Yrfúrbent sie iz réino ‖ joh hárto filu kléino,
selb so mán thuruh nót ‖ sinaz kórn reinot. 10
Ouh selbun búah frono ‖ irréinont sie so scóno;
thar lisist scóna gilust ‖ ána theheiniga ákust.
Nu es fílu manno inthíhit, ‖ in sína zungun scríbit,
joh ílit, er gigáhe, ‖ thaz sínaz io gihóhe:
Wánana sculun Fránkon ‖ éinon thaz biwánkon,
ni sie in frénkisgon bigínnen, ‖ sie gotes lób singen?
Níst si so gisúngan, ‖ mit régulu bithuúngan:
si hábet thoh thia ríhti ‖ in scóneru slíhti.