Die Sunn is ah schee, awer sie is m’r g’weehnt,
So Schterne un Mond, die m’r alle Nacht sehnt;
Wees wol, dass die Calennermacher dhun melde,
Das were gar grosse, erschtaunliche Welte:
’S mag sei’ wie sie sage — un wär er ah kleener,
Ich b’schteh druff — der Boge is dausent mol scheener.
Wann Dunner un Wetter im Summer gehn iwwer,
Dann kanscht du was sehne am Himmel, mei’ Liewer,
Es hebt sich des Wetter im Weschte en wenig,
Nor’d gukt die Sunn ’raus wie ’n glorreicher Keenig;