Scilicet in tantis opibus, quas optima Matrum
Terra parit, nil to nisi tristia mandere sævo
Vulnera dente juvat, ritusque referre Cyclopum?
Nec, nisi perdideris alium, placare voracis
Et male morati poteris jejunia ventris?
At vetus illa Ætas, cui fecimus Aurea nomen,
Fœtibus arboreis et, quas humus educat, Herbis
Fortunata fuit: nee polluit ora Cruore.
Tunc et Aves tutas movere per aëra pennas,
Et Lepus impavidus mediis erravit in agris: