Ich Margret von Wolkchenstain geborn von Swangaw, vergich ( bekenne ) offenleich mit gegenwaͤrtikchait dicz briefs allermaͤnkchleich, die in ansehend hoͤrend oder lesen fuͤr mich vnd all mein erben das jch recht vnd redleich, mit gesundtem leib, vernuͤftikchlich vnd vnbetwungenlich, so es aller pest kraft vnd macht gehaben mag, geordnet, geaichnet,[41] vnd willikchleich vͤbergeben hab, alle meine recht, vordrung vnd ansprach, die mich dann von meinem lieben Vater seligen Vlreichen von Swangaw, vnd von künftigen sachen, noch angeuallen moͤcht Es sey hêwser, vesten, Vrbar,[42] aygen, lehen, zoͤll, wildpan, vischwayd, gelayt, lêwt oder guͤt, varendts vnd vnuarends, parschaft, wie die hab genant vnd gehaissen ist, nicht dauon ausgenomen, vnd alles das Ich jm von rechts wegen nach dem landsrechten, schaffen vnd geaichen mag, dem edeln vnd vesten, meinem lieben mann Oswalden von Wolkchenstain, vnd allen vnsern paiden erben, vnd soll vnd mag, mein obgenanter wirt,[43] das also voraus sein lebtag nuͤtzen vnd niessen, nach seiner notdurft, nach dem landsrechten von mir vnd allen meinen erben vnd von mênikchleichen vngeengt vnd vngehindert an alles widerruͤffen, Wêr aber[44] das mein obgenanter wirt vnd man vor mein mit dem tod abgieng, vnd jch mein leben mit ainem andern man nicht vercheret,[45] so sol die obgeschriben hab vnd erbschaft gentzleichen widerumb auf mich geuallen, vor mênickleich vnd mein lebtag das jnnetzehalten nuͤtzen und niessen nach meins leibs notdurft vngeuerleich, vnd darnach nach meinem tod, von mir an den rechten stam meiner nachsten erben widerumb geuallen. wêr aber das jch vor meinem obgenanten wirt, mit dem tod abgieng an ( ohne ) vͦnser payder leiberben so sol die obgenant hab, aber so[46] darnach, nach seinem tod auch widerumb geuallen an den rechten stamm dannen[47] es her koͤmen ist nach dem landsrechten vnd ob jch mich obgenante Margret in disem gegenwuͤrtigen brief in kainen sachen oder artikeln wider landsrecht verschriben hett, so soll doch alles das pey kraft beleiben, was sich nach dem landsrechten pilleichen vergeen sol vnd mag, Mit vrchunt diß briefs den jch obgenante Margret darumb gib. Versigelten, mit des edelen und vesten Hannsen von Vilanders vnd darnach mit des edeln vnd vesten Hainreichen des Liechtenstainers paider anhangenden jnsigeln, die das durch meiner fleissigen pete willen an disen brief gehengt haben jn vnd jren erben an ( ohne ) schaden, des sind geczewgen die erbern vnd weysen, der edel vnd vest paul welsperger Chuͦnrat Gayser. vlreich Hofsteter. Niklas Aichner. Hanns Messrer. all vier purger zu Braunegk. Das ist geschehen nach Christi gepurt vierczehen hundert jar vnd darnach in dem Sechs vnd zwaynczigisten jar an sand jörgentag.
Gleichzeitige Abschrift auf Papier.
Nürnberg.
Hans Bösch.
(Schluß folgt.)
Verantwortliche Redaction: Dr. A. Essenwein. Dr. G. K. Frommann.
Verlag der literarisch-artistischen Anstalt des germanischen Museums in Nürnberg.
Gedruckt bei U. E. Sebald in Nürnberg.
(Mit einer Beilage.)