Iudex dicatur, iuris dum pensa minatur. Utile quod multis non hoc sibi uindicet unus. Artes magnificant homines cum Sint manuales. Dum iudex iustus mucrone tenet pia iura. Quodsi peruersus, peruersa iacent sine cura.
75
Ut sis deuotus grauis[75] tibi sit famulatus. Larga manas regis confirmat foedera legis, At si parca manus, famam deturpat et actus. Dum sit plaga recens, satis est medicina salubris, Sed debacchatur, dum spreta diu teneatur.
80
Ne contristeris, dum reddere pensa teneris. Corporis effeti uirtus cum magna putetur, Viribus est tenuis, manus attenuatur in armis. Est leue multoxum manibus, graue quod gerit unus. Sons non punitur, cui princeps astipulatur.
85
Non modo hoc semper feriatur culpa potenter.[85] Angarias animos patiens cupit attenuari. Abstergit crimen princeps de iure potenter. Nec licet ulterius nunquam maculare nouatum. Est quasi sic nullus uitii quem non capit usus.
90
Emergunt breuiter non cauta, caue sapienter. Expedit ut famulos princeps etiam tueatur. Clarificat dominos seruorum fama bonorum. Sit bene perspicuus dux quo fulcitur egenus. Ut tecum uiuas leue, sed graue uiuere multis.
95