O fortuna, tibi quod aperte dicitur audi,
Inconstans animi, que nec es hic nec ibi:
Es facie bina, quarum deformiter vna
Respicit, ex et ea fulminat ira tua;
Altera felici vultu candescit, et ipsi
Hanc qui conspiciunt, prospera cuncta gerunt.
Sic odiosa tua facies et amabilis illa
Anxia corda leuat sepeque leta ruit:100
Ex oculo primo ploras, ridesque secundo,
Ac econuerso, te neque noscet homo.