ob mîn vrou Kûdrûn ‖ ditze hât gesehen, 10
gelebe wir daz immer ‖ deich si sol umbevâhen,
si tuot mir itewîze, ‖ sô ich bî mîner vrouwen lige nâhen.
Daz mich der alte grîse ‖ hie nider hât geslagen,
des scham ich mich vil sêre.’ ‖ sîn zeichen hiez er tragen
hin nâch Ludewîge ‖ mit den sînen mannen.
si drungen nâch den vînden: ‖ si wolten in lâzen niht von dannen.
Ludewîc der hôrte ‖ hinder im den schal.
dô kêrte er wider umbe ‖ gegen im ze tal.