Casta domus luxuque carens corruptaque numquam
Fortuna domini. Clarum et venerabile nomen
Gentibus, et multum nostrae quod proderat urbi.
.......
O felix, cui summa dies fuit obvia victo,
Et cui quaerendos Pharium scelus obtulit enses!
Forsitan in soceri potuisses vivere regno.
Scire mori sors prima viris sed proxima cogi.’
Vocibus his maior, quam si Romana sonarent
Rostra ducis laudes, generosam venit ad umbram