Thiot Vrankôno ‖ manôn sundiôno. 10
Sume sâr verlorane ‖ uuurdun sumerkorane.
Haranskara tholôta ‖ ther êr misselebêta.
Ther ther thanne thiob uuas, ‖ inder thanana ginas,
Nam sîna vaston: ‖ sîdh uuarth her guot man.
Sum uuas luginâri, ‖ sum skâchâri,
Sum fol lôses, ‖ ind er gibuozta sih thes.
Kuning uuas ervirrit, ‖ thaz rîchi al girrit,
Uuas erbolgan Krist: ‖ leidhôr, thes ingald iz.
Thoh erbarmêdes got, ‖ uuisser alla thia nôt: