so bedorfte ich in dem sturme deheiner halsperge mêr.‘
‚Vil gerne wær ich dir guot mit mînem schilde, 2133
getörst ich dirn gebieten vor Kriemhilde.
doch nim du in hin, Hagene, und trag in an der hant.
hei, soldest du in vüeren in der Burgunden lant!‘
Do er im sô willeclîchen den schilt ze gebene bôt, 2134
dô wart genuoger ougen von heißen trehen rôt.
eß was diu leste gâbe, die sider immer mêr
bôt deheinem degene von Bechlâren Rüedegêr.
Swie grimme Hagne wære und wie herte gemuot, 2135