Saevit atrox, et qua caedendo, qua laniando,
Absecuit miles strenuus ense femur.
Facturusque fidem, magni argumenta duelli,
Et femur, et ferrum sanguinolenta gerit.
Inde memor moniti, nam pugna cruenta peracta est,
Arma celer properat salva referre domum.
Hoc, ait, Hispanum mulctavi verbere mater,
Maternosque femur projicit ante pedes.
Horret anus, sed enim potius caput ense tulisses,
Nate, refert, olim hic forte redibit eques.