De parte—24. De non—1. Non sinceri—2.
IX.
Confession of a Pardoner.
(Doat, XXVI. fol. 314.)
Anno Domini MCCLXXXIX quinto Kalendas Aprilis, Berengarius Pomilli clericus uxoratus de Narbona predicator questuarius citatus comparuit Carcassone coram fratre Guillelmo de Sancto Secano inquisitore, et juratus super sancta Dei evangelia dicere veritatem, requisitus per dictum inquisitorem sponte recognovit et dixit quod officium questuarii exercuerat pro fabrica pontium et ecclesiarum et pro aliis negotiis triginta annis vel circa in diocesi Carcassone et Narbone et quibusdam aliis. Dixit etiam quod in diocesi Carcassonensi infra annum pluries predicavit publice clero et populo, dum missa solemniter celebrabatur, et inter alia predicavit ut dixit quod qui daret ei pro hospitali Sancti Johannis unam poneriam bladi pro dicta mensura haberet triginta missas. Item dixit quod crux, in qua pependit Dominus Jesus Christus et quam portavit in suis humeris, erat adeo magna et tanti ponderis quod decem homines essent onerati de ea portanda. Item dixit quod cum beata Virgo staret ad pedem crucis, ad preces ipsius crux inclinata est ad eam versus terram, et ipsa osculata est pedes et manus filii sui dum penderet in dicta cruce, et iterato crux se erexit. Dixit etiam quod beata Maria Magdalena quandocumque esset peccatrix et exposita operibus luxurie, non tamen se exponebat hominibus effectu libidinis vel desiderio voluptatis carnalis, sed cum ipsa vocaretur Maria et Christus debebat concipi et nasci de Maria, credebat quod Christum debebat concipere et parere, et se diversis hominibus exponebat. Dixit etiam se predicasse quedam fabulosa de Purgatorio et de liberatione animarum benefacto eleemosinarum et Missarum, que tamen in scriptura reperiuntur, sed dixit se a bonis hominibus audivisse; et ista predicavit in presentia fratris Berengarii de ordinis hospitalis sancti Johannis qui moratur Narbone. Requisitus si predicta que superius scripta sunt credit et credidit esse vera, respondit quod non, sed falsa et mendosa et erronea, sed ea predicavit ut moveret homines quod darent sibi aliquid. Dixit etiam quod predicta predicavit in ecclesiis de Podionauterio, de Aragone, de Villasicca, de Sancta Eulalia, de Comelano, de Monteclaro, de Roffiaco. Inquisitus si intelligit Latinum, respondit quod non. Super quibus petivit penitentiam et indulgentiam quam predictus inquisitor voluerit sibi injungere. Hec deposuit coram predicto inquisitore, presentibus fratribus Petro de Leva, Petro Regis, Joanne de Felgosio, ordinis fratrum predicatorum, et me Raimundo de Malveriis, notario inquisitionis qui hec scripsi et recepi.
INDEX.
ABBREVIATIONS.—Abp. = Archbishop.—Bp. = Bishop.—C. = Council.—exc. = excommunication or
excommunicated.—Inq. = Inquisition.—inq. = inquisitor.