Casper Krell vmb weitter dieberey zu red hallten, wo er gutlich nit sagen will weethun.
[ebenda, 5a] Tercia post Scolastice (11. Febr.) 1511:
Caspar Krellen von Lindaw ist vmb sein geubter vnd bekandte dieberey auff nachsten Pfincztag ein ernstlicher recht tag gesatzt.
[ebenda 7b] Quinta post Scolastice (13. Febr.) 1511:
Herzog Friedrichen von Sachsen Churfursten anzaigen das vff sein und deß Bischoffs von Regenspurgs Furbitt Caspar kreel deß lebens gesichert sey.
[ebenda 10b] Tercia post Juliane (18. Febr.) 1511:
Die vrfehd vnd purgschafft Caspar krells soll man allso seiner freuntschafft, wie die gelesen Ist, furhallten, vnd Inen ain abschrifft dauon geben.
[ebenda 13b] Sabato Petrj ad kathedram (22. Febr.) 1511:
Vff furbitt Herczog Friedrichs von Sachsen Churfürsten sind diese hernach geschribne personen begeben vnd Ihnen Ir uffgelegte straff nachgelassen vnd gesichert nemlich Steffan Fellnstain desgleichen Hans banntzer wo er sich mit deß entleibten freuntschafft vertregt, deßgleichen Bernhardin Mewes wo er sich mit der widerparthey vnd ainem Rate verträgt.
[14a] Aber diser Person halben Ist deß Herczogen furbitt gelaint nemlich Hanns Schrecken Leonhardten werner Margrethe wegerheim Hansen Krafftshofer, Mathes Henlin Kungund Gollnerin Hannsen Widmann zue klainrewt Conntzen Schmid Fritzen gast Hannsen Ennter Fritzen kolben.