ERICA pellucida.
CHARACTER SPECIFICUS.
Erica, antheris muticis, inclusis; floribus tubulato-ventricosis, pilosis, costatis, pellucidis, albis; foliis quaternis, aculeatis; caulibus gracilibus, hirsutis, ramosissimis.
DESCRIPTIO.
Caulis gracilis, sesquipedalis, hirsutus; rami et ramuli numerosi, hirsuti, flexuosi.
Folia quaterna, lanceolata, lucida, aculeata, subtus sulco exarata; petiolis adpressis.
Flores in ramulis terminales, plerumque quaterni, cernui; pedunculi longi, glandulosi, bracteis tribus lanceolatis glandulosis.
Calyx tetraphyllum; foliolis lanceolatis, canaliculatis, glandulosis.
Corolla tubulato-ventricosa, pilosa, costata, alba, et pellucida; laciniis semi-orbicularibus, sub-erectis.