De 109. Psalm.
1. En Psalm vun David, vörtosingen.
GOtt, den ik priesen doh, wes’ nich still!
2. Denn se hebbt ehr gottlos un falsch Mul gegen mi updahn un redt gegen mi mit falsche Tungen;
3. Un se redt giftig gegen mi allerwegen un striet gegen mi ahn Orsak.
4. Darför, dat ik se leef hebben doh, sünd se gegen mi; ik awer bä.
5. Se bewiest mi Bös för Gut un Haß för Leev. Ps. [35, 12.]
6. Sett Gottlose öwer em, un de Satan mutt stahn to sin rechte Hand.
7. Wer sik vun desülvigen lehren lett, den sin Leven mutt gottlos sin un sin Gebet mutt Sünn sin.