Dô sprach ze sînen mannen ‖ Hartmuot der degen
‘nû wendet mit mir dannen. ‖ ir ist hie vil gelegen,
die uns slahen wolten ‖ in den herten strîten.
nû kêret zuo der bürge, ‖ unz wir bezzerre wîle erbîten.’
Si heten vil der degene ‖ hinder in verlân.
wær daz lant ir eigen, ‖ si enkunden hân getân
niht bezzers in dem strîte. ‖ si wolten zuo der selde.
Wate sûmte starke ‖ si mit tûsent sîner guoten helde.
Er was unz an die porte ‖ mit grôzer kraft gegân,