dan witewe oder künne ‖ durch lieber vriunde willen ie gesande.’
Dô sprach diu maget edele ‖ ‘bote dû vil hêr,
lâ dich des niht verdriezen, ‖ ich wil dich vrâgen mêr. 10
lebet noch indert Ortwîn, ‖ der künec von Ortlande,
und Herwîc mîn vriedel? ‖ diu mære ich harte gerne bekande.’
Dô sprach der engel hêre ‖ ‘daz tuon ich dir wol kunt.
Ortwîn unde Herwîc ‖ die sint wol gesunt.
die sach ich in den ünden ‖ ûf des meres muoder.
die ellenthaften degene ‖ zugen vil gelîche an einem ruoder.’