2. Strevt na dat, wat dar baben is, nich na dat, wat up de Eer is. Matth. [6, 33.]
3. Denn ji sünd storven un ju Leven is verborgen mit Christus in GOtt. Röm. [6, 2.]
4. Wenn awer Christus, ju Leven, Sik apenbarn ward, denn ward ji apenbar warrn mit Em in de Herrlichkeit. Phil. [1, 21.] 1. Cor. [15, 43.]
5. So makt nu ju Lidmaten dod, de up de Eer sünd, Horeri, Unreinigkeit, schändliche Brunst, böse Lust un den Giez, de Afgötteri is; Röm. [8, 13.] Eph. [5, 3.]
6. Wegen weke GOttes Torn öwer den Unglov sin Kinner kamen deiht. Eph. [5, 6.]
7. In weken ok ji insmal wandelt hebbt as ji darin leven dän. Röm. [6, 19.]
8. Nu awer leggt Allns vun ju af: den Torn, Grimm, Bosheit, Lästerung, schandbare Wör’ ut ju Mund. Röm. [6, 13.] Eph. [4, 22.] [31.] Ebr. [12, 1.] Ps. [37, 8.]
9. Leegt nich unner eenanner, treckt den olen Minschen mit sin Warke ut; Zach. 8, 16. Eph. [4, 25.]
10. Un treckt den nien an, de dar verniet ward to de Erkenntnis, na dat Ebenbild vun den, de em schapen hett; Eph. [4, 24.] 1. Mos. 1, 27.