‘Trôstet hiu, gisellion, ‖ mîne nôtstallon.
Hera santa mih god ‖ joh mir selbo gibôd,
Ob hiu rât thûhtî, ‖ thaz ih hier gevuhti,
Mih selbon ni sparôtî, ‖ uncih hiu gineritî.
Nû uuillih thaz mir volgôn ‖ alle godes holdon.
Giskerit ist thiu hieruuist ‖ sô lango sô uuili Krist.
Uuili her unsa hinavarth, ‖ thero habêt her giuualt.
Sô uuer sô hier in ellian ‖ giduot godes uuillion,
Quimit hê gisund ûz, ‖ ih gilônôn imoz;
Bilîbit her thâr inne, ‖ sînemo kunnie.’