18. Up dat ji begriept mit all de Hilligen, wat dar is de Breed, un de Läng, un de Deep, un de Hög;
19. Ok erkennt, dat Christus leev hebben, veel beter is, as alles Weten, up dat ji vull makt ward mit allerhand Füll vun GOtt.
20. Den awer, de unutspreklich dohn kann öwer Allns, dat wi bedt oder verstaht, na de Kraft, de in uns arbeiden deiht, Röm. [16, 25.]
21. Den wes’ Ehr in de Gemeen, de in Christus JEsus is, to all Tied, vun Ewigkeit to Ewigkeit. Amen! Röm. [11, 36.] [16, 27.] 1. Tim. [1, 17.]
Dat 4. Kapitel.
1. Nu vermahn ik ju, ik Gefangene in den HErrn, dat ji wandeln doht, as sik dat hört vör ju Berop, to den ji beropen sünd,
2. Mit alle Demoth und Sachtmoth, mit Geduld un lat een den annern in de Leev bistahn, Apost. [20, 19.] Kol. [3, 12.]
3. Un beflietigt ju to holn de Enigkeit in den GEist, dörch dat Fredensband. 1. Cor. [12, 13.]
4. Een Lief un een GEist, as ji ok beropen sünd up een Hoffnung vun ju Beropung. Röm. [12, 5.]
5. Een HErr, een Glov, een Döp, 5. Mos. 6, 4. 1. Cor. [8, 4.] [6.]