yrspúan unsih so stíllo ‖ ther unser múatwillo.
Ni wóltun wir gilós sin, ‖ harto wégen wir es scín,
nu riazen élilente ‖ in frémidemo lante;
Nu ligit uns úmbitherbi ‖ thaz unser ádalerbi,
ni níazẹn sino gúati; ‖ so duat uns úbarmuati.
Thárben wir nu, léwes, ‖ líebes filu mánages,
joh thúlten híar nu nóti ‖ bíttero ziti.
Nu birun wir mórnente ‖ mit séru hiar in lánte,
in mánagfalten wúnton ‖ bi únseren sunton;
Árabeiti mánego ‖ sint uns híar io gárawo,