Audierat procul arma, bona de gente Batavus,
Gestit in hostiles fervidus ire globos.
At lateri patrium mater dum subligat ensem,
Haec, inquit, referas, nate fac arma domum.
Vix propior steterat pugnae, vestigia pressit
(Mille micant enses, vulnera mille ferunt),
Numquid, ait, ludi est? oculis non parcitur ipsis;
Certe oculis ludus non placet ille meis.
Forte tamen jacuit truncum sine nomine corpus;
Irruit: Hispanum nam cutis esse docet.