wilt dû mich vrâgen ‖ von dîner mâge lande,
ich bin ein bote der dîne, ‖ wan got ze trôste mich dir here sande.’
Dô sprach diu gotes arme ‖ ‘sît dich Krist hât gesant
uns vil ellenden ‖ ze trôste in ditze lant,
dû solt mich lâzen hœren, ‖ bote dû vil guoter:
lebet noch inder Hilde? ‖ diu was der armen Kûdrûnen muoter.’
Dô sprach der vil hêre ‖ ‘ich wil dir verjehen.
Hilden dîne muoter ‖ hân ich gesunt gesehen,
dô si ein her grœzer ‖ dir vrumte her ze lande,