He hedde wol gehört, dat men in keinem Land,
Als in Franckrick alleen fünd Wyssheit und Verstand.
Vernufft de lege dar, als Dreck licht up der Straten,
Ein jeder kond darvan einn groten Sack vul vaten[1042]:
Dar konde men discours und Complementen lehren,
Dörch welke men nu kömt in ansehn, und tho ehren.
Als he was tho Parys gewesen achtein[1043] Weken,
Kond he so wol Frantzösch als ein Frantzose spreken,
He wüste cermoni, he konde caresse driven,
Darmit kam he tho Hus, willkamn van Man und Wyven.