ân alle wunden ‖ der helt ez schiere gebant.
Krazen noch gebîzen ‖ kund ez niht den man.
er band ez zuo dem satele: ‖ ûf saz der snelle sân,
er brâht ez an die viwerstat ‖ durch sînen hôhen muot,
zeiner kurzwîle, ‖ der degen küene unde guot.
Als er gestuont von rosse, ‖ dô lôste er im diu bant
von fuoze und ouch von munde. ‖ do erlûte sâ zehant
vil lûte daz gehünde, ‖ swaz es den bern sach.
daz tier ze walde wolde: ‖ des heten die liute ungemach.