Ther gerno gode thionôt: ‖ ih uueiz her imos lônôt.
Kind uuarth her faterlôs. ‖ thes uuarth imo sâr buoz:
Holôda inan truhtîn, ‖ magaczogo uuarth her sîn.
Gab her imo dugidî, ‖ frônisc githigini,
Stual hier in Vrankôn: ‖ sô brûche her es lango!
Thaz gideilder thanne ‖ sâr mit Karlemanne,
Bruoder sînemo, ‖ thia czala uuunniôno.
Sô thaz uuarth al gendiôt, ‖ korôn uuolda sîn god,
Ob her arbeidî ‖ sô jung tholôn mahtî.
Lietz her heidine man ‖ obar sêo lîdan,