‘die hôhen mîne mâge, ‖ di noch hier inne sint,
suln die von iu sterben, ‖ sô muoz gescheiden sîn
diu vil stæte friuntschaft ‖ zuo dir unde der tohter dîn.’
‘Nu müez uns got genâden,’ ‖ sprach der küene man.
dô huoben si die schilde, ‖ alsô si wolden dan
strîten zuo den gesten ‖ in Kriemhilte sal.
dô rief vil lûte Hagene ‖ von der stiege hin zetal
‘Belîbet eine wîle, ‖ vil edel Rüedegêr.’
alsô sprach dô Hagene. ‖ ‘wir wolden reden mêr, 10
ich und mîne hêrren, ‖ als uns des twinget nôt.