„Ja ... i hab da a kloane Aussprach’ g’habt ... über Eahna, Herr Pfaffinger ...“
„Ah so! Weg’n der Gaudi?...“
„Ja ... und die Folgen, wo mir der Elfinger, der Hansdampf, der spinnate, hätt erzähl’n mög’n. Daß Sie a Duwäl kriag’n ...“
„I?“
„Ja ...“ sagt der Elfinger ...
„Um Gott’swill’n ... Herr Pfaffinger ... weg’n mir ...“
„Da brauchen Sie keine Angst nicht zu haben, Fräulein!“
„Dös hab i aa g’sagt ... so a Schmarrn, sag i ... auf d’ Kirta laden S’ den Kerl ei, wenn er Eahna was will ...“
„Geh, Vata!“
„Is ja wahr aa ... dös is de richtige Antwort ... Also guat Nacht, Herr Pfaffinger, und b’suachen S’ mi amal ... werd mir an Ehr sei!“