A History of Giggleswick School from its Foundation, 1499 to 1912

by Edward Allen Bell

Que quidem mesuagia, terre, tenementa, redditus, reversiones, servicia et cetera omnia et singula premissa, modo extenduntur ad clarum annuum valorem viginti trium librarum et trium solidorum;

Habendum tenendum et gaudendum predicta mesuagia, molendina, terras, tenementa, decimas, prata, pascua, pasturus communas, boscos, subboscos, redditus, reversiones, servicia ac cetera omnia et singula premissa cum pertinenciis prefatis modernis Gubernatoribus possessionum revencionum et bonorum dicte Libere Scole grammaticalis, et successoribus suis imperpetuum. Tenendum de nobis heredibus et successoribus nostris ut de manerio nostro de Estgranewich in comitatu Kancie per fidelitatem tantum in libero socagio et non in capite.

Ac reddendo inde annuatim nobis, heredibus et successoribus nostris sexaginta et tres solidos legalis monete Anglie ad curiam nostram Augmentacionum et revencionum corone nostre ad festum Sancti Michaelis Archangeli singulis annis solvendos, pro omnibus redditibus, serviciis et demandis quibuscumque.

Necnon dedimus et concessimus, ac per presentes damus et concedimus prefatis modernis Gubernatoribus omnia exitus, redditus, revenciones et proficua predictorum terrarum, tenementorum et ceterorum omnium et singulorum premissorum a festo Sancti Martini in hyeme ultimo preterito huc usque proveniencia sive crescencia Habendum eisdum Gubernatoribus ex dono nostro, absque compoto seu aliquo alio proinde nobis heredibus vel successoribus nostris quoquomodo reddendo, solvendo vel faciendo.

Et ulterius volumus ac pro nobis heredibus et successoribus nostris per presentes concedimus prefatis Gubernatoribus et successoribus suis quod de cetero imperpetuum habeant commune sigillum ad negocia sua premissa aut aliter tangencia seu concernencia, deserviturum; et quod ipsi Gubernatores et successores sui per nomen Gubernatorum possessionum, revencionum et bonorum Libere Scole Grammaticalis Regis Edwardi Sexti de Gigleswycke placitare possint et implicatari, defendere et defendi, respondere et responderi in quibuscumque curiis et locis, et coram quibuscumque judicibus in quibuscumque causis, accionibus, negociis, sectis, querelis, placitis et demandis cujuscumque nature seu condicionis fuerint.

Et ulterius de uberiori gracia nostra ac ex certa sciencia et mero motu nostris dedimus et concessimus et per presentes damus et concedimus prefatis modernis Gubernatoribus et successoribus suis ac majori parti eorundem plenam potestatem et auctoritatem erigendi nominandi et appunctuandi Pedagogum et Subpedagogum Scole predicte tociens quociens eadem Scola de Pedagogo vel Subpedagogo vacua fuerit.

Et quod ipsi et successores sui Gubernatores advisamento Episcopi diocesis ibidem pro tempore existentis, de tempore in tempus faciant et facere valeant et possint idonea et salubria statuta et ordinaciones in scriptis, Gubernatores predictos et successores suos quomodo se habeant et gerant in officiis suis Gubernatorum predictorum vel ob quas causas ab officiis suis amoveantur, et tangencia et concernencia modum et formam erigendi et nominandi Pedagogum et Subpedagogum ac approbandi, admittendi et continuandi eosdem sic electos nominatos ab ipsis Gubernatoribus pro tempore existentibus aut majori parte eorundem ut prefertur, Ac eciam quocumque modo concernencia et tangencia ordinacionem, gubernacionem et direccionem Pedagogi et Subpedagogi ac Scolarium Scole predicte pro tempore existencium, et stipendii et salarii ejusdem Pedagogi et Subpedagogi; ac alia eandem Scolam ac ordinacionem, gubernacionem, preservacionem et dispocionem reddituum et revencionum ad sustentacionem ejusdem Scole appunctuatorum et appunctuandorum tangencia et concernencia. Que quidem statua et ordinaciones sic fienda concedimus et per presentes precipimus inviolabiliter observari de tempore in tempus imperpetuum.

Et si vicarius ecclesie parochialis de Gigleswicke predicta pro tempore existens dicta statuta et ordinaciones infringat et non perimpleat juxta intencionem et effectum eorundem, quod tunc pro ista vice bene liceat et licebit aliis dictorum octo Gubernatorum ad tunc existencium unam idoneam personam de inhabitantibus parochie de Gigleswycke predicta magis discreciorem et probiorem in officium unius Gubernatorum possessionum revencionum et bonorum dicte libere Scole grammaticalis eligere nominare et prefato loco dicti vicarii sic infringentis statuta et ordinaciones predicta.

Et ulterius de uberiori gracia nostra dedimus et concessimus, ac per presentes damus et concedimus prefatis modernis Gubernatoribus possessionum, revencionum et bonorum dicte Libere Scole Grammaticalis et successoribus suis, licenciam specialem liberamque et licitam facultatem, potestatem et aucthoritatem, habendi, recipiendi et perquirendi eis et eorum successoribus imperpetuum, ad sustentacionem et manutencionem Scole predicte tam de nobis heredibus vel successoribus nostris, quam de aliis quibuscumque personis et alia persona quacumque, maneria, mesuagia, terras, tenementa, rectorias, decimas, aut alia hereditamenta quecumque, infra regnum Anglie, seu alibi infra dominia nostra dummodo non excedant clarum annuum valorem triginta librarum, ultra dicta mesuagia terras tenementa decimas ac cetera premissa prefatis Gubernatoribus et successoribus suis, ut prefertur, per nos in forma predicta concessa, Statuto de terris et tenementis ad manum mortuam non ponendis, aut aliquo alio statuto, actu, ordinacione seu provisione aut aliqua alia re, causa vel materia quacumque in contrarium inde habito facto, ordinato seu proviso in aliquo non obstante.

Et volumus ac per presentes ordinamus quod omnia exitus, redditus, et revenciones predictorum terrarum tenementorum decimarum et possessionum per presentes concessorum ac imposterum dandorum et assignandorum ad sustentacionem Scole nostre predicte de tempore in tempus convertentur ad sustentacionem et conservacionem Scole predicte et non aliter nec ad aliquos alios usus seu intenciones.