daß sich weren wolde der küenen Niblunge hant.
Sine gerten urloubes dâ ze keinem man. A.1036
dô sach man Gêrnôten und Gîselheren gân
zuo im minneclîchen: in was sîn schade leit:
des brâhten in wol inne die helde küene unt gemeit.
Dô sprach gezogenlîche der fürste Gêrnôt: A.1037
‚Got weiß wol von himele, an Sîvrides tôt
gewan ich nie schulde: ich hôrte ouch nie gesagen,
wer im hie vîent wære: ich soll in billîche klagen.‘
Dô gab im guot geleite Gîselher daß kint. A.1038