Ang mg̃a moneda ng̃a salapi ug tumbaga ng̃a cachila ug mejicano dili ibutang co cay guipahipus na ug guiilisan sa Conant.
Dunay mg̃a billete ng̃a americano sa Banco ng̃a guibalihan ug doble sa cantidad ng̃a guisulat sa maong mg̃a billete.
Ang mg̃a billete ng̃a Conant guibalihan man ang cantidad ng̃a guibasa sa maong mg̃a billete.
| Sicaualo | Six centavos and two eighths |
| Sicapat | Twelve centavos and a half |
| Cahate | Twenty five centavos |
| Salapi | Fifty centavos |
| Pisus | One peso |
Ang mg̃a pulong: sicaualo, sicapat ug cahate, ug ing̃on man usab, daco, colotio &. dili na unta gamiton sa pagng̃alan sa mg̃a moneda ug sa pagisip sa salapi, cay uala nay hinungdan.
Mg̃a tilimbang̃an ng̃a americano.
Avoirdupois weight:
| Ounce (oz.) | Onza |
| Pound (lb.) | Libra |
| Quarter (qr.) | Arroba |
| One hundredweight (cwt.) | Quintal |
| Ton (t.) | Tonelada |
Ang tonelada may caloha-an ca quintal, ang quintal upat ca arroba, ang arroba caloha-an ug lima ca libra, ug ang libra napolo ug unum ca onza. Quining mg̃a tilimbang̃an guipanaggamit sa pagtimbang sa mg̃a baliguia.