Hospitis ille ciet nomen, vocat ille propinquum,
Admonet hunc studiis consors puerilibus aetas;
Nec Romanus erat, qui non agnoverat hostem.
Pax erat, et miles castris permixtus utrisque
Errabat; duro concordes caespite mensas
Instituunt et permixto libamina Baccho;
Graminei luxere foci, iunctoque cubili
Extrahit insomnes bellorum fabula noctes,
Quo primum steterint campo, qua lancea dextrum
Exierit. Dum quae gesserunt fortia iactant,