Thô nam er skild indi sper, ‖ ellianlîcho reit her;
Uuolder uuâr errahchôn ‖ sînân uuidarsahchôn.
Thô ni uuas iz burolang, ‖ fand her thia Northman.
Gode lob sagêda, ‖ her sihit thes her gerêda.
Ther kuning reit kuono, ‖ sang lioth frâno,
Joh alle saman sungun: ‖ ‘kyrriêleison!’
Sang uuas gisungan, ‖ uuîg uuas bigunnan. 10
Bluot skein in uuangôn, ‖ spilôdun ther Vrankon.
Thâr vaht thegeno gelîh, ‖ nichein sôsô Hluduîg
Snel indi kuoni, ‖ thaz uuas imo gekunni.