Und komet er niht bezîte, ‖ sô rüefet über fluot,
unt jehet ir heizet Amelrîch. ‖ der was ein helt guot,
der durch vîntschefte ‖ rûmte dize lant.
sô kumet iu der verge, ‖ swenne im der name wirt erkant.’
Der übermüete Hagne ‖ den vrouwen dô neic:
er en reite niht mêre, ‖ wan daz er stille sweic.
dô gie er bî dem wazzer ‖ hôher an den sant,
dâ er anderthalben ‖ eine herberge vant.
Dô ruoft er mit der krefte ‖ daz al der wâc erdôz