaus et pour leur
chevaus plus largement. Si y sejournèrent à peu de
pourfit, car les Compagnes ne se pooient tenir de
30pillier.
§ [588]. Or furent esparses ces nouvelles en France,
[53] en Engleterre, en Alemagne et en tous pays, que li
princes de Galles et se poissance avoient desconfi par
bataille le roy Henri, et mort et pris ou cachiet en voies
ou noiiet, à ce jour que la bataille fu dalés Nazres,
5plus de cent mil hommes. Si en fu li dis princes renommés
et honnourés de bonne chevalerie et de
haute emprise, en tous les lieus et marces où on en
ooit parler, et par especial en l’empire d’Alemagne et
ou royaume d’Engleterre. Et disoient li Alemant, li
10Thiois, li Flamenc et li Englès, que li princes de
Galles estoit la fleur de toute la chevalerie dou monde,
et que uns telz princes estoit dignes et tailliés de
gouvrener tout le monde, quant par sa proèce il
avoit eu trois si hautes journées et si notables: la
15première à Creci en Pontieu; la seconde, dix ans
apriès, à Poitiers; et la tierce, ossi dix ans apriès, en
Espagne, devant la cité de Nazres.
Si en fisent en le cité de Londres, en Engleterre, li
bourgois de la ditte ville le solennité toute sus, pour le
20victore et le triumphe, ensi que anciennement on faisoit
pour les rois qui avoient obtenu place et desconfis leurs
ennemis. Si furent en France regreté et lamenté li bon
chevalier de leur royaume, qui avoient estet mort et
pris à le journée, et par especial messires Bertrans
25de Claiekin et messires Ernoulz d’Audrehen. Si finèrent
il depuis moult courtoisement, et furent li aucun
mis à finance; mès messires Bertrans de Claiekin ne
le fu mies si tost, car messires Jehans Chandos qui
estoit ses mestres, ne le voloit point delivrer, et ossi
30li dessus dis messires Bertrans n’i pressoit point
plenté. Or vous parlerons un petit dou roy Henri et
comment il persevera, quant il se parti de le bataille,
[54] et puis retourrons au prince et au roy dan Piètre de
Castille.
§ [589]. Li rois Henris, si com chi dessus est dit, se
sauva au mieulz qu’il peut, et eslonga ses ennemis,
5et enmena sa femme et ses enfans, au plus hasteement
qu’il peut, en le cité de Valence en Arragon, là
où li dis rois d’Arragon se tenoit, qui estoit ses compères
et ses amis, auquel il recorda toute sen aventure,
et pour lequele li dis rois d’Arragon fu moult
10courouchiés.
Assés tost apriès, li rois Henris eut conseil que
il passeroit oultre et iroit veoir le duc d’Ango, qui
pour le temps se tenoit à Montpellier, et li recorderoit
ossi se mesescance. Cilz avis plaisi bien
15au dit roy d’Arragon, et consentoit bien que il se
partesist, pour tant qu’il estoit ennemis au prince,
qui li estoit encores trop priès voisins. Si se parti li
dis rois Henris dou roy d’Arragon, et laissa en le cité
de Valence sa femme et ses enfans, et esploita tant
20par ses journées, que il passa Nerbonne qui est la
première cité dou royaume de France à ce lés là, et
puis Besiers et Loupian et tout le pays, et vint à
Montpellier. Là trouva il le duc d’Ango qui moult
l’amoit et qui trop fort haoit les Englès, quoique il
25ne leur fesist point de guerre: liquelz dus, qui tous
enfourmés estoit de l’afaire le roy Henri, le rechut et
recueilla moult liement et le reconforta de ce qu’il
peut; et fu avoecques lui une espasse de temps, et
vint en Avignon veoir le pape Urbain Ve, qui se devoit
30partir et aler à Romme, ensi qu’il fist.
Depuis retourna li dis rois Henris à Montpellier devers
[55] le duch d’Ango, et eurent conseil et trettiés ensamble.
Et me fut adonc dit et recordet par chiaus qui en
cuidoient bien aucune cose savoir, et depuis on en vei
l’apparant, que li rois Henris acata ou emprunta au
5duch d’Ango un chastiel seant dalés Tholouse, sus les
frontières de le princeté, lequel chastiel on appelle
Rokemore. Là recueilla il et assambla gens, Bretons et
aultres, de Compagnes, qui n’estoient point passet
oultre en Espagne avoech le prince, et furent à ce
10commencement environ trois cens.
Ces nouvelles vinrent à madame la princesse qui
se tenoit à Bourdiaus, que li rois Henris pourcaçoit
confort et ayde de tous costés, pour faire guerre à
le prinçauté et ducé d’Acquitainne; si en fu toute
15esbahie, et pour tant qu’il se tenoit encores sus le
royaume de France, elle en escrisi et envoia grans
messages par devers le roy de France, en lui suppliant
moult chierement que il ne vosist mies consentir
que li bastars d’Espagne li fesist guerre et euist
20son retour et son ressort en France, car trop grans
mauls en poroit nestre et venir. Li rois Charles de
France descendi legierement à le priière le princesse
et envoia message quoiteusement devers le bastart
Henri, qui se tenoit en ce chastiel de Rokemaure, sus
25les frontières de Montalben, et qui commençoit ja à
heriier le pays d’Acquitainne et la terre dou prince,
en lui mandant et commandant qu’il ne fesist, lui
estant ne sejornant sus son royaume, point de guerre
à le terre son chier neveu le prince de Galles et
30d’Acquittainnes. Et encores, pour donner plus grant exemple
à ses gens que point ne se aherdesissent avoech
le bastart Henri, il fist le jone conte d’Auçoirre aler
[56] tenir prison ens ou chastiel dou Louvre, pour tant
que estoit en grans trettiés devers le roy Henri, et
y devoit aler à tout grant gent d’armes, ce disoit on:
pour ce li fist li rois brisier son pourpos.
5Au mandement dou roy de France obei li rois Henris,
ce fu bien raisons; mais pour ce ne laissa il mies à faire
se emprise, et se parti de Rokemaure à tout bien quatre
cens Bretons. Si estoient alloiiet et ahers avoecques
lui cil chevalier et escuier breton qui chi s’ensievent:
10messires Ernoulz Limozins, messires Joffrois Richon,
messires Yons de Lakonet, messires Selevestre Bude,
Aliot de Talay et Alains de Saint Pol. Et vinrent ces
gens d’armes, Breton et aultre, à chevauçant radement,
parmi les montagnes, et entrèrent en Bigorre,
15en le princeté, et prisent de nuit et eschiellèrent une
ville que on appelle Baniers: si le fortefiièrent et
remparèrent bien et fort, et puis chevaucièrent en le
terre dou prince, et le commencièrent à courir, et y
portèrent grant damage. Mais la princesse y envoia
20au devant monsigneur Jame d’Audelée, qui estoit
demorés en Aquittainne tous souverains et gouvrenères
pour garder le pays. Non obstant ce, se y fisent
li rois Henris et li Breton moult de damage, car tousjours
leur croissoient gens.
25Or retourrons nous au prince de Galles et à ses
gens qui se tenoient ou Val d’Olif et là environ, en
attendant la revenue dou roy dan Piètre, qui point
ne revenoit ne tenoit son jour, ensi que dit avoit,
dont li princes estoit tous anoieus.
30§ [590]. Quant li princes de Galles eut sejourné ou
Val d’Olif jusques à le Saint Jehan Baptiste en esté,
[57] et encores oultre, attendans le roy dan Piètre, qui
point ne revenoit, ne de lui nulles certainnes nouvelles
il n’ooit, si fu moult merancolieus, et mist son
conseil ensamble, pour savoir quel cose en estoit
5bonne à faire. Si fu li princes consilliés que il envoiast
deux ou trois chevaliers des siens devers le dit
roy, pour li remoustrer ces besongnes et demander
pourquoi il ne tenoit son couvent et son jour, ensi
que ordonné avoit. Si furent priiet d’aler devers le
10roy dan Piètre messires Neel Lorinch, messires Richars
de Pontchardon et messires Thumas Balastre.
Si esploitièrent tant li chevalier dou prince, et
chevaucièrent tant par leurs journées, que il vinrent en
le cité de Seville, là où li rois dan Piètres se tenoit,
15qui les rechut par samblant assés liement. Cil chevalier
fisent leur message bien et à point, tout ensi que
cargié estoient de par leur signeur le prince. Li rois
dans Piètres respondi à ces parolles, en lui escusant,
et dist: «Certes, signeur, il nous desplaist grandement
20de ce que nous ne poons tenir ce que en couvent
avons à nostre cousin le prince. Si l’avons nous
par pluiseurs fois remoustré et fait remoustrer à nos
gens ens ès marces par de deçà; mès nos gens s’escusent,
et dient ensi que il ne poeent faire point d’argent
25ne ne feront, tant que ces Compagnes soient sus
le pays. Et ja ont il ruet jus et tout desrobés trois ou
quatre de nos tresoriers qui portoient finance devers
nostre cousin le prince: se li dirés, de par nous, que
nous le prions que il se voeille retraire et mettre hors
30de nostre royaume ces maleoites gens de Compagnes,
et nous laisse par de deça aucuns de ses chevaliers,
asquelz, ou nom de lui, nous paierons et deliverons
[58] l’argent tel qu’il le demande, et où nous sommes
tenu et obligiet.» Ce fu toute la finable response
que li messagier dou prince en peurent avoir. Si se
partirent dou roy dan Piètre et retournèrent arrière
5devers le prince ou Val d’Olif. Se li comptèrent et à
son conseil tout ce que oy et trouvé avoient: de
laquele response li dis princes fu plus merancolieus
que devant, et vei bien que li rois dan Piètres li
defalloit de couvent et varioit de raison à faire.
10En ce sejour que li dis princes fist ou Val d’Olif, où
il fu plus de quatre mois, tout l’estet ensievant, ajut
tous quois malades au lit li rois de Mayogres, dont
li princes fu moult courouciés. Ossi furent là mis à
finance et rançonné messires Ernouls d’Audrehen,
15messires li Bèghes de Vellainnes et pluiseur chevalier
de France et de Bretagne, qui avoient esté pris à le
besongne de Nazres, et escangiet pour monsigneur
Thumas de Felleton, pour monsigneur Richart Tanton,
pour monsigneur Huge de Hastinges et pour les
20aultres; mès encores demora ens ou dangier dou prince
messires Bertrans de Claiekin, ne point ne fu rançonnés
si tost que li aultre; car li Englès et li consauls
dou prince disoient ensi que, se il estoit rançonnés
ne delivrés, il feroit de recief plus forte
25guerre que devant, avoech le bastart Henri: douquel
li princes estoit ja enfourmés que il estoit en Bigorre,
et avoit pris le ville de Baniers et guerrioit et herioit
durement son pays; pour laquel cose la delivrance
à monsigneur Bertran n’estoit pas si belle ne si hastieve,
30et tout li couvenoit porter.
§ [591]. Quant li princes de Galles oy les escusances
[59] dou roy dan Piètre, si fu plus pensieus que devant,
et en demanda à avoir conseil. Ses gens, qui desiroient
moult à retourner, car il portoient à grant meschief
le caleur et l’air dou pays d’Espagne, et meismement
5li princes en estoit tous pesans et maladieus, se li
consillièrent qu’il retournast et que, se li rois dans
Piètres l’avoit defalli, il faisoit son blasme et sa
deshonneur. Adonc fu ordonné et anoncié partout que
d’yaus mettre au retour. Quant ce vint sus le mouvoir
10et le departement, li princes envoia devers le
roy de Mayogres à son hostel monsigneur Jehan
Chandos et monsigneur Hue de Courtenay, en li remoustrant
comment il voloit partir et issir d’Espagne,
si euist sur çou avis; car trop à envis le lairoit derrière,
15ou cas qu’il s’en vorroit retourner. Li rois de
Mayogres respondi as dessus dis chevaliers et dist:
«Grant mercis à monsigneur le prince, nostre chier
compère; mès, tant qu’en present, je ne poroie souffrir
le chevaucier ne porter en littière. Se me couvient
20chi demorer et sejourner jusques au plaisir de
Dieu.» Adonc parlèrent li chevalier encores, et li
demandèrent: «Monsigneur, et volés vous que messires
li princes vous laisse une quantité de gens d’armes,
pour vous garder et raconduire, quant vous
25serés en point de chevaucier?» Il respondi que nennil
et qu’il ne savoit com lonch sejour il feroit. Lors
prisent congiet li doi baron dou roy de Mayogres, et
retournèrent devers leur signeur le prince, auquel il
recordèrent tout ce qu’il avoient esploitié et les responses
30dou roy de Mayogres. Li princes respondi et
dist: «A le bonne heure.»
Dont se parti li princes et toutes ses gens, et se
[60] mist au retour devers une bonne cité, que on dist
Madrigay, et là se rafreschi, et puis s’en vint logier
ou val de Sorie, sus le departement d’Espagne, de
Navare et d’Arragon. Et là sejourna li dis princes plus
5d’un mois et toutes ses gens, car aucun passage li estoient
clos sus les marces d’Arragon. Et disoit on
communement en l’ost que li rois de Navare, qui
nouvellement estoit retournés de se prison, s’estoit
composés au bastart d’Espagne et au roy d’Arragon,
10et devoit empeechier de tout son pooir le passage et
le retour dou prince et de ses gens; mais il n’en fu
riens, si com il apparut puissedi. Nompourquant, li
Englès et li Gascon et les Compagnes en fisent doubte,
pour tant qu’il estoit en son pays et se ne venoit
15point devers le prince.
En ce sejour faisant ou val de Sorie, li dis princes
envoia les plus especiaulz de son conseil sus
un certain pas entre Espagne et Arragon, là où li
consauls dou dit roy d’Arragon fu ossi à l’encontre,
20et là eurent grans parlemens ensamble et par pluiseurs
journées. Finablement trettiés et conseil se
portèrent telement que li rois d’Arragon deut ouvrir
son pays pour laissier retourner paisieulement
les gens dou prince; et ossi il devoient passer sans
25molesté ne violense faire nul au pays, et paiier courtoisement
tout ce qu’il prenderoient. Adonc vinrent
li rois de Navare et messires Martins de le Kare
contre le prince, quant il sceurent que li trettiés se
portoit ensi entre le prince et le roy d’Arragon, et
30li fisent toute l’onneur et reverense qu’il peurent, et
li offrirent doucement passage pour lui et pour son
frère le duch de Lancastre et pluiseurs barons et chevaliers
[61] d’Engleterre et de Gascongne, mais il voloient
bien que les Compagnes presissent un aultre chemin
que parmi Navare. Li princes et li signeur, qui
veoient leur chemin et leur adrèce plus propisce
5parmi Navare que sus les marces d’Arragon, ne veurent
mies renoncier à ceste courtoisie, mès en remerciièrent
grandement le roy et son conseil. Ensi
se departirent ces gens d’armes et les hos dou prince,
et se misent au retour, et rapassèrent au plus courtoisement
10qu’il peurent.
Si passa li dis princes parmi le royaume de Navare,
et le raconvoiièrent li dis rois de Navare
et messires Martins de le Kare jusques au pas de
Raincevaus. Et tant esploita adonc li dis princes
15qu’il vint en le cité de Bayone; où il fu receus à
grant joie. Et là se rafresci et reposa quatre jours,
et puis s’en parti et revint à Bourdiaus, où on le
reçut à grant solennité. Et vint madame la princesse
contre lui, qui faisoit porter Edouwart son
20ainsné fil, qui pooit avoir d’eage à ce jour environ
trois ans. Ensi se departirent ces gens d’armes li un
de l’autre, et se retraisent li signeur, baron et chevalier
de Gascongne en leurs maisons, et tout li senescal
en leurs senescaudies. Et les Compagnes,
25ensi que il revenoient et rapassoient, se recueilloient
en le princeté, en attendant argent et paiement, car
li princes estoit grandement tenus à yaus. Si les voloit,
ce disoit, tous satisfaire à son pooir, où c’argens
fust pris ne à quel meschief: ja fust ensi que li
30rois dans Piètres ne li euist point tenus ses couvens,
se ne le devoient mies, ce disoit li princes, cil qui
l’avoient servi, comparer.
[62] Si tost que li rois Henris, qui se tenoit en le garnison
de Baniers en Bigorre et estoit tenus tout le
temps, entendi que li princes estoit retournés d’Espagne
en le princeté, il se parti de là à tout ce qu’il
5avoit de gens d’armes, Bretons et Compagnes, et
entra en Arragon, et vint devers le roy d’Arragon,
qui moult l’amoit et qui liement le rechut. Là se tint
tout l’ivier avoecques lui, et eurent de rechief alliances
entre li et le roy d’Arragon, pour guerriier le
10roy dan Piètre. Et couroient ja les routes de Bretons
qui s’estoient ahers avoecques lui, desquelz estoient
chapitainne messire Hernaulz Limozins, messires
Joffrois Ricon et messires Yons de Lakonet, sus le
pays d’Espagne, et y faisoient guerre pour le roy
15Henri. Or parlerons nous de la delivrance monsigneur
Bertran de Claiekin.
§ [592]. Apriès ce que li princes de Galles fu retournés
en Aquitainne, et ses frères li dus de Lancastre
en Engleterre, et ensi tout li baron sus leurs lieus,
20demora encores prisonniers messires Bertrans de
Claiekin au prince et à monsigneur Jehan Chandos,
et ne pooit venir à raençon ne à finance, dont moult
desplaisoit au roy Henri, se amender le peuist. Or
avint, si com je fui adonc et depuis enfourmés, que
25un jour li princes de Galles estoit en goges, si vei devant
lui ester monsigneur Bertran de Claiekin. Si
l’appella et li demanda comment il li estoit. «Monsigneur,
respondi messires Bertrans, il ne me fu, Dieu
merci, onques mès mieulz, et c’est drois qu’il me
30soit bien, car je sui li plus honnourés chevaliers dou
monde, quoique je demeure en vos prison, et vous
[63] sarés pourquoi et comment. On dist, parmi le royaume
de France et ailleurs ossi, que vous me doubtés
et ressongniés tant que vous ne m’osés mettre hors
de vostre prison.»
5Li princes de Galles entendi ceste parolle et
cuida bien que messires Bertrans le desist à bon
sens, car voirement ses consaulz ne voloit nullement
que il euist encores sa delivrance, jusques adonc
que li rois dans Piètres aroit paiiet le prince et
10tout ce qu’il estoit tenus envers lui et ses gens. Si
respondi: «Voires, messire Bertran, pensés vous
donc que pour vostre chevalerie nous vous retenons?
Par saint Gorge! nennil; et, biau sire, paiiés cent
mil frans, et vous serés delivrés.» Messires Bertrans,
15qui desiroit sa delivrance et à oïr sus quele fin
il pooit partir, hapa ce mot et dist: «Monsigneur, à
Dieu le veu, je n’en paierai mies mains.» Si tretost
que li princes l’oy ensi parler, il se repenti, ce dist
on; car ses consaulz li ala au devant, et li disent:
20«Monsigneur, vous avés trop mal fait, quant si legierement
vous l’avés rançonné.»
Et volsissent bien adonc les gens dou prince que il
se fust repentis et euist brisiet ceste couvenence. Mès li
princes, qui fu sages et loyaus chevaliers toutdis, en
25respondi bien à point, et dist: «Puisque acordé li
avons, nous li tenrons, ne ja n’en irons arrière. Blasmes
et virgongne nous seroit, se reprocié nous estoit que
nous ne le vosissions mettre à finance, quant il s’i voet
mettre si grossement que paiier cent mil frans.» Depuis
30ceste ordenance, messires Bertrans fu songneus et
diligens de querre finance et de paiier et de priier ses
amis, et esploita si bien que, parmi l’ayde qu’il eut
[64] dou roy de France et dou duch d’Ango qui moult
l’amoit, il paia sus mains d’un mois les cent mil
frans, et s’en vint servir le duch d’Ango, à bien deux
mil combatans, en Prouvence, qui seoit pour le temps
5devant le ville de Tarascon, qui se tient ou tenoit
pour le royne de Naples.
En ce temps, fu trettiés li mariages de monsigneur
Lyon, fil au roy d’Engleterre, duch de Clarense et
conte de Dulnestre, à le fille monsigneur Galeas, signeur
10de Melans, laquele jone dame estoit nièce à
monsigneur le conte de Savoie, et fille de madame
Blance sa suer. Si se porta si bien trettiés et consaulz
entre les parties, que li mariages fu acordés, et vint
li dis dus de Clarense, acompagniés grandement de
15chevaliers et d’escuiers d’Engleterre, en France, où
li rois et li dus de Bourgongne et li dus de Bourbon
et li sires de Couci le recueillièrent grandement et
liement en France et à Paris. Et passa li dessus dis
dus parmi le royaume de France et vint en Savoie,
20où li gentilz contes de Savoie le rechut très honnerablement
en Chamberi, et fu là deux jours en très
grans reviaus de danses, de caroles et de tous esbatemens.
Au tierc jour, il parti, et le conduisi li dis
contes de Savoie jusques à Melans, et là espousa il sa
25nièce, la fille à monsigneur Galeas, le lundi apriès le
Trinité, l’an mil trois cens soixante huit. Or retourrons
as besongnes de France.
§ [593]. Vous avés bien chi dessus oy recorder dou
voiage que li princes de Galles fist en Espagne, et
30comment il se parti maucontens dou roy dan Piètre
et retourna arrière en Acquitainne. Quant il fu revenus,
[65] toutes manières de gens d’armes et de Compagnes
le sievirent, tant pour ce que il ne voloient
mies demorer en Espagne, que pour estre paiiet de
leurs gages, ensi que au partir couvens se portoit:
5siques, quant il furent trestout retournet, li princes
n’eut mies ses paiemens si appareilliés que il volsist,
car li voiages d’Espagne l’avoit si miné et effondré
d’argent, que merveilles seroit à penser.
Or sejournoient ces gens de Compagnes sus son pays
10d’Aquitainne, qui ne se pooient toutdis tenir de malfaire,
et estoient bien six mil combatans. Si leur fist
dire li princes et priier que il volsissent bien issir hors
de son pays et aler ailleurs pourcachier et vivre, car il
ne les y voloit plus soustenir. Les capitainnes des Compagnes,
15qui estoient tout ou Englès ou Gascon, telz que
messires Robers Brikés, Jehan Cressuelle, messires Robers
Ceni, messires Gaillars Vigier, le bourch de Bretueil,
le bourch Camus, le bourch de Lespare, Naudon
de Bagerant, Bernart de la Salle, Hortingo et Lamit
20et pluiseur aultre, ne voloient mies courouchier le
prince; mès vuidièrent le princeté dou plus tost
qu’il peurent, et entrèrent en France qu’il appelloient
leur cambre, et passèrent le grosse rivière de Loire,
et s’en vinrent en Campagne et puis en l’archevesquié
25de Rains, en l’evesquiet de Noion et de Soissons, et
toutdis leur croissoient gens. Et estoient si conforté
de leurs besongnes que il euissent, à ce qu’il moustroient,
volentiers combatu les François, n’euissent
cure où, pour yaus enventurer. Et cerchièrent en
30ce temps tout le royaume de France, et y fisent
moult de maulz et de tribulations et de villains fais,
dont les plaintes en venoient tous les jours au roy
[66] de France et à son conseil, et se n’i pooient mettre
remède, car on ne s’osoit enventurer pour yaus combatre.
Et disoient bien cil qui pris estoient, car toutdis
on les poursievoit et costioit à gens d’armes, si
5ne se pooient mies si bien garder qu’il n’en y euist
des atrapés, que li princes de Galles les envoioit là,
dont li royaumes estoit tous esmervilliés, pourquoi
couvertement li princes les faisoit guerriier, et moult
diversement en parloient sus se partie. Si manda
10adonc li rois de France le signeur de Cliçon, et en
fist un grant chapitainne contre ces Compagnes, pour
tant qu’il estoit bons chevaliers et hardis, et s’enamoura
grandement li rois de France de lui.
En ce temps, fu li mariages fais dou signeur de Labreth
15et de madame Ysabiel de Bourbon, soer au
duc Loeis de Bourbon et à la royne de France et à
madame Bonne, contesse de Savoie: dou quel mariage
li princes de Galles ne fu noient resjoïs, mès
euist plus chier que li sires de Labreth se fust mariés
20ailleurs.
§ [594]. Entrues que ces Compagnes couroient en
France, fu li princes de Galles consilliés d’aucuns de
son conseil pour eslever un fouage en Aquitainne. Et
par especial li evesques de Bade, ses canceliers, y rendi
25grant painne à lui consillier, car li estat dou prince
et de madame la princesse estoient adonc si grant et
si estoffet que nulz aultres de prince ne de signeur,
en crestiennetet, ne s’acomparoit au leur, de tenir
grant fuison de chevaliers et d’escuiers, de dames et
30de damoiselles, et de faire grans frès. Au conseil de
ce fouage furent appellet tout li baron de Gascongne,
[67] de Poito et de Saintonge, asquelz il en apertenoit à
parler, et pluiseur riche homme des cités et des bonnes
villes d’Aquitainne. Là leur fu remoustré à Niorth,
où cilz parlemens estoit assamblés, especialment et
5generalment de par le dessus dit evesque de Bade,
cancelier d’Aquitainne, et present le prince, sus quel
estat on voloit eslever ce fouage, lequel fouage li
princes n’avoit mies intention de longement tenir
ne faire courir en son pays, fors tant seulement cinq
10ans, tant qu’il fust espaiiés dou grant argent qu’il
devoit, acrut par le voiage d’Espagne.
A celle ordenance tenir et obeir estoient assés d’acort
cil de Poito, de Saintonge, de Limozin, de Roerge et
de le Rocelle, parmi tant que li princes devoit tenir ses
15monnoies estables sept ans. A ce pourpos refusoient
et varioient cil des hautes marces de Gascongne, li
contes d’Ermignach, li sires de Labreth ses neveus,
li contes de Pieregorth, li contes de Commignes, li
viscontes de Carmain, li sires de la Barde, li sires de
20Taride, li sires de Pincornet et pluiseur aultre hault
baron et grant chevalier, tout de ces marces et cités
et bonnes villes de leur ressort. Et disoient que, dou
temps passé et qu’il avoient obei au roy de France,
il n’avoient esté grevé ne pressé de nul souside, imposition,
25fouage ne gabelle, ne ja ne seroient, tant
que deffendre le poroient, et que leurs terres et signeuries
estoient franches et exentes de toutes debites,
et à tenir en cel estat li princes leur avoit juret.
Non obstant ce, pour yaus partir amiablement de ce
30parlement et dou prince, il respondirent qu’il en
aroient avis et metteroient ensamble, yaus retourné,
pluiseurs prelas, evesques, abbés, barons et chevaliers,
[68] asquelz il en touchoit bien à parler, et en
aroient plus grant déliberation de conseil qu’il n’avoient
là presentement. Li princes de Galles ne ses
consaulz n’en peurent adonc avoir aultre cose.
5Ensi se departi cilz parlemens de le ville de Niorth,
et retournèrent cescuns en leurs lieus; mès il leur fu
commandé et ordené de par le prince qu’il fuissent
là tout revenu, dedens un jour qui assignés y fu. Or
retournèrent cil baron et cil signeur de Gascongne
10en leur pays, qui bien affremèrent que, sus l’estat
dont parti estoient devers le prince, plus ne retourroient,
ne que ja, pour faire guerre au prince, cilz
fouages ne courroit en leurs terres. Ensi se commença
li pays à esmouvoir et à rebeller contre le
15prince. Et vinrent en France li contes d’Ermignach,
li sires de Labreth, li contes de Pieregorth, le contes
de Commignes et pluiseur aultre haut baron, prelat
et chevalier de Gascongne, et misent plaintes avant
en le cambre dou roy de France, le roy de France
20present et ses pers, sus les griés que li princes leur
voloit faire; et disoient que il avoient ressort au dit
roy et que à lui se voloient retraire et retourner
comme à leur souverain.
Li rois de France, qui ne voloit mies obviier à le
25pais qui se tenoit entre le roy d’Engleterre et lui,
se dissimuloit de ces parolles, et en respondoit moult
à point, et disoit à ces barons de Gascongne: «Certes,
signeur, le juridiction de nostre hiretage et la couronne
de France vorrions toutdis garder et augmenter;
30mès nous avons juré, apriès nostre signeur de
père, pluiseurs poins et articles en le pais, desquelz
il ne nous souvient mies de tous. Si y regarderons et
[69] viseterons par loisir, et tout ce qui sera pour vous,
nous le vous aiderons à garder, telement que vous
nous en sarés gré; et vous metterons à acord, devers
nostre neveu le prince, tel, espoir qu’il n’est mies bien
5consilliés, que vous demorrés en vos francises et libertés.»
De ces responses que li rois de France faisoit,
se contentoient grandement li baron de Gascongne,
et se tenoient à Paris dalés le roy, qui point n’en
partoient ne retournoient en leur pays. De quoi li
10princes ne s’en contentoit mies bien, et tousjours
perseveroit et faisoit perseverer son conseil sus l’estat
de ce fouage.
Messires Jehans Chandos, qui estoit li uns des grans
de son conseil et vaillans et sages chevaliers durement,
15estoit contraires à ceste oppinion et bien vosist
que li princes s’en deportast. Et quant il vei que
point n’en venroit à chief, afin que point n’en fust demandés
ne encoupés, il prist congiet dou prince et
escusance d’aler en Normendie, en le terre de Saint
20Salveur le Visconte, dont il estoit sires, pour le viseter,
car point n’i avoit encores estet depuis trois
ans; li princes li acorda. Dont se departi de Poito
li dis messires Jehans Chandos, et s’en vint en Constentin,
et sejourna en le ville de Saint Salveur, que
25là environ, plus d’un an. Et toutdis procedoit li
princes sus ce fouage; car ses consaulz, qui à ce tiroient,
li remoustroient que, se il le pooient esploitier,
il vaurroit par an douze cens mil frans, par paiier
tant seulement sus çascun feu un franc, et li fors
30porter le foible. Nous retourrons au roy Henri, qui
estoit en ce temps retrais ou royaume d’Arragon et
recorderons comment il persevera.
[70] § [595]. Le plus grant partie de l’estat et de l’afaire
dou prince savoient li roy voisin, telz que li rois
Pierres d’Arragon et li rois Henris, car il mettoient
grant cure au savoir, et bien avoient entendu comment
5li baron de Gascongne estoient à Paris dalés
le roy et se commençoient tout à tourbler et à reveler
contre le prince. De ce n’estoient mies li dessus
dit roy couroucié, et par especial li rois Henris qui
tiroit à revenir au conquès de Castille, qu’il avoit
10perdu par le poissance dou prince. Si se parti dou
roy d’Arragon, et prist congiet à lui à Valense le
Grant; et se partirent en se compagnie, dou royaume
d’Arragon, li viscontes de Rokebertin et li viscontes
de Rodès, et furent bien troi mil hommes à cheval
15et bien six mil de piet, parmi aucuns Geneuois qui
là estoient en saudées. Si chevaucièrent ces gens
d’armes par devers Espagne et jusques à le cité de
Burghes, qui tantost se tourna et ouvri contre le roy
Henri, et le rechurent à signeur; et de là il vinrent
20devant le Val d’Olif, car li rois Henris entendi que li
rois de Mayogres y estoit, de laquelle avenue il fu
moult joians.
Quant cil de le ville dou Val d’Olif entendirent
que cil de Burghes estoient tourné et rendu au roy
25Henri, si n’eurent mies conseil que d’yaus tenir ne
faire assallir: si se ouvrirent, et recueillièrent le
dit roy Henri comme leur signeur, ensi que jadis
avoient fait. Si tost que li rois Henris fu entrés en
le ville, il demanda où li rois de Mayogres estoit et
30se tenoit: on li ensengna liement et volentiers. Tantost
et sans delay, li rois Henris vint celle part et entra
en l’ostel et en le cambre, là où li dis rois estoit
[71] encores tous pesans de sa maladie. Li rois Henris
vint jusques à lui, et là li dist ensi: «Rois de Mayogres,
vous avés esté nostre ennemi, et à main armée
vous estes entrés en nostre royaume de Castille, pour
5quoi nous mettons main à vous, et vous rendés nostre
prisonnier, ou aultrement vous estes mors.» Li rois
de Mayogres, qui se veoit en dur parti et que deffense
riens n’i valoit, respondi et dist: «Sire, je sui
mors voirement, se vous volés. Volentiers je me rench
10vostre prisonnier et non à autrui; et, se vous me
devés ou volés mettre, par quel condition que ce soit,
en aultres mains que ens ès vostres, si le dittes, car
je aroie plus chier à estre mors, que ens ès mains
remis de mon adversaire le roy d’Arragon.» Li rois
15Henris respondi et dist: «Nennil, car je ne vous feroie
pas loyauté, et se seroit grandement à mon
blasme. Vous demorrés mon prisonnier, pour quitter
et pour rançonner, se je voeil.» Ensi fu pris et sierementés
li rois James de Mayogres dou roy Henri, qui
20mist sus lui, ou Val d’Olif, grandes gardes pour plus
especiaument garder, et puis chevauça oultre devers
le cité de Lyon en Espagne, qui tantost s’ouvri contre
lui, quant il oïrent dire qu’il venoit celle part.
§ [596]. Quant la ville et la cité de Lyon en Espagne
25se fu rendue au roy Henri, tous li pays de le marce
de Galisse se commença à tourner. Et se vinrent
rendre au dit roy Henri pluiseur hault baron et signeur,
qui avoient en devant fait hommage au roy
dan Piètre; car, quel samblant d’amour qu’il li euissent
30moustré, present le prince, il ne le pooient amer,
tant leur avoit il fait de grans cruaultés jadis, et
[72] estoient bien en doubte que encores de recief il ne
leur en fesist. Et li rois Henris les avoit tenus amiablement
et porté doucement, et leur prommetoit
bien à faire: pour tant se retraioient il tout devers
5lui.
Encores n’estoit mies messires Bertrans de Claiekin
venus en se compagnie, mais il approçoit durement,
à tout bien deux mil combatans, et estoit
partis dou duch d’Ango, qui avoit achievé sa guerre
10en Prouvence et deffait son siège de devant Tarascon,
par composition, je ne sçai mies à dire quele. Si
s’estoient parti avoech le dessus dit monsigneur Bertran
aucun chevalier et escuier de France, qui desiroient
les armes, et estoient ja entré en Arragon, et
15chevauçoient fortement pour venir devers le roy
Henri qui avoit mis le siège devant le cité de
Toulète.
Les nouvelles dou reconquès et comment li pays
se tournoit devers le roy Henri, vinrent au roy dan
20Piètre qui se tenoit en le marce de Seville et de Portingal
et estoit tenus tout le temps. Quant li rois
dan Piètres entendi ce, si fu durement courouciés
sus son frère le bastart et les barons de Castille qui
le relenquissoient, et dist et jura que il en prenderoit
25si cruele vengance, que il seroit exemples à tous aultres.
Si fist tantost un mandement et commandement
partout à tous ceulz dont il esperoit à avoir l’ayde et
le service. Si manda et pria telz qui point ne vinrent
et s’escusèrent au mieulz qu’il peurent, et li aucun
30de recief sans faintise se retournèrent devers le roy
Henri et li renvoiièrent leur hommage. Et quant li
rois dan Piètres vei ce que ses gens li falloient, si se
[73] commença à doubter et se consilla à dan Ferrant de
Castres, qui onques ne li falli, liquelz li consilla que
il presist partout gens là où il les pooit avoir, tant en
Grenade comme ailleurs, et que il se hastast de chevaucier
5contre son frère le bastart, ançois que il se
efforçast plus en son pays, ne moutepliast de gens
d’armes.
Li rois dans Piètres ne volt mies sejourner sur
ce pourpos, mès pria ens ou royaume de Portingal,
10dont li rois estoit ses cousins germains, et y
eut grant gens; et envoia devers le roy de Grenade
et devers le roy de Bellemarine et le roy de Tramesainnes,
et fist alliances à yaus, parmi tant que trente
ans il les devoit tenir en segur estat et point faire de
15guerre. Parmi tant, cil troi roy dessus dit li envoiièrent
plus de vingt mil Sarrasins, pour aidier à faire
sa guerre. Si fist tant li rois dan Piètres, que d’uns,
que d’autres, Crestiiens, Juis et Sarrasins, qu’il eut
bien quarante mil hommes, tous assamblés en le marce
20de Seville. En ces trettiés et pourcas qu’il faisoit, et
entrues que li sièges estoit devant Toulète, descendi
en l’ost dou roy Henri messires Bertrans de Claiekin,
à tout deux mil combatans, qui y fu receus à grant
joie, ce fu bien raisons, et furent tout chil de l’host
25resjoï de sa venue.
§ [597]. Li rois dan Piètres, qui avoit fait son amas
de gens d’armes à Seville et là environ, si com chi
dessus est dit, et qui desiroit à combatre son frère le
bastart, se departi de Seville, à tout grant host, en
30istance de ce que pour venir lever le siège de devant
Toulette. Entre le cité de Toulette et celi de Seville,
[74] puet bien avoir neuf journées de pays: si vinrent
les nouvelles en l’ost dou roy Henri, que li rois dans
Piètres approçoit et avoit en se compagnie plus de
quarante mil hommes, uns c’autres, et que sur ce il
5euist avis. A ce conseil furent appellé li chevalier d’Arragon
et de France qui là estoient, et par especial messires
Bertrans de Claiekin, par lequel on voloit dou tout
ouvrer. Là donna li dis messires Bertrans un conseil
qui fu tenus: que tantost, avoech le plus grant partie
10de ses gens, li rois Henris se partesist et chevauçast
à effort devers le roy dan Piètre qui approçoit; et, en
quel estat li et les siens que on le trouvast, on le
combatesist. «Car pour quoi, dist il, si com nous
sommes enfourmé, il vient à grant poissance sur
15nous, qui trop nous poroit grever, se il venoit par
avis jusques à nous. Et, se nous alons sur lui, sans
ce que riens en sace, nous le prenderons bien lui et
ses gens en tel parti que tout despourveu, et que
nous en arons l’avantage, et seront desconfi, je n’en
20doubte mies.»
Li consaulz et avis de monsigneur Bertran fu
oïs et tenus. Si se parti sus un soir li dis rois Henris
de l’host, en se compagnie tous les milleurs combatans
par election que il euist, et laissa le demorant
25de son host en le garde et gouvrenement dou
conte dan Tille, son frère, et puis chevauça avant.
Et avoit ses espies alans et venans, qui savoient et
raportoient songneusement le couvine dou roy dan
Piètre et de son host. Et li rois dan Piètres ne
30savoit riens dou roy Henri, ne que ensi chevauçast
contre lui: de quoi il et ses gens en chevauçoient
plus espars et en petite ordenance. Et avint
[75] que, sus une ajournée, li rois Henris et li sien deurent
encontrer le roy dan Piètre et ses gens, qui celle nuit
avoit jeu en un chastiel, assés priès de là, que on
appelle Montueil, et l’avoit li sires de Montueil recueilliet
5et honnouret ce qu’il pooit. Si en estoit au
matin partis et mis au chemin, et chevauçoit assés
esparsement, car il ne cuidoit mies estre combatus
en ce jour. Evous venant soudainnement, banières
desploiies, et tous pourveus de leurs fais, le roy Henri,
10le conte Sanse son frère, monsigneur Bertran de
Claiekin, par lequel conseil tout il ouvroient, le
Bèghe de Vellainnes, le visconte de Rokebertin, le
visconte de Rodais et leurs routes. Et estoient bien
six mil combatans, et chevauçoient tout serré et de
15grant randon. Et s’en viennent, de plains eslais, de
grant volenté et sans faire nul parlement, ens ès premiers
qu’il encontrèrent, en escriant: «Castille au
roy Henri!» et «Nostre Dame! Claiekin!» Si reculèrent
et abatirent ces premiers, roidement et mervilleusement,
20qui furent tantost desconfi et rebouté
bien avant. Là en y eut pluiseur occis et rués par
terre, car nulz n’estoit pris à raençon, et ensi estoit
ordonné dou conseil monsigneur Bertran, très le jour
devant, pour le grant plenté de mescreans, Juis et
25aultres, qui là estoient.
Quant li rois dan Piètres entendi ces nouvelles,
qui chevauçoit en le plus grant route, que ses gens
estoient assalli et envaï et rebouté villainnement de
son frère le bastart Henri et des François, si fu
30durement esmervilliés dont il venoient, et vei bien
qu’il estoit trahis et decheus et en aventure de tout
perdre, car ses gens estoient moult espars. Non
[76] pourquant, comme bons chevaliers et hardis qu’il
estoit, et de grant confort et emprise, il s’arresta tout
quois sus les camps, et fist sa banière desvoleper et
mettre avant pour recueillier ses gens, et envoia
5noncier et dire à chiaus derrière, que il se hastaissent
de traire avant, car il se combatoit as ennemis.
Dont s’avancièrent toutes manières de bonnes gens
qui oïrent ces nouvelles, et se traisent pour leur
honneur devers le banière dou roy dan Piètre, qui
10venteloit sus les camps. Là eut grant bataille et dure
mervilleusement, et maint homme reversé par terre
et occis dou costet le roy dan Piètre, car li rois Henris
et messires Bertrans et leurs routes les requeroient
de si grant volenté, que nulz ne duroit contre yaus.
15Mès ce ne fu mies si tost fait et achievé, car cil dou
roy dan Piètre estoient si grant fuison, que bien six
contre un; mais tant y avoit de mal pour yaus et de
meschief qu’il furent pris si sus un piet, que ce les
esbahissoit et desconfisoit plus c’autre cose.
20§ [598]. Ceste bataille des Espagnolz l’un contre
l’autre, et des deux rois et leurs alliiés, assés priès dou
castiel de Montueil, fu en ce jour moult grande et
moult horible. Et moult y furent bon chevalier, dou
costé le roy Henri, messires Bertrans de Claiekin,
25messires Joffrois Ricon, messires Ernaulz Limozins,
messires Yons de Lakonet, messires Jehans de Berghètes,
messires Gauwains de Baillueil, messires li
Bèghes de Vellainnes, Alains de Saint Pol, Alyos de
Talay et li Breton qui là estoient; et ossi dou royaume
30d’Arragon, li viscontes de Rokebertin et li viscontes
de Rodès et pluiseur aultre bon chevalier et escuier
[77] que je ne puis mies tous nommer. Et y fisent tamaintes
grandes apertises d’armes, et bien leur besongnoit,
car il trouvèrent gens ossi contre yaus assés estragnes,
telz que Sarrasins et Portingalois. Car li Juis qui là
5estoient, tournèrent tantost les dos, ne point ne se
combatirent; mès ce fisent cil de Grenade et de
Bellemarine, qui portoient ars et archigaies, dont il
savoient bien jeuer, et dont il fisent pluiseurs grans
apertises de traire et de lancier.
10Et là estoit li rois dans Piètres hardis homs durement,
qui se combatoit moult vaillamment, et tenoit
une hace dont il donnoit les cops si grans, que nulz
ne l’osoit approcier. Là s’adreça la banière dou roy
Henri son frère devers le sienne, bien espesse et bien
15pourveue de bons combatans, en escriant leurs cris et
en boutant fierement de leurs lances. Lors se commencièrent
à ouvrir cil qui dalés le roy dan Piètre estoient,
et à esbahir malement. Dans Ferrans de Castres, qui
avoit à garder et consillier le corps dou roy dan Piètre
20son signeur, vei bien, tant eut il de sentement, que leurs
gens se perdoient et desconfisoient, pour tant que trop
sus un piet pris on les avoit: si dist au roy dan Piètre:
«Sire, sauvés vous et vous recueilliés en ce castiel de
Montueil, dont vous estes à ce matin partis. Se vous
25estes en ce castiel, vous serés en sauvegarde; et, se
vous estes pris de vos ennemis, vous serés mors sans
merci.» Li rois dan Piètres crut ce conseil, et se
parti au plus tost qu’il peut, et se retraist devers
Montueil. Si y vint si à point, que il trouva les portes
30dou chastiel ouvertes et le signeur qui le rechut,
lui douzime tant seulement. Entrues se combatoient
li aultre qui estoient espars sus les camps, et faisoient
[78] li aucun ce qu’il pooient; car li Sarrasin, qui
là estoient, avoient ossi chier à morir qu’il fuissent
longement cachiet: si se vendoient par ensi li aucun
moult durement.
5Nouvelles vinrent au roy Henri et à monsigneur
Bertran que li rois dan Piètres estoit retrais et enclos
ens ou chastiel de Montueil, et que li Bèghes de
Vellainnes et se route l’avoient poursievi jusques à là;
et se n’i avoit ou dit chastiel que un seul pas, par où
10on y entroit et issoit, et devant celle entrée se tenoit
li dis Bèghes, et avoit là mis son pennon. De ces
nouvelles furent durement resjoy li dessus dis messires
Bertrans et li rois Henris, et se traisent de celle
part, tout en combatant et occiant gens à fous et à
15mons, ensi que bestes, et tant qu’il estoient tout lasset
d’occire, dou decoper et de l’abatre. Si dura ceste
cache plus de trois grans liewes, et y eut ce jour mort
plus de vingt quatre mil hommes, uns c’autres. Et
trop petit s’en sauvèrent, se ce n’estoient cil dou
20pays qui savoient les refuites et les adresces; car li
Sarrasin, qui ne savoient ne cognissoient nient le
pays, ne savoient où fuir: si leur couvenoit attendre
l’aventure, si furent tout mort. Ceste bataille fu
desous Montueil et là environ, en Espagne, le treizime
25jour dou mois d’aoust, l’an de grasce mil trois
cens soixante huit.
§ [599]. Apriès le grande desconfiture qui eut estet
faite sus le roy dan Piètre et ses assamblés, assés priès
de Montueil, et que li rois Henris et messires Bertrans
30eurent obtenu le place et qu’il furent retourné
de le cache, il se recueillièrent tout devant le dit
[79] chastiel de Montueil et se logièrent et amanagièrent
tout environ; et bien disent que il n’avoient riens
fait ne esploitié, se il ne prendoient le chastiel et le
roy dan Piètre qui dedens estoit. Si mandèrent tout
5leur estat et afaire à leurs gens, qui se tenoient devant
Toulète, afin qu’il en fuissent plus reconforté.
De ces nouvelles furent tout resjoy li contes dan
Tilles et li contes Sanses et cil qui le siège là tenoient.
Li chastiaus de Montueil estoit fors assés pour bien
10tenir un grant temps, se pourveus euist esté; mès de
tous vivres, quant li rois dan Piètres y entra, il n’en
y avoit point pour lui vivre plus haut de quatre jours;
et ce esbahissoit grandement le roy dan Piètre et les
compagnons, car il estoient si priès gettié, de nuit et
15de jour, que uns oiselés ne se partesist point dou
chastiel, que il ne fust veus et aperçeus.
Li rois dan Piètres, qui estoit là dedens en grant
angoisse de coer, et qui veoit ses ennemis logiés autour
de lui, et qui bien savoit que à nul trettiet de pais ne
20d’accort il ne vorroient entendre ne descendre, eut tamainte
imagination, siques, tout considéré, les perilz
où il se trouvoit et le faute de vivres qui laiens estoit,
il fu consilliés que, à heure de mienuit, dou chastiel,
lui douzime, il se partiroient et se metteroient en le
25garde de Dieu, et aroient guides qui les meneroient
à l’un des corons de l’host et à sauveté. Si se arrestèrent
ou dit chastiel sus cel estat, et se partirent secretement,
environ heure de mienuit, li rois dans
Pietres, dans Ferrans de Castres et tant qu’il furent
30yaus douze, et faisoit celle nuit durement espès et
brun.
A ce donc faisoit le get à plus de trois cens combatans
[80] messires li Bèghes de Vellainnes, ensi que
li rois dans Piètres estoit issus dou chastiel et se
route, et s’en venoit par une haute voie qui descendoit
tout bas, et se tenoient si quoi que il sambloit
5que il n’i euist nullui. Li Bèghes de Vellainnes, qui
estoit toutdis en doubte et en soing de son fait et en
cremeur de tout perdre, oy, ce li sambla, le son de
passer sus le pavement; si dist à chiaus qui dalés lui
estoient: «Signeur, tout quoi et ne faites nul effroy.
10J’ay oy gens: tantost sarons qui ce sont, qui ceminent
à ceste heure. Je ne sçai se ce seroient jamais
vitaillier, qui venissent rafreschir ce chastiel de vivres,
car il n’en est mies bien pourveus.»
Adonc s’avança li dis Bèghes, sa daghe en son puing,
15ses compagnons dalés lui, et vint à un homme priès
dou roy dan Piètre et demanda: «Qui est çou là? Parlés
ou vous estes mors.» Cil à qui messires li Bèghes s’adreça,
estoit englès: se li refusa à parler et se lança
oultre en lui eschievant, et li dis Bèghes le laissa
20passer et s’adreça sus le roy dan Piètre; et li sambla,
quoique il fesist moult brun, que ce fust il, et le ravisa
pour le roy Henri son frère, car trop bien se
ressambloient. Se li demanda, en portant se dage sus
se poitrine: «Et vous, qui estes? Nommés vous tantost,
25ou vous estes mors.» Et en ce parlant il le prist
par le frain de son cheval, et ne volt mies qu’il li
escapast, ensi que li premiers avoit fait, quoique il
fust pris de ses gens.
Li rois dan Piètres, qui veoit une grosse route
30de gens d’armes devant lui et qui bien sentoit que
escaper ne pooit, dist au Bèghe de Vellainnes qu’il
recogneut: «Bèghes, Bèghes, je sui li rois dan
[81] Piètres, rois de Castille, à qui on fait moult de tors
par mauvais conseil. Je me rench ton prisonnier et
me meth, et toutes mes gens qui ci sont, et tout
comptés n’en y a que douze, en ta garde et volenté.
5Si te pri, en nom de gentillèce, que tu nous
mettes à sauveté, et je me rançonnerai à toy si grandement
com tu vorras; car, Dieu merci, j’ai bien
encores de quoi, mès que tu m’eschiewes des mains
dou bastart Henri mon frère.» Là deubt respondre,
10si com je fui depuis enfourmés, li dis Bèghes, que il
venist tout seurement, lui et sa route, et que ja ses
frères li bastars Henris, ne nuls aultres par lui, ne
saroit riens de ceste avenue. Sur cel estat s’en alèrent
il, et en fu menés li rois dan Piètres ou logeis le Bèghe
15de Vellainnes et proprement en le cambre monsigneur
Yon de Lakonet. Il n’eut point là estet une heure,
quant li rois Henris et li viscontes de Rokebertin et
leurs gens, non pas grant fuison, vinrent ou logeis
dou dessus dit.
20Sitost que li rois Henris entra en le cambre où ses
frères li rois dan Piètres estoit, il dist ensi par tel
langage: «Où est li filz de pute juis, qui s’appelle
rois de Castille?» Adonc s’avança li rois dans Piètres,
qui fut moult hardis et crueulz homs. «Mès tu es
25filz de putain, car je sui fiulz dou bon roy Alphons.»
Et à ces mos il prist à bras le roy Henri
son frère et le tira à lui en luitant, et fu plus fors de
li et l’abati desous lui, sus une ambarde, que on dist
en françois une coute de matelas de soie. Et mist
30main à sa coutille, et l’euist là occis sans remède, se
n’euist esté li viscontes de Rokebertin, qui prist le
piet dou roy dan Piètre, et le reversa par desous, et
[82] mist le roy Henri par deseure: liquelz traist tantost
une longe coutille de Castille, que il portoit à escerpe,
et li embara ou corps, tout en afillant desous en
amont, et tantost sallirent cil qui li aidièrent à partuer.
5Et là furent mort ossi dalés li uns chevaliers
d’Engleterre, qui s’appelloit messires Raoulz Helme,
qui jadis avoit estet nommés li Vers Escuiers, et uns
escuiers qui s’appelloit Jakes Rollans, pour tant qu’il
s’estoient mis à deffense; mès à dan Ferrant de Castres
10et as aultres on ne fist point de mal, ains demorèrent
prisonnier à monsigneur le Bèghe de Vellainnes
et à monsigneur Yon de Lakonet.
§ [600]. Ensi fina li rois dan Piètres de Castille, qui
jadis avoit regné en si grant prosperité; et encores le
15laissièrent chil qui occis l’avoient, trois jours sus
terre: dont il me samble que ce fu pités pour humanité,
et se gaboient li Espagnol de lui. A l’endemain,
li sires de Montueil se vint rendre au roy Henri, qui
le reçut et prist à merci, et ossi tous chiaus qui se
20voloient retourner devers lui. Ces nouvelles s’espardirent
par toute Castille, comment li rois dans Piètres
estoit mors. Si en furent couroucié si ami, et reconforté
si anemi.
Quant les nouvelles vinrent au roy de Portingal,
25que ses cousins li rois dan Piètres estoit mors par
telle manière, si en fu durement courouciés, et dist
et jura que ce seroit amendé. Si envoia tantost
deffiances au roy Henri et li fist guerre, et tint le
marce de Seville une saison contre lui. Mès pour ce
30ne laissa mies li rois Henris à poursievir se emprise,
et s’en retourna devant Toulète, qui tantost se rendi
[83] et tourna à lui, quant il sceurent la mort dou roy
dan Piètre, et ossi fist tous li pays; ne meismement
li rois de Portingal n’eut mies conseil de tenir longement
le guerre contre le roy Henri: si en fu fais
accors et pais par les moiiens, prelas et barons
5d’Espagne.
Si demora li rois Henris tout à pais dedens Castille,
et messires Bertrans de Claiekin dalés lui et
messires Oliviers de Mauni et li aultre chevalier de
10France et de Bretagne, asquelz li rois Henris fist
grant pourfit, et moult y estoit tenus, et sans l’ayde
d’yaus il ne fust ja venus à chief de ses besongnes.
Si fist le dit monsigneur Bertran de Claiekin,
connestable de toute Castille, et li donna la terre de
15Sorie, qui bien valoit par an vingt mil florins, et à
monsigneur Olivier de Mauni, son neveu, le terre
d’Ecrette, qui bien en valoit ossi par an dix mil, et
ensi tous les aultres chevaliers. Si vint tenir son estat
à Burghes, et sa femme et ses enfans, en regnant
20comme roi. De la prosperité et bonne aventure de
lui furent grandement resjoy li rois de France et li
dus d’Ango, qui moult l’amoient, et ossi li rois
d’Arragon.
En ce temps trespassa de ce siècle, en Ast en Pieumont,
25messires Lyons d’Engleterre qui en celle saison
estoit passés oultre, si com ci dessus est dit, et
avoit pris à femme la fille monsigneur Galeas, signeur
de Melans. Et pour tant qu’il morut assés mervilleusement,
messires Edouwars li Despensiers, ses
30compains, qui là estoit, en fist guerre au dit monsigneur
Galleas et le heria un temps et rua jus par
pluiseurs fois de ses gens. En le fin, messires li contes
[84] de Savoie s’en ensonnia et les mist à acord. Or revenrons
nous as besongnes et as avenues de la ducé
d’Acquitainne.
§ [601]. Vous avés chi dessus oy recorder comment
5li princes de Galles estoit enfourmés et consilliés de
eslever un fouage en sa terre, dont toutes gens se tenoient
à trop cargiet, et par especial cil de Gascongne.
Car cil des basses marces de Poito, de Saintonge
et de la Rocelle s’i acordoient assés bien, pour tant
10qu’il estoient plus prochain dou sejour dou prince,
et ossi il ont estet toutdis plus obeissant et descendant
as ordenances de leurs signeurs, et plus ferme
et mieulz estable que cil des lontainnes marces. Pour
ceste cose mettre à l’intention dou prince et de son
15conseil, en furent pluiseur parlement assamblé à
Niorth, en Angouloime, à Poitiers, à Bourdiaus et à
Bregerach; et toutdis maintenoient cil de Gascongne,
que point n’en paieroient, ne ja en leurs terres courir
ne le soufferoient, et mettoient avant qu’il avoient
20ressort en le cambre dou roy de France. De ce ressort
estoit li princes durement courouciés, et respondit
bien à l’encontre et disoit ensi que non avoient,
et que li rois de France avoit quitté tous ressors et
toutes jurisditions, quant il rendi les terres à son signeur
25de père, ensi que bien estoit apparant par les
trettiés et chartre de le pais, qui de ce faisoient clerement
et plainnement mention, et que nul article
n’i avoient li trettieur de le pais pour le roy de France
reservé.
30A ce pourpos respondoient li Gascon, et disoient
que il n’estoit mies en le poissance et ordenance
[85] dou roy de France, ne ne fu onques, qu’il les peuist
quitter dou ressort; car li prelat, li baron, les
cités et les bonnes villes de Gascongne ne l’euissent
jamais souffert, ne soufferoient encores, se il estoit à
5faire, pour tousjours demorer le royaume de France
et le royaume d’Engleterre en guerre. Ensi estoient
en grignes li princes et li signeur de Gascongne, et
soustenoit cescuns se oppinion et disoit qu’il avoit
bon droit. Et se tenoient tout quoi à Paris, dalés le
10roy de France, li contes d’Ermignach, li sires de Labreth,
li contes de Pieregort, li contes de Commignes
et pluiseur aultre baron de Gascongne, qui tutoient
et enfourmoient le roy nuit et jour, par grant loisir,
que li princes, par orgueil et presumption, les voloit
15tous suppediter, et eslever coses indeues en leurs
terres, lesqueles il ne soufferoient jamais à estre faites.
Et disoient et remoustroient au roy que il avoient
ressort à lui; si voloient que li princes fust appellés
en parlement en le cambre des pers, sus les griefs et
20molestes que il leur voloit faire. Li rois de France,
qui se veoit poursievis de ces signeurs de Gascongne,
qui le requeroient de confort et d’ayde comme leur
souverain, ou il se trairoient en aultre court, ce disoient
il, si perderoit celle signourie, descendoit à envis
25à leur requeste, pour tant qu’il sentoit bien que
la cose ne pooit venir à aultre chief que à guerre:
laquele, sans grant title de raison, il ne voloit nullement
esmouvoir, car encores veoit il son royaume
trop grevé et trop pressé de Compagnes et d’ennemis,
30pour lui et son frère le duch de Berri, hostagiier
en Engleterre: si voloit ses coses faire tout meurement.
[86] En ce temps estoit revenus en France messires
Guis de Lini, conte de Saint Pol, sans prendre congiet
as Englès et par grant soutilleté: la matère en
seroit trop longue à demener, je m’en passerai briefment.
5Liquelz contes haoit tant les Englès qu’il n’en
pooit nul bien dire, et rendoit grant painne à ce que
li rois de France descendesist à le priière des Gascons;
car bien savoit que, se li princes estoit appellés, ce
seroit uns mouvemens de guerre. A l’oppinion dou
10conte de Saint Pol estoient descendant pluiseur prelat,
conte, baron et chevalier dou royaume de France.
Et disoient bien ensi au roy que li rois d’Engleterre
ne li princes de Galles n’avoient en riens tenu le pais,
ne ce qu’il avoient juré et seelé, selonch le teneur des
15trettiés, qui furent fait et ordené à Bretegni dalés
Chartres, et depuis confermé à Calais; car li Englès
avoient toujours couvertement et soutieument guerriiet
le royaume de France, et avoit esté grevé et oppressé
li royaumes de France plus, depuis le pais faite,
20que en devant. «Et tout ce que nous vous disons et
moustrons, vous le trouverés en verité, se vous faites
lire les chartres de le pais et en quoi li rois d’Engleterre
et ses ainnés filz li princes de Galles se sousmisent
par foy et sierement.»
25Adonc li rois de France, pour li mieulz enfourmer
de verité et condescendre à ses gens et garder les droitures
de son royaume, fist mettre avant et aporter en
le cambre de conseil toutes les chartres de le pais; et
là les fist lire par pluiseurs jours et à grant loisir,
30pour mieulz examiner les poins et les articles, qui
dedens estoient contenu. Si en furent veues et leues,
ce terme pendant, pluiseurs fois, pour mieulz avenir
[87] au fons de leur matère. Et entre les aultres, il en y
eut une des sousmissions, où li rois et ses consauls
s’arestèrent le plus, pour tant que elle parloit vivement
et clerement, de ce dont il voloient oïr parler,
5laquele lettre disoit en tel manière:
§ [602]. Edouwars, par le grasce de Dieu, roy d’Engleterre,
signeur d’Irlande et d’Aquitainne, à tous
ceulz qui ces presentes lettres veront ou oront, salut.
Sachent tout que, en l’acort et pais finable fais
10entre nous et nostre très chier frère le roy de France,
sont contenu deux articles, contenans la fourme qui
s’ensieut. Item, que li roy dessus dit seront tenu de
faire confremer toutes les coses dessus dittes par
nostre Saint Père le pape, et seront vallées par sierement,
15sentenses et censures de court de Romme et
tous aultres liens, en la plus forte manière que faire
se pora. Et seront impetrées dispensations et absolutions
et lettres de la ditte court de Romme, touchans
la perfection et l’acomplissement de ce present
trettiet; et seront baillies as parties, au plus tart dedens 20
trois sepmainnes, apriès ce que li rois de France sera
arrivés à Calais. Item, afin que les coses dessus dittes,
traitiés et paroles soient plus fermes, estables et
vaillables, seront faites et données les fermetés qui
25s’ensievent: c’est à savoir, lettres seelées des seaulz
des rois et des ainsnés filz de ceulz, les milleurs qu’il
poront faire et ordonner par les consaulz des roys. Et
jureront li dit roy et leurs ainsnés enfans et aultres enfans,
et ossi li aultre des linages des dis signeurs, et
30aultres grans des royaulmes, jusques au nombre de
vingt de çascune partie, qu’il tenront et aideront à
[88] tenir, pour tant comme çascun d’eulz touche, les
dittes coses trettiies et acordées, et acompliront sans
jamais venir au contraire, sans fraude et sans mal
engin, et sans faire nul empeechement. Et, se il y
5avoit aucun del royaume de France ou dou royaume
d’Engleterre, qui fuissent rebelles ou ne volsissent
acorder les coses dessus dittes, li doy roy dessus dit
ensamble feront tout leur pooir, de corps, de biens
et d’amis, de mettre les dis rebelles en obeissance,
10selonch la fourme et teneur dou dit trettié. Et avoec
ce se sousmetteront li doy roy et leur royaume à le
cohertion de nostre Saint Père le pape, afin qu’il
puist constraindre par sentenses, censures d’Eglise et
aultres voies deues, celi qui sera rebelles, selonch ce
15qui sera de raison. Et, parmi les fermetés et seurtés
dessus dittes, renonceront li doy roy, pour eulz et
leurs hoirs, par foy et sierement, à toutes graces et
procès de fait. Et se, par desobeissance, rebellion
ou poissance d’aucuns subgès dou royaume de France
20ou aultre juste cause, le roy de France ou ses hoirs
ne pooient acomplir toutes les coses dessus dittes, li
rois d’Engleterre, ses hoirs ou aucuns pour eulz ne
feront ou doient faire guerre contre le roy de France,
ses hoirs ne son royaume; mès tous ensamble s’efforceront
25de mettre les dis rebelles en obeissance et
d’acomplir les coses dessus dittes. Et ossi, se aucun
dou royaume et obeissant dou roy d’Engleterre ne
voloient rendre les chastiaus, villes ou forterèces
qu’il tiennent ou royaume de France et obeir au
30trettié dessus dit, ou par juste cause ne poroit acomplir
li dis rois de France ce qu’il doit faire par ce
present trettiet, li doi roy ensamble doient faire leur
[89] plain pooir de guerriier les rebelles et de mettre en
bonne obeissance, et de recouvrer villes, chastiaus et
forterèces. Et seront ossi faites et données, d’une partie
et d’autre, selonc le nature dou fait, toutes manières
5de fermetés et seurtés, que on pora et sara deviser,
tant par le pape et le colège de le court de
Romme comme aultrement. Et nous, desirans avoir
et nourir perpetuelle pais et amour entre nous et
nostre dit frère et le royaume de France, avons renunciet
10et par ces presentes renonçons à toutes guerres
et aultres procès de fait contre nostre dit frère,
ses hoirs, successeurs et le royaume de France et ses
subgès. Et prommetons et jurons et avons juré sus le
corps Jhesucris, pour nous, nos hoirs et successeurs,
15que nous ne ferons ne venrons, ne faire ou venir
soufferons par fait ou par parolle contre ceste presente
renunciation, ne contre aucune de ces coses
contenues ès dessus dis articles. Et, se nous faisions
ou souffrions estre fait le contraire par quelconque
20manière, ce que Diex ne voeille, nous volons estre
reputé et tenu pour faulz, mauvais et parjure, et encourre
en tel blasme et diffame, comme rois sacrés
doit encourir en tel cas. Et renunçons à impetrer
toutes dispensations et absolutions dou pape et d’autre
25contre le dit sierement. Et, se impetrée estoit,
nous volons qu’elle soit nulle et de nulle valeur, et
que nous ne nous en puissons aidier en aucune manière.
Et, pour tenir plus fermement les coses dessus
dittes, nous sousmetons nous, nos hoirs et nos successeurs,
30à le jurisdiction et cohercion de l’Eglise de
Romme. Et volons et consentons que nostre Saint
Père le pape conferme toutes ces coses, en donnant
[90] monitions et mandemens generaulz, pour l’acomplissement
d’icelles, contre nous, nos hoirs et successeurs
et contre tous nos subgès, soient commugnes,
universités, collèges ou personnes singulères quelconques,
5et en donnant sentenses generaulz d’escumeniement,
de suspension ou d’entredit, pour estre encourues
par nous ou par eulz, sitos comme nous ou
eulz ferons ou attempterons le contraire, en occuppant
ville, forterèce ou chastiel, ou aultre cose quelconque
10faisant, ratefiant ou agreant, ou en donnant conseil,
confort, faveur ne ayde, celeement ou en appert,
contre les coses dessus dittes. Et avons fait samblablement
jurer toutes les dittes coses par nostre très
chier ainsnet fil Edouwart, prince de Galles, et nos
15filz puisnés Leonniel, conte de Dulnestre et Jehan,
conte de Richemont, et Aymon de Langlée et nostre
très chier cousin messire Phelippe de Navare,
et les dus de Lancastre et de Bretagne, les contes
de Stafort et de Sasleberi, le signeur de Mauni,
20Gui de Briane, Renault de Gobehem, le captal de
Beus, le signeur de Montferrant, Jame d’Audelée,
Rogier de Biaucamp, Jehan Chandos, Raoul de
Ferrières, Edouwart le Despensier, Thomas et Guillaume
de Felleton, Eustasce d’Aubrecicourt, Franke
25de Halle, Jehan de Montbray, Bietremieu de
Brouwes, Henri de Persi, Nicole de Cambourne,
Richart de Stafort, Guillaume de Grantson, Raoul
Spingreniel, Gastonnet de Graili et Guillaume Bourtonne,
chevaliers. Et ferons ossi jurer samblablement,
30au plus tost que faire porons bonnement, nos aultres
enfans et la plus grant partie des prelas, des
eglises, contes, barons et aultres nobles de nostre
[91] royaume. En tesmoing de laquel cose, nous avons fait
mettre nostre seel à ces presentes lettres, données en
nostre ville de Calais, l’an de grasce Nostre Signeur
mil trois cens et soixante, le vingt quatrime jour dou
5mois de octembre.
§ [603]. Entre les aultres lettres qui avoient estet
données et acordées dalés Chartres comme en le ville
de Calais, quant li rois Jehans s’i tenoit ou temps
dessus dit, fu ceste lettre adonc dou roy Charlon,
10son ainsnet fil, très bien leute et grandement et à
loisir examinée et visetée, present les plus especiaus
de son conseil. Et là disoient bien li prelat et li baron
de France, qui à ce consillier estoient appellet,
que li rois d’Engleterre ne li princes de Galles ne
15l’avoient en riens tenu ne acompli, mès pris fors
chastiaus et villes, sejourné et demoré ou dit royaume
à grant damage, ranchonné et pillié le peuple,
parquoi li paiement de le redemption dou roy estoient
encores ou en partie à paiier, et que sur ce et
20par ce point li rois de France et si soubget avoient
bon title et juste cause de brisier le pais et guerriier
les Englès, et yaus tollir l’iretage qu’il tenoient deça
le mer.
Encores fu adonc dit ensi au roy, secretement et
par grant deliberacion de conseil: «Chiers sires, emprendés 25
hardiement, et vous y avés cause. Et sachiés,
sitos que vous l’arés empris, vous verés et trouverés
que les trois pars dou pays de la ducé d’Aquitainne
se tourneront devers vous, prelat, conte, baron, chevalier,
30escuier et bourgois de bonnes villes, vechi
comment et pourquoi. Li princes procède à eslever
[92] ce fouage dont point ne venra à chief, mès en demorra
en le hayne et malivolense de toutes gens. Et
sont cil de Poito, de Saintonge, de Limozin, de
Roerge, de Quersin et de le Rocelle, de tel nature qu’il
5ne poeent amer les Englès, quel samblant qu’il leur
moustrent. Et li Englès ossi, qui sont orguilleus et
presumptueus, ne les poeent osi amer ne fisent onques,
et encores maintenant mains que onques mais,
mais les tiennent en grant despit et vieuté. Et ont li
10officiier dou prince si sourmonté toutes gens, en Poito,
en Saintonge et en le Rocelle, qu’il prendent tout en
abandon, et y font si grans levées que nulz n’a riens
au sien. Avoech tout ce, li gentil homme dou pays
ne poeent venir à nul office: tout emportent li Englès
15et li chevalier dou prince.»
Ensi estoit tart et tempre li propres rois de France
tutés et consilliés. Et meismement li dus d’Ango, qui
pour le temps se tenoit en le cité de Toulouse, y
rendoit grant painne, et desiroit moult que la guerre
20fust renouvelée, ensi que cilz qui ne pooit amer les
Englès ne ne fist onques, pour aucuns actes de desplaisances
que dou temps passet li avoient fais.
D’autre part, li Gascon songneusement li disoient:
«Chiers sires, nous tenons, dou temps passet et de
25grant anciennetet, à avoir nostre ressort en vostre
court. Si vous prions que vous nous faites droit et
loy, si com vostre court est la plus droiturière dou
monde, dou prince, sus les grans griés qu’il nous voet
faire et à nos gens; et, se vous nous defallés de droit
30à faire, nous nos pourcacerons ailleurs, et nous renderons
et metterons en court de tel signeur qui nous
en fera avoir raison, et vous perderés vostre signorie.»
[93] Li rois de France, qui à envis euist perdu l’amour
et le service de ces signeurs, car à grant blasme et
prejudisce li fust retourné, leur respondoit moult
courtoisement que ja, par faute de loy ne de conseil,
5il ne se trairoient en aultre court que en le
sienne, mès il couvenoit user de telz besongnes par
grant avis. Ensi les demena il priès d’un an, et les
faisoit tous quois tenir à Paris; mais il paioit tous
leurs frès et leur donnoit encores grans dons et grans
10jeuiaus, et toutdis enqueroit secretement comment,
se la pais estoit brisie entre lui et les Englès, il se
maintenroient. Et cil respondoient que ja de la guerre
au lés de delà ne l’en faurroit ensonnier, car il estoient
grant et fort assés pour guerriier le prince et
15se poissance.
Li rois, de l’autre costet, tastoit ossi tout bellement
et secretement à ceulz de Abbeville et de Pontieu,
quelz il les trouveroit, et s’il demorroient Englès ou
François. Cil de Abbeville ne desiroient aultre cose
20que de estre François, tant haoient il les Englès. Ensi
acqueroit li rois de France amis de tous lés: aultrement
il n’euist osé bonnement faire ce qu’il fist.
En ce temps fu nés, et par un avent, Charles de
France, ainsnés filz dou roy de France, l’an mil trois
25cens soixante huit, dont li royaumes fu tous resjoïs.
En devant ce, avoit estet nés Charles de Labreth, filz
au signeur de Labreth. De le nativité de ces deux
enfans, qui estoient cousin, fu li royaumes moult
resleechiés, et par especial li rois de France.
30§ [604]. Tant fu li rois de France tutés et enhortés
de chiaus de son conseil, et songneusement quoitiés
[94] des Gascons, que uns appiaus fu fais et fourmés pour
aler en Aquitainne appeller le prince de Galles en
parlement à Paris; et s’en fisent li contes d’Ermignach,
li sires de Labreth, li contes de Pieregorth, li contes
5de Commignes, li viscontes de Carmain, li sires de
Labarde, messires Bertrans de Taride, li sires de
Pincornet et pluiseur aultre, cause et chief. Et contenoit
li dis apiaus comment, sus grans griés dont chil
signeur se plaindoient que li princes de Galles et
10d’Aquitainne leur voloit faire et à leurs terres, il
appeloient et en traioient à ressort au roy de France,
lequel, si com de son droit et signourie, il avoient
pris et ordonné pour leur juge.
Quant li dis apiaus fu bien fais, escrips et fourmés,
15ensi qu’il apertenoit, et bien corrigiés et examinés au
mieulz que li sage de France sceurent ne peurent faire,
et au plus doucement, toutes raisons gardées, on les
carga à un clerch de droit bien enlangagiet, pour mieulz
esploitier de le besongne, et à un chevalier de Biausse,
20qui s’appelloit messires Caponnés de Caponval. Cil
doi, en leur arroi et avoech leurs gens, se departirent
de Paris, et se misent au chemin par devers Poito, et
esploitièrent tant par leurs journées qu’il passèrent
Berri et Tourainne, Poito et Saintonge, et vinrent à
25Blaves, et là passèrent la rivière de Garone, et arrivèrent
à Bourdiaus, où li princes et madame la princesse
se tenoient pour le temps. Et partout disoient
li dessus dit qu’il estoient messagier au roy de France:
si estoient et avoient esté partout li bien venu, pour
30la cause dou dit roy, de qui il se renommoient.
Quant il furent rentré en le cité de Bourdiaus, il se
traisent à hostel, ja estoit tart, environ heure de vespres:
[95] si se tinrent là tout ce jour jusques à l’endemain
que, à heure competente, il vinrent vers l’abbeye de
Saint Andriu, où li dis princes se logoit et tenoit
son hostel. Li chevalier et li escuier dou prince les
5recueillièrent moult doucement, pour le reverense
dou roy de France, de qui il se renommoient, et fu li
dis princes enfourmés de leur venue. Quant il furent
parvenu jusques au prince, il l’enclinèrent moult bas
et le saluèrent, et li fisent toute reverense, ensi
10comme à lui apertenoit et que bien le savoient faire,
et puis li baillièrent lettres de creance. Li princes les
prist moult doucement et les lisi, et puis lor dist:
«Vous nous estes li bien venu. Or dittes avant: que
volés vous dire?»—«Très chiers sires, dist li clers
15de droit, veci unes lettres qui nous furent baillies à
Paris, de nostre signeur le roy de France, lesqueles
nous prommesimes par nos fois que nous publirions
en le presence de vous, car elles vous touchent.» Li
princes lors mua couleur, qui adonc fu tous esmervilliés
20que ce voloit estre, et ossi furent aucun chevalier,
qui dalés lui estoient. Nekedent, il se rafrena
et dist: «Dittes, dittes: toutes bonnes nouvelles
oyons nous volentiers.» Adonc prist li dis clers la
lettre et l’ouvri et le lisi, de mot à mot, laquele lettre
25contenoit ensi:
§ 605. Charles, par le grasce de Dieu, rois de France,
à nostre neveu le prince de Galles et d’Aquitainnes,
salut. Comme ensi soit que pluiseur prelat, baron,
chevalier, universités, commugnes et collèges des
30marces et limitations de Gascongne, demorant et habitant
ès bondes de nostre royaume, avoech pluiseurs
[96] aultres de la ducé d’Aquitainne, se sont trait en nostre
court, pour avoir droit sus aucuns griés et molestés
indeus, que vous, par foible conseil et simple
information, leur avés proposé à faire, dont nous
5sommes tout esmervilliet: donc, pour obviier et remediier
à ces coses, nous nos sommes ahers avoech
yaus et aherdons, tant que, de nostre majesté royal
et signourie, nous vous commandons que vous venés
en nostre cité de Paris en propre personne et vous
10amoustrés et representés devant nous en nostre cambre
des pers, pour oïr droit sus les dites complaintes
et griefs, esmeus de par vous, à faire sus vostre
peuple qui claime à avoir resort en nostre court; et
à ce, comment que ce soit, n’i ait point de defaute,
15et soit au plus hasteement que vous poés, apriès
ces lettres veues. En tesmoing de laquel cose, nous
avons à ces presentes mis nostre seel. Donnet à Paris,
le quinzime jour dou mois de jenvier.
§ [606]. Quant li princes de Galles ot oy lire ceste
20lettre, si fu plus esmervilliés que devant, et crola la
tieste et regarda de costé sus les dessus dis François.
Et quant il eut un petit pensé, si respondi par tel manière:
«Nous irons volentiers à nostre ajour à Paris,
puisque commandé nous est dou roy de France, mès
25ce sera le bachinet en le teste et soixante mil hommes
en nostre compagnie.» Dont s’engenoullièrent
li doi François, qui là estoient, si disent: «Chiers
sires, pour Dieu merci, ne prendés cest appel en trop
grant despit ne en trop grant courous. Nous sommes
30messagier au roy nostre signeur, chi envoiiet de
par lui, à qui nous devons toute obeissance, si com li
[97] vostre le vous doivent; et nous couvint par commandement
aporter cest appel, et tout ce que vous
nous cargerés, nous le dirons volentiers au roy.»—«Nennil,
dist li princes, je ne vous en sçai nul mal
5gré, fors ceulz qui chi vous envoient. Et vostre roy
n’est pas bien consilliés, qui s’ahert avoech nos subgès
et se voelt faire juges de c’à lui riens n’apertient
ne où il n’a point de droit; car bien li sera moustré
que, au rendre et mettre en le saisine monsigneur
10mon père ou ses commis de toute la ducée d’Aquitainne,
il en quitta tous les ressors. Et tout chil qui
ont fourmé leur appiel contre mi, n’ont aultre ressort
que en le court d’Engleterre de monsigneur mon
père; et, ançois que il soit aultrement, il coustera
15cent mil vies.»
A ces paroles se departi li dis princes d’yaus, et
entra en une cambre; si les laissa là tous quois ester.
Adonc vinrent avant chevalier englès, qui leur disent:
«Signeur, partés de ci et retournés à vostre
20hostel. Vous avés bien fait ce pour quoi vous estes
venu: vous n’arés autre response que vous avés eu.»
Lors se departirent li chevaliers et li clers, et retournèrent
à leur hostel et là disnèrent. Et tantost apriès
disner, il toursèrent et montèrent, et se departirent
25de Bourdiaus, et se misent au chemin pour revenir
vers Thoulouse et compter au duch d’Ango comment
il avoient esploitié.
Li princes de Galles, si com chi dessus est dit,
estoit tous merancolieus de cel appiel que on li avoit
30fait. Ossi estoient si chevalier, et vosissent bien
li aucun, et le consilloient au prince, que li doi messagier,
qui l’appiel avoient aporté, fuissent occis
[98] pour leur salaire, mais li princes les en deffendoit.
Si eut il sus yaus tamainte imagination trop dure,
et quant on li dist qu’il estoient parti et tenoient le
chemin de Thoulouse, si appella monsigneur Thumas
5de Felleton et le seneschal de Roerge et monsigneur
Richart de Pontchardon et monsigneur Thumas de
Persi et son cancelier l’evesque de Bade, et leur demanda:
«Chil François, qui s’en revont, emportent
il nul sauf conduit de mi?» Li dessus dit respondirent
10qu’il n’en avoient oy nulles nouvelles. «Non,
dist li princes qui crolla la tieste, ce n’est pas bon
qu’il se partent si legierement de nostre pays, et voisent
recorder leur gengles et leurs bourdes au duch
d’Ango, qui nous aime tout petit, et dient comment
15il m’ont ajourné en mon hostiel meismes. Ossi tout
consideré, il sont plus messagier à mes subgès, le
conte d’Ermignach et le signeur de Labreth, li conte
de Pieregorth et celi de Commignes et de Quarmaing,
qu’il ne soient au roy de France, siques, à leur contraire
20et pour le despit qu’il nous ont fait et ont empris
à faire, nous acordons bien qu’il soient retenu
et mis en prison.»
De ces parolles furent cil dou conseil dou prince
tout joiant, et disent ensi que on y avoit trop mis
25au faire. Tantost en fu cargiés li seneschaus d’Aghinois,
qui s’appelloit messires Guillaumes le Monne,
uns moult appers chevaliers d’Engleterre, liquelz
monta tantost à cheval avoech ses gens, et se departi
de Bourdiaus et poursievi tant, en lui hastant, les
30François, que il les raconsievi sus le terre d’Aginois.
Si les arresta et mist main à yaus d’office, et trouva
aultre cautèle que dou fait dou prince; car, en yaus
[99] arrestant, point ne nomma le prince, mès dist que
leurs hostes dou soir s’estoit plains d’un cheval que
on li avoit cangié à son hostel.
Li chevaliers et li clers furent tout esmervilliet de
5ces nouvelles, et s’en escusèrent moult fort; mès,
pour escusance que il fesissent, il ne peurent estre
desaresté, ains en furent mené en la cité d’Agen, et
là mis ou chastiel en prison. Et laissièrent bien partir
li dit Englès aucuns de leurs garçons, qui retournèrent
10en France au plus tost qu’il peurent, et passèrent
parmi le cité de Thoulouse et recordèrent au duch
d’Ango l’afaire ensi qu’il aloit, qui n’en fu mies trop
courouciés, pour tant qu’il pensoit bien que c’estoit
commencemens de hayne et de guerre, et se pourvei
15couvertement et avisa selonch ce.
Les nouvelles vinrent au roy de France, car li varlet
y retournèrent, qui recordèrent tout ce que il
avoient veu et oy dire à leurs mestres de l’estat et
couvenant dou prince. De laquele avenue li rois fu
20moult courouciés et le tint en grant despit, et s’avisa
selonch ce, et sus les parolles que li princes avoit dit,
qu’il venroit à son ajour contre l’appiel qui fais estoit,
personelment, le bachinet en le tieste, et soixante
mil hommes en se compagnie.
25§ [607]. De ceste response grande et fière n’en pensèrent
mies li rois de France et ses consauls mains,
et se ordonnèrent et pourveirent selonch che quoiement
et couvertement.
A ce donc estoit retournés en France d’Engleterre,
30par grasce que li rois li avoit fait, messires Jehans de
France, dus de Berri, et avoit congiet un an. Si se
[100] dissimula et porta si bellement que onques puis n’i
retourna; et prist tant d’escusances et d’autres moiiens
que la guerre fu toute ouverte, si com vous orés recorder
assés briefment.
5Ossi messires Guillaumes, contes de Harcourt, estoit
retournés en son pays; et li avoit li dis rois d’Engleterre
fait grasce, à le priière de monseigneur Loeis
de Harcourt, son oncle, qui estoit de Poito et pour
le temps des chevaliers feaulz dou prince. Liquelz
10contes de Harcourt eut une maladie qui trop bien li
chei à point, car elle li dura tant que la guerre fu
toute renouvelée: pourquoi onques puis ne rentra
en Engleterre.
Guys de Blois, qui pour le temps estoit uns jones
15escuiers et frères au conte Loeis de Blois, s’estoit delivrés
franchement d’Engleterre; car, quant il perchut
que li rois de France, pour qui il estoit là hostagiiers,
ne le deliveroit pas, il fist trettier devers le
signeur de Couci qui avoit à femme le fille dou roy
20d’Engleterre et qui tenoit à ce jour grant revenue en
Engleterre de par sa femme, assignés sus les coffres
dou roy. Si se porta trettiés entre le dit roy, le signeur
de Couci son fil et Gui de Blois, que li dis Guis, par
le consentement de ses deux frères Loeis et Jehan et
25l’acort dou roy de France, resigna purement et absoluement
ens ès mains dou roy d’Engleterre la conté
de Soissons, laquele conté li dis rois d’Engleterre
rendi et donna à son fil le signeur de Couci, et
de ce li sires de Couci le quitta de quatre mil
30frans de revenue par an: ensi se fisent ces
pareçons.
Li contes Pieres d’Alençon ossi, par grasce que li
[101] rois d’Engleterre li avoit fait, estoit retournés en
France. Si demora tant et trouva pluiseurs escusances,
pour quoi onques puissedi ne rentra en l’ostagerie
dont il estoit partis; mais je croi que en le fin il paia
5trente mil frans, pour sa foy aquitter.
En devant ce, en estoit trop bien cheu au duch
Loeis de Bourbon qui pour celle cause estoit hostagiiers
en Engleterre, car par grasce que li rois d’Engleterre
li avoit fait il estoit retournés en France.
10Dont il avint, entrues qu’il estoit en France et à Paris
dalés le roy son serourge, que li evesques de Wincestre,
canceliers d’Engleterre, trespassa de ce siècle.
A ce donc regnoit en Engleterre uns prestres qui
s’appelloit Guillaumes Wikam. Chilz estoit si très
15bien dou roy d’Engleterre que par lui estoit tout fait,
et sans lui n’estoit riens fait. Quant cilz offices et celle
eveskiet vaghièrent, tantost li rois d’Engleterre, par
l’information et priière dou dessus dit Wikan, escrisi
au duch de Bourbon qu’il se vosist tant pour l’amour
20de lui travillier que d’aler devers le saint père pape
Urbain et impetrer pour son chapellain l’evesquiet
de Wincestre, et il li seroit courtois à se prison.
Quant li dus de Bourbon vei les messages dou roy
d’Engleterre et ses lettres, si en fu moult resjoïs et
25remoustra tout l’afaire au roy de France, de quoi
li rois d’Engleterre et messires Guillaumes Wikan le
prioient. Li rois li consilla bien d’aler devers le pape.
Si se parti li dis dus o son arroy et esploita tant par
ses journées qu’il vint en Avignon où li papes Urbains
30pour le temps se tenoit, car encores n’estoit il point
partis ne ralés à Romme. Auquel saint père li dus de
Bourbon fist sa priière, à laquele li papes descendi et
[102] donna au dit duch l’evesquiet de Wincestre à faire
ent sa volentet; et, se il trouvoit tel le roy d’Engleterre
que amiable à se composition, il voloit bien
que li dis Wikan l’euist.
5Sus cel estat, retourna li dus de Bourbon en France
et depuis en Engleterre, et tretta de se delivrance
devers le roy et son conseil, ançois qu’il vosist moustrer
ses bulles. Li rois, qui moult amoit ce Wikan,
fist tout ce qu’il veult. Et fu li dus de Bourbon quittes
10de se prison, mais encores paia il vint mil frans.
Et messires Guillaumes Wikan demora eveskes de
Wincestre et canceliers d’Engleterre. Ensi se delivroient
cil signeur de France qui estoient hostagier
en Engleterre. Or revenons au fait de Gascongne où
15les guerres commencièrent premierement, pour le
cause de l’appiel et dou ressort.
§ [608]. Vous devés savoir que li princes de Galles
prist en grant despit l’ajour que on li avoit fait à estre
à Paris. Et bien estoit se intention, selonch la response
20qu’il avoit ditte et faite as messagiers dou roy,
que, sus l’esté qui venoit, il venroit tenir son siège
et remoustrer sa personne à le feste dou Lendi. Et
envoia tantost devers les capitainnes des Compagnes,
englès et gascons, qui estoient de son accord, et liquel
25se tenoient sus le rivière de Loire, que il ne se
eslongassent mies trop, car temprement il en aroit à
faire. Desqueles nouvelles li plus des Compagnes furent
tout joiant. A ce n’euist point li princes falli, mès
de jour en jour il aggrevoit d’enfle et de maladie, laquele
30il avoit conçut en Espagne: dont ses gens estoient
tout esbahi, car ja ne pooit il point chevaucier.
[103] Et de ce estoit li rois de France tous enfourmés, et
de l’estat et afaire de lui, et avoit par recepte toute
sa maladie. Si le jugoient li medecin et surgiien de
France plain de ydropisse et de maladie incurable.
5Assés tost apriès la prise de monsigneur Caponnet
de Caponval et dou clerch de droit, qui furent pris
et arresté de monsigneur Guillaume le Monne, et
menet prisonniers en le cité d’Agen, si com ci dessus
est dit, li contes de Pieregorg, li contes de Commignes
10et li viscontes de Quarmain, avoech monsigneur
Bertran de Taride, le signeur de la Barde et le signeur
de Pincornet, qui se tenoient en leurs terres, prisent
en grant despit le prise des dessus dis messagiers,
car, ou nom d’yaus et pour yaus, il avoient eu ce
15damage. Si se avisèrent que il se contrevengeroient
et ouveroient le guerre par aucun lés, et reprenderoient
des gens le prince, car cilz grans despis ne
faisoit mies à souffrir. Si entendirent que messires
Thumas de Welkefare devoit chevaucier à Rodais,
20pour entendre à le forterèce, et se tenoit à Villenove
d’Aginois, et devoit partir de là à soixante lances tant
seulement.
Quant li dessus dit entendirent ces nouvelles, si
en furent tout joiant, et se misent en embusche
25sus le dit monsigneur Thumas, trois cens lances en
leur compagnie, siques, au dehors de Montalben,
environ deux liewes en sus, ensi que li dis seneschaus
de Roerge chevauçoit à soixante lances et deux
cens arciers, ceste grosse embusce des Gascons leur
30salli au devant. Li Englès furent tout esbahi, qui
ne s’en donnoient garde. Toutesfois, il se misent
à deffense bien et faiticement; mès li François, qui
[104] estoient tout pourveu et avisé de leur fait, les envaïrent
et assallirent fierement. Et là en eut, de premier
encontre, grant fuison ruet par terre. Et ne
peurent li dit Englès à ce donc porter le fais, ne souffrir
5les Gascons de Pieregorth, de Commignes et
de Quarmaing; si se ouvrirent et desconfirent et
tournèrent les dos. Et là en y eut grant fuison de
mors et de pris, et couvint le dit monsigneur Thumas
fuir; aultrement, il euist esté pris. Si se sauva à
10grant painne et à grant meschief par le bonté de son
coursier, et s’en vint bouter en le garnison de Montalben:
là fu il à sauveté. Li dessus dit François retournèrent
en leur pays; si en menèrent leurs prisonniers
et leurs conquès.
15Ces nouvelles vinrent moult tost au prince, qui se
tenoit pour le temps en Angouloime, comment ses
seneschaus de Roerge avoit esté ruet jus dou conte de
Pieregorth et de chiaus qui l’avoient fait appieller en
le cambre des pers à Paris. De ceste avenue fu li
20princes durement coureciés, et dist bien que ce
seroit amendé chierement et hasteement sus chiaus
et leurs terres, qui cest outrage avoient fait. Si escrisi
tantost li dis princes devers monsigneur Jehan Chandos,
qui se tenoit en Constentin à Saint Salveur le
25Visconte, en lui mandant que, ses lettres veues, il se
retraisist sans point de delay avant. Li dis messires
Jehans Chandos volt obeir et se hasta dou plus qu’il
peut, et s’en vint en Angouloime devers son signeur
li prince, qui le rechut à grant joie; et tantost li
30dis princes l’envoia à tout grant fuison de gens
d’armes et d’archiers en le ville de Montalben, pour
là faire frontière as Gascons françois, qui mouteplioient
[105] tous les jours et couroient sus le tierre dou
prince.
Li dis messires Thumas de Welkefare, seneschaus
de Roerge, se recueilla au mieulz qu’il peut, et s’en
5vint à Rodais, et pourvei et rafreschi grandement le
cité, et ossi le ville et le chastiel de la Millau, sus les
marces de Montpellier, et toutes les garnisons de se
seneschaudie et le fort chastiel de Montpesier, et partout
mist gens d’armes et arciers.
10Messires Jehans Chandos, qui se tenoit à Montalben,
tint là franchement le marce et le frontière
contre les François, avoech aultres barons et chevaliers
que li princes y envoia, telz que monsigneur
le captal de Beus, les deux frères de Pumiers, monsigneur
15Jehan et monsigneur Helye, le soudic de
Lestrade, le signeur de Partenay, le signeur de
Pons, monsigneur Loeis de Harcourt, le signeur de
Puiane, le signeur de Tannai Bouton et monsigneur
Richart de Pontchardon. Si faisoient souvent des
20issues chil chevalier et leurs routes sus les gens le
conte d’Ermignach et le signeur de Labreth, qui faisoient
ossi la frontière, et li contes de Pieregorth, li
contes de Commignes, li viscontes de Quarmaing, li
sires de Taride, li sires de Pincornet, li sires de Labarde
25et pluiseur aultre, tout d’une alliance. Si gaegnoient
une fois li un, et puis li aultre, ensi que tels
aventures aviennent en fais d’armes.
Encores se tenoit li dus d’Ango tous quois, qui ne
se mouvoit pour cose qu’il oïst dire; car li rois de
30France, ses frères, li avoit deffendu qu’il ne fesist
point de guerre au prince, jusques à tant qu’il oroit
et aroit de lui certainnes nouvelles.
[106] § [609]. Li rois de France, toute celle saison, secretement
et soutievement avoit ratrait pluiseurs capitainnes
des Compagnes, Gascons et aultres, qui s’estoient
partis des Englès et estoient monté contremont
5le Loire, sus les marces de Berri et d’Auvergne.
Et les consentoit là li rois de France à vivre et à demorer,
mès point ne se nommoient encores ces
Compagnes François, car li rois de France n’en voloit
mies estre nommés, par quoi il perdesist son fait de
10la conté de Pontieu, qu’il tendoit fort à ravoir. Car,
se li rois d’Engleterre sentesist que li rois de France
li volsist avoir fait guerre, il euist bien obviiet au damage
qu’il rechut de Pontieu, car il euist si grossement
pourveu le bonne ville d’Abbeville d’Englès et
15de gens de par lui, qu’il en eussent esté mestre et
souverain, et ossi de toutes les garnisons appendans
à le ditte conté. A ce donc estoit seneschaus de Pontieu,
de par le roy d’Engleterre, uns bons chevaliers
englès, qui s’appelloit messires Nicoles de Louvaing,
20et ouquel li rois d’Engleterre avoit grant fiance et à
bon droit, car, pour les membres à trencier, il n’euist
pensé ne consenti nulle lasqueté à faire.
En ce temps estoient envoiiet en Engleterre, de par
le roy de France, li contes de Salebruce et messires
25Guillaumes de Dormans, pour parler au roy d’Engleterre
et à son conseil et yaus remoustrer comment,
de leur partie, la pais avoit esté et estoit encores
tous les jours mal tenue, si com il disoient, tant
pour le fait des Compagnes, qui guerrioient et avoient
30depuis six ans guerriiet le royaume de France, que
par aultres incidens, dont li rois de France et ses
consauls estoient enfourmet et se contentoient mal
[107] sus le roy d’Engleterre et son fil le prince. Si avoient
li doy dessus dit demoret en Engleterre le terme de
deux mois, et, en ce terme pendant, proposé pluiseurs
articles et raisons au corps dou dit roy, dont
5pluiseurs fois l’avoient melancoliiet et courouciet;
mais il n’i acontoient c’un petit, car de ce à dire et
faire estoient il cargiet dou roy de France et de son
conseil.
Or avint ensi que, quant li rois de France eut le
10seurté secretement de chiaus de Abbeville, que il se
retourroient François et que les guerres estoient toutes
ouvertes en Gascongne, et toutes gens d’armes dou
royaume de France appareilliet et en grant volenté
de faire guerre au prince et d’entrer en le princeté,
15ils, qui ne voloit mies ou temps present ne avenir
estre reprociés que il euist envoiiés ses gens sus la
terre dou roy et dou prince et prendre villes, cités
et chastiaus et forterèces sus yaus sans deffiances,
eut conseil que il envoieroit deffiier le roy d’Engleterre,
20ensi qu’il fist par ses lettres closes. Et porta
uns de ses varlés de cuisine, breton, les dittes deffiances
et passa le mer si à point que il trouva à Douvres
les dessus dis, le conte de Salubruce et messire Guillaume
de Dormans, qui retournoient d’Engleterre en
25France et avoient acompli leur message, asquelz li
dis Bretons compta une partie de se entente, car
ensi en estoit il cargiés. Et quant li dessus dit
l’entendirent, il partirent d’Engleterre au plus tost qu’il
peurent et rapassèrent le mer; si furent tout joiant,
30quant il se trouvèrent en le ville et forterèce de
Boulongne.
En ce temps, avoit esté envoiiés à Romme, deviers
[108] le pape Urbain Ve, de par le prince de Galles, pour
les besongnes de la ducé d’Aquittainne, messires
Guichars d’Angle, mareschaus d’Aquittainne. Si avoit
trouvé le pape assés amiable et descendant à ses
5priières, siques au retour li dis messires Guichars oy
nouvelles que on faisoit guerre au prince et que li
François couroient sus le princeté; si en fu tous esbahis
comment il poroit estre retournés. Non obstant
ce, il s’en vint devers monsigneur le gentil conte de
10Savoie, lequel en ce temps il trouva en Pieumont, en
le ville de Pinnerol, car il faisoit guerre contre le
markis de Saluce. Li dis contes de Savoie reçut
liement et grandement monsigneur Guichart d’Angle
et toute se route, et les tint deux jours moult
15aise, et leur donna grans dons et biaus jeuiaus, chaintures
et autres presens; et par especial, messires
Guichars en eut le milleur part, car li gentils contes
de Savoie l’onnoroit et recommendoit grandement
pour sa bonne chevalerie. Et quant li dis messires
20Guichars et ses gens se furent departi dou conte de
Savoie, il passèrent sans nul dangier parmi le conté
de Savoie; et plus approçoient les mettes de France
et de Bourgongne, et tant ooient il dures nouvelles et
desplaisans à leur pourpos, siques, tout consideré,
25messires Guichars vei bien que nullement, en l’estat
où il chevauçoit, il ne pooit retourner en Giane. Si
se dissimula et differa et mist et donna tout son estat
et son arroy en le gouvrenance et ordenance d’un
chevalier, qui en se compagnie estoit, qui s’appelloit
30messires Jehans Ysorés. Chilz avoit sa fille espousée
et estoit bons François, des marces de Bretagne. Li
dis messires Jehans prist en carge et en conduit toutes
[109] les gens à monsigneur Guichart d’Angle, son père,
et s’en vint en le terre le signeur de Biaugeu, et là
passa le rivière de Sone; et s’acointa si bellement dou
dit signeur de Biaugeu, que li dis sires de Biaugeu
5amena le chevalier et toute se route à Rion, en Auvergne,
devers le duch de Berri. Si se offri là à estre
bons François, ensi qu’il estoit. Parmi tant, il
passa paisieulement et vint chiés soy en Bretagne. Et
li dis messires Guichars, en ghise et estat d’un povre
10capellain, tout deschiré et mal monté, rapassa parmi
France les marces de Bourgongne et d’Auvergne, et
fist tant que, en grant peril et en grant painne, il
rentra en le princeté, et vint en Angouloime, devers
le prince, où il fu moult liement recueilliés et li bien
15venus. Et uns aultres chevaliers de se route de Poito,
qui estoit partis en legation avoech lui, qui s’appelloit
messires Guillaume de Seris, s’en vint bouter en le
abbeye de Clugni en Bourgongne, et là se tint plus
de cinq ans, que onques ne s’en osa partir ne bougier,
20et en le fin se rendi il François.
Or revenons au Breton qui porta les deffiances
dou roy Charle de France au roy Edouwart
d’Engleterre.
§ [610]. Tant esploita cilz dis varlés qu’il vint à
25Londres, et entendi que li rois d’Engleterre et ses
consaulz estoient ou palais de Wesmoustier, et avoient
là un grant temps parlementé et consilliet sus les besongnes
de le princeté et l’afaire dou prince, qui estoit
des barons de Gascongne guerriiés, à savoir comment
30il s’en maintenroient, et quelz gens d’Engleterre
on y envoieroit pour conforter le prince. Evous
[110] venues autres nouvelles, qui leur donna plus à penser
que devant; car li varlés, qui les dittes deffiances
aportoit, fist tant qu’il entra en le ditte cambre, où
li rois et tous ses consauls estoient, et dist qu’il estoit
5uns varlés de l’ostel dou roy Charle de France,
là envoiiés de par le dit roy, et aportoit lettres qui
s’adreçoient au roy d’Engleterre, mès mies ne savoit
de quoi elles parloient, ne point à lui n’en apertenoit
de parler ne dou savoir. Si les offri il en genoulz
10au roy. Li rois, qui desiroit à savoir quel
cose il y avoit dedens, les fist prendre, ouvrir et lire.
Or furent moult esmervilliet li rois qui là estoit et
tout cil qui les oïrent lire, quant il entendirent les
deffiances, et regardèrent bien et avisèrent desous et
15deseure le seel, et cogneurent assés clerement que
les dittes deffiances estoient bonnes. Si fist on le
garçon partir, et li fu dit que il avoit bien fait son
message et qu’il se mesist hardiement au retour, il
ne trouveroit point d’empeecement, ensi qu’il fist, et
20retourna au plus tost qu’il peut parmi raison. Encores
estoient à ce jour hostagier en Engleterre, pour
le fait dou roy de France, li contes daufins d’Auvergne,
li contes de Porsiien, li sires de Roiie, li sires
de Maulevrier et pluiseur aultre, qui furent en grant
25soussi de coer, quant il oïrent ces nouvelles, car mies
ne savoient que li rois d’Engleterre et ses consaulz
vorroient faire d’yaus.
Vous devés savoir que adonc li rois d’Engleterre
et ses consaulz prisent en grant despit et desplaisance
30les deffiances aportées par un garçon; et disent
que ce n’estoit pas cose apertenans, que guerre
de si grans signeurs, comme dou roy de France et
[111] dou roy d’Engleterre, fust nonciée ne deffiiée par
un varlet, mès bien valoit que ce fust par un prelat
ou par un vaillant homme, baron ou chevalier:
nequedent il n’en eurent adonc aultre cose. Si fu
5dit et consilliet là au roy que il envoiast, tantost et
sans delay, grans gens d’armes en Pontieu, pour
là garder le frontière, et especialment en le ville de
Abbeville, qui gisoit en grant peril de estre prise.
Li rois entendi volentiers à ce conseil, et y furent
10ordené et cargiet de là aler li sires de Persi, li sires
de Nuefville, li sires de Carlestonne et messires Guillaumes
de Windesore, à quatre cens hommes d’armes
et mil arciers.
Entrues que cil signeur et leur gens se ordenèrent
15et appareillièrent dou plus tost qu’il peurent, et ja
estoient trait à Douvres et venu pour passer le mer,
aultres nouvelles leur vinrent de Pontieu, qui ne leur
furent mies trop plaisans. Car si tretost que li contes
Guis de Saint Pol et messires Hues de Chastillon,
20mestres pour le temps des arbalestriers de France, peurent
penser et aviser ne considerer que li rois d’Engleterre
estoit deffiiés, il se traisent avant par devers
Pontieu, et avoient fait secretement leur mandement
de chevaliers et de escuiers d’Artois, de Haynau, de
25Cambresis, de Vermendois, de Vismeu et de Pikardie,
et estoient six cens lances, et vinrent à Abbeville.
Si leur furent les portes tantost ouvertes, car c’estoit
cose toute pourparlée et avisée, et entrèrent ces gens
d’armes ens, sans mal faire à nul de chiaus de le nation
30de le ville.
Messires Hues de Chastillon, qui estoit menères
et conduisières de ces gens d’armes, se traist tantost
[112] de celle part où il pensoit à trouver le senescal de
Pontieu, monsigneur Nicole de Louvaing, et fist tant
qu’il le trouva et qu’il le prist et retint pour son
prisonnier, et prist encores un moult riche clerch
5et vaillant homme durement, qui estoit tresoriers
de Pontieu. Ce jour eurent li François tamaint bon
et riche prisonnier et se saisirent dou leur, et perdirent
li Englès tout ce que il avoient à ce jour en le
ditte ville de Abbeville. Encores coururent en ce jour
10caudement li François à Saint Walleri, et y entrèrent
de fait et s’en saisirent, et ossi au Crotoi et le prisent,
et ensi le ville de Rue sus mer.
Assés tost apriès, vint li contes de Saint Pol au
Pont de Remi sus Somme, où aucun Englès de là
15environ estoient recueilliet: si les fist assallir li dis
contes, et là eut grant escarmuce et forte. Et y fu
fais chevaliers messires Gallerans ses ainsnés filz,
liquelz se porta bien et vaillamment en se nouvelle
chevalerie. Si furent cil Englès, qui là estoient, si dur
20assalli qu’il furent desconfi, mort et pris, et li dis
pons et la forterèce conquise, et demora as François.
Briefment, tous li pays et la conté de Pontieu fu delivrée
des Englès, ne onques nulz n’i demora, qui
peuist grever le pays.
25Ces nouvelles vinrent au roy d’Engleterre, qui se
tenoit à Londres, comment cil de Pontieu l’avoient
relenqui et estoient tourné françois. Si en fu durement
courouciés, et eut li dis rois tamainte dure imagination
sus aucuns hostagiers de France, qui estoient encores
30à Londres, quant il se ravisa que ce seroit cruaultés se
il leur faisoit comparer son mautalent. Nequedent, il
envoia tous les bourgois des cités et bonnes villes de
[113] France, qui là estoient hostagier, en aultres villes et
forterèces parmi son royaume, et ne les tint mies si au
large que il avoient esté tenu dou temps passé. Et le
conte daufin d’Auvergne, il rançonna à trente mil
5frans, et le conte de Porsiien à dix mil francs. Et
encores demora li sires de Roie en prison, en grant
dangier, car il n’estoit mies bien de court: se li
couvint souffrir et endurer au plus bellement qu’il
peut et povoit, tant que jours de delivrance vint pour
10li, par grant fortune et aventure, si com vous orés
avant en l’istore.
§ [611]. Quant li rois d’Engleterre se vei deffiiés
dou roy de France et le conté de Pontieu perdue,
qui tant li avoit cousté au remparer villes, chastiaus
15et maisons, car il y avoit mis cent mil francs deseure
toutes revennes, et il se vei guerriiés de tous costés,
car dit li fu que li Escot estoient alloiiet au roy de
France, qui li feroient guerre, si fu durement courouciés
et merancolieus. Et toutesfois il doubta plus
20la guerre des Escos que des François; car bien savoit
que li Escot ne l’amoient mies bien, pour les grans
damages que dou temps passé il leur avoit fais. Si
envoia tantost grans gens d’armes sur les frontières
d’Escosse, à Bervich, à Rosebourch, au Noef Chastiel
25sur Thin et là partout sus les frontières. Et ossi il mist
grans gens d’armes sus mer au lés devers Hantonne,
Grenesie, l’isle de Wiske et Grenesee, car on li dist
que li rois de France faisoit un trop grant appareil de
naves et de vaissiaus pour venir en Engleterre. Si ne
30se savoit de quel part gaitier, et vous di que li Englès
furent adonc bien esbahi.
[114] Sitost que li dus d’Ango et li dus de Berri sceurent
que les deffiances estoient et la guerre ouverte,
si ne veurent mies sejourner, mès fisent leurs mandemens
grans et especiaulz, li uns en Auvergne, et li
5aultres à Thoulouse, pour envoiier en le princeté. Li
dus de Berri avoit de son mandement tous les barons
d’Auvergne et de l’archeveskié de Lyons et de l’eveskié
de Mascons, le signeur de Biaugeu, le signeur de
Villars, le signeur de Tournon, monsigneur Godefroy
10de Boulongne, monsigneur Jehan d’Ermignach son
serourge, monsigneur Jehan de Villemur, le signeur
de Montagut, le signeur de Calençon, monsigneur
Hughe daufin, le signeur d’Achier, le signeur d’Achon,
le signeur de Rocefort et moult d’autres.
15Si se traisent tantost ces gens d’armes en Tourainne
et sus les marces de Berri, et commencièrent
fort à guerriier et à heriier le bon pays de Poito, mès
il le trouvèrent pourveu et garni de bonnes gens
d’armes, chevaliers et escuiers: si ne l’eurent mies
20d’avantage. Adonc estoient, sus les marces de Tourainne
et en garnison ès forterèces françoises, messires
Loeis de Saint Juliien, messires Guillaumes des
Bordes et Keranloet, Breton. Chil troi estoient compagnon
et grant capitainnes de gens d’armes. Si
25fisent en ce temps pluiseurs grans apertises d’armes
sus les Englès, ensi que vous orés recorder avant en
l’ystore.
§ [612]. Li dus de Lancastre de son hiretage tenoit
un chastiel en Campagne, entre Troies et Chaalons,
30qui s’appelloit Biaufort, douquel uns escuiers englès,
qui se nommoit le Poursieugant d’amours, estoit
[115] chapitainne. Quant cilz escuiers vei que la guerre estoit
renouvelée entre le roy d’Engleterre et le roy de
France, il avoit si enamouré le royaume de France
qu’il se tourna François et jura foy et loyauté à tenir,
5de ce jour en avant, comme bons François au roy de
France. Et li rois, pour ce, li fist grant pourfit et li
laissa en se garde, avoech un aultre escuier de Campagne,
le dit chastiel de Biaufort. Cilz Poursieugans
d’amours et Yewains de Galles estoient compagnon
10ensamble, et fisent depuis sus les Englès et chiaus de
leur costé tamaintes grans apertises d’armes. Ossi
messires li Chanonnes de Robertsart avoit en devant
estet toutdis bons François, mais à celle guerre renouvelée
il se tourna Englès et devint homs de foy
15et d’ommage au roy d’Engleterre qui fu de son service
moult joians. Ensi se tournoient li chevalier et
li escuier d’un lés ou de l’autre.
Et tant avoit procuré li dus d’Ango devers les Compagnes
gascons que messires Perducas de Labreth,
20li Petis Meschins, li bours de Bretueil, Aymenions
d’Ortige, Perros de Savoie, Jakes de Bray et Ernaudon
de Paus se tournèrent François: dont li Englès
furent moult courouciet, car leur force en fu durement
afoibli. Et demorèrent Englès Naudon de Bagherant,
25li bours de Lespare, li bours Camus et les
plus grans capitainnes des leurs: si estoient messires
Robers Brikés, messires Robers Cheni, Jehans Cressuelle,
Gaillart de le Motte et Aymeri de Rochewart.
Si se tenoient ces Compagnes, Englès et Gascon de
30leur acort, en l’eveskiet du Mans et sus le Basse Normendie,
et avoient pris une ville que on appelle Vire,
et destruisoient et honnissoient tout le pays de là
[116] environ. Ensi tournèrent toutes les Compagnes ou
d’un lés ou d’aultre, et se tenoient tout ou Englès
ou François.
Li rois d’Engleterre eut conseil d’envoiier son fil
le conte de Cantbruge et le conte de Pennebruch,
5en le ducé d’Aquitainne, devers son fil le prince de[*]
Galles, à tout une carge de gens d’armes et d’arciers.
Si furent nommé et ordené cil qui avoecques yaus
iroient. Si me samble que li sires de Carbestone en
fu li uns, et messires Brians de Stapletonne, messires
10Thomas Balastre, messires Jehans Trivés et pluiseur
aultre. Si montèrent en mer au plus tost qu’il peurent,
et estoient en somme quatre cens hommes d’armes
et quatre cens arciers. Si singlèrent devers Bretagne,
si eurent vent à souhet, si arrivèrent ou havene de
15Saint Malo de l’Ille. Quant li dus de Bretagne sceut
que il estoient arrivé en son pays, si en fu durement
joiant, et envoia tantost aucuns de ses chevaliers
devers yaus pour les mieulz conjoïr, telz que messires
Jehans de Lagnigay et messires Jehans
20Augustins.
[*] Numéroté ainsi dans l’original (n. d. t.)
De la venue les chevaliers dou duch de Bretagne,
furent moult content li contes de Cantbruge et li
contes de Pennebruch. Encores ne savoient il de verité
se li baron, li chevalier et les bonnes villes de
25Bretagne les lairoient passer parmi leur pays, pour
entrer en Poito. Si en fisent li doi dessus dit signeur
d’Engleterre requeste et priière au duc et au pays.
Li dus, qui moult estoit favourables as Englès et qui
30envis les euist courechiés, s’i acorda legierement et
esploita tant par devers les barons et chevaliers et
bonnes villes de son pays, qu’il leur fu acordé qu’il
[117] passeroient sans dangier et sans rihote, par paier tout
ce qu’il prenderoient sus le pays, et li Englès si
l’acordèrent ensi. Si trettièrent li contes de Cantbruge,
li contes de Pennebruch et leurs consauls devers ces
5Compagnes qui se tenoient en Mainne, à Chastiel
Gontier et à Vire, et qui avoient tout honni et
apovri le pays de là environ, qu’il passeroient oultre
avoecques euls. Si se porta trettiet et acort, qu’il se
partiroient de là et venroient passer la rivière de
10Loire au pont de Nantes, sans porter damage au pays:
ensi l’acordèrent li Breton.
En ce temps, estoit messires Hues de Cavrelée, à
une grosse route de Compagnes, sus le marce d’Arragon,
qui nouvellement estoit issus hors d’Espagne.
15Sitost qu’il peut savoir et entendre que li François
faisoient guerre au prince, il se parti à tout ce qu’il
avoit de gens d’armes, Compagnes et aultres, et passa
entre Fois et Arragon et entra en Bigorre, et fist tant
qu’il, de bien guerriier pourveus, vint devers le
20prince qui se tenoit en le cité d’Angouloime. Quant
li princes le vei venu, se li fist grant chière et lie, et
li sceut grant gré de ce secours, et le fist un petit demorer
dalés lui, tant que les Compagnes, qui estoient
issu hors de Normendie et qui avoient vendu les forterèces
25qu’il tenoient, furent venu; car li Breton les
laissièrent passer parmi leur pays, parmi tant qu’il
n’i portoient nul damage. Sitost qu’il furent venu en
Angouloime et là environ, li princes ordonna monsigneur
Hue de Cavrelée à estre souverain et chapitainne
30d’yaus; et estoient bien, parmi chiaus qu’il
avoient amené avoecques lui d’Arragon, deux mil
combatans. Si les envoia tantost li dis princes ens ès
[118] terres le conte d’Ermignach et dou signeur de Labreth,
pour les ardoir et exillier; et y fisent grant
guerre et y portèrent grant damage.
§ [613]. Li contes de Cantbruge et li contes de Pennebruch
5s’estoient tenu à Saint Malo de l’Ille, à tout
leur carge, si com chi dessus est dit, tant que toutes
les Compagnes de leur costé furent passet oultre, par
l’acort dou pays de Bretagne et le bonne diligense
que li dus de Bretagne y mist. Quant il se furent rafreschi,
10et il eurent le congié et acord de passer, il
passèrent et se departirent de Saint Malo, et s’en
vinrent par leurs journées en le cité de Nantes. Et là
les rechut li dus grandement et honnourablement,
et se tinrent dalés lui trois jours, et s’i rafreschirent
15yaus et leurs gens. Au quatrime jour, il passèrent
oultre et le grosse rivière de Loire au pont à Nantes,
et puis cheminèrent tant par leurs journées, qu’il
vinrent en Angouloime, où il trouvèrent le prince et
madame la princesse. De la venue le conte de Cantbruge
20son frère et dou conte de Pennebruc fu li
princes grandement resjoïs: si leur demanda dou roy
leur père et de madame la royne leur mère et de ses
aultres frères, comment il le faisoient; et li dessus dit
en parlèrent bien et à point, ensi qu’il apertenoit.
25Quant il eurent sejourné dalés le prince environ
quatre jours et il s’i furent rafreschi, li princes les
ordonna d’aler en le Gascongne et de faire une chevaucie
en le conté de Pieregorth. Li doi dessus dit signeur
d’Engleterre et li chevalier, qui avoech yaus
30estoient venu, s’i assentirent volentiers, et se ordonnèrent
et pourveirent selonch che, et se departirent
[119] dou prince en grant arroy, et estoient bien troi
mil combatans, parmi pluiseurs chevaliers et escuiers
de Poito, de Saintonge, de Quersin, de Limozin
et de Roerge, que li princes ordonna et commanda
5d’aler en leur compagnie. Si chevaucièrent cil
signeur et ces gens d’armes, et entrèrent efforciement
en le conté de Pieregorth: si le commencièrent à
courir et à exillier, et y fisent pluiseurs grans apertises
d’armes et moult de damages. Et quant il eurent
10ars et couru le plus grant partie dou plat pays,
il s’en vinrent mettre le siège devant une forterèce
que on appelle Bourdille, de laquele estoient chapitainne
doy escuier de Gascongne et frère, Ernaudon
et Bernardet de Batefol.
15§ [614]. En le garnison de Bourdille, en le conté de
Pieregorth, avoit, avoech les deus chapitainnes dessus
nommés, fuison de bons compagnons, que li
contes de Pieregorth y avoit ordonnés et establis,
pour aidier à garder le forterèce, laquele estoit bien
20pourveue de toute artillerie, de vins, de vivres et de
toutes aultres pourveances, pour le tenir bien et longement;
et ossi cil qui le gardoient, en estoient en
bonne volenté. Si eut devant Bourdille, le siège
pendant, pluiseurs grans apertises d’armes faites,
25maint assaut, mainte envaïe, mainte recueilloite et
tamainte escarmuce, et priesque tous les jours, car
li doy escuier estoient hardi et orghilleus, et qui petit
amiroient les Englès; si venoient souvent à leurs barrières
escarmucier à yaus: une fois perdoient et l’autre
30gaegnoient, ensi que les aventures aviennent en
telz fais d’armes et en samblables.
[120] D’autre part, en Poito et sus les marces dou dit
pays et d’Ango et de Tourainne, estoient bien mil
combatans, François, Bretons, Bourghegnons, Pikars,
Normans et Angevins; et couroient tous les jours
5moult souvent en le terre dou prince et y faisoient
grant damage: desquelz estoient capitainne messires
Jehans de Buel, messires Guillaumes des Bordes, messires
Loeis de Saint Juliien et Carenloet, Breton. A l’encontre
de ces gens d’armes se tenoient ossi, sus les
10frontières de Poito et de Saintonge, aucun chevalier
dou prince, et par especial, messires Symons Burlé et
messires d’Aghorises, mès il n’avoient pas le quarte
partie de gens que li François, quant il chevauçoient,
se trouvoient; car il estoient toutdis mil combatans
15ou plus ensamble, et li Englès environ deux cens ou
trois cens dou plus. Car li princes en avoit envoiié
en trois chevaucies grant fuison, à Montalben plus
de cinq cens avoech monsigneur Jehan Chandos, et
ens ès terres le conte d’Ermignach, et le signeur de
20Labreth ossi grant fuison avoecques monsigneur Hue
de Cavrelée, et le plus grant partie avoech le conte
de Cantbruge, son frère, devant Bourdille. Pour ce ne
demoroit mies que cil qui estoient en Poito contre
ces François, ne s’acquittassent bien et loyaument
25de faire lor devoir de chevaucier et de garder les
frontières à leur pooir. Et toutdis l’ont ensi fait li Englès
et toute manière de gens d’armes de leur costé,
ne n’ont pas ressongné pour ce se il n’estoient point
moult grant fuison.
30Dont il avint que un jour li François furent enfourmé
de verité que li Englès chevauçoient et estoient
sus les camps: de ce furent il tout joiant, et
[121] s’ordonnèrent et cueillièrent selonch ce, et se misent
en embusce toutes leurs routes. Ensi que li
Englès retournoient, qui leur chevaucie avoient fait
entre Luzegnan et Mirabiel, sus une desroute cauchie
5qui là est, li François leur sallirent au devant,
qui bien estoient sept cens combatant, dont les dessus
dittes capitainnes estoient meneur et gouvreneur,
messires Jehans de Buel, messires Guillaumes des Bordes,
messires Loeis de Saint Juliien et Carenloet, Breton.
10Là eut grant hustin et fort rencontre et tamaint
homme reversé par terre, car li Englès se misent à
deffense, qui se combatirent bien et vaillamment,
tant qu’il peurent durer, et y fisent li aucun pluiseurs
belles apertises d’armes. Et y furent très bon chevalier
15messires Symons Burlé et messires d’Agorises; mès
finablement il n’en eurent point le milleur, car il
n’avoient q’une puignie de gens ens ou regard des
François: si furent desconfi, et les couvint fuir. Si
se sauva messires d’Aghorises au mieulz qu’il peut,
20et s’en vint bouter ens ou chastiel de Luzegnan. Et
messires Symons Burlé fut si priès sievois et encauciés
que, sus une desroute caucie, assés priès de Lusegnan,
il fu ratains, et ne peut fuir ne escaper les
François. Si fu là pris li dis chevaliers, et toutes ses
25gens mors ou pris: petit s’en sauvèrent. Et retournèrent
li François en leurs garnisons, qui furent
moult resjoy de ceste avenue, et ossi fu li rois de
France, quant il le seut, et li princes de Galles durement
courechiés, qui moult plaindi le prise de son
30chevalier monsigneur Symon Burlé, que moult amoit.
§ [615]. Apriès ceste avenue qui avint entre Mirabiel
[122] et Luzegnan, si com ci dessus est dit, chevaucièrent
li Englès et li Poitevin mieulz ensamble et plus
sagement.
Or parlerons de monsigneur Jehan Chandos, de
5monsigneur le captal, de monsigneur de Harcourt,
de monsigneur Guichart d’Angle et des aultres qui
se tenoient à Montalben, à sept liewes de Thoulouse,
et faisoient souvent des issues honnerables et pourfitables
pour yaus sus les François, car il estoient bien
10mil combatans et plus: si desiroient moult à trouver
les François, pour yaus combatre.
Entrues qu’il estoient là, il regardèrent qu’il n’emploioient
pas trop bien leur saison, fors que de garder
le frontière. Si se avisèrent qu’il venroient mettre le
15siège par devant le ville de Terrières en Thoulousain.
Si se ordonnèrent selonch che, et se departirent un
jour en grant arroy de Montalben, et s’en vinrent devant
Terrières. Quant il furent là parvenu, il le assegièrent
tout environ, et le imaginèrent bien que de
20assaut il ne l’aroient point à leur aise, se il ne l’avoient
par mine. Si misent leurs mineurs en oevre,
liquel esploitièrent si bien que, au chief de quinze
jours, il le prisent par mine; et furent mort tout cil
qui dedens estoient, et la ville robée et courue. Encores
25en celle chevaucie, il avoient avisé une aultre
ville, à trois liewes de Thoulouse, que on appelle Laval,
et avoient mis leur embusche assés priès de là
en un bois, et s’en venoient devant environ quarante
des leurs, armés desous vestemens de villains.
30Si furent deceu par un garçon qui venoit piet à piet
avoech yaus; aultrement il euissent eu le ville, et fallirent
à leur entente et retournèrent arrière à Montalben.
[123] En ce temps, tenoient les camps li contes de Pieregorth,
li contes de Commignes, li contes de Lille, li
viscontes de Quarmaing, li viscontes de Brunikiel, li
viscontes de Talar, li viscontes de Murendon, li viscontes
5de Lautré, messires Bertrans de Taride, li sires
de Labarde, li sires de Pincornet, messires Perducas
de Labreth, li bourch de Lespare, li bourch de
Bretuel, Aymenion d’Ortige, Jakes de Bray, Perros de
Savoie et Ernaudon de Paus, et estoient bien ces gens
10d’armes, parmi les Compagnes, dix mil combatans. Si
entrèrent, par le commandement et ordenance dou
duch d’Ango, qui pour le temps se tenoit en le cité
de Thoulouse, en Quersin moult efforciement, et
contournèrent le pays en grant tribulation, et ardirent
15et exillièrent le plus grant partie dou plat pays,
et s’en vinrent par devant Royauville en Quersin et
le assegièrent. Li seneschaus de Quersin l’avoit en
devant pourveu bien et souffissamment de tout ce que
il apertenoit pour une ville garder, et de bons compagnons
20englès, qui jamais ne se fuissent rendu pour
morir, quoique cil de le ville en fuissent en bonne
volenté, se il peuissent.
Quant cil baron et chevalier de France l’eurent
assegié, il envoiièrent querre quatre moult grans engiens
25en le cité de Thoulouse. Tantos on leur envoia,
et fist on là achariier. Si furent drechiet et
mis en ordenance par devant le garnison de Royauville.
Si jettoient nuit et jour pierres et mangonniaus
par dedens la ville, qui moult les constraindi
30et afoibli. Avoech tout ce, il avoient mineurs avoech
yaus, qu’il misent en leurs mines et qui se vantoient
qu’il prenderoient le ville, et toutdis se tenoient li
[124] Englès comme bonnes et vaillans gens, et se confortoient
bien de ces mineurs, et par samblant nul
compte n’en faisoient.
§ [616]. Endementrues que ces gens d’armes françois
5se tenoient si efforciement en Quersin, sus les
marces de Limozin et d’Auvergne, li dus de Berri, d’autre
part, estoit en Auvergne, et tenoit là grant genz
d’armes, telz que monsigneur Jehan d’Ermignach,
son serourge, monsigneur Jehan de Villemur, Rogier
10de Biaufort, le signeur de Biaugeu, le signeur de Villars,
le signeur de Serignach, le signeur de Calençon,
monsigneur Griffon de Montagut, monsigneur Hughe
Daufin et grant fuison de bonnes gens d’armes; et
couroient sus les marces de Roerge, de Quersin et de
15Limozin, et apovrissoient et honnissoient durement le
pays où il entroient et conversoient, ne nulz ne duroit
devant yaus. Dont il avint adonc que, par le promovement
de monsigneur le duch d’Ango, qui veoit
ses besongnes en bon parti, et que leurs gens tenoient
20les camps en Quersin et en Roerge, il fist partir de
Thoulouse l’archevesque de la ditte ville, qui estoit
grans clers et vaillans homs durement, et chevaucier
devers le cité de Chaours, dont ses frères estoit
evesques.
25Li dis archevesques preeça là telement et si bellement
la querelle dou roy de France que la cité de
Chaours se tourna françoise, et jurèrent foy et loyauté
à tenir de ce jour en avant au roy de France. En
apriès, il chevauça oultre, et partout preeçoit et remoustroit
30la querelle dou roy de France si bellement,
que tous li pays se tournoit. Et fist à ce donc tourner
[125] plus de soissante cités, villes, chastiaus et forterèces,
parmi le confort des gens le duch de Berri, qui chevauçoient
ou pays, messires Jehans d’Ermignach et
les aultres. Si fist tourner Figeach, Gramach, Rochemadour
5et Chapedenach et pluiseurs bonnes villes et
fors chastiaus, car il preeçoit le roy de France si grant
droit avoir en ceste querelle, que les gens qui l’ooient,
le creoient en verité; et ossi de nature et de volenté
il estoient trop plus françois qu’englès, qui bien aidoit
10à le besongne.
En tel manière que cilz archevesques aloit preeçant
et remoustrant la querelle dou dit roy ens ès mettes
et limitations de le Langue d’Ok, estoient en Pikardie
pluiseur prelat et clerch de droit, qui souffissamment
15en faisoient bien leur devoir dou preechier et dou remoustrer
as communautés des cités et bonnes villes.
Et par especial messires Guillaumes de Dormans preeçoit
la ditte querelle dou roy de France, de cité en cité
et de bonne ville en bonne ville, si bellement et si
20notablement que toutes gens y entendoient volentiers,
et estoient les besongnes dou royaume par li et par
ses parolles telement coulourées que merveilles seroit
à oïr recorder.
Avoech tout ce, li rois de France, meus en devotion
25et en humilité, faisoit continuelement faire,
en le cité de Paris, grandes processions de tout le
clergié; et il meismes, tous descaus et à nus piés, et
madame la royne ensi en cel estat y aloient en suppliant
devotement à Dieu que il volsist entendre à
30eulz et as besongnes dou royaume, qui avoient de
lonch temps esté en grant tribulation. Et faisoit li
dis rois, par tout son royaume, estre son peuple,
[126] par constrainte des prelas et gens d’eglise, en ceste
affliction.
Tout en tel manière faisoit li rois d’Engleterre en
son royaume. Et y avoit un evesque pour le temps à
5Londres, qui en faisoit pluiseurs grans et belles
predications, et disoit et remoustroit en ses sermons
que li rois de France et li François, à leur trop
grant tort et prejudisce, avoient renouvellé le guerre,
et que c’estoit contre droit et contre raison, par pluiseurs
10poins et articles que il leur moustroit.
Au voir dire, il estoit de necessité, à l’un roy et
l’autre, puisque guerriier voloient, que il fesissent
mettre en termes et remoustrer à leur peuple l’ordenance
de leur querelle, par quoi çascuns entendesist
15de plus grant volenté à conforter son signeur, et de
ce estoient il tout resvilliet en l’un royaume et en
l’autre.
Li rois d’Engleterre avoit envoiiet en Braibant et
en Haynau, pour savoir se il en seroit point aidiés.
20Et avoit par linage priiet son neveut le duc Aubert,
qui tenoit en bail pour ce temps le conté de Haynau,
que il li volsist ouvrir son pays et appareillier pour
passer, aler et demorer et sejourner, se mestier faisoit,
et pour par cesti lés entrer ens ou dit royaume
25de France et faire y guerre. Li dus Aubers, à le
priière dou roy d’Engleterre, son oncle, et de madame
la royne d’Engleterre, sen ante, y fust assés legierement
descendus, et en estoit en bonne volenté par
le pourcach et monition de monsigneur Edouwart
30de Guerles, qui faisoit partie pour le dit roy et qui
avoit sa fille espousée, et dou duch de Jullers, son
cousin germain.
[127] Cil doi, pour ce temps, estoient de foy et d’ommage
loiiet et acouvenenciet au roy d’Engleterre,
et avoient ja estet priiet et aviset de par le roy
d’Engleterre, qui avoit envoiiet devers yaus grans messages,
5que il retenissent gens, cescuns jusques à
mil lances, et il seroient delivret: pourquoi cil doi
signeur euissent volentiers veu avoech le roy d’Engleterre,
que li dus Aubers euist esté de leur alliance;
et en estoit li dis dus grandement temptés, parmi grans
10dons et grans pourfis que li rois d’Engleterre li prommetoit
à donner et à faire par ses chevaliers que il
avoit envoiiés devers lui et par le signeur de Gommegnies,
qui se tenoit dalés le roy et qui estoit des
chevaliers dou roy, et qui pour ceste cause en partie
15estoit retournés en Hainau.
A ce donc et en ce temps, avoit en Haynau grant
conseil et bon de monsigneur Jehan de Wercin, senescal
de Haynau, par qui tous li pays estoit gouvrenés,
et liquels estoit sages homs et vaillans chevaliers
20durement et bons François. Li dis seneschaus
estoit tant crus et tant amés dou dit duc et de madame
la duçoise, que il brisa tous les pourpos des
Englès, parmi l’ayde dou conte de Blois et de monsigneur
Jehan de Blois, son frère, et dou signeur
25de Barbençon, et dou signeur de Ligne, que li dus
Aubers et tous li pays demorèrent neutre et ne se
deurent tourner, ne de l’une part, ne d’autre. Et
ensi en respondi madame Jehane la duçoise de
Braibant.
30Li rois Charles de France, qui estoit sages et soutieus,
avoit carpenté et ouvré tous ces trettiés trois
ans en devant, et bien savoit que il avoit des bons
[128] amis en Haynau et en Braibant, et par especial le
plus grant partie des consaulz des signeurs. Et pour
sa guerre embellir et coulourer, il fist copiier par
ses clers pluiseurs lettres touchans à le pais jadis
5confremée à Calais, et là en dedens enclore toute le
substance dou fait et quel cose li rois d’Engleterre et
si enfant avoient juret à tenir, et en quoi par leurs
seelés il s’estoient sousmis, et des renonciations ossi
qu’il avoient faites, et des commissions que il devoient
10avoir eu baillies à leurs gens, et tous les poins
et articles qui estoient pour lui, en condempnant le
fait des Englès, et ces lettres publiier ens ès cambres
des signeurs et de leurs consaulz, afin que il en fuissent
mieus enfourmé.
15Tout en tel manière, à l’opposite, faisoit li rois
d’Engleterre ses moustrances et ses escusances en
Alemagne, là où il pensoit que elles li peuissent
aidier et valoir. Li dus de Guerles, neveus à ce roy
d’Engleterre, filz de sa suer, et li dus de Jullers,
20cousins germains à ses enfans, liquel estoient pour
ce temps bon Englès et loyal, avoient pris en grant
despit l’ordenance des deffiances, que li rois de
France avoit fait faire par un garçon, et en reprendoient
et blasmoient grandement le roy de France
25et son conseil, quant par tel manière l’avoient
fait; car guerre de si grans signeurs et si renommés
comme dou roy de France et dou roy d’Engleterre,
devoit estre ouverte et deffiiée par gens
notables, telz que grans prelas, evesques ou abbés, et
30disoient que li François l’avoient consilliet au roy à
faire par grant orgueil et presumption. Si envoiièrent
li dessus dit deffiier le roy de France moult notablement,
[129] et seelèrent pluiseur chevalier d’Alemagne
avoech eulz, et estoit leur intention que d’entrer
temprement en France et de faire y un si grant
trau, que il y parroit vint ans en apriès; mais de ce
5ne fisent il riens, car leurs pourpos fu brisiés par
aultre voie qu’il ne cuidoient adonc, si com vous
orés avant en l’istore.
§ [617]. Vous avés chi en devant bien oy parler et
recorder dou grant pourcach que li rois d’Engleterre
10fist et mist par l’espasse de cinq ans et plus, pour
avoir la fille le conte de Flandres en mariage pour
son fil monsigneur Aymon, conte de Cantbruge. Les
devises et les ordenances en seroient trop longes à
demener: si m’en passerai briefment. Et saciés que
15onques li rois d’Engleterre ne peut tant esploitier,
par quelque voie ne moiien que ce fust, que li papes
Urbains Ves les volsist dispenser. Si demora chilz mariages
à faire. Li contes de Flandres, qui estoit priiés
d’autre part dou roy de France pour son frère le
20duch de Bourgongne, quant il vei que cilz mariages
ne se passeroit nient en Engleterre, et que sa fille
demoroit à marier et si n’avoit plus d’enfans, entendi,
par le promovement de madame sa mère la
contesse d’Artois, au jone duch de Bourgongne, car
25c’estoit uns grans mariages et haulz et bien paraus à
lui. Si envoia grans messages en Engleterre, pour
trettier au dit roy quittances.
Cil esploitièrent si bien que li rois d’Engleterre, qui
ne voloit que toute loyauté, quitta le conte de Flandres
30de toutes couvenences; et retournèrent li message
à Bruges, et recordèrent au conte leur signeur comment
[130] il avoient esploitié. De cel esploit fu li contes
tous liés. Depuis ne demora gaires de temps que cilz
mariages se fist, de Flandre et de Bourgongne, parmi
grans trettiés et consaulz, couvenences et alliances des
5uns as aultres. Et me fu adonc dit que li contes, pour
ce mariage laissier passer, rechut grant pourfit, plus
de cent mil frans, et demorèrent encores à lui le ville
de Lille et ceste de Douay, en carge de grant argent
que li rois donnoit à son frère en mariage et au conte
10de Flandres, qui prist le saisine et possession des
dessus dittes villes et y mist ses gens. Et furent ces
villes attribuées à Flandres, par cause de wage, je
n’en sçai plus avant.
Tantost apriès ceste ordenance, on proceda ou mariage
15qui se fist et confrema en le bonne ville de
Gand. Et là eut grans festes et grans solennités, au
jour des noces, devant et apriès, et grant fuison de
signeurs, barons et chevaliers. Et par especial li
gentilz sires de Couci y fu, qui bien affreoit en une
20feste, et mieulz le savoit faire que nulz aultres, car li
rois de France l’i envoia. Si furent ces noces bien et
grandement festées et joustées, et en apriès cescuns
s’en retourna en son pays.
Li rois d’Engleterre, qui veoit que li contes de
25Flandres, par le cause de ce mariage, estoit alloiiés
en France, ne savoit que supposer se li contes de
Flandres feroit partie contre li, avoech le duch de
Bourgongne son fil, qui par succession devoit estre
ses hoirs de le conté de Flandres, ne quelz couvenences
30il avoit entre le dit conte et le roy de France.
Si se tint li rois d’Engleterre un petit plus frans et
plus fors contre les Flamens, et leur moustra grignes
[131] et fist moustrer par ses gens, sus mer et ailleurs en
son pays, ensi que on les y trouvoit et que il venoient
en marchandise. De ce n’estoit mies li rois de France
coureciés, car il euist volentiers veu que la guerre
5fust ouverte entre les Flamens et les Englès, mès li
sage homme de Flandres et li riche bourgois des
bonnes villes n’en avoient nulle volenté; et soustenoient
toutdis plus les communautés de Flandres la
querelle et oppinion dou roy d’Engleterre à estre
10juste et bonne que ceste dou roy de France.
§ [618]. Li rois Edowars d’Engleterre, qui acqueroit
amis de tous lés, et bien li besongnoit selonch les
grans guerres et rebellions de pays qui li apparoient,
senti et entendi que li rois Charles de Navare ses cousins,
15qui se tenoit en le Basse Normendie, seroit assés
tost de son acord, car il estoit en grignes et en
hayne contre le roy de France, pour aucunes terres
qui estoient en debat, que li dis rois de Navare
reclamoit de son hiretage, et li rois de France li deveoit.
20Si en avoient esté leurs gens et leurs consaulz
pluiseurs fois ensamble, mais il n’i avoient pout trouver
moiien ne acord. Si estoit la cose demorée en ce
parti, que cescuns se tenoit sus sa garde. Et avoit li
dis rois de Navare fait grossement et bien pourveir
25ses villes et ses castiaus, en Constentin et en le conté
d’Evrues, sus les bendes de Normendie, et se tenoit
à Chierebourch, et partout ses garnisons gens
d’armes.
A ce donc estoit dalés lui messires Eustasses d’Aubrecicourt,
30mestres et gouvrenères d’une ville oultre
les Gués Saint Clement, ou clos de Constentin, qui se
[132] tenoit pour le roy de Navare, car c’estoit de son hiretage,
et ceste ville appelle on Quarenten; et estoit
li dis messires Eustasses li plus especiaus de tout son
conseil: siques li rois d’Engleterre envoia devers lui,
5car il estoit ossi ses homs et ses chevaliers, pour savoir
l’intention dou roy de Navare. On le trouva tel,
et si bien esploita li dis messires Eustasses, que li rois
de Navare, à privée mesnie, entra en un vaissiel que
on appelle un lin, et vint en Engleterre parler au dit
10roy qui li fist grant chière et bonne. Et eurent là ensamble
grans parlemens et lons, et furent si bien d’acort
que li rois de Navare, lui retourné à Chierebourch,
devoit deffiier le roy de France, et recueillier et mettre
par tout ses chastiaus les Englès.
15Apriès ces alliances et confederations entre ces
deux rois faites et confremées, li rois de Navare retourna
arrière en Normendie en le ville de Chierebourch,
et le raconduisirent chevalier et escuier de
l’ostel dou roy d’Engleterre et de madame la royne,
20asquelz à leur retour il chei moult mal, car il encontrèrent
nefs normandes et escumeurs de mer, qui
tantost les envaïrent et assallirent fierement et qui
furent plus fort d’yaus. Si conquisent li dit Normant
les Englès et les misent tout à bort: onques
25homme il n’i prisent à merci. Ensi ala de ceste aventure,
de quoi li rois d’Engleterre fu moult courouciés,
quant il le sceut, mès amender ne le peut tant c’à
ceste fois.
Assés tost apriès la revenue dou roy de Navare qui
30estoit retournés à Chierebourch, messires Eustasses
d’Aubrecicourt, qui avoit estet mandés et priiés dou
prince de Galles et envoiiés querre par messages et
[133] par hiraus, prist congiet dou dit roy de Navare, pour
aler en le princeté servir le prince, liquelz rois li donna
moult envis. Mès li dis messires Eustasses li moustra
tant de raisons, que finablement il se parti et entra
5en mer avoech ce qu’il avoit de gens, et vint ariver à
Saint Malo de l’Ille en Bretagne et là prist terre, et
puis chevauça vers Nantes pour là passer le Loire,
par l’acort dou duc et de chiaus dou pays, qui encores
ne se mouvoient ne de l’un lés ne de l’autre. Si esploita
10tant par ses journées li dis messires Eustasses,
qu’il entra en Poito, et vint en le cité d’Angouloime,
devers le prince, qui le rechut à joie et qui assés tost
apriès l’envoia devers monsigneur Jehan Chandos et
le captal, qui se tenoient à Montalben et faisoient la
15frontière contre les François. Si fu li dis messires
Eustasses li très bien venus entre les signeurs et compagnons,
si tretost qu’il y vint.
§ [619]. En ce temps, misent sus li chevalier de Pikardie
une chevaucie de gens d’armes, sus l’intention
20de chevauchier et d’aller veoir chiaus d’Arde, de laquele
furent adonc chief messires Moriaus de Fiennes,
connestables de France, et messires Jehans de
Wercin, seneschaus de Haynau, par le commandement
dou roy de France. Si se assamblèrent en le
25bonne ville de Saint Omer, et estoient bien mil lances,
chevaliers et escuiers. Si vinrent ces gens d’armes
faire leur moustre, par devant le bastide d’Arde,
qui bien estoit garnie et pourveue d’Englès, et se logièrent
par devant et donnèrent à entendre que il
30tenroient là le siège.
Li Englès, qui pour ce temps estoient adonc dedens
[134] Arde, n’en furent noient esbahi, mès se ordonnèrent
et se apparillièrent pour deffendre, se on les
assalloit. Si se armèrent et ordonnèrent un jour li
signeur de France et de Haynau, qui là estoient, et
5se traisent tout sus les camps en moult frice et
noble arroy; et là estoit grans biautés de veoir les
banières de ces signeurs mettre avant et faire lor
moustre. Si assalli on ce jour à petit de pourfit,
car il en y eut des navrés et des blechiés, et se
10n’i conquisent riens. Et me samble, selonch ce que
je fui adonc enfourmés, que au cinquime jour il
se departirent d’Arde sans aultre esploit, et retourna
cescuns en son lieu. Ensi se desrompi ceste
chevaucie.
15§ [620]. Nous revenrons as besongnes des lontainnes
marces; si compterons dou siège qui se tenoit devant
Royauville, en Quersin, que li François y avoient
mis et establi, qui estoient plus de douze mil combatans,
parmi les Compagnes, et toutes bonnes gens.
20Et encores, à deux journées priès d’yaus, se tenoient
les gens le duch de Berri, messires Jehans d’Ermignach,
messires Jehans de Villemur, li sires de Biaugeu
et li aultre d’Auvergne et de Bourgongne, qui
bien estoient troi mil combatans, qui tantost fuissent
25trait avant, se il besongnast. Messires Jehans
Chandos et li captaus et messires Guichars d’Angle et
li aultre, qui faisoient frontière à Montalben, savoient
bien le siège des François devant Royauville et quel
nombre de leur costé il estoient sus le pays. Si ne
30trouvoient mies gens assés pour yaus combatre ne lever
le siège, car li contes de Cantbruge et li contes
[135] de Pennebruch, qui seoient devant Bourdille, ne voloient
nullement brisier leur siège.
Or avint ensi que li François, qui avoient devant
Royauville mis leurs mineurs en mine et qui avoient
5grans engiens qui jettoient nuit et jour, constraindirent
si chiaus de Royauville que li dit mineur vinrent
à leur entente et fisent reverser un grant pan
dou mur, par quoi la ville fu prise et tout li Englès,
qui dedens estoient, mort sans prendre à merci, dont
10ce fu damages, car il y avoit de bons escuiers. Chil de
le nation de le ville furent pris à merci, parmi tant
que, de ce jour en avant, il jurèrent à estre bon François
et loyal. Si ordonnèrent cil signeur qui là estoient,
chapitainnes et gens d’armes, pour garder le ville, se
15mestier faisoit, et pour donner avis et conseil dou
remparer. Si se departirent ces gens d’armes, apriès
le conquès de Royauville, sus le pays de Quersin et
de Roerge, pour yaus rafreschir et estre mieuls à leur
aise, et s’en vinrent les Compagnes en le cité de
20Chaours et là environ. Si en furent chapitainne Aymenions
d’Ortige, Perros de Savoie, li Petis Meschins,
Jakes de Bray et Ernaudon de Paus, et destruisoient
tout le pays. Si retournèrent li contes de
Pieregorch, li contes de Laille, li contes de Commignes,
25li viscontes de Quarmaing et li aultre Gascon ens
leurs terres; car messires Hues de Cavrelée, messires
Robers Cheni, messires Robers Brikés, Jehans Cressuelle,
Lamit, Naudon de Bagherant, li bourch Camus,
li bourch de Bretueil, li bourch de Lespare et
30toutes ces gens de Compagnes y faisoient grant guerre,
et avoient mort, ars et destruit le terre le conte
d’Ermignach et ceste dou signeur de Labreth.
[136] En ce temps, avoit un seneschal en Roerge, très
vaillant homme et bon chevalier durement, Englès,
qui s’appelloit messires Thumas de Wettevale, qui
tenoit le ville et le chastiel de la Millau, à une journée
5de Montpellier; et quoique li pays autour de lui
fust tournés françois, si tint il la ditte garnison de
la Millau plus d’an et demi, et une aultre forterèce
en Roerge, que on appelle Vauclère. Et fist, en ce
temps, pluiseurs belles chevaucies et issues honnerables
10sus les François, et des bons conquès. Et jut là
très honnerablement jusques adonc que messires Bertrans
de Claiekin le bouta hors, ensi que vous orés
recorder avant en l’ystore. Et toutdis se tenoit li sièges
devant Bourdille.
15§ [621]. Sus les marces de Poito et de Tourainne se
tenoient messires Jehans de Buel, messires Guillaumes
des Bordes, messires Loeis de Saint Juliien et Carenloet,
Breton, à plus de douze cens combatans, qui
imaginoient et estudioient nuit et jour comment il
20peuissent prendre, eskieller et embler villes, chastiaus
et forterèces, en Poito. Dont il avint que il emblèrent
et prisent par eskiellement, de nuit, le chastiel
que on dist le Roce de Ponsoy, à l’entrée de Poito,
seant sus le rivière de Cruese, à deux liewes de le
25Haie en Tourainne, et assés priès de Chastieleraut,
sus ceste meisme rivière. Si en fu durement tous li
pays de Poito effraés, car li François en fisent une
grande garnison et reparèrent, pourveirent et rafreschirent
de vivres et d’artillerie bien et grossement.
30Quant les nouvelles en vinrent au prince, si en fu durement
coureciés, mès amender ne le peut. Si remanda
[137] tantost monsigneur Guichart d’Angle, messire Loeis
de Harcourt, le signeur de Partenay, le signeur de
Puiane et pluiseurs aultres, qui se tenoient à Montalben
dalés monsigneur Jehan Chandos, qu’il revenissent
5apertement, et qu’il les voloit ailleurs envoiier.
Cil dessus dit signeur de Poito, à l’ordenance dou
prince, se partirent de Montalben, et esploitièrent
tant par leurs journées, qu’il vinrent en le cité
d’Angouloime devers le prince, qui tantost les envoia à
10Poitiers, pour garder le cité et faire frontière as François.
Assés nouvellement s’estoit tournés francois uns
grans barons de Poito, li sires de Chauvegni, viscontes
de Bruese, et sa ville ossi, et l’avoit garnie de Bretons
et de gens d’armes, mès point n’estoit en sa
15terre, ains estoit venus en France dalés le roy. De
ceste avenue furent li princes et tout li baron de Poito
moult coureciet.
Si fu soupeçonnés li viscontes de Rocewart; et en
fu enfourmés li princes qu’il se voloit tourner françois.
20Dont il avint que li princes le manda en Angouloime
où il estoit, et li dist se intention. Li viscontes
s’en deffendi et escusa au mieulz qu’il peut, mès pour
ce ne demora mies qu’il ne li couvenist tenir prison
fremée, et demora un grant temps en ce dangier.
25En ce temps, estoit grans seneschaus de Poito messires
James d’Audelée, uns moult sages et vaillans
chevaliers: si mist sus une chevaucie de tous les barons
et chevaliers de Poito. Là estoient messires Guichars
d’Angle, messires Loeis de Harcourt, li sires de
30Pons, li sires de Partenay, li sires de Puiane, messires
Joffrois d’Argenton, messires Mauburni de Linières,
li sires de Tannai Bouton, messires Guillaumes
[138] de Montendre et pluiseur aultre chevalier et escuier
de Poito, et estoient bien douze cens lances, et encores
y estoit messires Bauduins de Fraiville, seneschaus
de Saintonge. Si fisent cil signeur leur assamblée à
5Poitiers, et puis s’en partirent en grant arroy, et
chevaucièrent tant qu’il entrèrent en Berri. Si commencièrent
à ardoir et à exillier le pays et à honnir povres
gens, et y fisent moult de damages, et puis s’en
retournèrent par Tourainne. Et partout où il conversoient,
10li pays estoit contournés en grant tribulation,
ne nulz ne leur aloit au devant, car il estoient
si fort que il tenoient les camps.
Et entrèrent ces gens d’armes en le terre le signeur
de Chauvegni, qui estoit tournés françois; si le ardirent
15et exillièrent toute sans deport, horsmis les forterèces,
et vinrent devant sa mestre ville de Bruese. Si
le assegièrent et le assallirent et fisent assallir un jour
tout entier par leurs gens, mès riens n’i conquisent.
Dont s’alèrent il logier, et disent qu’il ne s’en partiroient
20mies ensi, et que elle estoit à yaus bien prendable.
Si se levèrent au point dou jour, et s’armèrent
et ordonnèrent, et sonnèrent leurs trompètes d’assaut.
Si approcièrent cil Poitevin et cil Englès, et se misent
en ordenance par connestablies, cescuns sires entre
25ses gens et desous se banière. Là eut, par un samedi,
grant assaut et dur et bien continuet, car il y avoit
dedens le ville gens d’armes et compagnons, qui se
deffendoient dou mieulz qu’il pooient, car il savoient
bien que c’estoit sus leurs vies. Si y fisent tamainte
30apertise d’armes.
Li seneschaus de Poito et li seneschaus de Saintonge,
qui estoient en grant volenté et desir de conquerre
[139] la forterèce, faisoient leurs arciers traire si
ouniement que à painnes ne s’osoit nulz amoustrer à
garittes pour deffendre. Si furent, à ce jour et ce samedi,
au matin, cil de Bruese si fort assalli et si continuelment
5par traire et lancier et escarmucier à
yaus, que finablement la ville fu conquise et la porte
jettée par terre, et entrèrent ens tout cil qui entrer y
veurent. Si furent pris li homme d’armes dou visconte,
et tantost en fisent li signeur de l’ost pendre
10jusques à seize en leurs propres armeures, ou despit
dou dessus dit visconte, qui pas n’i estoit, mès se tenoit
à Paris dalés le roy de France. Si fu toute la
ville courue, arse et robée, et y perdirent li habitant
et li demorant tout le leur. Encores en y eut fuison de
15mors et de navrés et de noiiés, et puis si s’en retournèrent
li Englès et leurs routes en le cité de Poitiers,
pour yaus mieulz à leur aise rafreschir.
§ [622]. Messires Robers Canolles, qui se tenoit en
Bretagne sus son hiretage, lequel il avoit biel et grant,
20et qui toutdis avoit estet bons et loyaus Englès, et
servi et amé le roy d’Engleterre et le prince de Galles
son ainsnet fil, et esté en leurs armées et chevaucies,
quant il entendi que li François faisoient ensi si
forte guerre au dit prince, et qu’il li tolloient et voloient
25tollir son hiretage d’Acquitainne, lequel il li
avoit jadis aidiet à conquerre, se li vint à grant amiration
et desplaisance, et s’avisa en soi meismes
que il prenderoit ce qu’il poroit avoir de gens et s’en
iroit servir le prince à ses propres frès et despens.
30Tout ensi comme il imagina et considera, il fist, et
cueilla gens et manda tous ses subgès et ses feaulz et
[140] priia ses amis, et eut environ soixante hommes d’armes
et otant d’arciers de se delivrance, et fist ses
pourveances sus le mer en quatre grosses nefs, en
une ville, en Bretagne, et port de mer, que on appelle
5Konke.
Quant toutes ses pourveances furent faites et acomplies,
il se parti de Derval et se traist de celle
part: si entra en son vaissiel, et ses gens ès leurs; si
desancrèrent et singlèrent tant au vent et as estoilles,
10qu’il arrivèrent au kay en le Rocelle. Se li fisent li
bourgois de le Rocelle grant feste arrière coer, mais
il n’en osoient aultre cose faire. Et là trouva il monsigneur
Jehan d’Evrues, qui estoit chapitainne de le
Rocelle, de par le prince; car li seneschaus estoit
15avoecques monsigneur Jehan Chandos, messires Thumas
de Persi. Messires Jehans d’Evrues rechut le dit
messire Robert moult liement et li fist toute le bonne
compagnie qu’il peut faire. Si se rafreschirent messires
Robers et ses gens en le Rocelle par deux jours.
20Au troisime jour, il s’en partirent et se misent au
chemin devers Angouloime, et tant esploitièrent par
leurs journées qu’il y parvinrent. De la venue monsigneur
Robert Canolles fu li princes grandement resjoïs,
et ne le peut par samblant trop conjoïr ne festiier,
25et ossi madame la princesse. Tantost li princes
le fist mestre et souverain de tous ses chevaliers et
escuiers d’ostel par cause d’amour, d’onneur et de
vaillance, et leur commanda à obeir à lui, si com à leur
souverain, et il disent que ossi feroient il volentiers.
30Quant li dis messires Robers eut esté dalés le prince
environ cinq jours, et cil furent tout appareilliet,
qui devoient aler en se chevaucie, et ossi il sceut
[141] quel part il se trairoit, il prist congiet au prince et
se parti d’Angouloime, bien acompagniés, les chevaliers
dou prince avoech lui, telz que monsigneur
Richart de Pontchardon, monsigneur Estievene de
5Gousenton, monsigneur d’Aghorises, monsigneur
Neel Lorinch, monsigneur Guillaume Toursiel, monsigneur
Hughe de Hastinges, monsigneur Jehan Trivet,
monsigneur Richart Tanton, monsigneur Thumas
le Despensier, monsigneur Thumas de Walkefare,
10monsigneur Thumas Balastre, monsigneur Nicolas
Bonde, monsigneur Guillaume le Monne, seneschal
d’Aghinois, monsigneur Bauduin de Fraiville
et plus de soixante chevaliers. Si estoient environ cinq
cens hommes d’armes et cinq cens arciers et otant
15de brigans, et tout en grant volenté de trouver les
François et de combatre. Si chevaucièrent les gens
le prince, dont messires Robers Canolles estoit chiés
et gouvrenères, par devers Agen, pour venir en Quersin
où les Compagnes se tenoient, et tant esploitièrent
20qu’il vinrent en le cité d’Agen. Si se tinrent là un petit,
pour yaus rafreschir et entendre des ennemis.
Entrues que li dis messires Robers Canolles sejournoit
à Agen, et ses gens là environ, il entendi que
messires Perducas de Labreth, uns grans chapitainnes
25de Compagnes, et qui en avoit plus de trois cens de
se route desous lui, estoit sus le pays, et en celle saison
par le pourcach dou duch d’Ango tournés françois.
Si envoia tantost li dis messires Robers Canolles
devers lui hiraus et certains messages, et fist
30tant que, sus saufconduit, il vint parler à lui sus les
camps en un certain lieu qu’il y ordonnèrent. Quant
li dis messires Robers vei le dit monsigneur Perducas,
[142] se li fist grant chière et lie, et puis petit à petit entra
en parolles. Se li commença à remoustrer comment
il avoit grandement fait son blasme, quant il estoit
tournés françois et issus hors dou service le prince
5qui tant l’avoit amé, honnouré et avanciet. Que vous
feroi je lonch compte? Messires Robers Canolles,
comme sages et soubtis, preeça tant le dit Perducas
de Labreth, qu’il le retourna englès et toutes ses
gens, et se retournèrent adonc des compagnons gascons
10plus de cinq cens: dont li dus d’Ango fu moult
courouchiés, quant il sceut les nouvelles, et en tint
mains de bien et de seurté ou dit monsigneur Perducas.
Et ossi fisent tout li aultre qui estoient de le partie
des François, et en resongnièrent trop plus grandement
15les Englès.
§ [623]. Ces nouvelles vinrent en le cité de Chaours
as aultres compagnons, à Aymenion d’Ortige, au
Petit Meschin, à Jaket de Bray, à Perrot de Savoie et
à Ernaudon de Paus, qui tenoient là une très grande
20garnison et avoient tenu tout le temps, que messires
Perducas de Labreth estoit retournés englès et toute
se route ossi; si en eurent les dessus dittes chapitainnes
grant anoi et grant effroy. Et regardèrent et
considerèrent, entre yaus, que li cités de Chaours estoit
25de trop grant garde et trop foible pour yaus tenir
contre les Englès. Si s’en partirent et le recommendèrent
à l’evesque dou lieu et as bourgois de le
ville, et s’en vinrent en une priorie assés priès de là,
que il avoient tout le temps malement fortefiie, laquelle
30on appelle Durviel. Ceste forterèce n’estoit
point de grant garde: si se boutèrent tout dedens
[143] et misent en bonne ordenance, pour attendre leurs
ennemis: liquel vinrent celle part tantost et sans delay
qu’il sceurent qu’il s’estoient là retrait, et assegièrent
et environnèrent le ditte forterèce, et puis y
5establirent et fisent tamaint assault; mès cil estoient
si usé et si mesnier d’armes, et ossi si bien pourveu
de bonne artillerie, qu’il n’en faisoient compte.
Quant messires Jehans Chandos, messires Thumas
de Felleton, messires li captaus, messires Jehans de
10Pumiers, messires Thumas de Persi, messires Eustasses
d’Aubrechicourt et li chevalier dou prince, qui se
tenoient à Montalben, entendirent que messires Robers
Canolles avoit assegiet les capitainnes des Compagnes
en le garnison de Durviel, si eurent conseil
15que il se trairoient de celle part, car la cose s’ordonnoit
assés que il trouveroient là aucun grant fait d’armes.
Si se departirent de Montalben en une route
plus de trois cens lances, et y en laissièrent bien deux
cens en garnison, desquelz estoient chapitainne messires
20Aymeris de Tarse, messires li soudis de Lestrade
et messires Bernadet de Labreth, sires de Geronde.
Si chevaucièrent li dessus dit moult efforciement,
pour venir au siège de Durviel.
Ensi que il chevauçoient, il trouvèrent en leur
25chemin une ville assés forte, françoise, qui s’appelle
Montsach, et estoit tant seulement en le garde des
hommes, car il n’i avoit nul gentil homme. Si envoiièrent
de premiers li signeur leurs coureurs devant,
pour aviser et considerer le ville. Si raportèrent
30li coureur que elle estoit assés forte, et que sans siège
et assaut on ne les pooit avoir. Dont se consillièrent
li signeur sus les camps, pour savoir quel cose en
[144] estoit bonne à faire. Adonc il trouvèrent, en conseil,
que ce ne seroit pas bon d’yaus là arrester et de brisier
leur emprise, pour aler devant Durviel; si passèrent
oultre.
5A ce donc estoit encores assés matin. Ensi que il
pooient estre ja à une liewe en sus, il encontrèrent
quatre sommiers cargiés de vitaille, qui aloient en le
ville. Si furent tantost pris et arresté li dit sommelier, et
leur fu demandé dont il venoient, ossi où il aloient. Cil
10cogneurent la verité qu’il estoient parti de Thoulouse
et avoient intention d’entrer en le ville de Montsach
et de là mener leur vitaille. Dont furent il examiné
plus avant de l’estat de le ville, et quelz gens il estoient
là dedens. Li sommelier respondirent à ce et disent,
15qui n’osèrent mentir, que la ville estoit moult astrainte
de famine, et n’i pensoient là dedens avoir de tous
vivres, se assegiet estoient, pour vivre quatre jours,
et qu’il n’i avoit dedens nul gentil homme, ne aultre
deffense que des bonhommes de le ville. Dont se misent
20li gentil homme ensamble, et eurent conseil qu’il
n’iroient plus avant, si aroient rendu painne à conquerre
le ditte ville. Si retournèrent et retinrent le
vitaille pour yaus, et rendirent as quatre sommeliers
leurs chevaus, et leur disent que il ralaissent as nouvelles
25pourveances. Et puis s’en vinrent mettre le
siège devant Montsach, et se commencièrent à logier
bien et faiticement, ensi qu’il deuissent là demorer
un mois; et fisent ce premier jour samblant qu’il assauroient
à l’endemain, et levèrent devant les murs
30aucuns canons qu’il portoient.
Quant cil de Montsach en veirent le manière, si
se commencièrent à effraer, et sentirent bien que
[145] il ne se poroient longement tenir, car il n’avoient
nulles pourveances. Si commencièrent à trettier devers
les dessus dis chevaliers d’Engleterre, et se portèrent
trettiet si bien que il recogneurent le prince
5à signeur et à tenir le ditte ville de lui à tousjours
mès, sans fraude et mal engin; et parmi tant il demoroient
en paix, et ne leur ostoit on riens dou
leur. Si ordonnèrent li chevalier, messires Jehans
Chandos et li aultre, à le requeste de chiaus de le
10ville, un chevalier estre leur chapitainne, lequel on
appelloit messire Robert Miton, et vingt hommes
d’armes et quarante arciers avoech lui, as saus et as
gages des hommes de le ville; puis passèrent oultre
et chevaucièrent tant qu’il vinrent devant Durviel,
15où messires Robers Canolles et li aultre estoient. Si
eut là grans recognissances et grans approcemens d’amour,
quant il se trouvèrent tout ensamble, et se
misent au siège avoecques les aultres, tout par bonne
ordenance.
20§ [624]. Ce siège pendant devant Durviel, il y eut
pluiseurs assaus, escarmuces, paletis et grans fais d’armes,
car c’estoient toutes bonnes gens devant, qui
tenoient le siège; et cil dedens ossi estoient tout bon
combatant et bien usé d’armes: aultrement, il ne se
25fuissent point longement tenu. Si vous di que li Englès
et cil de leur costé qui là gisoient au siège, ne
l’avoient mies d’avantage, mès estoient en trop dur
parti par deux manières; car il plouvoit nuit et jour
si ouniement que trop grevoit as hommes et as chevaus;
30et avoech tout ce, il avoient si grant defaute
de vivres qu’il ne savoient que mengier. Et y vendoit
[146] on un pain trois viés gros: encores n’en pooit on
recouvrer pour son argent bien souvent. De vins
avoient il assés et largement, et ce leur faisoit grant
confort. En cel estat furent il plus de cinq
5sepmainnes.
Quant il veirent que riens ne faisoient et que le
garnison de Durviel pas ne prenderoient, et si sejournoient
là en grant malaise, si s’avisèrent que il se
deslogeroient et iroient plus avant et en plus cras
10pays. Si se deslogièrent et se traisent par devant le
ville et le chastiel de Domme, dont messires Robers
de Domme estoit sires et gouvrenères, et avoit avoech
lui un sien cousin chevalier, qui s’appelloit messire
Pierre Sengler. Si avoient, en devant, cil doi chevalier
15les vivres dou plat pays là environ tous retrais là dedens.
Quant li Englès et li Gascon, qui bien estoient
quinze cens hommes d’armes et deux mil, que arciers,
que brigans, furent là venu, si se ordenèrent et misent
en arroy de siège bien et faiticement, et commencièrent
20à assallir le forterèce de grant volenté.
Si y livrèrent pluiseurs grans assaus et escarmuces,
où il y eut fait, le siège pendant, des grans apertises
d’armes. Quant il eurent là esté à siège quinze jours,
et il eurent veu que riens n’i faisoient et si y gisoient
25à grant painne et à grant fret, si se avisèrent et
consillièrent li un par l’autre qu’il segnefieroient leur
estat et leur afaire au prince de Galles leur signeur,
qui se tenoit en Angouloime. Si en fu ordonnés
d’aler celle part et de faire ce message Chandos li
30hiraus, liquelz se parti de ses mestres et esploita tant
par ses journées qu’il vint en le cité d’Angouloime
où il trouva le prince à moult privée mesnie, car
[147] tout si chevalier et escuier estoient d’une part ou
d’autre.
Quant li hiraus Chandos fu là venus, il se mist en
genoulz devant le prince et li recommanda tous ses
5mestres dessus nommés, lesquelz il avoit laissiés au
siège de Domme. Et puis li recorda et remoustra
bien et sagement l’estat et l’afaire de leur ordenance,
ensi que enfourmé et chargié l’avoient, avoecques
lettres de creance qu’il aportoit à monsigneur le
10prince. Li princes entendi à ce bien et volentiers et
dist qu’il en aroit avis; si fist demorer le hiraut dalés
lui et y fu cinq jours. Au sixime jour, il li fist delivrer
sus son seel lettres escriptes et seelées, et li dist
au departir: «Chandos, salués nous tous les compagnons.»
15Cilz respondi: «Monsigneur, volentiers.»
Lors se parti dou prince li dis hiraus et se mist au
retour par devers Quersin. Or vous recorderai de
chiaus de l’ost comment il esploitièrent et quel cose
il fisent, entrues que li dis hiraus ala et vint et fist
20son message.
§ [625]. Assés tost apriès che que Chandos fu
partis de ses mestres dou siège de Domme, messires
Jehans Chandos, messires Robers Canolles, messires
Thumas de Felleton, messires li captaus de Beus et
25messires James d’Audelée et li aultre signeur et chevalier
qui là estoient, eurent conseil et avis qu’il defferoient
leur siège, car riens au là seoir ne conqueroient,
et chevauceroient plus avant sus le pays, et
reconquerroient villes et garnisons qui s’estoient
30tournées françoises nouvellement par l’effort des
Compagnes et des gens le duch de Berri. Si se deslogièrent
[148] et se departirent de Domme, et se misent au
chemin et vinrent par devant Gramath, qui tantost
se rendirent et tournèrent englès qu’il furent là venu.
Si se rafreschirent li signeur et leurs gens dedens le
5ville de Gramath par trois jours, et entrues avisèrent
où il se trairoient. Quant il s’en partirent, il chevaucièrent
devant une aultre forterèce, que les Compagnes
avoient nouvellement pris, que on claime Fours.
Sitos que cil de celle garnison sentirent les Englès
10venir à si grant effort et que cil de Gramath s’estoient
tourné, il se tournèrent ossi et devinrent englès,
et jurèrent que il le demorroient à tousjours,
mès il en mentirent.
Si passèrent oultre li dit Englès, et vinrent devant
15Rocemadour. Cil de le ville de Rocemadour
estoient malement fortefiiet; si n’eurent mies volenté
que d’yaus rendre. Quant li Englès furent venu
jusques à là et il eurent avisé et consideré le manière
de chiaus de le ville, si fisent traire avant leurs
20gens et leur artillerie, et le commencièrent à assallir
de grant façon et de bonne ordenance. Là eut,
je vous di, moult grant assaut et moult dur et pluiseurs
hommes navrés et bleciés dou tret et dedens
et dehors. Si dura cilz assaus un jour tout entier.
25Quant ce vint au vespre, li Englès se retraisent en
leurs logeis et avoient bien entention que de assallir
à l’endemain. Mais celle nuit cil de Rocemadour se
consillièrent qu’il avoient ce jour senti le force et le
vertu de chiaus de l’ost, et comment il les avoient
30fort apressés. Et disent bien li plus sage et mieulz
avisé que à le longe il ne se pooient tenir, et, se il
estoient pris de force, il seroient tout mort et perdu,
[149] et leur ville arse sans merci. Siques, tout consideré, le
bien contre le mal, quant ce vint au matin, il trettièrent
pour yaus rendre as Englès; et se porta trettiés
qu’il cheirent en acord devers les dessus dis chevaliers
5d’Engleterre, parmi tant que, de ce jour en avant,
il seroient bon Englès, et le jurèrent solennelment.
Avoech tout ce, il deurent à leurs frès mener et conduire,
le terme de quinze jours, cinquante sommiers
de vivres apriès l’ost, pour yaus avitaillier des pourveances
10de le ville, mais on les paioit courtoisement
parmi un certain fuer qui ordonnés y estoit. Ensi demora
Rocemadour en pais.
Et puis chevaucièrent li Englès oultre par devers
Villefrance en Thoulousain, gastant et exillant tout
15le plat pays et mettant les povres gens en grant
misère, et conquerant villes et chastiaus, qui s’estoient
tournées nouvellement françoises; si se retournoient
englesces, les unes par trettiés et les aultres
de force. Si vinrent li dessus dit signeur et
20leurs gens devant Villefrance, qui estoit assés bien
fremée et pourveue de vivres et d’artillerie, car tous
li plas pays de là environ s’i estoit retrais. Quant il
furent là venu, il le assegièrent et assallirent de grant
volenté. Et y eut, en quatre jours qu’il furent par
25devant, tamaint grant assaut et fort, et pluiseurs
navrés de chiaus de dedens et de chiaus de dehors.
Tout consideré, cil de le ville regardèrent que à
le longe il ne se poroient tenir et qu’il ne seroient
aidié ne conforté de nul costé, au mains ne leur
30estoit il point apparant. Si se tournèrent et rendirent
englès, par composition telle, que on ne leur devoit
porter point de damage. Ensi devint Villefrance en
[150] Aginois, sus les marces de Toulousain, englesce: de
quoi li dus d’Ango, qui se tenoit à Thoulouse, fu
moult courouciés, quant il en sceut les nouvelles,
mès amender ne le peut tant qu’à celle fois. Si mist
5et laissa dedens messires Jehans Chandos à gouvreneur
et chapitainne un chevalier englès, qui s’appelloit
messires Robers Rous, et puis passèrent oultre
en exillant le pays.
Or retourrons au siège de Bourdille, en Pieregorth,
10et compterons comment li contes de Cantbruge et li
contes de Pennebruch perseverèrent.
§ [626]. Entrues que cil dessus nommé baron et
chevalier d’Engleterre et leurs routes faisoient leurs
chevaucies et leurs conquès, tant en Roerge, en Quersin
15qu’en Aginois, où il furent une moult lontainne
saison, se tenoit li sièges devant le garnison de Bourdille,
qui y fu plus de onze sepmainnes. Et vous di
que, le siège là tenant, ensi que vous oés, il y eut pluiseurs
assaus, escarmuces et paletis et aultres grans
20apertises d’armes priesque tous les jours; car cil de
dedens venoient par usage tous les jours à main armée
jusques à leurs barrières hors de le porte, et là
escarmuçoient moult vaillamment et hardiement à
tous venans, et si bien s’i portoient que proprement
25de chiaus de l’host il avoient grant loenge. Ensi se tinrent
un grant temps en cel estat, et fuissent encores
trop plus tenut se orghieulz et presumptions ne les
euist temptés, car il estoient gens assés et tout hardi
compagnon, pour tenir et deffendre leur forterèce, et
30bien pourveu de vivres et d’artillerie, et tant que cil
de l’ost se commencièrent à taner, quoique il gesissent
[151] là moult honourablement, mès li signeur regardèrent
qu’il y estoient à grant fret et que trop peu il
conqueroient.
Or eurent un jour conseil et avis comment il se
5maintenroient, pour leur afaire approcier. Si ordonnèrent
que, à l’endemain à heure de prime, il feroient
toutes leurs gens armer et yaus tenir secretement
en leurs logeis, et en envoieroient aucuns escarmucier
à chiaus de le forterèce; il les sentoient
10bien de si grant volenté que tantost il isteroient hors
et se metteroient as camps bien et apertement pour
yaus combatre. En ce faisant, leurs gens qui là seroient
envoiiet escarmucier, se fainderoient et s’en retourroient
tout combatant petit à petit devers leurs
15logeis, ensi que desconfis, pour chiaus dou dit fort
attraire plus avant; et il aroient ordené une bataille
de leurs gens tout à cheval, qui se metteroient entre
leurs ennemis et le forterèce, par quoi, quant il vorroient
retourner, il ne poroient. Cilz avis fu arestés
20entre yaus; et disent que, se on ne les avoit par celle
voie, on ne les aroit point aise; siques, à l’endemain,
il fisent très le matin armer secretement toutes leurs
gens, et en envoiièrent jusques à deux cens escarmucier
à chiaus de Bourdille.
25Quant li compagnon qui dedens estoient, et les
capitainnes Ernaudons et Bernadés les veirent venir,
si en furent tout joiant et s’armèrent apertement,
et fisent armer toutes leurs gens; si pooient
bien estre environ septvingt, tout able et legier compagnon.
30Et fisent ouvrir leur porte toute arrière,
et vinrent à leurs barrières et recueillièrent à lances
et as pavais les Englès bien et faiticement; et y
[152] eut tant fait que li Englès reculèrent et perdirent
terre, et ossi estoit il ensi ordené. Li compagnon
de Bourdille fisent passer leur pennon devant et disent
ensi: «Avant! Avant! Par le cap saint Antone,
5cesti sont nostre.» Lors les envaïrent il de grant
volenté, et en yaus cachant en jettèrent aucuns
par terre et blechièrent et prisent pour prisonniers.
Et pour ce qu’il voloient tout avoir, et ensi que on
dist souvent: «Grant convoitise fait petit mont,»
10il eslongièrent si leur forterèce que, quant il veurent
retourner, il ne peurent. Car messires Jehans de Montagut,
qui estoit sus l’embusche à plus de cinq cens
combatans, et qui droit là sus le place fu fais chevaliers
de monsigneur le conte de Cantbruge, se mist à
15toute se route entre le forterèce et yaus, et descendirent
piet à piet droit devant yaus, et puis les envaïrent
de grant volenté.
Quant li compagnon de Bourdille se veirent
ensi attrapé, si cogneurent bien qu’il avoient trop
20folement cachiet. Nonpourquant, il se recueillièrent
et se remisent tout ensamble comme vaillans gens,
et se commenchièrent à combatre et à faire tant
de grans apertises d’armes que merveilles seroit à
recorder; et se tinrent, sans yaus desconfire, bien
25le terme de deux heures de jour, toutdis lançant
et yaus deffendans, entrans et retraians moult
vaillamment de leurs ennemis; et tant y fisent d’armes,
que proprement li signeur d’Engleterre qui là
estoient, y prisent grant plaisance. Et là fu messires
30Jehans de Montagut très bons chevaliers, et vaillamment
et biel s’i combati et assalli ses ennemis. Finablement,
cil de Bourdille furent là desconfi, tout mort
[153] ou pris, onques piés n’en escapa, et li prisonnier rescous,
que pris avoient, et li doi escuier capitainne,
Ernaudons et Bernadés de Batefol, pris et prisonnier
au dit monsigneur Jehan de Montagut. Entrues que
5cilz estours avoit là esté, li contes de Cantbruge et li
contes de Pennebruch s’estoient avanciet et avoient
conquis les barrières et le porte, et estoient entré
ens, le banière le conte de Cantbruge tout devant.
Ensi eurent li Englès le garnison de Bourdille, et fisent
10les hommes de le ville jurer foy et seurté et à
tenir le ville de par le prince. Si ordenèrent li signeur
à demorer, pour le garder, le signeur de Mucident et
ses gens, et li baillièrent soixante arciers, et puis
deffisent leur siège, et eurent conseil qu’il se retrairoient
15en Angouloime devers le prince, pour savoir quel
cose il vorroit que il fesissent. Ensi se deffist li sièges
de Bourdille, et se misent tout li signeur et leurs
routes au retour.
Or retourrons nous as dessus dis chevaliers d’Engleterre
20et de Gascongne qui chevauçoient en Quersin,
et parlerons de Chandos le hiraut et des nouvelles
que il leur aporta de par le prinche de Galles.
§ [627]. Ensi que li dessus dit et leurs routes et les
Compagnes avoech yaus chevauçoient ens ès marces
25de Roerge et de Quersin, et qu’il faisoient tourner
villes et chastiaus et mettoient le pays où il conversoient,
en grant tribulation, evous Chandos le hiraut
revenu, qui les trouva devant une forterèce, en Quersin,
que il avoient moult astraint. Sitos que il veirent
30le hiraut revenu, se li fisent grant chière et li demandèrent
des nouvelles. Il leur dist que messires li
[154] princes les saluoit tous et les desiroit moult à veoir.
A ces mos, il leur bailla les lettres que li princes leur
envoioit; si les prisent li baron et les lisirent. Si
trouvèrent, avoech salus et amistés, que il ordonnoit
5et voloit que messires Jehans Chandos, messires Thumas
de Felleton et messires li captaus de Beus retournassent
en Angouloime devers lui, et messires
Robers Canolles et ses gens et toutes les Compagnes,
demorassent en l’estat où il estoient et feissent
10guerre.
Quant cil quatre signeur qui là estoient chief de
toutes ces gens d’armes, entendirent ces nouvelles, si
regardèrent tout l’un l’autre, et puis demandèrent quel
cose en seroit bonne à faire. Si se adrecièrent d’une
15vois dessus messire Robert Canolle et li disent: «Messire
Robert, vous veés et entendés comment messires
li princes nous remande, et voet et ordonne que vous
demorés sus ce pays et soiiés chiés et gouvrenères de
ces gens d’armes.»—«Signeur, ce respondi messires
20Robers, messires li princes me fait plus d’onneur
que je ne vaille; mais sachiés que ja sans vous je n’i
demorrai, et, se vous partés, je partirai.» Depuis, il
ne se volt aultrement laissier enfourmer ne adire,
mès toutdis dist qu’il partiroit. Si eurent conseil de
25retourner tout quatre devers le prince, pour savoir
plus plainnement sen entente. Ensi se desrompi ceste
grande chevaucie.
Quant ce vint au departement, il envoiièrent
monsigneur Perducas de Labreth en le ville de Rocemadour,
30et toutes ses gens, pour là faire frontière
contre les François. Et disent ensi li signeur as autres
capitainnes des Compagnes: «Signeur, vous
[155] oés comment messires li princes nous remande; si
nous fault obeir, et ne savons de verité que il nous
voet. Si vous dirons que vous ferés: vous recueillerés
vos gens et vous remetterés ensamble, et vous monterés
5amont sus les marces de Limozin et d’Auvergne
et ferés là guerre. Car sans guerre vous ne poés ne
savés vivre, et nous vous jurons et promettons loyaument,
se vous prendés ne conquerés ville, chastiel
ou forterèce en France, où que ce soit ne en quel
10marce, et vous y soiiés assegiet, nous vous irons conforter
telement que vous nous en sarés gret, et leverons
le siège.» Cil qui ces parolles et prommesses
entendirent, respondirent: «C’est bien dit, et nous
le retenons ensi; car espoir en arons nous mestier.»
15Ensi se departirent li un de l’autre, et se desrompi
ceste grosse chevaucie, les Compagnes d’un lés et li
signeur d’autre, qui s’en revinrent tout par acord devers
le prince en le cité d’Angouloime, qui leur fist
grant chière. Et estoient revenu ossi de le conté de
20Pieregorth, un petit en devant, li contes de Cantbruge,
li contes de Pennebruch, messires Jehans de
Montagut et tout li aultre.
Or vous parlerons des Compagnes, qui parti estoient
de monsigneur Jehans Chandos, comment il
25perseverèrent.
§ [628]. Entre les Compagnes, avoit là trois escuiers
de la terre dou prince, grant chapitainne de Compagnes
et hardi et apert homme d’armes durement,
et grant aviseur et eskielleur de forterèces. Si appelloit
30on l’un Hortingo, l’autre Bernart de Wisk et
le tierc Bernart de la Salle. Cil troi compagnon ne
[156] veurent mies sejourner plenté, que il ne fesissent
parler d’yaus et aucun esploit d’armes. Si s’en vinrent,
avoech leurs routes, en Limozin yaus rafreschir.
En ce temps, en estoit seneschaus et gouvrenères de
5par le prince messires Jehans d’Evrues. Cil troi dessus
dit jettèrent leur avis à prendre en France aucune
forterèce et regardèrent que Belleperce, en Bourbonnois,
estoit uns biaus chastiaus et fors, et ens demoroit
la mère dou duch de Bourbon et de la royne de
10France. Si entendirent par leurs espies que la bonne
dame estoit là asseulée entre ses gens, et n’avoit ou
dit castiel point trop grant garde. Encores li chastellains
dou lieu aloit et venoit souvent hors et n’en
estoit mies trop songneus.
15Cil compagnon et une partie de leurs gens, chiaus
que il veurent eslire, ne sommillièrent point trop
sus leur entente, mès chevaucièrent un jour et une
nuit, et vinrent sus l’ajournée à Belleperce, et
l’eschiellèrent et le prisent, et madame la mère de
20la royne de France dedens, et fu tout leur tout ce
que il y trouvèrent. Si regardèrent que la forterèce
estoit belle et bonne et en gras pays, et disent que
il le tenroient contre tout homme. Encores en ceste
propre nuit, il prisent une aultre forterèce qui s’appelloit
25Sainte Sivière, sus les marces de Limozin,
et ceste donnèrent il à monsigneur Jehan d’Evrues.
Ces nouvelles furent tantost sceues en France que
Belleperce estoit prise et emblée des Englès, et la
mère de la royne de France dedens. Si en fu li rois
30fortement courouciés, et ossi furent la royne et li dus
de Bourbon, mès amender ne le peurent tant c’à
ceste fois.
[157] En ce temps, fu esleus en France, pour estre li uns
des mareschaus des guerres, messires Loeis de Sanssoirre,
vaillant homme et hardi chevalier durement.
Encores vivoit messires Ernouls d’Audrehen, mais il
5estoit si vieulz et si froissiés d’armes et de traveil
dou temps passé, que bonnement il ne se pooit mès
ensonniier de l’offisce; mès encores s’armoit il volentiers,
quant il venoit à point. Or vous parlerons
un petit des besongnes de Pikardie ossi bien que
10nous vous avons parlé de cestes des lontainnes
marces, et d’une grant assamblée qui fu faite à
Tournehen.
§ [629]. Li rois de France, toute celle saison d’esté,
avoit fait un très grant appareil de nefs, de barges et
15de vaissiaus, sus le havene de Harflues et sus le rivière
de Sainne, entre Roem et Harflues. Et avoit intention
que d’envoiier une armée en Engleterre si grande
et si bien estoffée de toutes bonnes gens d’armes,
chevaliers et escuiers, desquelz messires Phelippes
20ses frères, dux de Bourgongne, seroit chiés et gouvreneur,
que pour tout destruire et ardoir Engleterre.
Et se tenoit et sejournoit proprement li rois de
France en le cité de Roem, pour mieulz entendre à
ses besongnes. Et aloit, toutes les sepmainnes, deux
25ou trois fois, veoir se navie, et avoit à ce très grande
affection.
Avoech tout ce, ses mandemens estoit si grans et
si estendus par tout son royaume que, là environ
Roem, ou Vexin et en Biauvoisin, venoient et aplouvoient
30tous les jours tant de gens d’armes que merveilles
seroit à penser. Et toutdis se faisoient et approçoient
[158] les pourveances en celle navie si grandes
et si grosses que donc que ce fust pour aler en Castelle
ou en Portingal.
Mais li sires de Cliçon, qui estoit li uns des especiaulz
5dou conseil dou roy, ne s’i acordoit point
bien, et moult desconsilloit au roy, à tant de nobles
de son royaume, aler en Engleterre; et disoit qu’il
n’estoient mies si bien usé ne coustumier d’aler en
Engleterre et faire y guerre que li Englès estoient
10de passer le mer et venir en France. Et alegoit à ce
assés de raisons, ensi que cilz qui cognissoit mieulz
le condition et le nature des Englès et l’estat dou
pays d’Engleterre que moult d’autres. Non obstant
ce, on ne pooit brisier le pourpos dou roy et de aucuns
15de son conseil que ceste armée ne se parfesist.
Li rois d’Engleterre et ses fiulz li dus de Lancastre,
et pluiseur de leur conseil, estoient assés avisé et enfourmé
de ceste armée, et comment li François les
devoient venir veoir et guerriier en leur pays, de
20laquel cose il estoient tout joiant. Et avaient pourveu
les passages, les pors et les havenes sus mer à rencontre
de Pontieu et de Normendie, pour yaus recueillier,
se il venoient, bien et souffissamment de
bonnes gens d’armes et d’arciers. Et estoit tous li
25royaumes d’Engleterre avisés et confortés pour combatre
les François, se il venoient.
Et eut adonc li rois d’Engleterre conseil et volenté
que d’envoiier son fil le duch de Lancastre, à tout
une carge de gens d’armes et d’arciers, en le ville de
30Calais. Si ordonna et nomma proprement li rois
chiaus qui iroient avoecques lui, le conte de Sallebrin,
le conte de Warvich, monsigneur Gautier de
[159] Mauni, le signeur de Ros, monsigneur Henri de Persi,
le signeur de Basset, le signeur de Willebi, le signeur
de Ware, le signeur de la Poule, monsigneur Thomas
de Grantson, messire Alain de Bouqueselle, monsigneur
5Richart Sturi et pluiseurs aultres: si estoient
six cens hommes d’armes et quinze cens arciers. Si
vinrent li dessus dit en le ville de Douvres et là environ.
Et passèrent, quant leur navie fu toute preste
et il eurent vent à volenté, et arrivèrent en le forte
10ville de Calais. Si issirent hors de leurs vaissiaus, et
en misent petit à petit toutes leurs coses hors, et se
herbegièrent tout en le ditte ville.
En celle saison, avoit li rois d’Engleterre escript
et priiet especialment monsigneur Robert de Namur
15que il le vosist servir, sa guerre faisant, à tout se
carge de gens d’armes. Li dis messires Robers, qui
toutdis avoit esté bons englès et loyaus, avoit respondu
que il seroit apparilliés, sitost que on le manderoit
et qu’il saroit que li rois ou uns de ses enfans
20seroit à Calais, ou trais sus les camps pour chevaucier
sus France. Siques, si tretot que il entendi que
li dus de Lancastre estoit arrivés à Calais, il semonst
tous ses compagnons et chiaus dont il voloit estre
aidiés et servis, et fist tout son harnas appareillier
25moult estoffeement, ensi comme à lui apertenoit. Or,
retourrons nous un petit as besongnes de Poito.
§ [630]. Vous devés savoir que, quant li departemens
fu fais des barons et des chevaliers de Gyane,
qui avoient chevauciet en Quersin et en Roerge, et
30Chandos li hiraus lor eut aporté les nouvelles dou
prince, il retournèrent tout par un acord en le cité
[160] d’Angouloime, où il trouvèrent le prince qui les reçut
moult liement. Un petit devant ce, estoient retourné
li contes de Cantbruge, li contes de Pennebruch et
leurs gens, apriès le conquès de Bourdille, si com
5ci dessus est contenu. Si se conjoïrent et fisent grant
feste cil signeur et cil baron, quant il se trouvèrent
tout ensamble; et se avisèrent et consillièrent où il
se trairoient, pour mieulz emploiier leur saison. Si
regardèrent que, sus les marces d’Ango, avoit un biau
10chastiel et fort, qui se tenoit dou ressort d’Ango,
lequel on appelloit le Roce sur Ion. Si disent tout et
avisèrent que il se trairoient celle part et y metteroient
le siège et le conquerroient, se il pooient. Si
ordonnèrent leurs besongnes en celle instance, et se
15misent au chemin et se traisent tout de celle part.
Encores leur revinrent depuis tout li baron et li chevalier
de Poito, monsigneur Jame d’Audelée, li sires
de Pons, li sires de Partenay, messires Loeis de Harcourt,
messires Guichars d’Angle, li sires de Puiane,
20li sires de Tannai Bouton, messires Joffrois d’Argenton,
messires Mauburni de Linières et li seneschaus
de le Rocelle, messires Thumas de Persi. Si se trouvèrent
cil signeur et ces gens d’armes grant fuison,
quant il furent remis tout ensamble, plus de trois
25mil lances. Si esploitièrent tant que il vinrent devant
le dit chastiel de le Roce sur Ion, qui estoit biaus et
fors et de bonne garde et bien pourveus de toutes
pourveances et d’artillerie. Si en estoit gouvrenères
et chapitainnes, de par le duch d’Ango, uns chevaliers
30qui s’appelloit messires Jehans Blondiaus, et qui tenoit
desous lui laiens moult de bons compagnons as saus
et as gages dou dit duch. Si ordenèrent li dessus
[161] nommet signeur et baron qui là estoient, leur siège,
par bonne manière et grant ordenance, et l’environnèrent
tout autour, car bien estoient gens pour ce
faire. Et fisent là amener et achariier de le ville de
5Touwars et de le cité de Poitiers grans engiens, et les
fisent drecier devant le forterèce et encores pluiseurs
canons et espringalles qu’il avoient de pourveance
en leur host, et pourveu de lonch temps, et usagé de
mener. Si estoit leur host durement plentiveuse de
10tous vivres, car il leur en venoit grant fuison de Poito
et des marces proçainnes.
Quant messires Jehans Blondiaus se vei ensi assegiés
et appressés de tant de bonnes gens d’armes, car là
estoient priès tout li baron et li chevalier d’Aquitainne,
15et se ne li apparoit nuls confors de nul costé, si se commença
à effraer; car bien veoit que li signeur qui là
estoient, ne le lairoient jusques à tant qu’il l’aroient
pris par force ou aultrement. En l’ost dou conte de Cantbruge
et de monsigneur Jehan Chandos et des barons
20qui là estoient, avoit aucuns chevaliers des marces
de Poito, qui bien cognissoient le dit capitainne et qui
l’avoient compagnié dou temps passé. Si vinrent cil
jusques as barrières, et fisent tant que sus assegurances
il parlèrent à lui et le menèrent tant par parolles,
25car il n’estoit mies bien soutilz, comment qu’il
fust assés bons chevaliers, qu’il entra en trettié de
rendre le forterèce, se elle n’estoit secourue et li sièges
levés dedens le terme d’un mois, parmi tant que il
devoit avoir six mil frans françois pour les pourveances
30dou chastiel. Cilz trettiés fu entamés et mis
oultre, et demorèrent cil dou chastiel et li chastiaus
en segur, le dit terme, parmi le composition dessus
[162] ditte; et se dedens le mois il n’estoit secourus, li
chastiaus estoit rendus.
Ceste cose acordée, li dis chevaliers tantost le
segnefia au roy de France, au duch d’Ango et au
5duch de Berri et à tous les signeurs dont il cuidoit
estre aidiés, afin que il se peuist mieulz escuser de
blasme, se il en estoit approciés. Nonobstant ce et
toutes ses segnefiances, quoique li chastiaus fust biaus
et bons et moult necessaires à estre françois pour les
10pays d’Ango et de Tourrainne, onques il ne fu secourus
ne confortés de nullui: siques, sitos que li
mois fu passés et espirés, li signeur englès qui là estoient,
requisent au dit chevalier que il leur tenist
couvent, et de ce avoit il livret bons plèges. Li dis
15messires Jehans ne volt mies aler à l’encontre, et dist
ensi à ses compagnons, puisque li rois de France et
li dus d’Ango voloient perdre le forterèce, il ne le
pooit mies tous seus garder ne amender. Si le rendi
as signeurs qui là estoient, liquel en prisent tantost
20le saisine et possession, et en eurent grant joie. Et
eut, ensi que couvens portoit, li dis messires Jehans
six mil frans tous appareilliés pour les pourveances
dou dit chastiel, qui bien le valoient. Et fu aconvoiiés
et tout li sien des Englès jusques en le cité d’Angiers.
25Si tretost qu’il fu là venus, il fu pris et arestés dou
gouvreneur d’Angiers et mis ou chastiel en prison.
Si entendi ensi que, de nuit, il fu boutés en un sach
et jettés en le rivière qui là keurt et noiiés par
l’ordenance et commandement dou duch d’Ango, pour
30ce que il avoit pris or et argent pour le forterèce qui
estoit bien taillie de lui tenir un an, se mestier faisoit.
Ensi eurent li Englès le chastiel de le Roce sur Ion
[163] en Ango, et y misent grant garnison de par yaus et
le remparèrent bien et faiticement, et puis s’en retournèrent
en Angouloime deviers le prince.
§ [631]. Apriès le conquès de le Roce sur Ion, si
5com ci dessus est dit, dont li François furent moult
courouciet, li signeur s’en retournèrent en Angouloime,
et là leur donna congiet li princes as aucuns
de retourner en leurs maisons. Si s’en ala messires
James d’Audelée, cilz vaillans chevaliers et seneschaus
10de Poito pour le temps, sejourner et demorer à Fontenay
le Conte. Là s’alitta li dis chevaliers de maladie
qui si le ragreva que il morut: de quoi messires li
princes et madame la princesse furent moult courouciet,
et ossi furent tout li baron et li chevalier de
15Poito. Se li fist on son obsèque moult reveramment
en le cité de Poitiers, et y fu li princes personelment.
Assés tos apriès, par le priière et requeste de tous les
barons et chevaliers de Poito, messires Jehans Chandos
qui estoit connestables d’Aquitainnes, fu seneschaus
20de Poito, et s’en vint demorer et sejourner en
le cité de Poitiers. Si faisoit souvent des issues et
des chevaucies sus les François, et les tenoit si court
qu’il n’osoient chevaucier, fors en grant route.
En ce temps, fu delivrés de prison li viscontes de
25Rocewart, que li princes avoit fait tenir, pour ce que
il le soupeçonnoit françois: siques, à le priière et requeste
de ses amis de Poito, qui estoient adonc dalés
le prince, li dis princes le delivra et li rendi toute sa
terre. Quant li dis viscontes fu delivrés de prison, il
30s’en vint couvertement, au plus tost qu’il peut, à Paris
devers le roy et se tourna françois, et revint arrière
[164] en sa terre, sans ce que on sceuist riens encores de
son afaire, et mist Thiebaut dou Pont, Breton, un
très bon homme d’armes, en se forterèce, et envoia
tantost deffiier le prince et fist grant guerre au prince.
5Or parlerons un petit dou duch de Lancastre.
§ [632]. Quant li dus de Lancastre fu venus et arrivés
à Calais, ensi que ci dessus est dit, et il et ses
gens se furent un petit rafreschi, si ne veurent point
là plenté sejourner, que il ne fesissent aucun esploit
10d’armes en France. Si se departirent un jour si doy
mareschal, à bien trois cens lances et otant d’archiers,
et passèrent oultre Ghines et chevaucièrent si avant
qu’il vinrent jusques oultre le rivière d’Oske; et coururent
tout le pays de là environ, et prisent leur
15tour devers l’abbeye de Liques, et acueillièrent
toute le proie et ramenèrent à sauveté en le ville de
Calais. Et, l’endemain, il fisent un aultre chemin et
vinrent viers Boulongne, et portèrent moult grant
damage au plat pays. A ce donc se tenoient li contes
20Guis de Saint Pol et messires Gallerans ses filz en le
cité de Tieruane, à tout grant gent d’armes; mès point
n’issirent contre les dis Englès, quant il chevaucièrent,
car il ne se sentoient mies fort assés pour yaus
combatre ne tollir les camps.
25Ces nouvelles vinrent au roy de France, qui se tenoit
en le cité de Roem et qui là avoit le plus grant
appareil et le plus biel dou monde, comment li dus
de Lancastre efforciement estoit venus et arivés à
Calais, et couroient ses gens tous les jours sus France.
30Quant li rois et ses consaulz entendirent ce, si eurent
nouvelles imaginations. En celle propre sepmainne,
[165] devoit li dus de Bourgongne, o toute se carge où plus
avoit de trois mil chevaliers, entrer en mer pour aler
en Engleterre. Là regardèrent li rois, li prelat et ses
consaulz, que il estoit mieulz seans et apertenans,
5ou cas que on sentoit et savoit les Englès par deçà le
mer, d’yaus venir requerre et combatre que d’aler
en Engleterre. Si fu tous li premiers pourpos brisiés,
et cilz arrestés et segnefiiés par tout l’ost des François,
que cescuns, au plus tost que il peuist, se deslogast
10de Roem et là environ, et s’apparillast et avançast
de venir devers le ville de Calais avoec le duch
de Bourgongne, et dou commandement dou roy, car
on voloit aler combatre les Englès par deçà le mer.
Dont veissiés gens d’armes resjoïr et yaus apparillier,
15ce fu tantost tout toursé et deslogié, et se misent à
voie, cescuns qui mieulz mieulz.
Li dus de Bourgongne, o tout son arroy, se mist au
chemin et prist se adrèce pour venir passer le rivière
de Somme au pont à Abbeville, et fist tant par ses journées
20qu’il vint à Moustruel sus mer, et là et illuech environ,
à Hedin et à Saint Pol, et sus celle marce attendirent
li François l’un l’autre. Ja estoient venues ces
nouvelles au duch de Lancastre, que li François approçoient
fort pour yaus venir combatre. De quoi li dus de
25Lancastre estoit, o toutes ses gens, issus de Calais et
venus logier et prendre terre en le valée de Tournehen.
Gaires ne demora apriès ce qu’il fu là venus,
que cilz gentilz chevaliers, messires Robers de Namur,
en grant arroi, le vint servir à cent lances de bonnes
30gens, fuison de chevaliers et d’escuiers en se compagnie.
De sa venue fu li dus de Lancastre moult resjoïs,
et li dist: «Mon biel oncle, vous nous estes li
[166] bien venus. On nous donne à entendre que li dus de
Bourgongne approce fort à grant gent et nous voet
venir combatre.»—«Sire, respondi messires Robers,
Diex y ait part! si les verons volentiers.» Là se logièrent
5moult faiticement et apertement li Englès
droit ou val de Tournehen, et se fortefiièrent de sois
et de haies au plus foible lés de leur host. Et tous les
jours y venoient vivres et pourveances de Calais, et
si couroient leur coureur en le conté de Ghines, qui
10en conqueroient; mès c’estoit petit, car tous li plas
pays de là environ estoit perdus, et avoit on tout
mis ens ès forterèces.
Or vint li dus de Bourgongne à tout son arroi et
sa grande chevalerie. Si se loga sus le mont de
15Tournehen, et commandèrent si mareschal à logier
toutes gens à l’encontre des Englès. Si se logièrent li
dit François bien ordeneement tantost et sans delay,
et comprendoit leur logeis moult grant fuison, et
bien y avoit raison; car je oy adonc recorder pour
20certain que li dus de Bourgongne eut là avoech lui
quarante cens chevaliers: considerés donc se li demorans
de l’host n’estoit point grant. Et se tinrent
là un grant temps li un devant l’autre, sans riens
faire, car li dus de Bourgongne, comment que il fuist
25li plus fors et qu’il euist de bonnes gens d’armes sept
contre un, si ne se voloit il point combatre sans
l’ordenance et congié dou roy son frère, qui n’avoit
mies adonc encores avis ne conseil de ce faire. Et sachiés
de verité que, se li François se fuissent trait
30avant pour combatre les Englès, ja li dit Englès ne les
euissent refusés, mais estoient tous les jours apparilliés
et avisés pour yaus recevoir et avoient leurs
[167] conrois tous ordenés, et savoit çascuns quel cose il
devoit faire, se il traioient avant; mais, pour ce que il
estoient petit et en leur fort, il ne se voloient point
partir nicement de leur avantage. Si venoient bien
5souvent aucun compagnon enventureus escarmucier
as François: une heure y perdoient et l’autre y gaegnoient,
ensi que les aventures aviennent en telz fais
d’armes.
En ce temps, estoit li contes Loeis de Flandres
10moult enclins à l’onneur et prosperité dou duch de
Bourgongne, son fil, et se tenoit en une moult belle
maison dalés Gand, que nouvellement avoit fait
edefiier. Si ooit souvent nouvelles dou dit duch et
de son estat, et li dus de lui, par messagiers alans et
15venans. Et bien consilloit li dis contes à son fil, pour
son honneur, que il ne passast point oultre l’ordenance
dou roy son frère ne de son conseil.
Or retourrons un petit as besongnes des lontainnes
marces, car li chevalier et li escuier y avoient plus
20souvent à faire, et y trouvoient des aventures que il
ne fesissent d’autre part, pour les guerres qui y estoient
plus caudes.
§ [633]. Ce terme pendant que ceste assamblée fu
faite à Tournehen et là environ, avinrent en Poito
25aucun fait d’armes qui ne font mies à oublier, car
messires Jehans Chandos qui estoit seneschaus de
Poito et uns très hardis et vaillans chevaliers, et qui
très grant desir avoit de trouver les François et combatre,
ne voloit point plenté sejourner. Si mist, entrues
30que il se tenoit à Poitiers, une chevaucie de
gens d’armes sus, Englès et Poitevins, et dist que il
[168] voloit chevaucier en Ango et revenir en Tourainne
et veoir les François qui se tenoient sus les frontières.
Tout son pourpos et sa chevaucie il segnefia au
conte de Pennebruch qui se tenoit en garnison, à bien
5deux cens lances, à Mortagne sus mer. Li contes de
ces nouvelles fu moult resjoïs, et volentiers y fust
alés, mès ses gens et aucun chevalier de son conseil
li brisièrent son desir et li disent: «Monsigneur,
vous estes uns jones homs et uns sires à parfaire. Se
10vous vos metés maintenant en le compagnie et en le
route de Chandos, il en ara le vois et le renommée,
et vous n’i serés ja nommés fors que ses compains.
Si vault trop mieulz que vous, qui estes uns grans
sires et de haute estration, que vous faciés vostre fait
15à par vous et laissiés faire Chandos, qui n’est que
uns bachelers ou regart de vous, le sienne à par lui.»
Ces parolles et aultres refroidièrent si le conte de
Pennebruch que il n’i eut nulle volenté d’aler et
s’escusa devers monsigneur Jehan Chandos.
20Pour ce ne volt mies brisier messires Jehans Chandos
sen emprise, mès fist sen assamblée à Poitiers bien et
ordeneement, et s’en parti à tout trois cens lances,
chevaliers et escuiers, et deux cens arciers. Et là furent
messires Thumas de Persi, messires Estievenes de
25Gousenton, messires Richars de Pontchardon, messires
Eustasses d’Aubrecicourt, messires Richars Tanton,
messires Thumas li Despensiers, messires Neel
Lorinch, messires d’Agorises, messires Thumas Balastre,
messires Jehans Trivés, messires Guillaumes
30de Montendre, messires Mauburnis de Linières, messires
Joffrois d’Argenton et pluiseur aultre. Si chevaucièrent
ces gens d’armes et cil arcier arreement
[169] et hardiement et par bonne ordenance, ensi que pour
faire un grant fait, et trespassèrent Poito et entrèrent
en la ducé d’Ango. Si tretost que il s’i trouvèrent,
il se commencièrent à logier sus le pays et à envoiier
5leurs coureurs devant ardoir et exillier tout le plat
pays. Si fisent en ce dit bon pays et gras d’Ango ces
gens d’armes moult de maulz, ne nulz ne leur vint
ne ala au devant, et y sejournèrent plus de quinze
jours, especialment dedens un pays qui est durement
10bons et plentiveus que on appelle Loudonnois; et
puis se misent au retour entre Ango et Tourainne et
tout contreval le rivière de Cruese. Et entrèrent messires
Jehans Chandos et ses gens en le terre le visconte
de Rochewart. Si le ardirent et gastèrent malement,
15ne riens n’i laissièrent fors les forterèces, que
tout ne fust essillié. Et furent devant le ville de Rochewart
et l’assallirent de grant façon, mès riens n’i
conquisent, car il y avoit dedens Bretons et bonnes
gens d’armes, desquelz Thiebaus dou Pont et Alyos
20de Talay estoient chapitainne. Cil le gardèrent de
blasme et de prendre.
Si passèrent oultre li dit Englès, et vinrent à
Chauvegni. Là entendi messires Jehans Chandos que
li mareschaus de France, messires Loeis de Sanssoire,
25et grant gent d’armes estoient à le Haie en
Tourainne. Si eut très grant volenté d’aler celle part,
et segnefia encores se intention moult hasteement
au conte de Pennebruch, en lui priant que il y volsist
estre et aler avoech lui devant le Haie en Tourainne,
30et qu’il le trouveroit à Chastieleraut. Si fu
Chandos li hiraus noncières et portères de ce message,
et trouva le dit conte de Pennebruch à Mortagne
[170] sus mer, qui là faisoit son amas et sen assamblée
de gens d’armes, et voloit faire, ensi qu’il
apparoit, une chevaucie. Si s’escusa encores li dis
contes par l’information de son conseil, et dist qu’il
5n’i pooit estre. Au retour que li hiraus fist, il trouva
son mestre et ses gens à Chastieleraut, se li fist response
de son message. Quant messires Jehans Chandos
entendi ce, si en fu tous merancolieus et cognut
tantost que par orgueil et presumption li contes laissoit
10ce voiage à faire. Si respondi à ces parolles et
dist: «Diex y ait part!» et donna là le plus grant
partie de ses gens congiet et les departi, et ilz meismes
retourna en le cité de Poitiers.
§ [634]. Or vous compterons dou conte Jehan de
15Pennebruch quel cose il fist. Si tretost comme il peut
savoir que messires Jehans Chandos fu retrais à Poitiers
et qu’il eut donné ses gens congiet, il mist sa
chevaucie sus, où bien avoit trois cens lances, Englès
et Poitevins, et se departi de Mortagne. Et encores
20y eut aucuns chevaliers et escuiers de Poito et de
Saintonge, et ossi Englès qui avoient esté avoech
Chandos, qui se remisent en se route. Si chevaucièrent
ces gens d’armes, desquelz li contes de Pennebruch
estoit chiés et souverains, et passèrent parmi
25Poito, et fisent et prisent à l’adrèce ce propre chemin
que messires Jehans Chandos et ses gens avoient fait.
Et entrèrent en Ango et parardirent et essillièrent
dou plat pays grant fuison que li premier avoient
laissiet, qui s’estoit rançonnés, et se reposèrent et
30rafreschirent en ce bon pays de Loudonnois, et
puis reprisent leur adrèce, et s’en vinrent en le
[171] terre le visconte de Rochewart, où il fisent grant
damage.
Li François qui se tenoient ens ès garnisons françoises,
sus les marces de Poito, de Tourainne et
5d’Ango, où moult avoit de bonnes gens grant fuison,
entendirent et sceurent de verité de ces deux chevaucies
comment par orgueil li contes de Pennebruch,
qui estoit uns jones homs, n’avoit volu venir en le compagnie
de monsigneur Jehan Chandos. Si se avisèrent
10que il le metteroient jus, se il pooient, et feroient ce
trop plus aisiement que le dessus dit monsigneur
Jehan Chandos. Si fisent un mandement secretement
de toutes les garnisons là environ, et s’en fist chiés
messires Loeis de Sanssoire, mareschaus de France.
15Si se avalèrent ces gens d’armes de nuit secretement
tout en le Roce de Ponsoy, en Poito, qui estoit françoise.
Là estoit messires Robers de Sanssoirre, cousins
au dit mareschal, messires Jehans de Viane,
messires Jehans de Buel, messires Guillaumes des
20Bordes, messires Loeis de Saint Juliien et Karenloet,
breton, et estoient bien sept cens combatans.
Li contes de Pennebruch avoit pris son tour et
estoit rentrés en Poito et parars toute le terre dou
visconte de Rocewart. En se compagnie estoient
25messires Bauduins de Fraiville, seneschaus de Saintonge,
messires Thumas de Persi, messires d’Aghorises,
messire Jehans Oursvich, messires Jehans
Harpedane, messires Jakes de Surgières, messires
Jehans Courson, messires Thumas de Saint Aubin,
30messires Thumas le Dispensier, messires Robers Tinfort,
messires Symons Housagre, messires Jehans
de Mortain, messires Jehans Touchet et pluiseur aultre.
[172] Si chevauçoient cil Englès et cil Poitevin sans
nul esmay, et n’avoient encores oy nouvelles de nulles
gens d’armes, et s’en estoient rentré à tout grant
pillage et grant avoir en Poito. Si s’en vinrent un
5jour, de haute nonne, logier en un village que on
appelle Puirenon, ensi que cil qui cuidoient estre
tout asseguré. Et si que leur varlet entendoient à establer
leurs chevaus et appareillier le souper, evous
ces François venus, qui savoient bien lor couvine,
10tout avisé de ce qu’il devoient faire; et entrèrent en
ce village de Puirenon, les lances abaissies et escriant
leurs cris: «Nostre Dame! Sanssoire au mareschal!»
et puis commencièrent à abatre et à decoper gens
par ces rues et dedens leurs hosteulz. Li cris et la
15noise se commença tantost à eslever, et gens entrer
en très grant effroy, car il estoient soudainnement
souspris.
Ces nouvelles vinrent au conte de Pennebruch,
à monsigneur Thumas de Persi, à monsigneur Bauduin
20de Fraiville et as aultres chevaliers, que c’estoient
li François qui les avoient envaïs et assallis.
Si furent tantos chil signeur et leurs gens appareilliet,
et se traisent hors de leurs hosteulz et se commencièrent
à recueillier ensamble, mès il n’i peurent tout
25venir; car li force des François fu là si grande que
li Englès et li Poitevin d’un lés ne les peurent souffrir,
et en y eut à celle première empainte mors que
pris plus de six vingt. Et n’eurent li contes de Pennebruch
et aucun chevalier qui là estoient, plus
30de remède et d’avis qu’il se retraisent, au plus tost
qu’il peurent, en une plate maison de Templiers,
seans tout au sech, et tant seulement fremée de pierre.
[173] Là se recueillièrent et boutèrent et enfremèrent cil
qui y peurent venir à temps. Tout li demorant y furent
mort et pris, et le plus grant partie de leur harnas
et de leurs chevaus perdus; et perdi li dis contes
5de Pennebruch toute sa vaisselle.
Li François, qui les sievoient de priès, entendirent
qu’il estoient là recueilliet et enclos; si en furent tout
joiant et disent entre yaus: «Il ne nous poeent escaper.
Tout seront nostre: nous leur ferons chierement
comparer les damages qu’il ont fais en Ango et en Tourainne.» 10
Dont se traisent devers ceste maison moult
ordeneement et trop bien appareilliet, et en grant volenté
pour assallir. Quant il furent là venu, ja estoit
heure de remontière: si regardèrent le dit hostel et
15avisèrent devant et derrière, et considerèrent assés que
il estoit bien prendables. Si le commencièrent à assallir
durement et reskement, et eut là fait tamainte grant
apertise d’armes, car li François estoient grant fuison
et bonnes gens. Si assalloient en pluiseurs lieus et
20donnoient le dit conte Pennebruch et ses gens moult
à faire; et li Englès, qui n’estoient pas grant fuison,
se prendoient priès de bien faire le besongne et de
yaus deffendre, car il leur touchoit.
Si y eut ce jour dreciet aucunes eskelles et compagnons
25aventureus montans amont, paveschiés sus leurs
testes, pour yaus contregarder et garandir des pierres
et dou tret; et quant il venoient tout amont, il n’avoient
riens fait, car il trouvoient bien à qui parler, gens d’armes,
chevaliers et escuiers, tenans lances et espées en
30leurs mains, qui les combatoient vassaument main à
main, et qui les faisoient descendre plus tost qu’il ne
fuissent monté. Avoec tout ce, il y avoit arciers
[174] d’Engleterre, entrelardés entre ces gens d’armes, à deux
piés, tous descaus, tous drois sus le mur, et traioient
assés ouniement, lequel tret li François assallant qui
estoient desous, durement ressongnoient. En ce
5frefel, assaut et rihote, il furent jusques à le nuit que
li François, qui estoient tout lasset et travilliet d’assallir
et de combatre, se retraisent et sonnèrent leurs
trompètes de retrait, et disent qu’il en avoient assés
fait pour ce jour, jusques au matin que de recief on
10les venroit assallir. Tout consideré entre yaus, disoient
li François: «Il ne nous poeent escaper, ne
eslongier qu’il ne soient nostre; car nous les tenons
pour enclos et affamés.» Si s’en vinrent à leur logeis
liet et joiant, et se aisièrent de ce qu’il eurent, et
15fisent grans gais par devant le ditte maison dou Puirenon,
pour estre mieulz assegur de leur afaire.
§ [635]. Vous devés bien croire et sçavoir de verité
que li signeur, premièrement li contes de Pennebruch
et li chevalier qui là estoient assis et enclos
20de leurs ennemis dedens l’ostel dou Puirenon, n’estoient
mies à leur aise, car il sentoient leur forterèce
qui n’estoit pas trop forte pour durer à le longe encontre
tant de bonnes gens d’armes, et si estoient
mal pourveu d’arteillerie, qui leur estoit uns grans
25griés, et ossi de vivres, mès de ce ne faisoient il nul
compte, car au fort il viveroient bien un jour et une
nuit pour yaus garder, se mestier faisoit. Quant ce
vint en le nuit qu’il faisoit brun et espès, il priièrent
à un escuier, homme d’armes des leurs en qui il
30avoient grant fiance, et li disent que il se volsist
partir et on li feroit voie par derrière, et chevauçast
[175] esploiturierement, il seroit au jour à Poitiers; là trouveroit
il monsigneur Jehan Chandos et ses compagnons:
se leur desist comment il leur estoit; encores
venroient il bien à temps pour yaus conforter, car il
5se tenroient bien en le ditte maison jusques à nonne.
Li escuiers, qui vei le grant dangier où il et tout si
signeur estoient, dist qu’il ferait ce message volentiers,
et encores s’ahati il de trop bien savoir le chemin.
Si se parti de laiens environ heure de mienuit,
10quant cil de l’host furent asserisiet, par une fausse
posterne, et se mist au chemin au plus droit qu’il
peut et qu’il sceut pour venir à Poitiers. Mès tant y
eut que onques celle nuit il ne peut ne sceut tenir
voie ne chemin, et s’i fourvoia, et fu grans jours
15ançois qu’il peuist entrer en le voie de Poitiers.
Quant ce vint à l’aube dou jour, li François qui
avoient assis les Englès ou Puirenon, ensi que vous
oés, sonnèrent leurs trompètes et s’armèrent, et disent
et regardèrent entre yaus qu’il assaurroient à le froidure
20dou jour, car ce leur estoit plus pourfitable que
en le caleur dou jour. Li contes de Pennebruch et
li chevalier qui dedens leur clos estoient, et qui toute
le nuit point dormi n’avoient, mès, ce qu’il avoient
peut, fortefiiet s’estoient de pierres et de baus que
25sus les murs aporté avoient, sentirent bien que li
François se ordenoient pour yaus venir assallir: si se
confortèrent et avisèrent selonch ce. Devant heure
de soleil levant, une bonne espasse, furent li dit François,
signeur et gens d’armes, tout apparilliet et ordonné
30pour venir assallir, et lors fu commandé de
par leurs signeurs et chapitainnes de traire avant.
Lors s’en vinrent devers le dit hostel par connestablies,
[176] et entrèrent de recief de grant volenté en l’ouvrage
de leur assaut; et trop bien à ce commencement
s’en acquittèrent et fisent leur devoir. Et avoient
aporté eschielles, si les apoioient contre les murs et
5montoient sus à l’estrivée, armé et paveschié souffissamment,
car aultrement il n’euissent point duré; et
tenoient à honneur et à grant vasselage celi qui pooit
estre montés premiers: ossi estoit ce vraiement. Là
n’estoient mies li Englès wiseus ne recreant d’yaus
10deffendre, car aultrement il euissent estet pris tantost;
mès se deffendoient si vaillamment que merveilles
seroit à penser, et jettoient pierres sus ces targes et
ces bachinés: par quoi il les rompoient et effondroient,
et en navrèrent pluiseurs et blecièrent bien
15griefment par celle desfense, ne on ne vei onques
mès gens yaus si vaillamment tenir ne deffendre en
si petite force contre tant de bonnes gens d’armes.
Ensi fu cilz assaus continués dou matin jusques à
prime.
20§ [636]. Entre prime et tierce et ou plus fort de l’assaut,
et que li François se ragrignoient moult de ce
que tant duroient li dit Englès, tant qu’il s’avançoient
malement sans yaus espargnier, et avoient mandés
ens ès villages de là environ piks et haviaus pour
25effondrer le mur, et c’estoit ce que li dit Englès
ressongnoient, li contes de Pennebruch appella de recief
un sien escuier, ouquel il avoit moult grant
fiance, et li dist: «Mon ami, montés sus mon coursier
et issiés hors par derrière; on vous fera voie. Si
30chevauciés à grant esploit devers Poitiers, et recordés
à monsigneur Jehan Chandos l’estat et le dangier et
[177] le peril où nous sommes, et me recommendés à lui à
tout ces ensengnes.» Lors trait un aniel d’or hors
de son doi et dist: «Donnés li de par moy, il recognistera
bien ces ensengnes que elles sont vraies.»
5Li dis escuiers, qui tint ceste afaire à haute honneur,
prist l’aniel et monta vistement sus un coursier le
plus apert de laiens, et se departi par derrière entrues
c’on assalloit, car on li fist voie, et se mist au chemin
devers le cité de Poitiers. Et toutdis duroit li assaus
10grans et fors, et assalloient François mervilleusement
bien, et Englès se deffendoient de grant corage;
et bien le couvenoit, car aultrement sans desfense
plus grande que nulle aultre, il n’euissent point duré
deux heures.
15Or vous parlerons dou premier escuier le dit conte,
qui estoit partis dou Puirenon à heure de mienuit, et
qui toute le nuit s’estoit fourvoiiés, sans tenir voie ne
sentier. Quant ce vint au matin et il fu grans jours,
il recogneut son chemin; si se mist à adrèce par devers
20Poitiers, et ja estoit ses chevaus tous lassés. Toutes
fois il vint là environ heure de tierce, et descendi
en le place devant l’ostel monsigneur Jehan Chandos.
Si entra tantost ens et le trouva qu’il estoit à messe;
si s’en vint devant lui et s’engenilla, et fist son message
25bien et à point. Messires Jehans Chandos, qui
encores avoit en le teste le merancolie de l’autre jour,
dou conte de Pennebruch qui n’avoit volu chevaucier
avoech lui, ne fu mies à ce premier si enclins que
merveilles, et respondi tant seulement: «Ce seroit
30fort que nous y peuissions venir à temps!» et oy toute
sa messe. Tantost apriès messe, les tables furent mises
et drecies, et la cuisine appareillie; si demanda
[178] on au dit monsigneur Jehan se il voloit disner. Il respondi:
«Oïl, puisqu’il est priès.» Tantos il se traist
en le salle. Chevalier et escuier sallirent avant, qui
aportèrent l’aigue. Tout ensi comme il lavoit pour
5seoir à table, evous le secont message dou conte Jehan
de Penebruch, qui entre en la salle et encline
monsigneur Jehan Chandos, et trait tantost l’aniel
hors de son doy et li dist: «Ciers sires, messires li
contes de Pennebruch se recommende à vous à tout
10ces ensengnes, et vous prie chierement que vous le
venés conforter et oster d’un grant dangier et peril
où il est au Puirenon.»
Messires Jehans Chandos prist l’aniel et le regarda
et le recogneut, et vei bien que c’estoient vraies
15ensengnes. Si respondi: «Ce seroit fort de là venir
à temps, quant il estoient en tel dangier et tel parti
que vous me comptés, à vostre departement.» Et
puis dist: «Alons, alons disner: se il estoient tout
mort et tout pris, se nous fault il disner.» Si s’assist
20à table li dis messires Jehans Chandos et tout
li aultre, et mengièrent leur premier més. Ensi qu’il
estoient ja servi dou secont et l’avoient ahers, messires
Jehans Chandos qui avoit moult imaginé sus
ces besongnes, leva la tieste, en regardant sus les
25compagnons, et dist une parolle qui fu volentiers
oye: «Li contes de Pennebruch, qui est uns sires de
noble sanch et de hault afaire et de grant linage, et
qui est filz de mon naturel signeur le roy d’Engleterre,
car il eut sa fille espousée, et qui est compains
30en armes et en toutes aultres coses à monsigneur de
Cantbruge, me prie si bellement, que je doi bien descendre
à se priière et lui secourir et conforter, si g’i
[179] puis venir à temps.» Adonc bouta il la table oultre
et dist: «As chevaus! As chevaus! Je voeil chevaucier
devers le Puirenon.» Lors veissiés gens avoir
grant joie de ces parolles et yaus tantost apparillier,
5et ces trompètes sonner, et gens d’armes parmi Poitiers
monter à cheval, çascuns qui mieulz mieulz; car
il furent tantost enfourmé dou fait que messires Jehans
Chandos chevauçoit viers Puirenon, pour conforter
le conte de Pennebruch et se route, que li François
10avoient là assis. Lors se misent as camps chevalier
et escuier et gens d’armes, et se trouvèrent tantost
plus de deux cens lances, et toutdis leur croissoient
gens.
§ [637]. Ensi que messires Jehans Chandos et se
15route chevauçoient efforciement, certainnes nouvelles
en vinrent au Puirenon entre les François, qui continuelment
avaient assalli dou point dou jour jusques
à heure de miedi, et leur disent leurs espies
qu’il avoient toutdis sus les camps: «Chier signeur,
20avisés vous, car messires Jehans Chandos est partis
de Poitiers à plus de deux cens lances, et s’en vient
celle part à grant esploit et à grant desir qu’il vous
puist trouver.»
Quant messires Loeis de Sanssoirre, messires Jehans
25de Viane, messires Jehans de Buel et li aultre
qui là estoient, entendirent ces nouvelles, si se
consillièrent, et disent ensi là entre yaus li plus avisé:
«Nos gens sont lassé et travillié d’assallir et de
rihoter à ces Englès hui et hier: si vault mieulz que
30tout bellement nous nos mettons au retour et à sauveté
nostre gaaing et nos prisonniers, que ce que nous
[180] attendons ci l’aventure et monsigneur Jehan Chandos
et se route qui sont fresch et nouviel, car plus y porions
perdre que gaegnier.» Cilz consaulz fu tantost
creus, car il n’i couvenoit point un lonch sejour. Si
5fisent li signeur sonner les trompètes de retrait. A ce
son se retraiirent toutes leurs gens et se recueillièrent
et misent ensamble, et aroutèrent tout leur harnas et
leur caroy, et se misent au chemin pour revenir devers
le Roce de Ponsoy.
10Li contes de Pennebruch et li aultre compagnon,
qui veirent celle retrette, cogneurent tantost que
li François avoient oy nouvelles; si disent par verité:
«Chandos chevauce: pour ce sont retret cil
François qu’il ne l’osent attendre. Or tost, or tost,
15partons de ci, retraions nous vers Poitiers, nous
l’enconterons.» Donc montèrent as chevaus cil qui
les avoient, et qui point n’en avoit, il aloit tout à
piet, et li pluiseur montoient li doi sus un cheval.
Si se departirent dou Puirenon et prisent le chemin
20de Poitiers. Et n’estoient mies, en sus de le maison
où si vaillamment s’estoient tenu, une liewe, quant
il encontrèrent monsigneur Jehan Chandos et toute
se route, en cel estat que je vous ay dit, les aucuns
à piet, les aultres yaus deux sus un cheval. Si se
25fisent là grans recognissances et grans approcemens
d’amour. Et dist messires Jehans Chandos qu’il estoit
moult courouciés, quant il n’estoit là venus à
temps, pour quoi il euist trouvés les François. Si
chevaucièrent ensi, en genglant et en parlant, environ
30trois liewes, et puis prisent congiet li un de
l’autre.
Si retourna messires Jehans Chandos à Poitiers, et
[181] messires li contes de Pennebruch à Mortagne sus
mer, dont il s’estoit premierement partis; et li mareschaus
de France et leurs gens retournèrent à le Roce
de Ponsoy, et là se rafreschirent et departirent leur
5butin. Et puis si se retraist cescuns en se garnison, et
emmenèrent leurs prisonniers; si les rançonnèrent
courtoisement, quant il veurent, ensi que Englès et
François ont toutdis fait l’un l’autre.
Or, retourrons nous à l’assamblée de Tournehen
10et parlerons de le mort la plus gentilz royne, plus
large et plus courtoise qui onques regna à son temps:
ce fu madame Phelippe de Haynau, royne d’Engleterre
et d’Irlande.
§ [638]. En ce temps que ceste assamblée de tant
15de nobles dou royaume de France fu faite à Tournehen,
desquelz li dus de Bourgongne estoit chiés et
souverains, et li dus de Lancastre qui se tenoit en le
valée avoecques ses gens de l’autre part, avint en Engleterre
une cose toute commune, mès elle fu trop
20piteuse et moult triste pour le roy, ses enfans et tout
le pays. Car la bonne dame, royne d’Engleterre, qui
tant de biens avoit fais en son vivant et reconforté
tant de chevaliers et tant de dames et de damoiselles,
et si largement donné et departi le sien à toutes gens,
25et qui si naturelment avoit toutdis amé chiaus et
celles de le nation de Haynau, le pays dont elle fu
née, s’acouça malade au lit ens ou chastiel de Windesore;
et tant porta celle maladie que elle aggreva durement
et que fins de jour vint.
30Quant la bonne dame et royne cogneut que morir
le couvenoit, elle fist appeller le roy son mari; et
[182] quant li rois fu devant lui, elle traist hors de sa couvreture
sa droite main et le mist en le main droite
dou dit roy qui grant tristèce avoit au cuer. Et là dist
la bonne dame ensi: «Monsigneur, Dieu merci, nous
5avons en pais et en joie et en grant prosperité usé
nostre temps. Si vous pri que, à ce departement, vous
me voeilliés acorder trois dons.» Li rois, tout en
larmiant, respondi et dist: «Dame, demandés: il
vous sont acordé.»
10«Monsigneur, à toutes manières de bonnes gens
où dou temps passé j’ay eu à faire de leur marcheandise,
tant deçà le mer comme delà, de ce que je sui
tenue envers yaus, vous les en voeilliés croire legierement
et paiier, pour moy acquitter; en apriès, toutes
15les ordenances que j’ay fait, et lais ordonnés as
eglises de ce pays et à celles de delà le mer où j’ai eu
ma devotion et à ceulz et celles qui m’ont servi, que
vous les voeilliés tenir et acomplir. Tiercement,
monsigneur, je vous pri que vous ne voelliés eslire
20aultre sepulture que de jesir dalés moy, ou clostre de
Wesmoustier, quant Diex fera sa volenté de vous.»
Li rois, tout en plorant, respondi: «Dame, je le vous
acors.»
En apriès, la bonne dame fist le signe de le vraie
25crois sus lui et commanda le roy à Dieu, et son fil
monsigneur Thumas le mainsné qui estoit dalés lui,
et puis assés tost elle rendi son esperit: lequel, je croy
fermement, li saint angele de paradys ravirent et
emportèrent à grant joie en le glore des cieulz, car
30onques en sa vie ne fist ne pensa cose par quoi elle
le deuist perdre. Si trespassa la dessus ditte royne
d’Engleterre l’an de grasce Nostre Signeur mil trois
[183] cens soixante neuf, le vegille Nostre Dame, en le
moiienne d’aoust.
§ [639]. Les nouvelles en vinrent à Tournehen, en
l’ost des Englès: si en furent toutes manières de gens
5durement coureciet, et par especial ses filz li dus de
Lancastre. Il n’est mors que il ne couviegne oubliier
et passer. Pour ce, ne laissièrent mies li Englès à tenir
lor estat et leur ordenance, et furent là un grant
temps devant les François.
10Or avint que aucun chevalier et escuier de France,
qui là estoient et qui leurs ennemis tous les jours
veoient, se consillièrent un jour et eurent parlement
ensamble de aler à l’endemain, au point dou jour,
escarmucier les Englès, et dou resvillier sus leur gait.
15De cel acort furent plus de trois cens chevaliers et
escuiers, et li plus estoient de Vermendois, d’Artois
et de Corbiois, as armes. Si le segnefiièrent ensi li un
à l’autre, sans parler à leurs mareschaus. Quant ce
vint au matin qu’il deurent faire leur emprise, il furent
20au point dou jour tout armé et monté à cheval et mis
ensamble. Si chevaucièrent en cel estat sans effroy, et
commencièrent à tourniier le mont de Tournehen,
pour venir à leur avantage et ferir en l’une des èles
de l’ost des Englès.
25A ce costet estoit li logeis de monsigneur Robert
de Namur et de ses gens. Celle propre nuit, avoit
fait le gait li dis messires Robers, siques sus l’ajournement
il s’estoit retrais et seoit à table tous
armés, horsmis son bachinet, et li sires de Spontin
30dalés lui. Evous venu ces François, qui se fièrent
en ces logeis de monsigneur Robert et d’aucuns aultres,
[184] Alemans et Englès, qui estoient ossi logiet de
ce costet. Encores n’estoient point desarmet cil qui
avoient fait le gait avoech monsigneur Robert, dont
trop bien leur chei et vint à point; car il se misent
5tantost au devant de ces gens d’armes et de ces François,
qui venoient esporonnant de grant volenté, et
leur deffendirent et brisièrent le chemin. Les nouvelles
vinrent tantost au dit monsigneur Robert que ses
gens se combatoient et estoient assalli des François.
10En l’eure, il bouta le table oultre où il seoit, et dist
au signeur de Spontin: «Alons, alons aidier nos
gens.» Tantost il mist son bachinet et monta à cheval,
et fist prendre sa banière qui estoit devant son
pavillon, et desvoleper.
15Là li fu dit: «Sire, envoiiés devers le duc de
Lancastre: si ne vous combaterés point sans lui.»
Il respondi franchement et dist: «Je ne sçai, je
voeil aler, le plus droit chemin que je porai, devers
mes gens. Qui voelt envoiier devers monsigneur
20de Lancastre, si envoie; et qui m’aime, se me sieuce.»
Lors se parti, le glave ou poing, en approçant les ennemis,
le signeur de Spontin et monsigneur Henri de
Senselles dalés lui, et ossi li aultre chevalier. Tantos
furent à le bataille, et trouvèrent leurs gens qui se
25combatoient as François, qui estoient moult grant
fuison, et qui deuissent bien avoir fait, au voir dire,
un grant fait. Mais si tretost qu’il veirent monsigneur
Robert de Namur venu et se banière, il ressortirent
et brisièrent leur conroy, car il se doubtèrent espoir
30que toute li hos ne fust estourmie. Si estoit elle en
pluiseurs lieus, et ja estoit haus solaus levés. Là fu
mors desous le banière de monsigneur Robert uns
[185] chevaliers de Vermendois, qui s’appelloit messires
Rogiers de Coulongne, dont ce fu damages; car il estoit
friches homs, doulz et courtois durement et bons
chevaliers en tous estas.
5Ensi se porta ceste besongne. Li François retournèrent
sans plus de fait, qui doubtèrent à plus perdre;
et messires Robers ne les volt mies cachier trop
folement. Si recueilla ses gens, quant li François furent
tout retrait et rebouté, et s’en revinrent en leurs
10logeis.
§ [640]. Depuis ceste avenue, n’i eut nul fait d’armes
qui à recorder face. Si desplaisoit il bien à aucuns
chevaliers, de l’un costet et de l’autre, de ce que
on ne se combatoit, et disoit on tous les jours: «On
15se combatera demain! On se combatera demain!»
Et cilz jours ne vint onques. Car, si com ci dessus est
dit, li dus de Bourgongne ne voloit mies brisier l’ordenance
dou roy, son frère, ne aler contre; car il
li estoit destroitement commandé, et avoit tousjours
20messagiers alans et venans dou roy au duch et dou
duc au roy. Li dus de Bourgongne, si com je fui
adonc enfourmés, imagina et considera qu’il gisoit là
à grant fret et qu’il n’i pooit estre longement
honnourablement, quant il avoit bien quatre mil chevaliers
25et plus, et il veoit tous les jours ses ennemis, qui
n’estoient que une puignie de gens, et point ne les
aloit combatre. Si envoia des ses chevaliers devers le
roy son frère, qui li remoustrèrent vivement se entention.
Li rois cogneut assés que li dus avoit raison.
30Se li remanda que, ses lettres veues, il se deslogast et
donnast toutes ses gens congiet et se retraisist vers
[186] Paris hasteement, car il meismes y aloit, et là li ordonneroit
il d’aler aultre part. Quant li dus de Bourgongne
oy ces nouvelles, si les segnefia secretement
as plus grans de toute son host, et dist: «Il nous
5fault deslogier, li rois nous remande.» Quant ce vint
à heure de mienuit, cil qui enfourmé estoient de ce
fait, eurent tout toursé et furent tout monté, et boutèrent
le feu en leurs logeis.
A ceste heure, revenoit messires Henris de Senselles
10à son logeis, et faisoit le gait des gens monsigneur
Robert de Namur, à qui il estoit. Si perçut
un feu et puis deux et puis trois. Si dist en soi
meismes: «Li François nous poroient bien venir
resvillier; il en font durement contenance. Alons,
15alons, dist il à chiaus qui estoient dalés lui, devers
monsigneur Robert; si l’esvillons, par quoi il soit
pourveus bien et à point.» Si s’en vint li dis messires
Henris tantost en la loge de monsigneur Robert, et
appella ses cambrelens et dist: «Il fault que messires
20s’esveille.» Li varlet alèrent jusques au lit, et li dis
messires Henris dalés yaus, qui esvilla le dit monsigneur
Robert, et li dist tout l’afaire ensi qu’il aloit.
Donc respondi messires Robers: «Nous orons assés
tost aultres nouvelles; faites armer et apparillier nos
25gens.» Et il meismes s’arma et appareilla tantost. Et
quant ses gens furent venu, il fist prendre se banière
et s’en ala devers le tente dou duch de Lancastre,
qui ja s’armoit, car on li avoit segnefiiet ces nouvelles,
et fu tantost appareilliés et se traist devant sa
30tente, sa banière en present. Et là vinrent li signeur
petit à petit devers le dit duch; et, ensi qu’il venoient,
il se rengoient et se taisoient tout quoy et sans
[187] lumière. Et envoia adonc par ses mareschaus li dus
rengier tous ses arciers au devant dou lieu par où il
esperoient que li François les venroient combatre, se
il venoient; car pour certain il cuidoient bien estre
5combatu. Quant il eurent esté en cel estat bien deus
heures et plus, et il veirent que nulz ne venoit, si
furent plus esmervilliet que devant.
Adonc appella li dus de Lancastre aucuns signeurs
qui là estoient dalés lui, et leur demanda quel cose en
10estoit bonne à faire. Li uns disoit d’un et li autres
d’autre, çascuns selonch sen opinion. Et quant li dus
vint à ce vaillant et sage chevalier, monsigneur Gautier
de Mauni, il demanda: «Et vous, messire Gautier,
qu’en dittes?»—«Je ne sçai, dist messires Gautiers,
15mès, se j’en estoie creus ne oys, je ordonneroie mes
arciers et mes gens d’armes par manière de bataille, et
iroie petit à petit toutdis avant. Il sera tantost grans
jours, se vera on devant lui.» Li dus s’asentoit bien à
ce conseil, et li autre consilloient le contraire et disoient
20au duch qu’il ne se meuist. Si furent en ce detri
et en ce debat jusques adonc que on ordena des gens
monsigneur Robert de Namur et des gens monsigneur
Walerant de Borne, à monter à cheval, pour tant qu’il
estoient able, fort bien monté, et bien savoient
25chevaucier.
Si s’en partirent adonc environ trente, tous des
plus apparilliés, et chevaucièrent devers l’ost et s’avalèrent
tout bas. Entrues que cil fisent leur chemin,
encores dist messires Gautiers de Mauni au duch:
30«Sire, sire, ne me creés jamès, se cil François ne
s’enfuient. Montés et faites monter vos gens, et les
poursievés asprement, et vous arés une belle journée.»
[188] Adonc respondi li dus, si com je fui adonc enfourmés,
et dist: «Messire Gautier, j’ay usé par conseil
jusques à ores, et encor feray; mais je ne poroie
croire que tant de vaillans gens et de noble chevalerie
5qui là sont, se deuissent ensi partir sans cop ferir.
Espoir les feus qu’il ont fais, c’est pour nous attraire,
et tantos revenront no coureur qui nous en diront
le verité.»
§ [641]. Ensi comme il parloient et se devisoient,
10evous les coureurs revenus, et disent au pourpos de
monsigneur Gautier de Mauni tout ce qu’il avoient
veu et trouvé, et que li dus de Bourgongne et ses
gens s’en aloient, et n’avoient nullui trouvé, fors aucuns
povres vitailliers qui sievoient l’ost. Là eut de
15son conseil li dis messires Gautiers de Mauni haute
honneur, et grandement en fu recommendés. Si se
traist li dus dedens son logeis, et cescuns sires ou
sien, et s’alèrent desarmer. Et fust li dis dus venus
disner ens ès logeis des François et en leur place, se
20ce n’euist esté pour le feu qui y estoit trop grans et li
fumière; mais dou soir il y vint souper et logier sus
le montagne, et ses gens ossi, et se tinrent là tout aise
de ce qu’il eurent. A l’endemain, il se deslogièrent et
retournèrent en le ville de Calais. Et li dus de Bourgongne,
25quant il se desloga, s’en vint ce jour à Saint
Omer et là se tint, et toute son host se departi, et
s’en rala cescuns en son lieu. On les euist depuis à
grant dur remis ensamble.
En celle propre sepmainne que li departie de Tournehen
30se fist, li contes de Pennebruch, qui estoit en
Poito et qui avoit pris en trop grant desplaisance ce
[189] que messires Loeis de Sansoirre, messires Jehans de
Viane, messires Jehans de Buel et li aultre l’avoient
ensi ruet jus au Puirenon, si com ci dessus est contenu,
si s’avisa que il se contrevengeroit, se il pooit.
5Si se parti de Mortagne sus mer o tout son arroy, environ
deux cens lances, et s’en vint en Angouloime
dalés le prince, qui li fist grant chière. Li dis contes
li pria que il li volsist prester ses gens et acorder à
mettre une chevaucie sus, car il avoit grant desir de
10lui contrevengier dou despit que li François li avoient
fait. Li princes, qui moult l’amoit, li acorda
legierement.
A ce donc estoit nouvellement revenus et issus
hors de le conté d’Ermignach messires Hues de Cavrelée,
15et avoit ramené plus de cinq cens combatans,
gens de Compagnes. Si l’ordonna li princes à aler en
ceste chevaucie avoech le dit conte. Encores en furent
priiet dou conte de Pennebruch messires Loeis
de Harcourt, messires Guichars d’Angle, messires Perchevaus
20de Coulongne, li sires de Pons, li sires de
Partenay, li sires de Puiane, messires Thumas de
Persi, messires Richars de Pontchardon et pluiseur
chevalier dou prince et de son hostel qui s’i accordèrent
volentiers, car il desiroient à chevaucier. Si
25furent bien, quant il furent tout ensamble, six cens
lances, trois cens arciers et quinze cens aultres gens
à manière de brigans, à tout lances et pavais, qui sivoient
l’ost à piet.
Si se departirent toutes ces gens, dont li dis contes
30de Pennebruch estoit chiés et gouvrenères, de
le cité d’Angouloime et dou prince, et cheminèrent
tant en leur arroy qu’il entrèrent en Angho. Si
[190] commencièrent le pays à ardoir et à exillier et à faire
moult de desrois, et passèrent oultre à l’un des lés,
ardant et exillant villes et petis fors qui ne se pooient
tenir, et en rançonnoient le plat pays jusques à Saumur
5sus Loire. Si se logièrent tantost ens ès fourbours,
et commencièrent le ville à assallir; mais il
ne le peurent prendre, car messires Robers de Sansoirre,
à tout grant gent d’armes, estoit dedens herbergiés.
Chil le gardèrent et deffendirent bien de recevoir
10et prendre nul damage, mès tous li pays de
là environ fu pris, ars, gastés et essilliés, et y fisent en
ceste chevaucie li Englès moult de desrois. Et s’en
vint messires Hues de Cavrelée et sa route, à une
ajournée, combatre chiaus qui se tenoient à un pont
15sus Loire, que on dist ou pays le Pont de Sels. Si furent
cil desconfi, qui le gardoient, et li pons pris, et
se boutèrent les Compagnes dedens, et fortefiièrent
telement ce dit pont, que il le tinrent depuis un
grant temps. Encores en ceste chevaucie, prisent li
20Englès une abbeye sus Loire, que on dist Saint Mor.
Si le remparèrent et fortefiièrent telement qu’il en fisent
une grande garnison, et qui moult greva et adamaga
le pays, l’ivier et l’estet ensievant.
En ce temps et en celle saison, avoit en Poito une
25abbeye, et encores est, que on appelle Saint Salvin,
à sept liewes de Poitiers. Dedens celle abbeye avoit
un monne qui trop durement haoit son abbé, et
bien li moustra; car, pour le grant hayne que il avoit
à lui, il trahi dant abbé et tout le couvent, et rendi
30et delivra l’abbeye et le ville à monsigneur Loeis de
Saint Juliien et à Carenloet, Breton, qui le prisent et
ramparèrent et fortefiièrent malement et en fisent
[191] une bonne garnison. De le prise de Saint Salvin fu li
dis messires Jehans Chandos si courouciés qu’il ne
s’en pooit ravoir, pour tant qu’il estoit seneschaus
de Poito, et on avoit pris et emblé une tele maison
5en se senescaudie. Si dist bien en soi meismes que,
se il vivoit longement, il le raroit, comment que ce
fust, et le comparroient chierement cil qui cel outrage
avoient fait. Nous lairons un petit à parler des
besongnes de Poito et parlerons dou duch de
10Lancastre.
§ [642]. Quant li dus de Lancastre fu retrais à Calais
apriès le departement de Tournehen, si com ci
dessus est contenu, et ilz et ses gens s’i furent reposet
et rafreschi par trois jours, il eut avis et conseil
15qu’il isteroit hors et trairoit ses gens sus les camps et
chevauceroit sus le royaume de France. Si fu commandé
et ordonné ensi de par les mareschaus, le conte
de Warvich et monsigneur Rogier de Biaucamp, que
cescuns se traisist sus les camps: laquel cose on fist
20moult volentiers, car il desiroient trop à chevaucier
en France. Lors se departirent de Calais toutes manières
de gens d’armes et d’arciers moult ordonneement,
car çascuns savoit quel cose il devoit faire et
où il estoit ordonnés d’aler. Si eslongièrent ce premier
25jour Calais tant seulement cinq liewes. A l’endemain,
il vinrent devant Saint Omer, et là eut escarmuce à
le porte, mès li Englès n’i arrestèrent point plenté:
si passèrent oultre et vinrent logier sus les mons de
Herfaut; et le tierch jour coururent il devant le cité
30de Tierouwane. Là estoit li contes Guis de Saint Pol
à tout grant fuison de gens d’armes. Se n’i arrestèrent
[192] point li Englès, et passèrent oultre et prisent le chemin
de Hedin, et se logièrent ce soir sus une petite
rivière.
Quant li contes de Saint Pol senti que li Englès
5s’en aloient vers son pays, il cogneut bien qu’il n’i
aloient mies pour son pourfit, car trop le haioient.
Si se parti de nuit, et recommanda le cité au signeur
de Saintpi et à monsigneur Jehan de Roie, et chevauça
tant qu’il vint en se ville de Saint Pol. A l’endemain,
10à heure de prime, li Englès furent devant;
et là eut grant escarmuce, et vint grandement bien à
point la venue dou conte à chiaus de Saint Pol, car
par lui et par chiaus qu’il y amena, fu la ville gardée.
Si vous di que li dus de Lancastre et toutes ses gens
15se reposèrent et rafreschirent dou tout à leur aise en
le conté de Saint Pol, et ardirent et essillièrent tout
le plat pays et y fisent moult de damages. Et furent
devant le chastiel de Pernes, où madame dou Doaire
se tenoit. Et proprement li dus de Lancastre tasta les
20fons des fossés à une glave, mais point n’i assallirent,
quoiqu’il en fesissent grant apparant. Si passèrent
oultre et vinrent viers Luceux, un très biau chastiel
dou dit conte. Si ardirent le ville, mès li chastiaus
n’eut garde, puis passèrent oultre en approçant Saint
25Rikier en Pontieu; et ne cheminoient li dit Englès le
jour non plus de trois ou de quatre liewes. Si ardoient
et essilloient tout le plat pays où il conversoient.
Si passèrent le rivière de Somme à le Blanke
Take, desous Abbeville, et puis entrèrent ou pays de
30Vismeu, et avoient entention de venir à Harflues, sus
le rivière de Sainne, pour ardoir le navie dou roy de
France. Li contes de Saint Pol et messires Moriaus de
[193] Fiennes, connestables de France, à tout grant gent
d’armes, costioient et poursievoient l’ost des Englès,
par quoi li Englès ne s’osoient desrouter, fors aler
leur droit chemin, ou chevaucier en si grant route
5que pour bien combatre les François, se il traisissent
avant. Ensi cheminèrent il tout le Vismeu et le conté
d’Eu, et entrèrent en l’archeveskié de Roem et passèrent
au deseure de Dieppe, et fisent tant par leurs
journées que il vinrent devant Harflues, et là se logièrent.
10Li contes de Saint Pol s’estoit avanciés et
boutés dedens le ville, à bien deux cens lances. Là furent
li Englès devant Harflues trois jours, mès riens
n’i assallirent. Au quart jour, il s’en partirent, et prisent
leur retour parmi le terre le signeur d’Estouteville,
15lequel il n’amoient mies plenté, et l’ardirent et
essillièrent toute ou en partie, et puis s’en revinrent
parmi le Vexin, et se ravalèrent devers Oizemont,
pour revenir passer le Somme à le Blanke Take.
En ce temps, estoit dedens le bonne ville d’Abbeville
20messires Hues de Chastellon, mestres des arbalestriers
de France, capitains et souverains. Quant il
senti le duch de Lancastre rapasser, il s’arma et fist
armer dix ou douze tant seulement de ses compagnons
et monter à cheval, et dist qu’il voloit aler veoir
25le garde de le porte de Rouvroy, par quoi il n’i euist
point de defaute et que li Englès, qui ne devoient mies
passer trop lonch à ce lés là devers Eu, ne le trouvassent
point nicement gardée. Encores estoit il moult
matin et faisoit moult grant bruine. Messires Nicoles
30de Louvaing, qui dou temps passé avoit estet seneschaus
de Pontieu et lequel messires Hues de Castillon
avoit en celle propre anée pris et rançonné à
[194] dix mil frans, dont trop bien l’en souvenoit, et qui
avoit grant entente dou regaegnier, se il pooit, s’estoit,
lui vingtime tant seulement, très le point dou jour,
partis de le route le dit duch; et ensi que cilz qui savoit
5toutes les voies, les adrèces et les destours de là
environ, car il les avoit bien trois ans usés et hantés,
s’estoit venus bouter, sus aventure de gaegnier et non
de perdre, et mis en embusce entre le darrainne porte
d’Abbeville, qui siet sus les marès, et une aultre c’on
10dist de Rouvroy; et avoit passet un petit rieu qui keurt
parmi uns marès, et estoit quatis et arrestés en vieses
maisons non habitées, qui là estoient toutes descloses.
On ne cuidast jamais que li route des Englès se
deuist mettre en embusche si priès de le ville, et là
15se tenoient li dis messires Nicoles et ses gens tout
quoy. Evous à chevauçant tout parmi celle rue de
Rouvroy, lui dixime tant seulement, monsigneur Hue
de Chastillon, armé de toutes pièces huersmis de son
bachinet, mès ses pages le portoit sus un coursier
20derrière lui, et passé oultre ce rieu et un petit pont
qui là estoit et l’embusche dou dessus dit monsigneur
Nicole, et tiroit à venir à le porte darrainière, pour
parler as arbalestriers qui le gardoient, à savoir des
nouvelles des Englès. Quant messires Nicoles de Louvaing
25le vei, qui bien le recogneut, si n’euist mies
estet si liés qui li euist donné vingt mil frans, et salli
hors de sen embusche et dist: «Alons, alons, vechi
ce que je demande, le mestre des arbalestriers: je ne
desiroie autrui que lui.» Lors point son coursier des
30esporons, et baisse le lance, et s’en vient dessus le dit
monsigneur Hue de Chastillon et li escrie: «Rent
toi, Chastillon! Rent toy ou tu es mors.» Messires
[195] Hues, qui fu tous esmervilliés dont ces gens d’armes
issoient, et qui n’eut mies loisir de mettre son bachinet,
ne de monter sus son coursier, et qui se vei en
trop dur parti, demanda: «A qui me renderai je?»
5Messsires Nicoles respondi: «A Louvaing! A Louvaing!»
Et cilz, pour eskiewer le peril et qui ne pooit
fuir, dist: «Je me rench.» Dont fu il pris et saisis,
et li fu dit: «Chevauciés tantost avoech nous: veci
le route dou duch qui passe ci devant.» A celle empainte
10fu là occis uns moult faitis bourgois d’Abbeville,
qui s’appelloit Leurens d’Autelz, dont ce fu damages.
Ensi fu pris et atrapés par grant infortuneté messires
Hues de Chastillon, mestres pour le temps des arbalestriers
de France et chapitainnes d’Abbeville, de
15messire Nicole de Louvaing: de laquelle prise li dus
de Lancastre eut grant joie, et ossi eurent tout li
Englès.
§ [643]. Moult furent les gens d’Abbeville et li amit
de monsigneur Hue de Chastillon couroucié de sa
20prise; mès amender ne le peurent, tant c’à ceste fois.
Or chevaucièrent li Englès, et passèrent le rivière de
Somme à le Blanke Take, et puis montèrent amont devers
le ville de Rue sus mer, et en apriès vers Moustruel,
et fisent tant par leurs journées qu’il rentrèrent
25en le ville de Calais. Là donna li dus de Lancastre
congié à tous les estragniers, et se departirent de lui
messires Robers de Namur et ses gens, messires Wallerans
de Borne et tout li Alemant. Si retourna li dus
de Lancastre arrière en Engleterre, et li Alemant en
30leur pays; et n’avoient mès entention de guerriier
jusques à l’esté, car ja estoit li Saint Martins en ivier
[196] et plus avant. Mais, au temps qui revenoit, li dus de
Lancastre avoit dit as estragniers qu’il rapasseroit le
mer plus efforciement que il n’avoit fait, et prieroit
ses cousins, le duch de Jullers et le duch de Guerles,
5et feroient un grant trau en France.
Or nous tairons et soufferons à parler des besongnes
de Pikardie, car il n’en y eut nulles en grant
temps puissedi, et parlerons de celles de Poito où li
fait d’armes avenoient moult souvent.
10§ [644]. Trop touchoit et anoioit au coer li prise
de Saint Salvin à monsigneur Jehan Chandos, qui estoit
pour ce temps seneschaus de Poito, et mettoit
toutes ses intentions et imaginations à ce que il le
peuist ravoir, fust par embler ou eskieller, il n’avoit
15cure comment. Et pluiseurs fois en fist des embusches
et des chevaucies, de nuit et de jour, et à toutes
falloit; car messires Loeis de Saint Juliien, qui le gardoit,
en estoit durement songneus, et bien savoit
que la ditte prise de Saint Salvin desplaisoit moult
20à monsigneur Jehan Chandos.
Or avint ensi que, le nuit devant le nuit de l’an,
ou chief dou mois de jenvier, messires Jehans Chandos
se tenoit en le cité de Poitiers et avoit fait une
semonse et un mandement des barons et chevaliers
25de Poito, et leur avoit dit que il venissent là tout
secretement, car il voloit chevaucier. Li Poitevin ne li
euissent jamais refusé, car moult l’amoient. Si s’assamblèrent
en le cité de Poitiers, et y vinrent messires
Guichars d’Angle, messires Loeis de Harcourt,
30li sires de Pons, li sires de Partenay, li sires de Puisances,
li sires de Tannai Bouton, li sires de Puiane,
[197] messires Joffrois d’Argenton, messires Mauburni de
Linières, messires Thumas de Persi, messires Bauduins
de Fraiville, messires Richars de Pontchardon
et pluiseur aultre.
5Quant il furent tout assamblé, il estoient bien trois
cens lances. Si se partirent de nuit de Poitiers, et ne
savoient, excepté li signeur, où on les menoit, et
avoient li dit Englès leurs eschielles et tout leur arroi
pourveu: si vinrent jusques au dit lieu. Là furent il
10tout enfourmé de leur fait, et descendirent de leur
chevaus et les livrèrent à leurs garçons. Si entrèrent
ens ès fossés, et estoit environ de mienuit. En cel
estat où il estoient, et que briefment il euissent fait
leur fait et fuissent venu à leur entente, il oent le
15gette dou fort qui corne, je vous dirai pourquoi.
Celle propre nuit, estoit partis de le Roce de Ponsoy
Keranloet à quarante lances, et venoit à Saint Salvin
querre monsigneur Loeis de Saint Juliien, pour chevaucier
en Poito: si resvilla la guette et chiaus dou
20fort.
Or cuidièrent li Englès, qui estoient à l’opposite
et qui riens ne savoient de cela, ne que François
vosissent entrer ou fort, qu’il fuissent aperceu et
25que, par gardes ou par espies, on seuist leur venue et
leur emprise. Si furent trop malement couroucié, et
especialment messires Jehans Chandos. Si se traisent
tantost hors des fossés et disent: «Alons, alons,
nous avons pour celle nuit falli à no fait.» Si montèrent
sus leurs chevaus, et retournèrent tout ensamble
30à Chauvegni, qui siet sus le rivière de Cruese
à deux liewes priès de là. Quant il furent là tout venu, li
Poitevin demandèrent à monsigneur Jehan Chandos
[198] se il voloit plus riens. Il leur respondi: «Nennil,
retournés, ou nom de Dieu; je demorrai meshui en
ceste ville.»
Lors se departirent tout li Poitevin et aucun chevalier
5d’Engleterre avoech yaus, et estoient bien
deux cens lances. Si entra li dis messires Jehans
Chandos en un hostel et fist alumer le feu. Là estoit
encores dalés lui messires Thumas de Persi et se
route, seneschaus de le Rocelle; si dist à monsigneur
10Jehan Chandos: «Sire, es ce vostre entention donc
de ci meshui demorer?»—«Oil voir, messire Thumas;
pourquoi le demandés vous?»—«Sire, pour
tant que je vous prie, puisque chevaucier ne volés,
que vous me donnés congiet, et je chevaucerai quelque
15part avoech mes gens, pour savoir se je trouveroie
jamais nulle aventure.»—«Alés ou nom de
Dieu!» Ce dist messires Jehans Chandos. A ces mos,
se parti messires Thumas de Persi et trente lances en
se compagnie.
20Ensi demora li dessus dis Chandos entre ses gens,
et messires Thumas passa le pont à Chauvegni et prist
le lonch chemin pour retourner à Poitiers. Et messires
Jehans Chandos demora, qui estoit tous merancolieus
de ce qu’il avoit falli à sen entente, et estoit entrés en
25une grande cuisine et trais ou fouier, et là se caufoit
de feu d’estrain que ses hiraus li faisoit, et se gengloit
à ses gens et ses gens à lui, qui volentiers li euissent
osté se merancolie.
Une grant espasse apriès ce qu’il fu là venus, et
30qu’il s’ordonnoit pour un peu dormir, et avoit demandé
se il estoit priès de jour, evous entré en l’ostel
et venu devant lui un homme qui li dist: «Monsigneur,
[199] je vous aporte nouvelles.»—«Queles?» respondi
il.—«Monsigneur, li François chevaucent.»
—«Et comment le scès tu?»—«Monsigneur, je
me sui partis de Saint Salvin avoecques yaus.»
5—«Et quel chemin tiennent il?»—«Monsigneur, je
ne sçai, de verité, fors tant qu’il tiroient, ce me
sambla, viers Poitiers.»—«Et liquel sont ce des
François?»—«C’est messires Loeis de Saint Juliien
et Keranloet li Bretons et leurs routes.»—«Ne
10m’en chaut, respondi messires Jehans Chandos, je
n’ai meshui nulle volenté de chevaucier. Il poront
bien trouver rencontre sans mi.» Si demora une espasse
en ce pourpos tous pensieus, et puis s’avisa et
dist: «Quoi que j’aie dit, c’est bon que je chevauce
15toutdis; me fault retourner vers Poitiers, et tantost
sera jours.»—«C’est voirs, sire,» ce respondirent si
chevalier qui là estoient.
Lors fist messires Jehans Chandos restraindre ses
plates, et se mist en arroy pour chevaucier, et ossi
20fisent tout li aultre. Si montèrent as chevaus et se
partirent, et prisent le droit chemin de Poitiers, costiant
le rivière. Si pooient estre li François en ce
propre chemin une grande liewe devant yaus, qui
tiroient à passer le rivière au pont à Leuzach. Et en
25eurent li Englès le cognissance par leurs chevaus qui
sievoient le route des chevaus des François, et entrèrent
ou froais des chevaus as François, si disent:
«Ou messires Thumas de Persi, ou li François chevaucent
devant nous.» Tantos fu ajournée et jours,
30car, à l’entrée de jenvier, les matinées sont tantost
espandues. Et pooient estre li François et li Breton,
d’un costé, environ une liewe en sus dou dit pont,
[200] quant il perçurent d’autre part le rivière monsigneur
Thumas de Persi et se route; et messires Thumas
et li sien les avoient ja aperceus. Si chevauçoient
les grans galos, pour avoir l’avantage dou pont dessus
5dit, et avoient dit: «Veés là les François, il sont
une grosse route contre nous. Esploitons nous, si
arons l’avantage dou pont.»
Quant messires Loeis et Keranloet perchurent les
Englès d’autre part le rivière, qui se hastoient pour
10venir au pont, si se avancièrent ossi. Toutesfois li
Englès y vinrent devant et en furent mestre, et descendirent
tout à piet et s’ordenèrent pour le pont
garder et yaus deffendre. Quant li François furent
venu jusques au pont, il se misent tout à piet, et
15baillièrent leurs chevaus à leurs varlès et pages et
les fisent traire arrière; et prisent leurs lances et se
misent en bonne ordenance, pour aler calengier le
pont et assallir les Englès, qui se tenoient financement
sus leur pas et n’estoient de riens effraé, comment
20qu’il fuissent un petit ou regard des François.
Ensi que cil François et Breton estudioient et imaginoient
comment ne par quel tour, à leur plus grant
avantage, les Englès envaïr et assallir il poroient,
evous monsigneur Jehan Chandos et se route, banière
25desploiie tout ventelant, qui estoit d’argent à
un pel aguisié de geules, laquele Jakes Aleri, uns
homs d’armes, portoit, et pooient estre environ quarante
lances, qui approce durement les François. Et
ensi que li Englès estoient sus un terne, espoir trois
30bonniers de terre en sus dou pont, li garçon des
François, qui les perçurent et qui se tenoient entre
le pont et le dit tertre, furent tout effraé et disent:
[201] «Alons, alons, veci Chandos; sauvons nous et nos
chevaus.» Si s’en partirent et fuirent en voies, et
laissièrent là leurs mestres.
Quant messires Jehans Chandos fu venus jusques
5à yaus, sa banière devant lui, si n’en fist pas trop
grant compte, car petit les prisoit et amiroit; et
tout à cheval les commença à rampronner, en disant:
«Entre vous, François, vous estes trop malement
bonnes gens d’armes; vous chevauciés, à vostre aise
10et vostre volenté, de nuit et de jour. Vous prendés
villes et forterèces en Poito, dont je sui seneschaus.
Vous rançonnés povres gens sans mon congié. Vous
chevauciés partout à tieste armée; il samble que li
pays soit tout vostre, et, par Dieu, non est. Messire
15Loeis, messire Loeis, et vous Keranloet, vous estes
maintenant trop grant mestre. Il a plus d’un an et
demi que j’ai mis toutes mes ententes que je vous
peuisse trouver ou encontrer; or vous voi je, Dieu
merci: si parlerons à vous et sarons liquelz est plus
20fors en ce pays, ou je, ou vous. On m’a dit et
compté par pluiseurs fois que vous me desiriés à
veoir: si m’avés trouvé. Je sui Jehans Chandos, se
bien me ravisés. Vos grans apertises d’armes, qui
sont maintenant si renommées, se Dieu plaist, nous
25les esprouverons.»
Ensi et par telz langages les recueilloit messires Jehans
Chandos, qui ne volsist nulle part estre fors
que là, tant les desiroit il à combatre. Messires Loeis
et Keranloet se tenoient tout quoy, ensi que tout
30conforté qu’il seroient combatu. Et riens n’en savoient
messires Thumas de Persi et li Englès, qui
estoient delà le pont, car li pons de Leusach est
[202] haus, à boce ou milieu, et cela leur en tolloit le
veue.
§ [645]. Entre ces rampronnes et ces parolles de
monsigneur Jehan Chandos qu’il disoit et faisoit as
5François, uns Bretons prist son glave et ne se peut
abstenir de commencier meslée, et vint assener à un
escuier englès qui s’appelloit Simekins Dodale, et li
arresta son glave en se poitrine, et tant le bouta et
tira que le dessus dit il mist jus de son cheval à terre.
10Messires Jehans Chandos, qui oy effroy derrière lui,
se retourna sus costé et vei son escuier jesir à terre,
et que on feroit sus lui, si s’escauffa en parlant plus
que devant, et dist à ses compagnons et à ses gens:
«Comment lairés vous chi ensi cest homme tuer? A
15piet! A piet!» Tantost il sallirent à piet, et ossi fisent
tout li sien, et fu Simekins rescous. Veci bataille
commencie.
Messires Jehans Chandos qui estoit grans chevaliers
et fors et hardis et confortés en toutes ses besongnes,
20se banière devant lui, environnés des siens
et vestis dessus ses armeures d’un grant vestement
qui li batoit jusques en terre, armoiié de se armoierie,
d’un blanc samit à deux pelz aguisiés de geules, l’un
devant et l’autre derrière, et bien sambloit souffissans
25homs et entreprendans, en cel estat, piet avant aultre,
le glave ou poing, s’en vint sus ses ennemis. Or faisoit
à ce matin un peu reslet. Si estoit la voie moullie, siques,
en passant, il s’entouella en son parement qui
estoit sus le plus lons, tant q’un petit il s’abuscha.
30Evous un cop qui vint sus lui, lanciet d’un escuier
qui s’appelloit Jakes de Saint Martin, qui estoit fors
[203] homs et apers durement; et fu li cops d’une glave qui
le prist en char, et s’arresta desous l’oeil, entre le nés et
le front. Et ne vei point messires Jehans le cop venir
sus lui de ce lés là, car il avoit l’oeil estaint, et avoit
5eu bien cinq ans, et le perdi ens ès landes de Bourdiaus,
en cachant un cerf. Avoech tout ce meschief,
messires Jehans Chandos ne portoit onques point de
visière, siques, en abuschant, sus le cop qui estoit lanciés
de roit brach il s’apoia. Se li entra li fiers là
10dedens, qui s’encousi jusques ou cerviel, et puis retira
cilz son glave à lui. Messires Jehans Chandos, pour la
dolour qu’il senti, ne se peut tenir en estant, mès
chei à terre et tourna deux tours moult dolereusement,
ensi que cilz qui estoit ferus à mort, car onques
15puis ce cop il ne parla.
Quant ses gens veirent celle aventure, il furent
tout foursenet. Adonc salli avant messires Edouwars
Cliffors, ses oncles, qui le prist entre ses cuisses,
car li François tiroient que il l’euissent devers yaus;
20et le deffendi de son glave très vaillamment, et
lançoit les cops si grans et si arrestés, que nulz ne
l’osoit approcier. Là estoient doi aultre chevalier,
messires Jehans Clambo et messires Bertrans de Casselis,
qui sambloient bien hors dou sens, pour leur
25mestre qu’il veoient là ensi jesir. Li Breton, qui estoient
plus que li Englès, furent grandement reconforté,
quant il veirent le capitainne de leurs ennemis
à terre, et bien pensoient que il estoit navrés
à mort. Si s’avancièrent en disant: «Par Dieu, signeur
30englès, vous nous demorrés; vous estes tout
nostre: vous ne nos poés escaper.» Là fisent li dit
Englès merveilles d’armes, tant pour yaus garder et
[204] oster dou dangier que pour contrevengier leur signeur,
lequel il veoient en bien dur parti. Cilz Jakes de
Saint Martin, qui donné avoit ce cop, fu avisés d’un escuier
de monsigneur Jehan Chandos: si vint sur lui
5moult aïreement et le feri en cousant de son glave, et
li tresperça tout oultre les deux cuisses, et puis retraist
son glave. Pour ce ne laissa mies encores cilz
Jakes à combatre. Se messires Thumas de Persi, qui
premierement estoit venus au pont, euist riens sceu
10de ceste aventure, les gens de monsigneur Jehan Chandos
euissent estet par lui trop grandement reconforté,
mès nennil; ançois, pour ce que il n’ooient nulles
nouvelles des Bretons, dont il avoient veu le route
grande et grosse, il cuidoient qu’il fuissent retrait.
15Si se retraisent ossi li dis messires Thumas de Persi
et ses gens, et tinrent le chemin de Poitiers, ne onques
à ce donc il ne sceurent riens de le besongne.
Là se combatirent li François et li Englès un grant
temps devant le pont de Leusach, et y eut fait maintes
20grans apertises d’armes. Briefment li Englès ne
peurent là souffrir ne porter le fais des Bretons ne
des François, et furent là ensi que priès desconfi et
pris li plus grant partie; mès toutdis se tenoit messires
Edouwars Cliffors, qui point ne se voloit partir de
25son neveu. Et se li François euissent eu leurs chevaus,
il s’en fuissent parti à leur honneur et en euissent
mené des bons prisonniers, mais il n’en avoient
nulz, car li garçon, si com ci dessus est dit, en estoient
fui atout; et ossi cil des Englès estoient retrait et
30destourné bien avant de le besongne. Si demorèrent en
ce dangier, dont il estoient tout courouciet, et disoient
entre yaus: «Veci très mauvaise ordenance, et par
[205] nos garçons. La place est nostre, et si n’en poons
partir, car dur nous est, qui sommes armé et travillié,
d’aler à piet parmi ce pays qui nous est tous contraires;
et si sommes plus de cinq liewes en sus de le
5plus proçaine forterèce que nous avons, et si avons ci
des nostres bleciés et navrés que nous ne poons laissier
derrière.»
Entrues qu’il estoient en cel estri, et que il ne
savoient lequel faire, et avoient envoiiés deux de
10leurs Bretons, tous desarmés, courir par les camps,
pour savoir se il veroient nulz de leurs chevaus ne
de leurs varlès, evous monsigneur Guichart d’Angle,
monsigneur Loeis de Harcourt, le signeur de Pons,
le signeur de Partenay, monsigneur Joffroi d’Argenton,
15le signeur de Puissances, le signeur de Puiane,
le signeur de Tannai Bouton, messire Jake de Surgières,
tous chevaliers, et les aultres qui bien estoient
deux cens lances, et queroient les François, car on leur
avoit dit qu’il chevauçoient, et avoient proprement
20eu leur cheval le vent, le flair et le froais des leurs;
si s’en venoient tout à randonnant, banières et pennons
ventelans. Sitos que li Breton et li François les
veirent approcier, il cogneurent bien que c’estoient
leur ennemi, li baron et li chevalier de Poito; si disent
25ensi as Englès qui là estoient: «Veci vos gens
qui vos viennent au secours, et nous savons bien que
nous ne poons durer à yaus. Vous, et vous, et vous, si les
commencièrent tous à nommer, estiés no prisonnier;
nous vous quittons bonnement de vos fois et de vo
30prison, et nous rendons prisonnier à vous, parmi
tant que vous nous ferés bonne compagnie. Encores
avons nous plus chier que nous soions à vous que à
[206] chiaus qui viennent.» Et chil respondirent: «Diex
y ait part!» Ensi furent li Englès quitte de leurs fois
et eurent prisonniers. Tantost furent li dessus dit Poitevin
venu à lances abaissies, en escriant leurs cris;
5et adonc li François et li Breton se traisent d’un lés
et disent: «Ho! signeur, cessés, cessés, nous sommes
prisonnier.» Là tiesmongnièrent li Englès et disent:
«Il est verités, ce sont nostre.» Keranloet fu
à monsigneur Bertran de Casselis, et messires Loeis
10de Saint Juliien à monsigneur Jehan Clambo. Il n’en
y eut nul qui n’euist son mestre.
Or furent trop durement dolant et desconforté cil
baron et cil chevalier de Poito, quant il veirent là
leur seneschal monsigneur Jehan Chandos jesir en tel
15estat, et qu’il ne pooit parler, si le commencièrent à
regretter et à dolouser moult amerement, en disant:
«Ha! gentils chevaliers, fleur de toute honneur, messire
Jehan Chandos, à mal fu la glave forgie, dont
vous estes navrés et mis en peril de mort.» Là ploroient
20moult tenrement cil qui li estoient autour.
Bien les entendoit et se complaindoit, mès nul mot ne
pooit parler. Là tordoient leurs poins et tiroient leurs
cheviaus et jettoient grans cris et grans plains, par
especial li chevalier et li escuier de son hostel. Là fu
25li dis monsigneur Jehan Chandos de ses gens desarmés
moult doucement et couchiés sus targes et sus
pavais, et amenés et aportés tout le pas à Mortemer,
le plus proçainne forterèce de là. Et li autre baron et
chevalier retournèrent à Poitiers, et là menèrent il
30leurs prisonniers. Si entendi que cilz Jakes de Saint
Martin, qui avoit navré le dit monsigneur Jehan Chandos,
fu si mal poursongniés de ses plaies qu’il morut
[207] à Poitiers. Li gentilz chevaliers dessus nommés ne
vesqui de ceste navrure q’un jour et une nuit, et
morut. Diex en ait l’ame pour se deboinaireté; car
onques, depuis cent ans, ne fu plus courtois, plus gentilz
5ne plus plains de toutes bonnes et nobles vertus
et conditions, entre les Englès, de lui.
Quant li princes et la princesse, li contes de Cantbruge,
li contes de Pennebruch et li baron et chevalier
d’Engleterre, qui estoient en Giane, sceurent la mort
10dou dessus dit, si furent durement courecié et desconforté,
et disent bien qu’il avoient trop perdu. Partout,
deça et dela le mer, de ses amis et amies fu plains et
regretés messires Jehans Chandos; et li rois de France
et li signeur en France l’eurent tantost ploré. Ensi
15aviennent les besongnes. Li Englès l’amoient, pour
tant qu’en li estoient toutes hautainnes emprises. Li
François le haioient, pour ce qu’il le ressongnoient. Si
l’oy je bien, en ce temps, plaindre et regreter des bons
chevaliers et des vaillans de France. Et disoient ensi
20que de lui estoit grans damages, et mieuls vausist
qu’il euist esté pris que mors; car, se il euist esté pris,
il estoit bien si sages et si imaginatis que il euist trouvé
aucun moiien, par quoi pais euist esté entre France
et Engleterre, et si estoit tant amés dou roy d’Engleterre
25et de ses enfans qu’il l’euissent creu plus
que tout le monde. Si perdirent François et Englès
moult à se mort, ne onques je n’en oy dire aultre
cose, et plus li Englès que li François; car par lui, en
Ghiane, euissent esté faites toutes recouvrances.
30§ [646]. Apriès le mort de monsigneur Jehan Chandos,
fu seneschaus de Poito messires Thumas de
[208] Persi. Or reschei la terre de Saint Salveur le Visconte
à donner au roy d’Engleterre; si le donna à un sien
chevalier, qui s’appelloit messires Alains de Bouquesele,
appert homme d’armes durement. De tout l’avoir
5et tresor de monsigneur Jehan Chandos, où bien
avoit quatre cens mil frans, fu hoirs et successères li
princes de Galles, car li dessus dis ne fu onques mariés,
et si n’avoit nul enfant. Assés tost apriès, furent
rançonnés et mis à finance tout li compagnon françois,
10qui avoient estet pris au pont à Leuzach; et
payèrent de deniers appareilliés, parmi ce que li rois
de France les aida. Et retournèrent en leurs garnisons
messires Loeis de Saint Juliien, messires Guillaumes
des Bordes et Keranloet, Bretons.
15En ce temps, estoient aucun chevalier de France et
d’Aquitainne et de Gascongne, en grant anoi de ce
qu’il veoient ensi la guerre des deux rois moutepliier,
et par especial li sires de Couci, à qui il en touchoit
moult et devoit bien touchier, car il tenoit bel hiretage
20et grant en Engleterre, tant de par lui que de par
madame sa femme, qui estoit fille dou dit roy, à laquele
terre il couvenoit qu’il renonçast, se il voloit
servir le roy de France, dont il estoit de nation et
d’armes. Si s’avisa li gentilz sires de Couci, qui s’appelloit
25Engherans, que il se dissimuleroit moiiennement
de l’un roy et de l’autre, et s’en iroit oubliier le
temps, où que fust. Si ordonna ses besongnes bellement
et sagement, et prist congiet dou roy de France
son naturel signeur, et se parti de France à petite
30mesnie, et fist tant par ses journées, qu’il vint en Savoie.
Là fu il recheus liement et honnourablement
dou dit conte et des barons et chevaliers de le conté
[209] de Savoie. Et quant il eut là esté tant que bon li fu,
il s’en parti et passa oultre et entra en Lombardie, et
vint devers les signeurs de Melans, monsigneur Galeas
et monsigneur Bernabo, où il fu à ce commencement
5entre yaus li bien venus.
Tout en tel manière se departi de la ducé d’Aquitainne
messires Aymenions de Pumiers, qui estoit
chevaliers dou prince, et dist que, la guerre durant,
il ne s’armeroit ne pour l’un roy ne pour l’autre. Si
10s’en ala li dessus dis oultre mer, en Cippre et au
Saint Sepulcre, et en pluiseurs aultres biaus voiages.
En ce temps, estoit venus à Paris li contes de le
Marce, messires Jehans de Bourbon, d’un lés, qui tenoit
sa terre dou prince. Et volentiers euist veu li rois
15de France qu’il euist renvoiiet son hommage au prince
et fust demorés françois, mès li dis contes n’en volt
adonc riens faire; et ossi ne fist li sires de Pierebufière,
uns banerès de Limozin, qui estoit là à Paris sus
cel estat. Mais doi aultre baron et grant signeur malement
20de Limosin, qui estoient à Paris ossi, messires
Loeis, sires de Melval, et messires Raimons de
Maruel, ses neveus, qui pour ce temps se tenoient à
Paris, se tournèrent francois, et fisent depuis par leurs
forterèces grant guerre au prince. De quoi li rois
25d’Engleterre et ses consauls estoient moult courouciet que
li baron de Ghiane et li chevalier se tournoient ensi
francois sans nulle contrainte, fors de leur volenté.
Si eut conseil li dis rois d’Engleterre qu’il feroit escrire
unes lettres ouvertes, seelées de son scel, et aporter
30par deux ou trois de ses chevaliers en Poito et en
Aquitainne, et là publiier par toutes les cités, chastiaus
et bonnes villes.
[210] En ce temps, fu delivrés de se prison d’Agen messires
Caponnés de Caponval et escangiés pour un aultre
chevalier dou prince, qui avoit estet pris en une
escarmuce devant Pieregorth, messires Thumas Balastre.
5Mès li clers de droit, qui envoiiés avoit esté
avoecques lui, demora à Agen, car il morut prisonniers,
et li dessus dis messires Caponnés revint en
France. Or parlerons des lettres ouvertes que li rois
d’Engleterre envoia en Aquitainnes.
10§ [647]. Edowars, par le grasce de Dieu, roy d’Engleterre,
signeur d’Irlande et d’Aquitainne, à tous
ceulz qui ces presentes lettres verront ou oront, salut.
Sachent tout que nous, considerans et regardans diligamment
as besongnes des metes et limitations de
15nostre signourie d’Aquitainne, ensi comme elle s’estent
de cief en cor, nous avons esté presentement enfourmé
et enditté que, pour aucuns molestes et griés
fais ou empensés à faire de par nostre très chier fil le
prince de Galles ès pays dessus dis, [certaines plaintes
20et murmurations s’i sont nagaires eslevées]: pour quoi
nous sommes tenu, et le volons estre, de obviier et
remediier à toutes coses indeues et touchans hayne et
rancune entre nous et nos feaulz amis et subgès. Si
nonçons et prononçons, certefions et ratefions que
25nous, de meure et bonne volenté et par grant deliberation
de nostre conseil à ce appellé, volons que
nostre très chier filz le princes de Galles se deporte de
toutes actions faites ou à faire, restitue à tous ceulz
et celles qui grevé ne pressé aroient esté par lui, par
30ses gens ou officiiers en Aquitainne, tous cous, frès,
damages, levés ou à lever, ou nom des dittes aydes et
[211] fouages. Et, se aucun des nostres feauls sougès et amis,
tant prelas comme gens d’eglise, universités, collèges,
evesques, contes, viscontes, barons, chevaliers,
communautés et gens des cités et bonnes villes, se
5soient retourné et se voellent tenir, par mauvaise information
et povre avis, à l’oppinion de nostre adversaire
de France, nous leur pardonnons ce meffait, se,
ces lettres veues, se retournent vers nous, ou un mois
apriès. Et prions à tous nos loyaus et certains amis
10et feaulz que il se tiegnent en segur estat, tant que
de leurs fois et hommages il ne soient reprocié, laquelle
cose nous desplairoit grandement, et le verions
trop envis. Et, se de nostre chier fil le prince ou des
officiiers ses gens il se plaindent à present qu’il soient
15grevé ou pressé ou aient esté dou temps passé, nous
leur ferons amender si grandement que par raison i
devera souffire, pour nourir pais, amour, concorde et
unité entre nous, nostre fil et ceulz des marces et
limitations dessus dittes. Et pour ce qu’il tiengnent ces
20coses en verité, nous volons que cescuns prende et
ait le copie de ces presentes, lesqueles nous avons
solenelment juret à tenir fermement et non enfraindre,
sus le corps de Jhesu Crist, present nostre très
chier fil Jehan duch de Lancastre, Guillaume conte de
25Sallebrin, le conte de Warvich, le conte de Herfort,
Gautier de Mauni, le baron de Persi et cesti de Nuefville,
de Lussi et de Stanfort, Richart de Pennebruge,
Rogier de Biaucamp, Gui de Briane, le signeur de
Manne, cesti de le Vare, Alain de Boukesele et Richart
30Sturi, chevaliers. Donné en nostre palais de
Wesmoustier, l’an de nostre règne quarante quatrime,
le quinzime jour de novembre.
[212] § [648]. Ces lettres furent aportées par deux chevaliers
de l’ostel dou roy d’Engleterre en le princeté et
ducainné d’Aquitainne, et notefiies et publiies partout,
et proprement les copies secretement envoiies à Paris
5devers le visconte de Rocewart, le signeur de Melval,
le signeur de Moruel et les aultres qui là se tenoient,
ou ailleurs à chiaus qui François retourné
s’estoient. Mès, pour cose que ces lettres envoiies fuissent
publiies parmi le dit pays d’Aquitainne, je n’oy
10point dire que nulz en laiast pour ce à faire sen entente,
mès se retournoient encores tous les jours, et
conqueroient toutdis li François avant.
Et avint que messires Loeis de Saint Juliien, sitos
qu’il fu retournés en le Roce de Ponsoy, et que messires
15Guillaumes des Bordes fu retournés en le garnison
de le Haie en Tourainne, et Keranloet à Saint Salvin,
il misent secretement sus une chevaucie de gens d’armes
et de compagnons, et vinrent escieller, sus un
ajournement, le ville de Chastielerraut, et eurent priès
20atrapé monsigneur Loeis de Harcourt, qui dormoit
en son hostel en le ditte ville et qui de ce ne se donnoit
garde. Si n’eut plus de retour que il s’enfui en
purs ses linges draps, et tous descaus, de maison en
maison et de jardin en jardin, et fist tant que il s’en
25vint bouter sus le pont de Chastielerraut, que ses
gens avoient fortefiiet. Là se sauva il et recueilla et s’i
tint un grant temps. Mès li François et li Breton furent
signeur et mestre de le ville, et en fisent une
grande et belle garnison, et en fu Keranloet capitainne;
30et venoient tous les jours li Breton combatre
à chiaus dou dit pont, et là eut fait tamainte grant
escarmuce et apertise d’armes.
[213] § [649]. Li dus Loeis de Bourbon, qui sentoit les
Englès et les Compagnes en son pays de Bourbonnois,
et comment Hortingo, Bernars de Wisc et Bernars de
la Salle tenoient son chastiel de Belleperce et madame
5sa mère dedens, se li tournoit à grant desplaisance
et virgongne, s’avisa que il metteroit sus une chevaucie
de gens d’armes, et venroit mettre le siège par
devant le dit chastiel, et ne s’en partiroit si le raroit.
Si en parla au roy de France: li rois li acorda legierement
10et dist qu’il li aideroit à faire son fait et son
siège de gens et de mise. Si se parti li dis dus de Paris,
et fist son mandement à Moulins en Auvergne et
à Saint Poursin, et eut tantost grant fuison de gens
d’armes et de bons combatans. Et le vint servir li sires
15de Biaugeu à deux cens lances, li sires de Villars
et de Roussellon à cent lances, et grant fuison de barons
et de chevaliers d’Auvergne et de Forès, dont il
estoit sires de par madame sa femme, fille à ce gentil
signeur monseigneur Beraut, conte daufin
20d’Auvergne.
Si s’en vint li dessus dis dus logier et amanagier
devant le chastiel de Belleperce, et y fist devant une
bastide grande et grosse, où ses gens se tenoient et
retraioient à couvert tous les soirs, et tous les jours
25venoient escarmucier à chiaus dou fort. Et avoit li
dis dus de Bourbon là fait venir, amener et achariier
jusques à quatre grans enghiens, qui estoient
levé et drecié devant le forterèce, liquel jettoient à
l’estrivée, nuit et jour, pierres et mangonniaus, telement
30qu’il desrompoient et brisoient tous les combles
des tours et de le maison, et abatirent le plus grant
partie des tois. De quoi la mère dou duch de Bourbon,
[214] qui laiens estoit prisonnière en son chastiel, estoit
durement effraée et grevée pour les engiens, et
fist pluiseurs priières à son fil le duch de Bourbon,
qu’il se volsist cesser de cel assaut des engiens qui si
5le grevoient. Mès li dus de Bourbon, qui bien savoit
et supposoit que ceste requeste venoit de ses ennemis,
respondoit que ja ne s’en deporteroit, pour cose
qui avenir en peuist.
Quant li compagnon dou fort veirent comment il
10estoient pressé et grevé, et que tous les jours mouteplioit
li effors des François, car encor y estoit venus
de recief messires Loeis de Sanssoirre, mareschaus de
France, à tout grant fuison de gens d’armes, si s’avisèrent
qu’il manderoient et segnefieroient leur povreté
15à monsigneur Jehan d’Evrues, seneschal de Limozin,
qui se tenoit à le Soteresne, à deux journées
petites d’yaus, et qui savoit comment li signeur de
Poito et de Gascongne, en celle anée, quant il partirent
de le chevaucie de Quersin, leur eurent en couvent
20sus leurs fois que, se il prendoient forterèce en
France et il y estoient assegiet, il seroient conforté.
Si escrisirent tantost lettres, et envoyèrent de nuit un
de leurs varlès à le Soteresne devers monsigneur Jehan
d’Evrues.
25Li dis messires Jehans d’Evrues recogneut bien
les ensengnes, et respondi, quant il eut leu les
lettres, qu’il s’en aquitteroit bien et volentiers, et ilz
meismes, pour mieulz esploitier, iroit en Angouloime
devers le prince et les signeurs qui là estoient, et les
30enditteroit telement que cil de Belleperce seroient
conforté et delivré de ce peril. Si se parti li dis messires
Jehans, quant il eut recommendé sa garnison à
[215] ses compagnons, et chevauça tant par ses journées
qu’il vint en Angouloime. Là trouva il le conte de
Cantbruge, le conte de Pennebruch, messire Jehan
de Montagut, messire Robert Canolle, monsigneur
5Thumas de Persi, monsigneur Thumas de Felleton,
monsigneur Guiçart d’Angle, le captal et pluiseurs
autres chevaliers. Si leur remoustra bellement et sagement
comment li compagnon estoient astraint et
assegiet ou chastiel de Belleperce, dou duch de Bourbon,
10dou conte de Saint Pol et des François. A ces
parolles entendirent li chevalier de Poito et d’Engleterre
volentiers, et respondirent qu’il seroient conforté,
si com on leur avoit prommis.
De ceste besongne et pour aler celle part furent cargiet
15li contes de Cantbruge et li contes de Pennebruch;
et fist tantost un mandement li princes à tous ses feaulz
et subgès, que, ses lettres veues, on se traisist devers
le cité de Limoges. Donc s’avancièrent chevalier, escuier,
Compagnes et gens d’armes, et vinrent là où il
20estoient mandé et ordonné. Si en y eut grant fuison,
quant il furent tout assamblé, plus de quinze cens lances
et trois mil d’autres gens, et esploitièrent tant qu’il
vinrent devant Belleperce, et se logièrent et ordonnèrent
à l’opposite des François, qui se tenoient en leur
25bastide ossi belle et ossi forte et environnée d’aigue
comme une bonne ville seroit. Si se logièrent li Englès
et li Poitevin à ce commencement assés diversement,
pour estre à l’aise d’yaus et de leurs chevaus,
car il faisoit froit et lait ensi comme en yvier. Si n’avoient
30mies toutes leurs aises, et si avoit estet tous
li pays robés et pilliés des gens d’armes et des Compagnes
alans et venans, pour quoi il ne recouvroient
[216] de nulz vivres fors à dangier, et ne savoient leur foureur
où fourer, fors sus yaus meismes; mais on leur
amenoit, quant on pooit, vivres de Poito et des marces
voisines.
5Or segnefia adonc li dis mareschaus de France,
messires Loeis de Sanssoire, l’ordenance et l’estat des
Englès à Paris au roy et as chevaliers qui là se tenoient,
et en fist mettre et atachier cedules au palais
et ailleurs, en disant: «Entre vous, chevalier et escuier,
10qui desirés à trouver les armes et qui les demandés,
je vous avise et di pour verité que li contes de
Cantbruges et li contes de Pennebruch et leurs gens
sont venu devant Belleperce, en istance de ce que
pour lever le siège de nos gens, qui là nous sommes
15longement tenu et qui tant avons astraint la ditte forterèce,
qu’il fault qu’elle se rende temprement, ou
nous soions combatu et levé par force d’armes. Si
venés celle part hasteement, et là trouverés vous aucun
grant fait d’armes, et sachiés que li Englès gisent
20assés diversement, et sont bien en lieu et en parti pour
yaus porter damage.» Je croi bien que, à le monition
et requeste dou dit mareschal, aucun bon chevalier
et escuier dou royaume de France s’avancièrent
pour traire celle part. Toutes fois sçai je bien
25que li gouvrenères de Blois, Alars de Donsceneue,
à tout cinquante lances, y vint, et ossi fisent li contes
de Porsiien et messires Hues de Porsiien, ses frères.
§ [650]. Quant li contes de Canbruge et li contes
de Pennebruch et li baron de Poito et d’Aquitainnes,
30qui là estoient moult estoffeement, eurent estet devant
les François et ossi devant Belleperce le terme
[217] de quinze jours, et il veirent que point n’issoient de
leur bastide pour yaus venir combatre, si eurent
conseil et avis que d’envoiier un hiraut d’armes devers
yaus, pour savoir quel cose il voloient faire. Si
5en fu Chandos li hiraus cargiés, endittés et enfourmés
quel cose il leur diroit. Tant esploita li dessus dis
qu’il vint devers le duch de Bourbon, qui là estoit
entre ses gens. Si dist li hiraus ensi: «Monsigneur,
mi mestre et signeur m’envoient devers vous et vous
10font à savoir par mi, qu’il sont trop esmervilliet de
ce que vous les avés sceus ja le terme de quinze
jours devant vous, et si n’estes point issus de vostre
fort pour yaus combatre. Si vous mandent que, se
vous volés traire hors et venir devers yaus pour combatre,
15il vous lairont prendre et aviser pièce de terre,
pour vous et yaus combatre ensamble. Si en ait le
victore cilz à qui Diex l’ordonnera.»
A ceste parolle respondi li dus de Bourbon et dist:
«Chandos, vous dirés à vos mestres que je ne me combaterai
20point à leur volenté et ordenance. Et bien sçai
voirement qu’il sont là, mès point ne me partirai de
ci, ne defferai mon siège, si arai racquis le chastiel de
Belleperce.»—«Monseigneur, dist li hiraus, je leur
dirai bien ensi.» Lors se departi sus cel estat Chandos,
25et retourna devers ses mestres et leur fist ceste
response. Si ne leur plaisi mies bien, et se remisent
en conseil ensamble. Issu de ce conseil, il disent
à Chandos aultres parolles, lesquelles il voloient qu’il
raportast as François, si com il fist; et leur dist de
30recief, quant il fu revenus: «Signeur, mi signeur et
mestre vous mandent par moy que, puisque combatre
ne traire hors de vos logeis ne volés, ne le pareçon
[218] prendre qu’il vous ont fait, que, dedens trois
jours, sire dux de Bourbon, à heure de tierce ou de
miedi, vous verés vostre dame de mère mettre à cheval
et mener ent en voies. Si aiiés avis sur ce, et le
5rescoués, se vous volés ou poés.»
Lors respondi li dus de Bourbon, et dist: «Chandos,
Chandos, dittes à vostres mestres que il guerrient
mal honourablement, quant une anciienne femme, asseulée
entre ses gens, il ont pris et l’en voelent mener
10et ravir comme prisonnière. Et point n’a on veu, en
guerre de signeurs, dou temps passé, que les dames et
damoiselles y fussent prises ne ravies. De madame ma
mère me desplaira, se je l’en voi mener, et le rarons
quant nous porons, mès la forterèce n’enmenront il
15point. Ceste nous demorra, et pour ce que vous nous
avés ci mis avant des pareçons, vous dirés encores à
vos mestres que, se il voelent mettre sus les camps
jusques à cinquante hommes d’armes, nous en y
metterons ossi otant. Si en ait qui en poet avoir.»
20—«Monsigneur, dist li hiraus, je leur dirai volentiers
tout ensi.» A ces mos, se departi Chandos d’yaus
et prist congiet, et s’en revint arrière devers le conte
de Cantbruge et le conte de Pennebruch et les aultres,
à qui il fist se relation. A le pareçon que li dus
25de Bourbon leur envoia, n’eurent il point conseil
d’entendre. Si s’ordonnèrent selonc ce que pour
partir de là et mener ent la dame et chiaus dou fort,
qui estoient grandement ennoiiet et travilliet des enghiens
de l’ost.
30§ [651]. Quant ce vint au jour que li Englès mis et
ordonné y avoient, il sonnèrent au matin leurs trompètes.
[219] Si s’armèrent et apparillièrent toutes gens, et
se traisent sus les camps tout en arroy de bataille, à
piet et à cheval, ensi que pour combatre, banières et
pennons devant yaus. Et là leva ce jour banière messires
5Jehans de Montagut, neveus au conte de Sallebrin.
En cel estat où il estoient, tout ordonné et appareillié,
ensi que je vous recorde, et pipoient et
cornoient leur menestrel en grant reviel, à heure de
tierce, il fisent vuidier et partir chiaus de le forterèce
10de Belleperce et madame de Bourbon, et le fisent monter
sus un palefroi bien ordonné et arret pour lui,
et ses dames et damoiselles avoech lui. Tout ce
pooient veoir li François qui estoient en leurs logeis,
se il voloient, et bien le veirent; mès onques ne s’en
15meurent ne bougièrent.
Si se departirent li Englès et leurs routes à heure
de midi; et adestroient la ditte dame messires Eustasses
d’Aubrecicourt et messires Jehans d’Evrues. Si
se traisent en cel estat en le princeté; et demora la
20dame une espasse de temps prisonnière as dittes
Compagnes, en le Roce Vauclère, en Limozin. Mès
onques ne pleut bien sa prise au prince; et disoit,
quant on l’en parloit, que, se aultres gens l’euissent
pris que Compagnes, il leur euist fait remettre arrière
25tantos. Et quant li dessus dit compagnon qui le tenoient,
l’en parloient, il leur disoit, quel trettié ne
marchié qu’il fesissent, il reuist son chevalier, monsigneur
Symon Burlé, que li Franchois tenoient.
§ [652]. Vous devés savoir que li dus de Bourbon
30fu ce jour courouciés que li Englès en menèrent
madame sa mère. Assés tost apriès leur departement,
[220] il se traist avant et envoia ses gens prendre
et saisir comme sien le chastiel de Belleperce que li
Englès avoient laissiet tout vaghe. Si le fist li dis dus
remparer, rapareillier et refortefiier mieulz que devant.
5Ensi se deffist et se departi ceste grande chevaucie:
cescuns se retraist sus son lieu, et s’en ralèrent
li François en leurs garnisons, et li dus de Bourbon
retourna en France, et li contes de Cantbruge
se tint en Angouloime dalés son frère le prince, et li
10contes de Pennebruch, o chiaus de se carge, s’en vint
tenir en Mortagne sus mer, en Poito. Si s’espardirent
ces Compagnes et ces gens d’armes qui estoient retourné
de Belleperce, en Poito et en Saintonge, et
esvuidoient de vivres tout le pays, et encores y faisoient
15il moult de maulz et de villains fais, ne il ne
s’en savoient ne pooient abstenir.
Assés tost apriès, se departi dou prince messires
Robers Canolles, et retourna en Bretagne en son
chastiel de Derval. Si n’eut pas esté là un mois,
20quant li rois d’Engleterre li manda que il passast
mer et le venist veoir en Engleterre. A ce mandement
obei li dis messires Robers Canolles, et s’ordonna
et appareilla selonch ce, et entra en mer et
singla tant qu’il vint en Cornuaille. Là prist il terre
25en le Roce Saint Michiel, et puis chevauça tant
parmi le pays qu’il vint à Windesore, où il trouva le
roy qui le reçut liement, et ossi fisent tout li baron
d’Engleterre, pour tant qu’il en pensoient bien avoir
besongne, et qu’il estoit uns grans capitains et menères
30de gens d’armes.
§ [653]. En ce temps, se departi li dus d’Ango
[221] de le cité de Thoulouse, et chevauça en grant arroi
parmi le royaume de France et esploita tant par ses
journées qu’il vint en le bonne cité de Paris. Là
trouva il le roy son frère et le duch de Berri et le
5duch de Bourgongne ses aultres frères, qui le rechurent
liement et doucement. Et eurent adont li quatre
frère, le terme pendant qu’il furent ensamble à
Paris, pluiseurs consaulz et consultations ensamble
sus l’estat des besongnes dou dit royaume, à savoir
10comment il guerrieroient et se maintenroient sus
l’esté à venir. Et fu adonc ordonné et proposé que on
feroit deus grans et grosses armées et chevaucies en le
ducé d’Aquitainnes, desqueles li dus d’Ango et se route
gouvreneroit l’une et enteroit en Ghiane par devers
15le Riolle et Bregerach, et li dus de Berri au lés devers
Limoges et Quersin. Et se devoient ces deus armées
trouver devant le cité d’Angouloime et là dedens assegier
le prince. Encores fu adonc proposé et avisé par
grant deliberation de conseil que on remanderoit en
20Castille monsigneur Bertran de Claiekin, ce vaillant
chevalier, qui si loyaument s’estoit combatus pour la
couronne de France, et qu’il seroit priiés d’estre
connestables de France.
Quant li rois Charles et si frère et leurs consaulz
25eurent tout ordonné et jetté leur pourpos ensi qu’il
voloient que il se fesist, et il se furent esbatu un
grant temps ensamble et ce vint à l’entrée dou
mois de may, li dus d’Ango prist congiet à yaus
tous pour retourner premierement en son pays, pour
30tant qu’il avoit le plus lontain chemin à faire. Si
fu convoiiés des barons et de chevaliers de France,
pour ce qu’il en estoit durement bien amés et
[222] recommendés. Si chevauça li dis dus par ses journées
tant et si bien esploita qu’il vint à Montpellier, et
là sejourna plus d’un mois, et puis revint à Thoulouse.
Si se pourvei tantost de gens d’armes partout
5où il les peut avoir, et ja en avoit il grant fuison
qui se tenoient sus les camps et faisoient frontière as
Englès, en Roerge et en Quersin. Car le Petit Meschin,
Ernaudon de Paus, Perros de Savoie, le bour
Camus, Antone le Nègre, Lamit, Jakes de Bray et
10grant fuison de leurs routes s’estoient tenu toute le
saison environ Chaours, et avoient honni et apovri
tout le pays. D’autre part, li dus de Berri s’en revint
à Bourghes en Berri, et fist un très grant mandement
de chevaliers et d’escuiers d’Auvergne, de France et
15de Bourgongne. Ossi li dus de Bourbon se retray en
son pays, et fist sa semonse pour estre en ceste
chevaucie, et assambla grant fuison de chevaliers et
d’escuiers de le conté de Forès et de Bourbonnois.
Li contes Pierres d’Alençon et messires Robers
20d’Alençon ses frères se pourveirent d’autre part bien
et estoffeement.
En celle saison, estoit revenus de Prusce messires
Guis de Blois, qui là avoit esté chevaliers fais nouvellement
et avoit levé banière à une escarmuce et
25grande rèse qui fu faite sus les ennemis de Dieu:
siques, sitos que li gentilz chevaliers fu retournés en
Haynau, et il oy nouvelles de ceste chevaucie qui se
faisoit et devoit faire de ses cousins de France en la
ducé d’Aquitainne, il se pourvei bien et grossement
30pour y aler. Et se parti de Haynau à tout son arroy, et
s’en vint à Paris representer au roy qui le vei moult
volentiers et qui l’ordonna d’aler avoec le duc de
[223] Berri en ceste chevaucie, à une carge de gens d’armes,
chevaliers et escuiers. Si se parti tantost messires
Guis de Blois de le cité de Paris, et chevauça vers
Orliiens pour venir en Berri.
5§ [654]. Tout en tele manière que li rois de France
avoit ordonné ses armées et ses chevaucies, ordonna
li rois d’Engleterre en celle saison deus armées et
chevaucies. Et fu ensi fait que li dus de Lancastre
s’en iroit à quatre cens hommes d’armes et otant
10d’arciers en la ducé d’Aquitainne pour conforter ses
frères, car on supposoit bien en ce parti que là se
trairoient les plus fortes guerres pour le saison.
Avoech tout ce, li rois d’Engleterre et ses consaulz
jettèrent leur avis que il feroient une armée de gens
15d’armes et d’arciers pour envoiier en Pikardie, de
laquele seroit chiés messires Robers Canolles, qui
bien se savoit ensonniier de mener et gouvrener
gens d’armes et routes, car il l’avoit usé de grant
temps. Messires Robers à le priière et ordenance dou
20roy d’Engleterre et de son conseil descendi liement,
et emprist ce voiage à faire et ariver Calais, et
de passer parmi le royaume de France et de combatre
les François, se il se mettoient contre lui as
camps: de ce se tenoit il pour tous confortés. Si
25se pourvei selonch ce bien et grandement, et ossi
fisent tout cil qui avoecques lui devoient aler en ce
voiage.
En ce temps, fu delivrée de sa prison la mère au
duch de Bourbon en escange pour monsigneur Symon
30Burlé, chevalier dou prince. Et aida grandement
à faire les trettiés et les pourcas de se delivrance
[224] messires Eustasses d’Aubrecicourt, de quoi li
dus de Bourbon et la royne de France l’en sceurent
bon gré.
Toute celle saison, avoient esté grant trettié et
5grant parlement entre le conseil dou roy de France
et le conseil dou roy de Navare qui se tenoit à Chierebourch.
Et tant s’ensonniièrent les parties de l’un
roy et de l’autre, que on remoustra au roy de France,
qu’il n’avoit que faire de tenir hayne à son serourge,
10le roy de Navare, et qu’il avoit, pour le present,
guerre assés as Englès, et trop mieulz valoit que il
laissast aler aucune cose dou sien, que plus grans
maulz en sourdissent; car, se il voloit consentir à
ariver les Englès en ses forterèces dou clos de Constentin,
15il greveroient trop le pays de Normendie,
laquele cose faisoit bien à considerer et resongnier.
Tant fu li rois de France endittés et preeciés, qu’il
s’acorda à le pais, et vint en le cité de Roem, et là
furent tout li trettié remis avant et confermé. Et
20alèrent devers le roy de Navare li arcevesques de
Roem, li contes d’Alençon, li contes de Sallebruce,
messires Guillaumes de Dormans et messires Robers
de Lorris: si le trouvèrent à Vrenon. Là y eut grans
disners et biaus, et grans festes, et puis amenèrent li
25dessus nommé le dit roy de Navare à Roem devers
le roy de France. Là furent de recief toutes les
alliances et confederations faites, jurées, escriptes et
seelées. Et me samble que li rois de Navare, par
pais faisant, devoit renoncier à tous couvens et procès
30d’amour, qui estoient entre lui et le roy d’Engleterre,
et, lui revenu en Navare, il devoit faire deffiier
le roy d’Engleterre. Et, pour plus grant seurté
[225] d’amour tenir et nourir entre lui et le roy de France,
il devoit laiier ses deus filz, Charle et Pierre, dalés
leur oncle le roy de France.
Sus cel estat, il se partirent ensamble de Roem,
5et vinrent en le cité de Paris. Et là eut de rechief
grans festes et grans solennités, et quant il eurent
assés jeué et festié ensemble, congiés fu pris. Et se
parti li rois de Navare moult aimablement dou roy
de France, et laissa ses deus enfans avoecques leur
10oncle, et puis prist le chemin de Montpellier, et retourna
par là en le conté de Fois et puis en son
pays de Navare. Or retourrons nous as besongnes
d’Aquitainnes.
§ [655]. Vous savés, si com ci dessus est dit, comment
15li dus d’Ango avoit esté en France, sus l’estat
que, lui revenu en le Langue d’Ok, entrer efforciement
en Ghiane; car nullement il ne pooit amer le prince
et les Englès, ne ne fist onques. Ossi ains son departement,
par le promotion de lui, li rois de France
20envoia lettres et grans messages en Castelle devers le
dit roy Henri, que il volsist renvoiier en France monsigneur
Bertran de Claiekin, si l’en saroit bon gré;
et ossi très amiablement li rois et li dus d’Ango en
escripsirent au dit monsigneur Bertran. Si fisent leur
25message bien et à point chil qui envoiet y furent, et
trouvèrent en le cité de Lyon, en Espagne, le dit roy
Henri et le dit monsigneur Bertran, et leur remoustrèrent
les lettres que li rois de France et li dus
d’Ango lor envoiioient. Li rois Henris n’euist jamais
30retenu monsigneur Bertran, et ossi messires Bertrans
ne se fust jamais excusés. Si se ordonna au plus tost
[226] qu’il peut, et prist congiet dou roy Henri, et se parti
à tout ses gens et esploita tant par ses journées que il
vint à Thoulouse où li dus d’Ango estoit, qui ja avoit
assamblé grant fuison de gens d’armes, chevaliers et
5escuiers, et n’attendoit aultre cose que messires Bertrans
fust venus, siques, à le venue dou dessus dit, li
dus d’Ango et tout li François furent grandement
resjoy et se ordonnèrent pour partir de Thoulouse et
entrer en le terre dou prince.
10En ce temps, estoit venus à Hantonne li dus de Lancastre
à quatre cens hommes d’armes et otant d’arciers.
Et faisoient cargier leurs nefs et leurs vaissiaus
de toutes leurs pourveances, et avoient intention de
singler vers Bourdiaus, mès qu’il euissent vent.
15Avoecques le dit duc estoient de se carge li sires de
Ros, messires Mikieus de la Poule, messires Robers
Rous, messires Jehans de Saint Lo et messires Guillaumes
de Biaucamp, filz au conte de Warvich.
§ [656]. Or se departi li dus d’Ango de le cité de
20Thoulouse en très grant arroy et bien ordonné. Là
estoient li contes d’Ermignach, li sires de Labreth,
li contes de Pieregorth, li contes de Commignes, li
viscontes de Quarmaing, li contes de Lisle, li viscontes
de Nerbonne, li viscontes de Brunekiel, li viscontes
25de Talar, li sires de Labarde, li sires de Pincornet,
messires Bertrans de Taride, li senescaus de
Thoulouse, li seneschaus de Carcassonne, li senescaus
de Biaukaire et pluiseur aultre. Et estoient
deus mil lances, chevaliers et escuiers, et sis mil
30brigans à piet, à lances et as pavais. Et de toutes ces
gens d’armes estoit connestables et gouvrenères messires
[227] Bertrans de Claiequin. Et prisent le chemin d’Aginois,
et trouvèrent encores sus les camps plus de
mil combatans, gens de Compagnes et routes, qui
les avoient attendu toute le saison en Quersin, et
5chevaucièrent devers Agen.
La première forterèce où il vinrent, ce fu devant
Montsach. Li pays estoit si effraés de la venue dou
duch d’Ango, pour le grant nombre de gens qu’il
menoit, qu’il fremissoient tout devant lui, et n’avoient
10les villes et li chastiel nulles volentés que
d’yaus tenir. Quant li François furent venu devant
Montsach, il se rendirent tantost et se tournèrent
françois. Et puis chevaucièrent oultre devers le cité
d’Agen qui se tourna ossi et rendi françoise, et puis
15vinrent devant Tonnins sur Garone. Et chevauçoient
li François à leur aise, poursievant le rivière
pour trouver plus cras pays, et vinrent au Port
Sainte Marie qui se tourna tantost françoise. Et partout
mettoient li François gens darmes et faisoient
20garnison et prisent Tonnins, et tantost se rendi et
tourna li chastiaus. Si y establirent un chevalier et
vingt lances, pour le garder.
En apriès, il prisent le chemin de Montpesier et
d’Agillon, ardant et exillant tout le pays. Quant il
25furent venu à Montpesier qui est bonne ville et fors
chastiaus, il furent si effreé des gens le duch d’Ango,
que tantost se rendirent; puis vinrent devant le fort
chastiel d’Aghillon: là furent il quatre jours. Pour
le temps de lors, n’avoit mies dedens le ville et le
30chastiel d’Aghillon si vaillans gens que quant messires
Gautiers de Mauni et ses gens l’eurent en
garde, car il se rendirent tantost au duch d’Ango:
[228] dont cil de Bregerach furent moult esmervilliet comment
il s’estoient si tos rendu. A ce jour estoient
chapitainne de Bregerach messires Thumas de Felleton
et li captaus de Beus, à cent lances, Englès et
5Gascon.
Tout en tele manière comme li dus d’Ango et ses
gens estoient entré en le terre dou prince, au lés devers
Agen et Thoulousain, chevauçoient li dus de
Berri et ses routes en Limozin à bien douze cens
10lances et trois mil brigans, conquerant villes et chastiaus
et ardant et exillant le pays. Avoech le duch de
Berri estoient li dus de Bourbon, li contes d’Alençon,
messires Guis de Blois, messires Robers d’Alençon,
contes du Perce, messires Guis de Blois, messires
15Jehans d’Ermignach, messires Hughes Daufin, messires
Jehans de Villemur, messires Hughes de la Roce,
li sires de Biaugeu, li sires de Villars, li sires de
Serignach, messires Griffons de Montagut, messires Loeis
de Melval, messires Raymons de Maruel, messires
20Jehans de Boulongne, messires Godefrois ses oncles,
li viscontes d’Uzès, li sires de Sulli, li sires de Calençon,
li sires de Cousant, li sires d’Apcier, li sires
d’Apçon, messires Jehans de Viane, messires Huges
de Viane, Ainbaus dou Peschin et pluiseur aultre
25bon chevalier et escuier. Si entrèrent ces gens d’armes
en Limozin et y fisent moult de desrois, et s’en
vinrent mettre le siège devant le cité de Limoges.
Par dedens avoit aucuns Englès en garnison, que
messires Hues de Cavrelée, qui estoit seneschaus dou
30pays, y avoit ordonnés et establis. Mais il n’en estoient
mies mestre; ançois le tenoit et gouvrenoit
li evesques dou lieu, ouquel li princes de Galles
[229] avoit grant fiance, pour tant que c’estoit ses
compères.
§ [657]. Li princes de Galles qui se tenoit en le cité
d’Angouloime, fu enfourmés et certefiiés de ces deus
5grosses chevaucies dou duc d’Ango et dou duch de
Berri, et comment il estoient entré efforciement en sa
terre et par deus lieus. Et fu encores ensi dit au prince,
à ce que on pooit veoir et imaginer, il tiroient à
venir devant Angouloime et li laiens assegier et
10madame la princesse, et que sur ce il euist avis. Li
princes, qui fu uns moult vaillans homs et imaginatis
et confortés en toutes ses besongnes, respondi
que ja si ennemi ne le trouveroient enfremé en
ville ne en chastiel, et qu’il voloit issir as camps
15contre eulz. Si mist tantost clers et messagiers en
oevre d’escrire lettres et d’envoiier partout ses feaulz
et ses subgès en Poito, en Saintonge, en le Rocelle,
en Roerge, en Quersin, en Aginois, en Gaurre et en
Bigorre; et leur mandoit expresseement que cescuns
20se presist priès de venir, au plus tost que il peuist et
à tout le plus de gens qu’il pooit avoir, devers lui en
le ville de Congnach: là estoit ses mandemens assis.
Et se tray tantost de celle part, madame la princesse
o lui, et Richart leur jone fil.
25Entrues que cilz mandemens se faisoit et que toutes
gens mandés s’apparilloient, li François chevauçoient
toutdis avant, gastant et exillant le pays, et
s’en vinrent devers le Linde, une bonne ville et
forte seans sus le rivière de Dourdonne à une liewe
30de Bregerach. Si en estoit chapitainne, de par le captal
qui là l’avoit establi, uns moult appers chevaliers
[230] de Gascongne qui s’appelloit messires Thonnés
de Batefol: cils avoit la ditte ville de le Linde en
garde. Or vinrent là par devant li dus d’Ango, li
contes d’Ermignach, li sires de Labreth, li contes de
5Pieregorth, li contes de Comminges, li viscontes de
Carmaing et tout li aultre baron et chevalier de leurs
routes. Si misent tantost par de devant le siège par
grant ordenance, et disent que il ne s’en partiroient
si l’aroient.
10La ville estoit bonne et forte et bien pourveue
de tous biens et d’arteillerie, car messires li captaus
et messires Thumas de Felleton y avoient esté depuis
quinze jours, et l’avoient rafreschi à leur entente.
Et trop bien estoient cil de le Linde tailliet
15d’yaus tenir, se il voloient, parmi le confort que il
pooient avoir hasteement, se il leur besongnoit, de
Bregerach. Mès li homme de le ville estoient si enclin
à yaus tourner François que merveilles estoit, et entendirent
as trettiés et as prommesses que li dus
20d’Ango leur faisoit et faisoit faire par ses gens. Et tant
fu preeciés li dis capitainnes messires Thonnés qu’il s’i
acorda ossi, parmi une somme de florins qu’il devoit
avoir et grant pourfit tous les ans dou duch d’Ango et
sur ce estre bons François. Et fu tout ordonné que,
25sus une matinée, il devoit mettre les François en le
ville. Che marchié et le trettié furent sceu en le ville
de Bregerach le soir dont ce se devoit faire et livrer
l’endemain. Adonc estoit là venus li contes de Cantbruges
à tout deus cens lances, qui fu presens au raport
30que on en fist.
De ces nouvelles furent messires li captaus et
messires Thumas de Felleton trop esmerveilliet, et
[231] disent qu’il seroient au livrer le ville. Si se partirent
de Bregerach apriès mienuit à tout cent lances, et
chevaucièrent devers le Linde et vinrent là au point
dou jour. Si fisent ouvrir le porte à leur lés, et
5puis chevaucièrent oultre, sans point attendre, à
l’autre porte par où li François devoient entrer, qui
estoient ja tout apparilliet et entroient, et les mettait
li dis messires Thonnés dedens. Donc se traist
avant li captaus de Beus, l’espée ou poing, et descendi
10à piet assés priès de le porte, et ossi fisent
tout li aultre, et dist en approçant messire Thonnet:
«Ha! mauvais traittres, tu y morras tout premierement:
jamais ne feras trahison après cesti.» A
ces mos, il li lança sen espée sur lui et le bouta si
15roidement qu’il li embara ou corps et li fist sever plus
d’un piet à l’autre lés, et l’abati là en le place tout
mort. Li François, qui perçurent monsigneur le captal
et se banière et monsigneur Thumas de Felleton
et se banière et leurs gens et comment il avoient
20falli à leur entente, reculèrent tantost et tournèrent
les dos.
Ensi demora li ville englesce, et fu adonc en
grant peril d’estre courue et arse des Englès proprement,
et les gens tout mort, pour ce qu’il avoient
25consenti ce trettié. Mais il s’escusèrent si bellement
que ce qu’il en avoient fait ne consenti à faire, c’estoit
par cremeur, et avoit esté principaument par
le foiblèce de leur chapitainne qui ja l’avoit comparé.
Si s’en passèrent à tant et demorèrent en pais.
30Mais cil doi signeur dessus dit demorèrent là tant que
li dus d’Ango et ses gens s’i tinrent et qu’il reprisent
un aultre chemin. Or parlerons un petit de l’estat et
[232] de l’ordenance d’Engleterre, car il en chiet à parler,
et de le chevaucie monsigneur Robert Canolle qu’il
fist parmi le royaume de France.
§ [658]. Ançois que messires Robers Canolles et ses
5gens se partesissent d’Engleterre, il y eut moult grans
consaulz entre les Englès et les Escos. Et furent si
sagement demenées les parolles, et par si vaillans et
si bonnes gens qui ressongnoient le damage de l’un
royaume et de l’autre, que unes triewes furent prises
10entre l’un roy et l’autre, leurs pays, leurs gens et
tous leurs aherdans, à durer neuf ans. Et se pooient
li Escot armer et aler, comme saudoiier, leurs gages
prendans, dou quel lés qu’il voloient, Englès ou François:
dont il avint que messires Robers, en se route,
15en eut bien cent lances. Quant li dis messires Robers
et toutes ses gens, qui avoecques lui devoient aler et
estre, furent appareilliet et venu à Douvres, et il furent
passé oultre à Calais, il meismes passa tout darrainnement
et ariva ou havene de Calais, et puis issi
20à terre où il fu receus à grant joie dou chapitainne,
monsigneur Nicole Stanbourne, et de tous les compagnons.
Quant il se furent rafreschi cinq jours et il
eurent jetté leur avis quel part il iroient et quel chemin
il tenroient, si ordonnèrent leur caroy et leurs
25pourveances, et issirent par un matin et se misent
sus les camps moult ordonneement. Si estoient environ
quinze cens lances et quatre mil arciers, parmi
les Galois.
Avoecques monsigneur Robert estoient issu d’Engleterre,
30par l’ordenance dou roy, messires Thumas
de Grantson, messires Alains de Bouqueselle, messires
[233] Gillebiers Giffars, li sires de Fil Watier, messires
Jehans de Boursier, messires Guillaumes de
Nuefville, messires Joffrois Ourselee et pluiseur aultre,
tout appert chevalier et vaillant homme d’armes.
5Si vinrent, ce premier jour, logier assés priès de Fiennes.
Messires Moriaus de Fiennes, qui pour le temps
estoit connestables de France, se tenoit en son chastiel,
et grant fuison de bons compagnons avoecques
lui, chevaliers et escuiers, qui furent tout pourveu et
10avisé de rechevoir les Englès. A l’endemain, quant il
les vinrent veoir et il se misent en ordenance pour
assallir, si passèrent oultre li Englès sans assallir; car
il veirent bien qu’il n’i avoit point d’avantage. Et
passèrent le conté de Gines et entrèrent en le conté
15de Faukemberghe et l’ardirent toute; et vinrent devant
le cité de Tieruane, mès point n’i assallirent,
car elle estoit si bien pourveue de gens d’armes qu’il
euissent perdu leur painne. Si prisent leur chemin
tout parmi le pays de Tierenois pour entrer en Artois;
20et ensi qu’il chevauçoient trois ou quatre liewes le
jour, non plus n’estoit ce point, pour le cause de leur
caroy et des gens de piet, il se logoient ens ès gros
villages et de haute heure, à miedi ou à nonne. Si
vinrent ensi, leur host atrainnant, tant qu’il furent
25devant le bonne cité d’Arras. Li rois de France avoit,
celle saison, par tout ses cités, chastiaus, forterèces et
bonnes villes, à pons et à passages, mis grant fuison
de bonnes gens d’armes pour les garder et deffendre,
se il estoient assalli, et ne voloit que nulz issist
30contre yaus.
Quant messires Robers Canolles et ses gens se departirent
dou Mont Saint Eloy et de là environ, et
[234] il s’i furent rafreschi et leurs chevaus deux jours, il
s’ordonnèrent et passèrent oultre au dehors de la cité
d’Arras. Messires Guillaumes de Nuefville et messires
Joffrois Ourselee, qui estoient mareschal de l’host, ne
5se peurent abstenir que il n’alaissent veoir chiaus
d’Arras de plus priès. Si se departirent de leur grosse
bataille environ deux cens lances et quatre cens arciers,
et s’avalèrent ens ès fourbours d’Arras et vinrent
jusques as bailles: si les trouvèrent bien pourveues
10d’arbalestriers et de gens d’armes. Adonc estoit
dedens le ville d’Arras messires Charles de Poitiers
dalés madame d’Artois; mais il ne fist nul samblant
d’issir hors, ne de combatre les Englès. Quant li Englès
eurent fait leur course et il se furent un petit
15aresté devant les bailles, et il veirent que nulz n’isteroit
contre yaus, il se misent au retour devers leurs
compagnons qui les attendoient en une bataille rengie
et ordenée sus les camps; mais au partir il veurent
donner souvenance qu’il avoient là esté, car il
20boutèrent les feus ens ès fourbours d’Arras, pour attraire
hors chiaus de le ville qui nulle volenté n’en
avoient: liquelz feus fist grant damage, car il ardi
un grant monastère de Frères Preceours, clostre et
tout, qui estoit au dehors de le ville.
25Apriès celle empainte, li Englès passèrent oultre et
prisent le chemin de Bapaumes, ardant et exillant
tout le pays. Si fisent tant par leurs journées qu’il
entrèrent en Vermendois et vinrent à Roie: si fu la
ville arse; et puis passèrent oultre et cheminèrent vers
30Hem en Vermendois. Là avoient retrait tout cil dou
plat pays, et ossi à Saint Quentin, à Peronne et à
Noion, tout le leur: pour quoi li Englès ne trouvoient
[235] riens, fors les granges plainnes de blés, car
c’estoit apriès aoust. Si chevauçoient courtoisement,
sans yaus trop lasser ne travillier, deux ou trois
liewes le jour; et quant il trouvoient une crasse marce,
5il y sejournoient deux ou trois jours. Et envoioit
messires Robers Canolles courir devant une ville ou
un chastiel qui estoient chief dou pays environ, et parloient
li mareschal as chapitainnes sus assegurances,
en disant: «Combien vorrés vous donner en deniers
10appareilliés pour ce pays de ci environ, et nous le
respiterons d’ardoir et de courir villainnement?» Là se
composoient, sus certains trettiés et ordenances, li plas
pays à monsigneur Robert, et paioient une quantité
de florins: si estoient, parmi celle composition, respité
15d’ardoir. Et y pourfita li dis messires Robers en ce
voiage, par ceste ordenance, de le somme et valeur de
cent mil frans: dont depuis il fu mal de court et acusés
au roy d’Engleterre qu’il n’avoit point bien fait
le besongne, si com il vous sera recordé avant en
20l’ystore. Toutesfois, la terre le signeur de Couci demora
toute en pais, ne onques li Englès n’i fourfisent
à homme ne à femme qui y fust, ne qui desist seulement:
«Je sui à monsigneur de Couci,» qui vausist
un denier; et, se il estoit pris ou levé, il estoit
25rendu au double.
§ [659]. Tant esploitièrent li Englès qu’il vinrent
devant le bonne cité de Noion, qui bien estoit pourveue
et garnie de bonnes gens d’armes. Si se arrestèrent
là environ, et l’approcièrent de moult priès, et
30là avisèrent bien se nulz assaus leur poroit valoir. Si
le trouvèrent, à leur avis, bien breteskie et garitée et
[236] appareillie de deffendre, se mestier faisoit. Et estoit
messires Robers logiés en l’abbeye d’Oskans, et ses
gens là environ. Et vinrent un jour devant la cité,
rengié et ordené par manière de bataille, pour savoir
5se cil de le garnison et li communauté de le ville
isteroient point, mais il n’en avoient nulle volenté.
Là eut un chevalier d’Escoce qui fist une grant apertise
d’armes, car il se parti de son conroi, son glave
en son poing, monté sus son coursier, son page derrière
10lui, et broça des esporons tout contreval le
montagne, et fu tantost devant les barrières. Et appelloit
on le dit chevalier monsigneur Jehan Asneton,
hardi homme et outrageus malement, et ossi avisé et
arresté en toutes ses apertises, là et ailleurs. Quant il
15fu venus devant les barrières de Noion, il mist piet
à terre de son coursier et dist à son page: «Ne te
pars de ci;» et prist son glave en ses mains, et s’en
vint jusques as bailles, et s’escueilla, et salli oultre par
dedens les barrières. Là avoit des bons chevaliers
20dou pays, messires Jehans de Roie, messires Drues
de Roie, messires Lancelos de Lorris, et bien dix ou
douze aultre, qui furent tout esmervilliet qu’il voloit
faire. Nonpourquant il le recueillièrent moult
faiticement.
25Là dist li chevaliers escos: «Signeur, je vous vieng
veoir; vous ne daigniés issir hors de vos barrières, et
je y daigne bien entrer. Je voeil esprouver ma cevalerie
à le vostre, et me conquerés, se vous poés.»
Apriès ces mos, il jetta et lança grans cops à yaus de
30son glave, et eulz à lui des leurs. Et furent en cel
estat, ils tous seuls sus yaus escarmuçans et faisans
très grans apertises d’armes, plus d’une heure, et en
[237] navra un ou deux des leurs. Et prendoit si grant plaisance
à lui là combatre qu’il s’entr’oublioit; et le
regardoient les gens de le ville de le porte et des garittes
à grant merveille, et li euissent porté dou tret
5grant damage, se il vosissent, mès nennil, car li chevalier
françois lor avoient deffendu.
Tant fu en cel estat que ses pages vint sus son coursier
moult priès des bailles, qui li dist tout en hault
en son langage: «Monsigneur, partés vous, il est
10heure; car no gent se partent.» Li chevaliers qui
bien l’entendi, s’apparilla sur ce et lança depuis deux
ou trois cops; et quant il eut fait, il se relança à
l’autre lés sans nul damage, et tous armés qu’il estoit,
il se jetta sus son coursier derrière son page. Quant
15il fu sus, il dist as François: «Adieu, adieu, signeur,
grant mercis.» Si broça des esporons et fu tantost
à ses compagnons: laquele apertise d’armes de monsigneur
Jehan Asneton fu durement prisie de toutes
gens.
20§ [660]. Messires Robers Canolles, à son departement
qu’il fist de le marce de Noion, ses gens ardirent
le ville dou Pont l’Evesque, sus le rivière d’Oise,
où il avoit grant fuison de bons hosteulz. Li chevalier
et li escuier qui estoient en le cité de Noion, eurent
25grant desplaisance de ce feu et entendirent que
messires Robers Canolles et se route estoient parti
et retret. Si vuidièrent de la ditte cité environ soissante
lances, et vinrent encores si à point en le ville
dou Pont l’Evesque que il trouvèrent chiaus qui le
30feu y avoient bouté et des autres ossi qui estoient
demoret derrière pour entendre au pillage. Si furent
[238] resvillié de grant manière: car li plus grant partie en
furent mort et occis, et demorèrent sus le place. Et y
gaegnièrent li François plus de quarante chevaus et
rescousent pluiseurs prisonniers qu’il en voloient
5mener, et encore des biaus hosteulz qui euissent esté
tout ars, se il n’i fuissent venu si à point; et ramenèrent
en Noion plus de dix prisonniers englès asquelz on
copa les tiestes.
Or chevaucièrent li Englès en leur ordenance, et
10montèrent amont pour venir en Laonnois, et pour
passer à leur aise le rivière d’Oize et ossi ceste d’Esne.
Si ne fourfisent riens à le conté de Soissons, pour tant
qu’elle estoit au signeur de Couci. Bien est verités
qu’il estoient poursievoit et costiiet d’aucuns signeurs
15et chevaliers de France, telz que dou conte Gui de
Saint Pol, dou visconte de Miaus, dou signeur de
Kauni, de monsigneur Raoul de Couci, de monsigneur
Jehan de Melun, fil au conte de Tankarville,
et de leurs gens, par quoi li Englès bonnement ne
20s’osoient point desrouter, mès se tenoient ensamble.
Et ossi li François ne se freoient point entre yaus,
mès se logoient tous les soirs ens ès fors et ens ès
bonnes villes, et li Englès sus le plat pays, qui trouvoient
assés à vivre et de ces nouviaus vins dont il
25faisoient grant larghèce. Et chevaucièrent ensi tant,
ardant et exillant et rançonnant le pays, qu’il passèrent
le rivière de Marne et entrèrent en Campagne,
et puis le rivière d’Aube, et retournèrent en le marce
de Prouvins. Et passèrent et rapassèrent pluiseurs fois
30le rivière de Sainne, et tiroient à venir devant le cité
de Paris; car on leur avoit dit que li rois avoit là fait
un grant mandement de gens d’armes, desquels li
[239] contes de Saint Pol et li sires de Cliçon devoient
estre chief et gouvreneur. Si les desiroient li Englès
durement fort à combatre, et par samblant il moustroient
qu’il ne voloient aultre cose que la bataille.
5Et pour ce li rois de France escrisi à monsigneur Bertran
de Claiekin, qui estoit en Aquitainnes avoech le
duch d’Ango, que, ses lettres veues, il se retraisist en
France, car il le voloit ensonniier d’autre part.
En ce temps, revint en le cité d’Avignon papes
10Urbains Ves, qui avoit demoret à Romme et là environ
quatre ans, et revint en istance de ce que pour regarder
comment pais se poroit faire entre les deux
rois, qui estoit renouvelée, qui trop li desplaisoit.
De la revenue dou dit pape et de tous les cardinaus
15furent la cité d’Avignon et la marce d’environ moult
resjoïe, car il en pensoient à valoir mieulz. Or parlerons
dou prince de Galles comment il persevera.
§ [661]. Vous avés chi dessus oy recorder comment
li princes de Galles avoit fait son mandement à Congnach,
20sus l’entention que de chevaucier contre le
duch d’Ango qui li ardoit et gastoit son pays. Si se
avancièrent de venir à son mandement, au plus tost
qu’il peurent, li baron, li chevalier et li escuier
d’Engleterre, de Poito, de Saintonge et de la terre qui se
25tenoit dou prince. Et se parti li contes de Pennebruch
de se garnison, à tout cent lances, et s’en vint devers
le prince.
En ce temps, arriva ou havene de Bourdiaus li dus
Jehans de Lancastre o sen armée, dont cil dou pays
30furent moult resjoy, pour tant qu’il le sentoient bon
chevalier et grant chapitainne de gens d’armes. Li dus
[240] de Lancastre et ses gens n’i fisent point trop lontain
sejour en le cité de Bourdiaus, mès s’en partirent tantost,
car il entendirent que li princes voloit aler
contre ses ennemis. Si se misent tantos au chemin
5et trouvèrent, à une journée de Congnach, le conte
de Pennebruch qui tiroit celle part. Si se fisent
grans recognissances, quant il se retrouvèrent, et
chevaucièrent ensamble et vinrent à Congnach où il
trouvèrent le prince, madame la princesse et le
10conte de Cantbruge, qui furent moult resjoy de la
venue des dessus dis. Et tous jours venoient gens
d’armes, de Poito, de Saintonge, de la Rocelle, de
Bigorre, de Gaurre et de Gascongne, et ossi des marces
voisines obeissans au prince.
15Li dus d’Ango, li contes d’Ermignach, li sires de
Labreth, li conte et li visconte, li baron et li chevalier
de leur acort, si com ci dessus est dit, qui
avoient conquis cités, villes, chastiaus et forterèces
en leur venue plus de quarante, et avoient approciet
20le cité de Bourdiaus à cinq liewes priès et gasté tout
le pays environ Bregerach et le Linde, entendirent
que li princes de Galles avoit fait un grant mandement
et estoit venus à Congnac, et ossi li dus de Lancastre
estoit arivés à tout grant fuison de gens d’armes
25et d’arciers ou pays. Si eurent conseil ensamble
comment il s’en poroient chevir.
Pour le temps de lors, estoit nouvellement mandés
messires Bertrans de Claiekin dou roy de France et
dou duch de Berry, qui se tenoit à siège devant le
30cité de Limoges, et les avoit telement astrains qu’il
estoient sus tel estat que pour yaus rendre, mais
qu’il y euist bons moiiens. A ce conseil dou
[241] duch d’Ango et des barons et chevaliers qui estoient
là dalés lui et mis ensamble pour consillier,
fu appellés messires Bertrans de Claiekin, c’estoit
raisons. Là eut pluiseurs parolles dittes et mises
5avant. Finablement, tout consideré, on consilla au
duch d’Ango de desrompre pour celle saison se chevaucie
et d’envoiier toutes ses gens ens ès garnisons
et de guerriier par garnisons, car il en avoient assés
fait pour ce temps. Ossi, il besongnoit et venoit grandement
10à point les signeurs de Gascongne qui là estoient,
le conte d’Ermignach, le conte de Pieregorth
et les autres, de retraire en leurs lieus et en leurs
pays, pour faire frontière, car il ne savoient que li
princes, qui avoit fait si grant assamblée, avoit empensé.
15Si se departirent tout par commun acord li un
de l’autre, et se vint li dus d’Ango en le cité de
Chaours. Si s’espardirent ses gens et les Compagnes
parmi le pays que conquis avoient, et se boutèrent
ens ès garnisons. Li contes d’Ermignach, li sires de
20Labreth et li aultre retournèrent en leurs pays et
pourveirent leurs villes et leurs chastiaus grandement,
ensi que cil qui esperoient à avoir le guerre, et fisent
ossi estre tous appareilliés leurs gens, pour garder et
deffendre lor pays, s’il besongnoit. Or parlerons de
25monsigneur Bertran de Claiekin qui se parti dou
duch d’Ango et fist se route à par li, et chevauça tant
qu’il vint au siège de Limoges où li dus de Berri et
li dus de Bourbon et grant chevalerie de France se
tenoient.
30§ [662]. Quant messires Bertrans fu venus au siège,
si s’en esjoïrent grandement li François, et fu grant
[242] nouvelles de lui dedens le cité et dehors. Tantost il
commença à aherdre les trettiés qui estoient entamé
entre l’evesque de Limoges et chiaus de le cité et le
duch de Berri, et les poursievi si songneusement et
5si sagement qu’il se fisent et se tournèrent françois,
li evesques et chil de Limoges; et entrèrent li dus de
Berri, li dus de Bourbon, messires Guis de Blois et
li signeur de France par dedens à grant joie, et en
prisent les fois et les hommages, et s’i rafreschirent
10et reposèrent par trois jours.
Là en dedens li dessus dit signeur eurent conseil et
avis qu’il desromperoient leur chevaucie pour celle
saison, ensi que li dus d’Ango avoit fait, et s’en
retourroient en leurs pays pour prendre garde à leurs
15villes et forterèces pour monsigneur Robert Canolles
qui tenoit les camps en France, et qu’il avoient bien
esploitié quant il avoient pris une tele cité comme
Limoges est. Cilz consaulz et avis ne fu de noient
brisiés. Si se departirent li signeur li un de l’autre, et
20demora messires Bertrans ou pays de Limozin à tout
deux cens lances: si se bouta ens ès chastiaus le signeur
de Melval qui estoit tournés françois.
Quant li dus de Berri se departi de Limoges, il
ordonna et institua à demorer en le ditte cité, à le requeste
25de l’evesque dou dit lieu, monsigneur Jehan
de Villemur, monsigneur Huge de la Roce et Rogier
de Biaufort, à cent hommes d’armes, et puis se retraist
en Berri, et li dus de Bourbon en Bourbonnois;
et li aultre signeur des lontainnes marces s’en revinrent
30en leurs pays. Or parlerons dou prince comment
il esploita.
[243] § [663]. Quant les nouvelles vinrent au prince de
Galles que la cité de Limoges estoit tournée Françoise
et que li evesques dou dit lieu, qui estoit ses compères
et en qui il avoit eu dou temps passé moult grant fiance,
5avoit esté à tous les trettiés et l’avoit aidié à rendre,
si en fu durement coureciés, et en tint mains de bien
et de compte des gens d’eglise ou il ajoustoit en
devant grant foy. Si jura l’ame de son père que chierement
comparer il feroit cil outrage à tous ceulz de
10le cité, ne jamais n’entenderoit à aultre cose, si raroit
le ditte cité et s’en aroit fait se volonté et pris vengance
dou fourfet. Quant la plus grant partie de ses
gens furent venu, on les nombra à douze cens lances,
chevaliers et escuiers, mil arciers et trois mil hommes
15de piet. Si se departirent de Congnac. Avoech
le prince estoient si doi frère, li dus de Lancastre, li
contes de Cantbruge, et li contes de Pennebruch qui
s’appelloit ossi leurs frères. Messires Thumas de Felleton
et messires li captaus de Beus estoient demoret
20à Bregerach, pour là garder le frontière contre les
François et les Compagnes qui se tenoient sus le pays.
Encores estoient avoech le prince messires Guiçars
d’Angle, messires Loeis de Harcourt, li sires de Pons,
li sires de Partenay, li sires de Puiane, li sires de Tannai
25Bouton, messires Percevaus de Coulongne, messires
Joffrois d’Argenton, Poitevins; et de Gascons: li
sires de Pumiers, messires Helies de Pumiers, li sires
de Muchident, li sires de Lespare, li sires de Montferrant,
li sires de Chaumont, li sires de Longuerem, messires
30Aymeris de Tarste, le soudich de l’Estrade, le signeur
de Condon, messires Bernardet de Labret, sires
de Geronde, et pluiseur aultre; Englès: monsigneur
[244] Thumas de Persi, li signeur de Ros, monsigneur Guillaume
de Biaucamp, monsigneur Mikiel de la Poule,
monsigneur Estievene de Gousenton, monsigneur
Richart de Pontchardon, monsigneur Bauduin de
5Fraiville, monsigneur Symon de Burlé, monsigneur
d’Agorises, monsigneur Jehan d’Evrues, monsigneur
Guillaume de Neufville et des aultres que je ne puis
mies tous nommer; et Haynuier: monsigneur Eustasce
d’Aubrecicourt; et des Compagnes: monsigneur
10Perducas de Labreth, Naudon de Bagerant, Lamit,
le bourch de Lespare, le bourch Camus, le bourch
de Bretuel, Espiote, Bernart de la Salle, Hortingo,
Bernart de Wist et moult d’autres.
Si se misent toutes ces gens d’armes au chemin en
15grant ordenance, et tinrent les camps; et commença
li pays à fremir tous contre yaus. Dès lors ne pooit
li princes chevaucier, mès se faisoit mener en litière
par grant ordenance. Si prisent le chemin de Limozin
pour venir devant Limoges, et tant chevaucièrent
20li Englès qu’il y parvinrent. Si l’assegièrent tantost et
sans delay tout autour, et jura li princes que jamais
ne s’en partiroit si l’aroit à sa volenté. Li evesques
dou lieu et li bourgois de le ville sentoient bien qu’il
se estoient trop fourfet et qu’il avoient grandement
25couroucié le prince: de quoi moult il se repentoient,
et se n’i pooient remediier, car il n’estoient mies signeur
ne mestre de leur cité. Messires Jehans de
Villemur et messires Huges de la Roce et Rogiers de
Biaufort, qui le gardoient et qui chapitainne en estoient,
30reconfortoient grandement les gens de le ville,
quant esbahir les veoient, et disoient: «Signeur, ne
vous effraés de riens: nous sommes fort et gens assés
[245] pour tenir contre les gens et le poissance dou prince;
par assaut ne nous poet il prendre ne avoir, car nous
sommes bien pourveu d’artillerie.»
Au dire voir, quant li princes et si mareschal eurent
5bien imaginé et consideré le circuité et le force
de Limoges, et il sceurent le nombre des gentilz
hommes qui dedens estoient, si disent bien que par
assaut il ne l’aroient jamais. Lors jeuèrent il d’un
aultre avis, et menoit par usage toutdis li princes
10avoech lui en ses chevaucies grant fuison de huirons
c’on dist mineurs. Chil furent tantost en oevre mis
et commencièrent à miner efforciement par grant ordenance.
Li chevalier qui estoient en le cité, cogneurent
tantost que on les minoit: si commencièrent
15à fosser à l’encontre d’yaus, pour briser leur mine. Or
parlerons un petit de monsigneur Robert Canolles.
§ [664]. Messires Robers Canolles, si com ci dessus
est dit, estoit, o grant gent d’armes et arciers, entrés
ou royaume, et tout comparoient les povres gens et li
20plas pays; car, ensi que li Englès aloient et venoient,
il y faisoient moult de desrois, et à ce qu’il moustroient,
il ne voloient el que le bataille. Et quant il
eurent passé tous les pays, Artois, Vermendois, l’evesquié
de Laon, l’arcevesquié de Rains, Campagne,
25et retourné en Brie, il prisent leur tour par devers le
cité de Paris, et s’i logièrent un jour et deus nuis.
Pour le temps de lors, li rois Charles de France y
estoit, qui bien pooit veoir de son hostel de Saint
Pol les feus et les fumières qu’il faisoient au lés devers
30le Gastinois.
A ce jour estoient en le cité de Paris li connestables
[246] de France messires Moriaus de Fiennes, li contes
de Saint Pol, li contes de Tankarville, li contes
de Salebruce, li viscontes de Miaus, messires Raouls
de Couci, li senescaus de Haynau, messires Oudars
5de Renti, messires Engherans du Edins, sires de
Chastiel Villain, messires Jehans de Viane, li sires
de le Rivière et pluiseur aultre grant chevalier et vaillant
dou royaume de France; mès point n’en issoient,
car li rois ne le voloit souffrir et le deffendoit. Car li
10sires de Cliçon, qui estoit ossi là et li plus especiaus
de son conseil et li mieulz creus de tous les aultres,
y mettoit grant detri et disoit: «Sires, vous n’avés que
faire d’emploiier vos gens contre ces foursenés: laissiés
les aler et yaus sancier. Il ne vous poent tollir
15vostre hiretage, ne bouter hors par fumières.» A le
porte Saint Jake et as barrières estoient li contes de
Saint Pol, li viscontes de Rohem, messires Raouls de
Couci, li sires de Kauni, li sires de Cresèkes, messires
Oudars de Renti, messires Engherans du Edins.
20Or avint ce mardi au matin qu’il se deslogièrent,
et que li Englès boutèrent les feus ens ès villages où
il avoient esté logié, tant que on les veoit tout clerement
de Paris. Uns chevaliers de leur route avoit
voé le jour devant qu’il venroit si avant jusques
25à Paris qu’il hurteroit as bailles de le porte. Il n’en
menti point, mais se parti de ses conrois le glave ou
poing, le targe au col, armés de toutes pièces, et
s’en vint esporonnant son coursier, derrière lui sus
un aultre coursier son escuier, qui portoit son bacinet.
30Quant il deubt approcier Paris, il prist son bacinet
et le mist en sa tieste: ses escuiers li laça par
derrière. Lors se parti cils brochans des esporons, et
[247] s’en vint de plains eslais ferir jusques ens ès bailles.
Elles estoient ouvertes: se li fist on voie, et cuidièrent
li signeur qui là estoient, que il deuist entrer
dedens, mais il n’en avoit nulle volenté; ançois,
5quant il eut fait son fait et hurté as bailles ensi que
voé avoit, il tira sus frain et se mist au retour. Lors
disent li chevalier de France qui le veirent retraire:
«Alés, alés, vous vos estes bien acquittés.»
A son retour, cils chevaliers, je ne sçai comment
10on le nommoit, ne de quel pays il estoit, mais il s’armoit
de geules à deus fasses noires et à une bordure
noire endentée, eut un dur rencontre; car il
trouva un boucier sur le pavement, un fort loudier,
qui bien l’avoit veu passer: si le ratendi et tenoit
15une hace trenchans à longe puignie et pesant durement.
Ensi que li chevaliers s’en raloit tout le pas et
qui de ce ne se donnoit garde, cils maleois bouciers
li vient sur costé et li desclike un cop entre le col et
les espaules si très dur qu’il le reverse tout en dens
20sus le col de son cheval; et puis recuevre et le fiert
ou visbus, et li embat sa hace tout là dedens. Li chevaliers,
de la grant dolour qu’il senti, chei à terre, et
li coursiers s’enfui jusques à l’escuier qui l’attendoit
au tournant d’une rue sus les camps: si prent le
25coursier, et fu tous esmervilliés qu’il estoit avenu à
son mestre, car bien l’avoit veu chevaucier jusques
as bailles, et là hurter de son glave, et puis retourner
arrière. Si s’en vient celle part, et n’eut gaires alé avant,
quant il le vei entre quatre compagnons qui feroient
30sus li ensi que sur une kieute. Si fu si effraés qu’il
n’osa aler plus avant, car bien veoit qu’il ne li pooit
aidier: si se mist au retour, dou plus tost qu’il peut.
[248] Ensi fu là mors li chevaliers de le route des Englès, et
le fisent li signeur qui estoient à le porte, ensepelir
en sainte terre; et li escuiers retourna en l’ost, qui
recorda l’aventure qui estoit avenue à son mestre.
5Si en furent tout li compagnon coureciet, et vinrent
ce soir jesir entre Mont le Heri et Paris sus une petite
rivière, et s’i logièrent de haute heure.
§ [665]. Entrues que messires Robers Canolles et li
Englès faisoient leur voiage et que li princes de Galles
10et si doi frère et leurs gens seoient devant le cité
de Limoges, messires Bertrans de Claiekin et se route,
où il avoit espoir deus cens lances, chevauçoient à
l’un des corons dou pays de Limozin; mais de nuit
point ne gisoient as camps, pour le doubte des rencontres
15des Englès, mès ens ès forterèces françoises
qui estoient tournées de monsigneur Loeis de Melval,
de monsigneur Raymon de Marueil et des aultres.
Et tout le jour chevauçoient et se mettoient
en grant painne de conquerre villes et fors. Bien le
20savoit li princes, et en venoient à lui les plaintes
tous les jours; mais il ne voloit mies deffaire ne
brisier son siège, car il avoit pris trop à cuer l’avenue
de Limoges.
Et entra li dessus dis messires Bertrans en le visconté
25de Limoges, un pays qui se tenoit et rendoit
dou duch de Bretagne monsigneur Jehan de Montfort,
non des Englès, et le commença à courir ou
nom de madame la femme à monsigneur Charlon de
Blois, à laquele li hiretages avoit esté de jadis. Si y
30fist là grant guerre, ne nuls ne li ala au devant; car
li dus de Bretagne ne cuidoit mies que messires Bertrans
[249] le deuist guerriier, et vint devant Saint Iriet:
si l’assalli et fist assallir durement. Par dedens le ville
de Saint Iriet n’avoit nul gentil homme qui le seuissent
deffendre ne garder. Si furent si effreé quant
5il seurent la venue de monsigneur Bertran de Claiekin,
et ossi que on les assalloit si efforciement, comment
que leur ville fust forte assés, qu’il se rendirent
tantost et sans delay, et se misent en l’obeissance
de madame de Bretagne pour qui il faisoit
10guerre. De Saint Iriet fisent li Breton une grande
garnison, et le remparèrent et le fortefiièrent malement,
qui greva depuis moult grandement au pays,
et par laquelle il prisent pluiseurs aultres villes et
chastiaus en le visconté de Limoges. Or retourrons
15nous au prinche de Galles.
§ [666]. Environ un mois, et non plus, sist li princes
de Galles devant le cité de Limoges, et onques n’i
fist assallir ne escarmucier, mès toutdis songnoit de
se mine. Li chevalier qui dedens estoient et cil de le
20ville, qui bien savoient que on les minoit, fisent miner
ossi à l’encontre d’yaus pour occire les mineurs
englès, mès il fallirent à leur mine. Quant li mineur
dou prince qui, tout à fait que il minoient, estançonnoient,
furent au dessus de leur ouvrage, si disent
25au prince: «Monsigneur, nous ferons reverser,
quant il vous plaira, un grant pan dou mur ens ès
fossés, par quoi vous enterés ens tout à vostre aise
sans dangier.» Ces parolles plaisirent grandement
bien au prince. «Oïl, dist il, je voeil que demain, à
30heure de prime, vostre ouvrage se moustre.» Lors
boutèrent cil le feu en leur mine, quant il sceurent
[250] que poins fu. A l’endemain, ensi que li princes l’avoit
ordené, reversa uns grans pans dou mur qui rempli
les fossés à cel endroit où il estoit cheus: tout ce veirent
li Englès volentiers, et estoient là tout armé et
5ordené sus les camps pour tantost entrer en le ville.
Cil de piet y pooient bien entrer par là tout à leur
aise, et y entrèrent, et coururent à le porte, et copèrent
les flaiaus et l’abatirent par terre et toutes les
bailles ossi. Et fu tout ce fait si soudainnement que
10les gens de le ville ne s’en donnoient garde. Evous
le prince, le duch de Lancastre, le conte de Cantbruge,
le conte de Pennebruch, messire Guiçart
d’Angle et tous les aultres, et leurs gens, qui entrent
ens, et pillart à piet qui estoient tout apparilliet de
15mal faire et de courir le ville et de occire hommes et
femmes et enfans, car ensi leur estoit il commandé.
Là eut grant pité; car hommes, femmes et enfans se
jettoient en genoulz devant le prince et crioient:
«Merci, gentilz sires, merci!» Mais il estoit si enflammés
20d’aïr que point n’i entendoit, ne nuls ne
nulle n’estoit oïs, mès tout mis à l’espée, quanques
on trouvoit et encontroit, cil et celles qui point coupable
n’i estoient; ne je ne sçai comment il n’avoient
pité des povres gens qui n’estoient mies tailliet de
25faire nulle trahison; mais cil le comparoient et comparèrent
plus que li grant mestre qui l’avoient fait.
Il n’est si durs coers, se il fust adonc à Limoges et
il li souvenist de Dieu, qui ne plorast tenrement dou
grant meschief qui y estoit, car plus de trois mil personnes,
30hommes, femmes et enfans, y furent deviiet
et decolet celle journée. Diex en ait les ames, car il
furent bien martir! En entrant en le ville, une route
[251] d’Englès s’en alèrent devers le palais l’evesque: si fu
là trouvés et pris as mains et amenés sans conroy et
sans ordenance devant le prince qui le regarda moult
fellement; et la plus belle parolle qu’il li dist, ce fu
5qu’il li feroit trencier le tieste, foy qu’il devoit à Dieu
et à saint Gorge, et le fist oster de sa presence.
Or parlerons des chevaliers qui laiens estoient.
Messires Jehans de Villemur, messires Hughes de la
Roce et Rogiers de Biaufort, qui estoient chapitainne
10de le cité, quant il veirent le tribulation et le pestilence
qui ensi couroit sus yaus et sus leurs gens, si
disent: «Nous sommes tout mort: or nous vendons
chierement, ensi que chevalier doient faire.» Là dist
messires Jehans de Villemur à Rogier de Biaufort:
15«Rogier, il vous faut estre chevalier.» Rogiers respondi
et dist: «Sire, je ne sui pas si vaillans que
pour estre chevaliers, et grant mercis quant vous le
me ramentevés.» Il n’i eut plus dit, et saciés qu’il
n’avoient mies bien loisir de parler longement ensamble.
20Toutesfois, il se recueillièrent en une place et
acostèrent un viés mur, et desvelopèrent là leurs banières
messires Jehans de Villemur et messires Hughes
de la Roce, et se misent en bon couvenant. Si
pooient estre tout rassamblé environ quatre vingt.
25Là vinrent li dus de Lancastre, li contes de Cantbruge
et leurs gens, et misent tantost piet à terre
comme il les veirent, et les vinrent requerre de grant
volenté. Vous devés savoir que leurs gens ne durèrent
point plenté à l’encontre des Englès, mès furent
30tantost ouvert, mort et pris.
Là se combatirent longement main à main li dus
de Lancastre et messires Jehans de Villemur, qui estoit
[252] grans chevaliers et fors et bien tailliés de tous
membres, et li contes de Cantbruge et messires Huges
de la Roce, et li contes de Pennebruch et Rogiers de
Biaufort. Et fisent cil troi contre ces trois pluiseurs
5grans apertises d’armes, et les laissoient tout li aultre
couvenir. Mal pour yaus, se il se fuissent trait avant.
Proprement li princes en son chariot vint celle part,
et les regarda moult volentiers, et y rafrena et radouci,
en yaus regardant, grandement son mautalent.
10Et tant se combatirent que li troi François,
d’un acord, disent en rendant leurs espées: «Signeur,
nous sommes vostres et nous avés conquis: si ouvrés
de nous au droit d’armes.»—«Par Dieu, messire
Jehan, ce dist li dus de Lancastre, nous ne le vorrions
15pas faire aultrement, et nous vous retenons
comme nos prisonniers.» Ensi furent pris li troi
dessus dit, si com je fui enfourmés depuis.
§ [667]. On ne se cessa mies à tant; mès fu toute la
cités de Limoges courue, pillie et robée sans deport,
20et toute arse et mise à destruction; et puis s’en partirent
li Englès qui enmenèrent leur conquès et leurs
prisonniers et se retraisent vers Congnach où madame
la princesse estoit. Et donna li princes congiet
toutes ses gens d’armes, et n’en fist pour celle saison
25plus avant, car il ne se sentoit mies bien haitiés, et
tous les jours aggrevoit: dont si frère et ses gens estoient
tout esbahi.
Or vous dirai de l’evesque de Limoges comment il
fina, liquels fu en grant peril de perdre la teste. Li
30dus de Lancastre le rouva au dit prince; il li acorda
et li fist delivrer à faire sa volenté. Li dis evesques
[253] eut amis sus le chemin, et en fu papes Urbains enfourmés,
qui nouvellement estoit revenus de Rome
en Avignon, dont trop bien en chei au dit evesque:
autrement il euist esté mors. Si le requist li dis papes
5au duch de Lancastre par si douces parolles et si
traittables, que li dus de Lancastre ne li volt point
escondire. Si li ottria et envoia, dont li papes li sceut
grant gré. Or parlerons des avenues de France.
§ [668]. Si fu enfourmés li rois de France de le destruction
10et dou reconquès de Limoges, et comment li
princes et ses gens l’avoient laissiet toute vaghe, ensi
comme une ville deserte: si en fu trop durement
courouciés, et prist en grant compassion le damage
et anoy des habitans d’icelle. Or fu avisé et regardé
15en France, par l’avis et conseil des nobles et des prelas
et le commune vois de tout le royaume qui bien
y aida, que il estoit de necessité que li François euissent
un cief et gouvreneur nommé connestable; car
messires Moriaus de Fiennes se voloit deporter et
20oster de l’offisce, combien qu’il fust vaillans homs de
le main, entreprendans as armes et amés de tous
chevaliers et escuiers: siques, tout consideré et imaginé,
d’un commun acord, on y eslisi et donna on
vois souverainne monsigneur Bertran de Claiekin,
25mais que il vosist emprendre l’office, pour le plus
vaillant, mieus tailliet et sage de ce faire et le plus
ewireus et fortuné de ses besongnes, qui en ce temps
s’armast pour le couronne de France. Adonc escrisi
li rois devers lui et envoia certains messages que il
30venist parler à lui à Paris. Cil qui y furent envoiiet,
le trouvèrent en le visconté de Limoges où il prendoit
[254] chastiaus et fors, et les faisoit rendre à madame
de Bretagne, femme à monsigneur Charlon de Blois;
et avoit nouvellement pris une ville qui s’appelloit
Brandome, et estoient les gens rendu à lui: si chevauçoit
5viers une aultre.
Quant li message dou roy de France furent venu
jusques à lui, il les recueilla joieusement et sagement,
ensi que bien le savoit faire. Cil li baillièrent les lettres
dou roy et fisent leur message bien et à point.
10Quant messires Bertrans se vei si especialment mandés,
si ne se voit mies escuser de venir devers le roy
de France, pour savoir quel cose il voloit. Si se parti
au plus tost qu’il peut, et envoia le plus grant partie
de ses gens ens ès garnisons qu’il avoit conquises. Et
15en fist souverain et gardiien messire Olivier de Mauni
son neveu; puis chevauça tant par ses journées qu’il
vint en le cité de Paris où il trouva le roy et grant
fuison de seigneurs de son conseil qui le recueillièrent
liement et li fisent tout grant reverense. Là li
20dist et remoustra li rois proprement comment on
l’avoit esleu et avisé à estre connestable de France.
Adonc s’escusa messires Bertrans moult grandement
et très sagement, et dist qu’il n’en estoit mies dignes,
et que c’estoit uns povres chevaliers et petis bacelers
25ou regard des grans signeurs et vaillans hommes de
France, comment que fortune l’euist un petit avanciet.
Là li dist li rois que il s’escusoit pour noient et
qu’il couvenoit qu’il le fust, car il estoit ensi ordonné
et determiné de tout le conseil de France, lequel
30il ne voloit mies brisier.
Lors s’escusa encores li dis messires Bertrans par
une aultre voie et dist: «Chiers sires et nobles rois,
[255] je ne vous voeil, ne puis, ne ose desdire de vostre
bon plaisir; mais il est bien verités que je sui uns
povres homs et de basse venue. Et li offisces de le
connestablie est si grans et si nobles qu’il couvient,
5qui bien s’en voelt acquitter, exercer et esploitier et
commander moult avant, et plus sus les grans que sus
les petis. Et veci messigneurs vos frères, vos neveus
et vos cousins, qui aront carge de gens d’armes, en
hos et en chevaucies: comment oseroi je commander
10sus yaus? Certes, sire, les envies sont si grandes que
je les doi bien ressongnier; si vous pri chierement
que vous me deportés de cel office et le bailliés à un
aultre qui plus volentiers l’emprende que je et qui
mieuls le sace faire.» Lors respondi li rois et dist:
15«Messire Bertran, messire Bertran, ne vous escusés
point par celle voie; car je n’ai frère, ne neveu, ne
conte, ne baron en mon royaume, qui n’obeisse à
vous; et, se nulz en estoit au contraire, il me coureceroit
telement qu’il s’en perceveroit. Si prendés
20l’office liement, et je vous en prie.» Messires Bertrans
cogneut bien que escusances, que il sceuist ne
peuist faire ne moustrer, ne valoient riens: si s’acorda
finablement à l’ordenance dou roy, mès ce fu
à dur et moult envis. Là fu pourveus à grant joie
25messires Bertrans de Claiekin de l’office de le connestablie
de France; et pour li plus exaucier, li rois
l’assist dalés lui à sa table, et li moustra tous les
signes d’amour qu’il peut; et li donna en ce jour
avoech l’offisce plus de quatre mil frans de revenue,
30en hiretage, lui et son hoir. A celle promotion mist
grant painne et grant conseil li dus d’Ango.
FIN DU TEXTE DU TOME SEPTIÈME.