daz von Tenemarke ‖ der küene degen sanc
mit sô hêrlîcher stimme, ‖ daz ez wol gevallen
muose al den liuten. ‖ dâ von gesweic der vogellîne schallen. 10
Daz hôrte der künic gerne ‖ und alle sîne man,
dâ von von Tenen Hôrant ‖ der vriunde vil gewan.
ouch hete ez wol gehœret ‖ diu alte küniginne.
ez erhal ir durch daz venster, ‖ dâ si was gesezzen an der zinne.
Dô sprach diu schœne Hilde ‖ ‘waz hân ich vernomen?
diu aller beste wîse ‖ ist in mîn ôren komen,