des vreuten wir uns alle, ‖ swenne daz geschæhe,
daz ich ouch Fruoten ‖ den alten bî mînem zeichen gesæhe.’
Dô sprach aber der engel ‖ ‘dir kumt in ditze lant
Wate von den Stürmen. ‖ der hât an sîner hant
ein starkez stierruoder ‖ in einem kiel bî Fruoten.
bezzer vriunde deheiner ‖ darftû niht bî urliuge muoten.’
Dô muoste von in scheiden ‖ der bote vil hêr.
die ellenden vrouwen ‖ vrâgten dô niht mêr.
jâ was in mit gedanken ‖ liep unde swære,