Iz ist ál thuruh nót ‖ so kléino girédinot,
iz dúnkal eigun fúntan, ‖ zisámane gibúntan;
Sie ouh in thíe gisagetin, ‖ thaz then thio búah nirsmáhetin,
joh wól er sih firwésti, ‖ then lésan iz gilústi.
Zi thiu mág man ouh ginóto ‖ mánagero thíoto
hiar námon nu gizéllen ‖ joh súntar ginénnen. 10
Sar Kríachi joh Románi ‖ iz máchont so gizámi,
iz máchont sịẹ al girústit, ‖ so thíh es wola lústit;
Sie máchont iz so réhtaz ‖ joh so fílu sléhtaz,
iz ist gifúagit al in éin, ‖ selp so hélphantes béin.