Monstrat in exemplis anni mutabile tempus,
Quam fortuna suis stat varianda modis.
Non est fortuna talis quin fallat amica,
Dum mentita sue lex regit acta rote.[322]
Hec rota continue per girum de leuitate
Vertitur, et nullo tempore fixa manet:
Hec rota personas mundi non excipit vllas;
Hec rota castigat, soluit, et omne ligat.
Non illam flectis precibus, non munere mulces,
Non nullis lacrimis nemo mouebit eam:180