Ni sibi sit iuncta cunctis altanda sophia. Exitus in rebus facilis datur esse salubris. Si non praeuenias tempus non tempore cesses. Rectum si sapias, recti sit plena uoluntas. Non semper fixum quidquam quod non bene rectum.
175
Summa boni colitur non extra sed uiget intus. Sola dies meritum uel laudem ficta meretur. Confectus senio, cur iam desperet in ullo? Cum sua natura properet per . . . . .[178] Oris non sonitum sed mentis consulo[179] sensum.
180
Quod sentis quaero, quod dicis non modo curo. Ut mole studeas non quaestum sed tua quaerens. Id meditare bonum, quod permanet intemeratum. Quam uix inuenias accusantem claudere ualuas. Exul erat uictus, ubi se quis clauserat intus,
185
Prospera prospectans aduersis terga reuersaus. Pignus amicitiae perturbat turbidus ipse. Est sudoris opus, non est populare sophia. Si dolor et uitia, mortis si quaeque molesta Ingruerint forti, uirtus perimit manifesta,
190
Ceu pelagus nimbus non turbat ei sociatus. Est pudor in pubere uirtutis spes in adulto. Mens ratione uiget, diuus quam spiritus implet. Pectus ut humanum deitas pietate coronat. Cum corruptibile sit corpus et occiduale,
195