den schilt vil balde zucte der snelle degen guot.
wie balde gein im Hagene von der stiegen spranc!
Niblunges swert daß guote vil lûte ûf Dietrîch erklanc.
Dô wesse wol hêr Dieterîch, daß der küene man 2286
vil grimmes muotes wære: schirmen im began
der hêrre von Berne vor angestlîchen slegen.
vil wol erkander Hagenen: er was ein ûßerwelter degen.
Ouch vorht er Balmunge, ein wâfen starc genuoc. 2287
under wîlen Dietrîch mit listen wider sluoc,
unz daß er Hagenen mit strîte doch betwanc.