Nû swîgen wir der degene, ‖ ich wil iuch lân vernemen,
die wol mit vreuden wæren, ‖ wie den daz mac gezemen,
daz si müezen waschen ‖ in den vremeden landen.
Kûdrûn unde Hildeburc ‖ die wuoschen alle zît ûf einem sande.
Ez was in einer vasten ‖ umb einen mitten tach.
ein vogel kam gevlozzen. ‖ Kûdrûn dô sprach
‘owê vogel schœne, ‖ du erbarmest mir sô sêre,
daz dû sô vil gevliuzest ‖ ûf diseme vluote’ sprach diu maget hêre.
Dô sprach der engel hêre ‖ ‘dû maht dich wol versehen,
maget vil ellende: ‖ dir sol grôz liep geschehen. 10