ir sult den braken lâzen. ‖ ich sihe einen bern:
der sol mit uns hinnen ‖ zen herbergen varn.
ern fliehe danne sêre, ‖ ern kan sichs nimmer bewarn.’
Der brake wart verlâzen, ‖ der bere spranc von dan.
dô wolde in errîten ‖ Kriemhilde man.
er kom in ein gevelle: ‖ done kund ez niht wesen.
daz starke tier dô wânde ‖ vor den jägeren genesen.
Dô spranc von sîme rosse ‖ der stolze rîter guot,
er begunde nâch loufen. ‖ daz tier was unbehuot, 10
ez enkund im niht entrinnen: ‖ dô vie erz sâ zehant,