swenne ir uns gebet widere ‖ unser gewant,
wie iu sî ze den Hiunen ‖ iwer hovereise gewant.’
Si swebten sam die vogele ‖ vor im ûf der fluot:
des dûhten in ir sinne ‖ starc unde guot: 10
swaz si im sagen wolden, ‖ er geloubte in dester baz.
des er dô hinze in gerte, ‖ wol beschieden si im daz.
‘Ir muget wol rîten ‖ in Etzelen lant.
des setze ich iu ze bürgen ‖ mîn triwe hie zehant,
daz helde nie gefuoren ‖ in deheiniu rîche baz
nâch alsô grôzen êren: ‖ nu geloubet wærlîchen daz.’