daz sculi der antichristo ‖ mit Êlîase pâgan.
der warch ist kiwâfanit: ‖ denne wirdit untar in wîch arhapan.
khenfun sint sô kreftîc, ‖ diu kôsa ist sô mihhil.
Êlîas strîtit ‖ pî den êwîgon lîp:
wili den rehtkernôn ‖ daz rîhhi kistarkan;
pidiu scal imo helfan ‖ der himiles kiwaltit.
der antichristo stêt ‖ pî demọ altfîante,
stêt pî demo Satanâse, ‖ der inan varsenkan scal:
pidiu scal er in derụ wîcstetî ‖ wuntêr pivallan. 10
enti in demo sinde ‖ sigalôs werdan.